Jak Nekker — cenevrəəsilli bankir, maliyyəçi və dövlət xadimi, XVI Lüdovikin hakimiyyəti dövründə Fransanın maliyyə naziri. İslahatçı xarakteri ilə seçilən Nekkerin tətbiq etdiyi yeniliklər bəzən böyük narazılıqlara səbəb olmuşdur. O, konstitusiyalı monarxiya tərəfdarı, siyasi iqtisadçı və moralist kimi qanun qarşısında bərabərlik prinsipini kəskin tənqid edən əsərlər yazmışdır.
Nekker maliyyə naziri vəzifəsini ilk dəfə 1777-ci ilin iyul ayı ilə 1781-ci il arasında icra etmişdir. O, 1781-ci ildə dövlət büdcəsini ictimaiyyətə açıqlayan "Compte rendu" hesabatını dərc etdirmək barədə görünməmiş bir qərar qəbul edərək geniş şöhrət qazanmışdır.
