Vikipediya:Kənd meydanı/Arxiv/İyun/2019

Vikipediya, açıq ensiklopediya
Jump to navigation Jump to search

Wikimedia.az saytı

Dəyərli vikipediyaçılar, hal hazırda "Azərbaycan Vikimediyaçıları" istifadəçi qrupuna aid olan Wikimedia Azərbaycan saytı üzərində işləyirik. Saytın dizayn və funksiyaları ilə bağlı təkliflərinizi öyrənmək istərdik. Dizayn seçimi ilə bağlı kiçik bir səsvermə təşkil etmişik. Lütfən hər biriniz səsvermə keçidindəki saytlara bir bir baxaraq bəyndiyinizə səs verin. Nümunələr digər ölkələrin istifadəçi qruplarına aid olan saytlardır. Təbii ki, seçilən dizayn tam olaraq eyni olmayacaq, sadəcə görünüş və funksiyalarına görə bənzər olacaq. Səs verdikdən sonra əlavə fikirlərinizi bu başlığın altında qeyd edə bilərsiniz. Yeri gəlmişkən qeyd edim ki, "Azərbaycan Vikimediyaçıları" istifadəçi qrupu inkişafı və stabil fəaliyyəti üçün bəzi işlər görməyə başlamışıq. Yaxın günlərdə istifadəçi qrupu üçün 5 nəfərdən ibarət İdarə komitəsi seçiləcək (əksər istifadəçi qruplarında olduğu kimi). İdarə komitəsinin üzvü olmaq könüllü olacaq və azvikipediyadakı statusundan asılı olmayanhər kəs bu komitənin üzvü ola bilərəcək. Sadəcə bəzi şərtlər və müraciət formu olacaq. Növbəti mərhələdə isə azviki istifadəçiləri bu 5 nəfər arasından bir nəfəri səsvermə ilə istifadəçi qrupunun rəhbəri seçiləcək və hər il rəhbərlik üçün səsvermə təşkil olunacaq. 1 rəhbər və 4 idarə heyətinin üzvü olacaq şəxslərin online vikipediyada heç bir xüsusi hüququ və ya vəzifəsi olmayacaq. İdarə komitəsi azvikipediyanın offline təbliği, inkişafı, müəyyən layihələrin hazırlanması, təşkilatçılıq və s. işlər görəcəklər. Bütün bunnlar və digər yeni planlar barədə yaxın gələcəkdə ətraflı məlumat veriləcək. Hələlik ilk olaraq istifadəçi qrupumuzun saytı barədə müzakirə edək. Hörmətlə --eldarado 16:48, 3 iyun 2019 (UTC)

