Vikipediya:Bilirsinizmi/noyabr 2021
Bilirsinizmi arxivi
2014: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2015: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2016: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2017: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2018: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2019: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2020: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2021: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2023: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
2024: Yanvar - Fevral - Mart - Aprel - May - İyun - İyul - Avqust - Sentyabr - Oktyabr - Noyabr - Dekabr
Bu gün 23 aprel 2024, Çərşənbə axşamı (İlin 17. həftəsi); bu an saat 18:51 UTC
- 44. Həftə
Vikipediya məqalələrindən
- Bavariya və Almaniyanın digər yerləri arasında yerləşən yumoristik sərhəd olan Ağ sosiskalar ekvatoru Münhenin mədəni sərvətlərindən olan ağ sosiskaların yayılma arealını nümayiş etdirir.
- ABŞ-ın Portlend şəhərində yerləşən və diametri cəmi 61 santimetr olan Mill Ends Park (şəkildə) dünyanın ən kiçik parkı hesab olunur.
- Oxot dənizində yerləşən Nedorazumeniya adasına dəniz istiqamətində baxdıqda materikin bir parçası kimi göründüyü üçün ada 1910-cu ilə kimi xəritəyə salınmamış və bu anlaşılmazlıq səbəbindən rus dilindən tərcümədə "anlaşılmazlıq" mənasına gələn "nedorazumeniya" sözü ilə adlandırılmışdır.
- 1838-39-cu illərdə baş vermiş Fransa-Meksika müharibəsi Meksikada yaşayan bir fransız şirniyyat aşbazının şikayətindən sonra başladığı üçün Şirniyyat müharibəsi kimi tanınır.
- Londonda yaşamış qadın sahibkar Rut Belvil öz müştərilərinə dəqiq vaxt satması ilə məşhurlaşmışdır.
bax – müzakirə et – redaktə et – tarixçə
- 45. Həftə
Vikipediya məqalələrindən
- Berinq boğazının mərkəzində yerləşən Diomid adalarının (şəkildə) arasında cəmi 4 km məsafə olsa da, müəyyən edilmiş vaxt zonalarına görə iki ada arasında 21 saat fərqi var. Buna görə bu iki adanı Sabah adası və Dünən adası da adlandırırlar.
- Rusiyada yerləşən Yəhudi Muxtar Vilayətində əhalinin ancaq 1%-i yəhudidir.
- İtaliyada il ərzində ümidləri doğrultmayan, biabırçı səviyyədə çıxış edən futbolçulara verilən Qızıl unitaz mükafatının ilk qalibi Rivaldo olub.
- Adam Rayner tarixdə qeydə alınan yeganə şəxs olub ki, həm karlik, həm də qiqant olub. 19 yaşında boyu 111,5 santimetr olsa da, 51 yaşında boyu 235 santimetr olmuşdur.
- 1992-ci ildən Finlandiyanın Sonkayarvi şəhərində keçirilən Arvad daşıma üzrə Dünya çempionatında qalibə qadının çəkisi qədər pivə verilir.
bax – müzakirə et – redaktə et – tarixçə
- 46. Həftə
Vikipediya məqalələrindən
- 27 avqust 1896-cı ildə baş vermiş İngilis-Zənzibar müharibəsi cəmi 38 dəqiqə davam edib.
- Koreya mətbəxinə aid olan sannakçi yeməyi, doğranmış halda olsa da, hərəkət etməyə davam edən səkkizayaqlının ətraflarından hazırlanır.
- 2014-cü ildə insan hüquqları müdafiəçiləri Koreyaca Vikipediyanın nüsxələrini şarlar vasitəsilə Şimali Koreyaya yollamağa cəhd etmişdilər.
- Beş yaşında ikən Hovard Lavkrafta (şəkildə) Santa Klausun mövcud olmadığı deyiləndə, o, bunu "bəs niyə tanrı da mif hesab olunmur?" sualı ilə cavablandırmışdı.
- .nu internet kodu Niue adalarına məxsus olsa da, İsveç və Danimarkada daha populyardır, çünki həmin ölkələrdə "nu" sözü "indi" mənasına gəlir.
bax – müzakirə et – redaktə et – tarixçə
- 47. Həftə
Vikipediya məqalələrindən
- Tuvalu hökumətinin illik gəlirinin 10%-ini .tv domen adından gələn ödənişlər təşkil edir.
- 2015-ci ildə Tbilisidə baş vermiş daşqın zamanı Tbilisi zooparkından qaçan bir eynəkli pinqvin Kür çayı ilə 60 km üzərək Azərbaycan sərhədinə çatmışdı.
- Sevilyalı İsidor (şəkildə) ensiklopediyaların banisi hesab olunduğu üçün bəzi müasir dövr katolikləri tərəfindən internetin himayəçisi olaraq qəbul olunur və bir sıra ölkələrdə onun ölüm tarixi internet günü kimi qeyd olunur.
- İngiltərənin Mançester şəhərinin adının Mamutsium qəsrinin adından gəldiyi güman olunur və fərziyyəyə görə bu söz kelt dilində "döş formalı təpə" mənasına gəlir.
- Əslən banqladeşli olan Yaponiya fotomodeli Rola atası tərəfindən müsəlman tərbiyəsi alsa da, atası donuz əti yeməsinə icazə verib.
bax – müzakirə et – redaktə et – tarixçə
- 48. Həftə
Vikipediya məqalələrindən
- Əfsanəyə görə Qaraçay-Çərkəz Respublikasında yerləşən Bal şəlalələrinin adı şəlalənin töküldüyü qayalardakı arı yuvalarından yaranmışdır; yaz daşqınları zamanı şəlalənin suyu yuvalardakı bal ilə qarışaraq şirin olmuşdur.
- Mərakeşin Afrika sahillərində yerləşən Penon-de-Veles-de-la-Qomera yarımadası İspaniyanın suveren ərazisi olsa da, burada 60 ispan hərbiçisindən başqa heç kim yaşamır.
- Şotlandiyada yerləşən və dünyanın ən kiçik küçəsi olan Ebenezer-pleys (şəkildə) cəmi 2,06 metr uzunluğundadır və sadəcə bir evin divarını əhatə edir.
- Azərbaycanda pivəni "narıncı qızıl" adlandırırlar.
- Amazon şirkətinin ilk adı Cadabra olsa da, bu söz "cadaver" (cəsəd) sözünə oxşadığı üçün bir neçə ay sonra şirkətin adı indiki halını almışdır.
bax – müzakirə et – redaktə et – tarixçə