Vikipediya:Həftənin yaxşı məqaləsi/iyun 2026

Həftənin yaxşı məqaləsi arxivi

2027: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2026: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2025: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2024: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2023: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2022: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2021: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2020: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2019: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2018: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2017: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2016: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2015: Yanvar –Fevral –Mart –Aprel – May – İyun – İyul – Avqust – Sentyabr – Oktyabr – Noyabr – Dekabr

Bu gün 16 iyun 2026, Çərşənbə axşamı (2026 ilinin 25. həftəsi); bu an saat 00:40 (UTC)
(yenilə) Keşi təmizlə

23. Həftə

İsveçrədə Holokostun inkarı — İsveçrədə Holokostun mahiyyətini qəbul olunmuş tarixşünaslıq çərçivəsində göstərildiyi formada azaldılması və ya inkar edilməsi. Bu kontekstdə inkarçılar Holokostun üç əsas aspektini ya inkar etmiş, ya da azaldmışdı. Bunlara altı milyon yəhudinin öldürülməsi, sistemli məhv üsulları, o cümlədən qaz kameralarının istifadə edilməsi, nasistlərin yəhudiləri tamamilə məhv etmək niyyəti aiddir. Holokostun inkar edilməsi İsveçrədə İkinci Dünya müharibəsinin bitməsindən dərhal sonra başlamışdır. Azsaylı olmasına baxmayaraq, isveçrəli inkarçılar Almaniya və Fransada olan inkarçılar üçün ədəbiyyat nəşr etmiş, onları yaymış və beləliklə, mühüm "poçt qutusu" rolunu oynamışdır, çünki bu ölkələrdə belə fəaliyyət qadağan olunmuşdur. 1995-ci ildə "İrqçiliyə qarşı qanun"un qəbul edilməsindən sonra İsveçrə hakimiyyəti inkarçılara qarşı aktiv cinayət təqibi aparmağa başlamışdır. Ölkədə inkarçılara qarşı ən böyük məhkəmə işi Yurgen Qraf işidir.

(Davamı...)

bax – müzakirə et – redaktə et – tarixçə

24. Həftə

Azərbaycan mədəniyyətində seksuallıq və erotika — insan seksuallığının və erotikanın Azərbaycan mühitində, cəmiyyətində, mədəniyyətində, adət-ənənələrində və digər sahələrdə təzahür formalarını əhatə edir. Azərbaycanlılar daxil olmaqla bir çox Qafqaz etnik qruplarında 14–15 yaşlı qızların evdən təkbaşına çıxmasına əvvəllər icazə verilmirdi. İndi dövrdə Qafqazın bir çox icmalarında evləndikdən sonra qızların bakirəliyinin evləndiyi bəy tərəfindən gərdək gecəsində pozulması adəti qorunur. Azərbaycan, Ermənistan və Gürcüstanda aparılan tədqiqatlar göstərir ki, respondentlərin 50 faizi qadınların evlənmədən əvvəl cinsi təcrübə yaşamasını qəbuledilməz hesab edir, yalnız 7 faizi isə kişilər üçün eyni təcrübəni qəbuledilməz hesab edir.

(Davamı...)

bax – müzakirə et – redaktə et – tarixçə

25. Həftə

Azərbaycan–Şərqi Asiya mədəni əlaqələri — Azərbaycanın müxtəlif Şərqi Asiya xalqları və ölkələri ilə mədəni əlaqələri. Çini Avropa ilə birləşdirən Böyük İpək yolu müasir Azərbaycan ərazisindən keçmişdir. Bu yol mədəniyyətlərarası mübadilədə vacib rol oynayırdı. Naxçıvan-Təbriz yolu və Ərdəbil marşrutu müasir Azərbaycan ərazisini Böyük İpək Yolu ilə birləşdirirdi. Xəzər dənizi bölgələri İpək Yolu üzərindəki Qafqaz marşrutları boyunca ticarət, iqtisadiyyat və mədəniyyət əlaqələrinin yaranması üçün xüsusi əhəmiyyətə malik idi.

Buddizmin Azərbaycanda monqol hakimiyyəti dövründə qısa bir müddət üçün mövcudluğu, iki əsrə yaxın müddətdə uyğur əlifbasının dövlət səviyyəsində tətbiq edilməsi və yayılması, Çin rəssamlıq ənənələrinin bölgə müsəlmanları və xristianlarının bədii və tətbiqi yaradıcılığına nüfuz etməsi ümumilikdə Azərbaycanda və Cənubi Qafqazda daha plüralist mədəniyyətin formalaşmasına öz töhfəsini vermişdir. (Davamı...)

bax – müzakirə et – redaktə et – tarixçə

26. Həftə

Bəttani — hazırda Suriya ərazisində yerləşən Rəqqə şəhərində yaşamış və fəaliyyət göstərmiş ərəb müsəlman astronomu, astroloqu, coğrafiyaşünası və riyaziyyatçısı. O, orta əsr islam dünyasının ən böyük və ən məşhur astronomlarından biri hesab edilir.

Bəttaninin elmi əsərləri Qərbdə elmin və xüsusilə astronomiyanın inkişafında mühüm rol oynamışdır. Onun təxminən 900-cü ilə aid edilən "Kitab əz-Zic əş-Şabi" adlı əsəri Ptolemey ənənəsi əsasında tərtib edilmiş, hindu və ya Sasani astronomiyasının təsirindən, demək olar ki, kənarda qalmış ən qədim mövcud zic (astronomik cədvəl) kimi qiymətləndirilir. (Davamı...)

bax – müzakirə et – redaktə et – tarixçə

27. Həftə

Əli Yusif — azərbaycanlı şair, siyasətçi, Cümhuriyyət tələbəsi, Gizli Müsavatın Mərkəzi Komitəsinin üzvü, repressiya qurbanı.

11 yaşından etibarən mətbuatda tərcümələri və şeirləri ilə çıxış edib. Azərbaycan Cümhuriyyəti qurulduqdan sonra hökumətin İşlər İdarəsində draqoman kimi işləməyə başlayıb. "Yaşıl Qələm" cəmiyyətinin idarə heyətinin və Azərbaycan Cümhuriyyətinin rəsmi dövlət qəzeti olan "Azərbaycan" qəzetinin redaksiya heyətinin üzvü olub. Azərbaycan Cümhuriyyəti Parlamentinin xüsusi qərarına əsasən, dövlət hesabına ali təhsil almaq üçün xaricə göndərilib. Parisdə yerləşən Siyasi Elmlər Məktəbində ali təhsili alıb. (Davamı...)

bax – müzakirə et – redaktə et – tarixçə