Eldarado sadəcə möhtəşəm ! Sənə eşq olsun ki, belə vacib bir işin məsuliyyətini öz üzərinə götürmüsən. "Azərbaycan Vikimediyaçıları" istifadəçi qrupunun rəsmi saytının olması çox vacibdir. Hesab edirəm ki, icma istənilən xarici tədbirdə təmsil olunan zaman həmin sayt bizim əsas vizit kartımız rolunu oynaya bilər. Saytda, Vikimedia hərəkatı ilə bağlı məlumatlar, müsahibələr, Azərbaycanda vikipediyanın vəziyyəti ilə bağlı yazılar, araşdırma yazıları, xəbərlər, təlimlər və düşərgələr barədə məlumatlar yerləşdirilə bilər. Əgər əlimizin altında sayt olsa inanıram ki, orada redaktor olmaq istəyən şəxslərin də sayı az olmayacaq. Saytın yaradılmasında hansısa maddi dəstək tələb olunursa, öz adıma bildirim ki, əlimdən gələn köməkliyi bank vasitəsi ilə göstərməyə hazıram. Wikimedia.az saytına daxil olan zaman ekrana çıxan geri sayım belə adamı həyəcanlandırmağa kifayət edir. Mənim ən çox xoşuma gələn wikimedia.at saytı oldu. Vizual baxımdan sadə və gözəl görünür. Bir digər təklifim isə "Azərbaycan Vikimediyaçıları" istifadəçi qrupunun İdarə Komitəsi ilə bağlıdır. Təklif edirəm ki, sözügedən komitə 1 illik yox, 2 illik müddətə seçilsin və komitə sədri həmin 5 nəfərin öz qərarı ilə təyin olunsun. İdarə komitəsi üçün 2 hissəli seçki keçirmək bir az vaxt itkisinə və qarışıqlığa səbəb olacaq. Bir daha xatırladım ki, saytın açılmasını çox mühüm addım hesab edirəm və bunun üçün əlimdən gələni etməyə hazıram. Eldarado sizə dərin hörmətlə:--Baskervill (müzakirə) 03:34, 4 iyun 2019 (UTC)
Hörmətli Baskervill, xoş sözlər üçün təşəkkür edirəm. Dediyiniz kimi də etmək olar, yaxın zamanda geniş müzakirə edərik. Hörmətlə --eldarado 22:01, 4 iyun 2019 (UTC)
Eldarado məsuliyyətli bir işin bir hissəsiniz. Mənim ən çox xoşuma gələn wikimedia.ch saytı olsa da daha fərqli formatda nələrisə düşünmək olar. Bu işdə ən azından biz də bu işi görən komandaya əlimizdən gələn köməyi etməyə hazırıq. Pis yaxşı iki saytı idarə edirik. Ümid edirik ki, hazırlanacaq yeni sayt Azərbaycan viki icmasına çox faydalı olacaq. Bu işdə sizə uğurlar arzu edir və gərək olarsa köməyimizi təklif edirik. Hörmətlə, --Elnur Neciyev (müzakirə) 16:46, 12 iyun 2019 (UTC)
Ancaq uğurlar arzulayıram.--Azerifactory (müzakirə) 20:25, 12 iyun 2019 (UTC)

Vikimübaliğə qaydaları üzrə səsvermə

Salam əziz həmkarlar! Sizi burada keçirilən səsverməyə dəvət edirəm. Önəmli bir mövzu olduğundan Kənd meydanına çıxarıram. --► Hörmətlə: A¥×aᚢ Zaÿïþzaþ€(hail sithis!) 12:52, 6 iyun 2019 (UTC)

İstifadəçi Elshad Iman (Elşad İman)-un bloku ilə bağlı müzakirə

VP:BNSVP:SNS

Hər kəsə salam. Dostlar, mənim VP:BNS-lə bağlı çox vacib bir təklifim var və sizin də təkliflər səsləndirməyinizi və ya rəy bildirməyinizi xahiş edirəm. Mən təklif edirəm ki, hansı məqalə VP:BNS-ə çıxarıldısa həmin məqalənin müzakirə səhifəsi mütləq bərpa olunsun. Müzakirə nəticəsində məqalənin silinməsinə qərar verilsə belə o məqalənin müzakirə səhifəsi silinməsin. Çünki həm müzakirə səhifəsinin qalması yaxşı haldır (yəni ki bunun heç bir zərəri yoxdur, əksinə heç bir vikiqaydaya zidd deyil), həm də məqalənin silinməsinə qərar verilsə qoy bununla bağlı şablon yerləşdirilsin o məqalənin müzakirə səhifəsinə ki, "filan tarixdə filan müzakirə ilə bu məqalənin silinməsinə qərar verilib". Və hansısa daha əvvəl müzakirə ilə silinmiş bir məqaləni bunu bilməyən hansısa bir istifadəçi müzakirədən bu xəbərdarlıq-məlumatlandırma şablonunu görüb məqaləni yaratmaq fikrindən imtina edə bilər ki, bu da hansısa yarana biləcək mənasız bir müzakirənin başlamamasına və ya o istifadəçi bu hərəkətinə bloklana bilərsə, bloklanmamasına səbəb olacaq. Bundan əlavə təklif edirəm ki, VP:BNS-dəki müzakirə bitənə qədər məqalənin özü də ya bərpa olunsun, ya da "Vikipediya:Qaralama/VP:BNS-də müzakirəsi gedən məqalənin adı" şərti adı formasında məqalə müvəqqəti bərpa edilsin. Çünki hansı məqaləni ki müzakirə edirik, rəy bildirən bilsin ki, hansı məqaləyə rəy bildirir. İndiki halda biz mücərrəd bir məqaləni müzakirə edib silinmiş qalmasına və ya bərpa olunmasına səs veririk. Bir mühüm şeyi də qeyd edim ki, Vikipediyada təkcə qeyri-ensiklopedik olan məfhumlar yox, həm də bərbad həddə qaralama halında olan məqalələr də müzakirə ilə silinir. Bu şeyə görə də VP:BNS-də müzakirəsi gedən məqaləni mütləq görə bilməliyik. Çünki mümkündür ki, bir məqalə məfhumca ensiklopedik olsun, amma məzmunca isə yox. Bunu da ancaq məqaləni görməklə bilə bilərik.
Digər bir təklifim isə həm VP:BNS, həm də VP:SNS ilə bağlıdır. Belə ki, təklif edirəm ki, hər 2 layihədəki müzakirələr eynilə VP:L, VP:YMN, VP:SMN, VP:SSN layihələrindəki kimi müstəqil başlıqlar altında olsun (Məsələn bu cür: Vikipediya: Silinməyə namizəd səhifələr/Filan məqalə) və müstəqil formada da arxivləşdirilsin. Belə olanda həm idarəçilərə də o müzakirəni arxivləşdirmək rahat olar, həm arxivləşdirmə prosesi zamanı tarixçə silinməz, həm silinmə və ya bərpa müzakirəsi getmiş məqalənin həmin müzakirəsini Vikipediyanın əsas ümumi axtarışından tapmaq asan olacaq, həm də məqalənin müzakirə səhifəsində şablon qoyanda ki, "bu məqalə filan müzakirə ilə silinib" və ya "bərpa edilib" bu sözlərdən o müzakirələrə birbaşa keçid qoymaq olacaq. Qeyd edim ki, bu 2-ci abzasda qeyd etdiyim təkliflərim digər əksər aktiv vikipediyalarda var. Təşəkkürlər.--samral müzakirə 17:43, 8 iyun 2019 (UTC)

İlk təklif ilə razıyam. İndiki halda istifadəçilər məqaləni dəyərləndirməkdə çətinlik çəkirlər. Lakin ikinci təklif ilə razı deyiləm. Yəni heç bir önəmi yoxdur. Əksinə qarışıqlıq yaranacaq. Bir səhifədə yerləşməyi daha yaxşıdır. Tarixçələrdə əslində silinmir SNS səhifəsinin tarixsində qalır hamısı. Hörmətlə--eldarado 09:45, 10 iyun 2019 (UTC)

İlk təkliflə razıyam.--Maqamedd (müzakirə) 06:43, 15 iyun 2019 (UTC)

Qondarma erməni soyqırımı məqaləsinin adının dəyişdirilməsi

Hamıya salam. Metada stüardla edilmiş müraciət əsasında, Qondarma erməni soyqırımı adlı məqalə erməni soyqırımı formasında dəyişdirilib. Hesab edirəm ki, Azərbaycan cəmiyyəti üçün həssas olan bir mövzudakı məqalənin adını bir toxunuşla dəyişdirilməsi yol verilməz addımdır və ən azından bizə bu barədə bir məlumat verilməli idi. Məqalənin adının bir başa erməni soyqırımı formasında dəyişdirilməsinin bir digər səbəbi isə erməni adlı bir istifadəçinin idarəçi Araz Yaquboglu tərəfindən bloklanmasıdır. Araz bəy, zəhmət olmasa müvafiq səhifədə adınızın işarələndiyi yerə öz fikirlərinizi əlavə edin ki, metada olan şəxslər üçün qaranlıq məsələ qalmasın. Nicat49, Eldarado, Azerifactory, Toghrul Rahimli və digər yoldaşlar da fikirlərini bildirsə yaxşı olardı.--Baskervill (müzakirə) 02:17, 12 iyun 2019 (UTC)

Belə məsələlərdə local cəmiyyətin qərarı daha önəmlidir. Məqalənin adı ilə bağlı local səsvermə keçirib, cəmiyyətin qərarına uyğun məqalənin adı dəyişdirilməli və daha sonra stüardın vikicəmiyyətimizin qərarını öyrənmədən məqalə adına müdaxilə etdiyi üçün fonda şikayət müraciəti etməliyik. Hörmətlə --eldarado 10:47, 12 iyun 2019 (UTC)
Baskervill mən ingiliscə bilmədiyimdən müzakirədə iştirak edə bilmirəm. Erməni istifadəçi Հովտար Qondarma erməni soyqırımı məqaləsinin adını dəyişməyə cəhd edərkən yanlışlığa yol vermişdi. Mən də onun redaktəsini geri qaytardım və 48 saat da blok etdim. "Qondarma erməni soyqırımı" adlanmasında kifayət qədər mənbələr var və bizim KİV-lərdə də belə gedir. --Araz Yaquboglu (müzakirə) 14:57, 12 iyun 2019 (UTC)
Mən nə edirəm, oradakı ermənitərəf istifadəçilər üstümə yalandan şər atırlar. Kaliforniyada qlobal adminlərlə dostluq edən klonlar, məni yalandan klon adlandırır və adminlər də onların fitfəsinə gedirlər. Bu ədalətsizlik məni bezdirib.--Azerifactory (müzakirə) 20:22, 12 iyun 2019 (UTC)
Hesab edirəm ki, məsələni şişirdib problem yaratmaq lazım deyil, bu yolla biz onların qazanına su tökürük və lazımsız yerə mövzunu gündəmmə gətiririk (ermənilər üçün məsələnin gündəmə gətirilməsi və gündəmdə qalması vacibdir). Məqalənin adı ümumi standarta uyğunlaşdırılıb və bu normal haldı məncə. Lakin, məqaləni redaktə edib həm məzmununda, həm də preambulasında, hadisənin Azərbaycandili KİV-də həm də "Qondarma Erməni soyqırımı" kimi tanınması xüsusi göstərilməlidir. Hörmətlə --sefer azeri 21:25, 12 iyun 2019 (UTC)
Sefer azerinin fikirlərinə şərikəm.--Nicat49   müzakirə 16:50, 13 iyun 2019 (UTC)
Qondarma erməni soyqırımı adını Erməni soyqırımı kimi dəyişmək düz deyil, bu bir vaxtlar müzakirə də olunub, AzVikidə nəyin necə adlanması bizim öz seçimimiz olmalıdır, ingliscə nəyi müzakirə ediblər? --Melikov Memmedemail 09:47, 14 iyun 2019 (UTC)
Sefer azeri ilə tamamilə razıyam. Bizim KİV-lərdə belə gedib deyə bizdə burda durub Qondarma sözünü istifadə edə bilmərik. Tanınmayan və ya qismən tanınan dövlətlər siyahısına daxil olan bütün dövlətləri qondarma qəbul etmiriksə bunu da edə bilmərik. Bizim KİV-lərdə bunların da qondarma olması ilə bağlı yazılar var. Bu əsas ola bilməz. --Drabdullayev17 (müzakirə) 10:08, 14 iyun 2019 (UTC)
Elə isə "erməni" sözü də qondarmadır, özləri "hay" deyir, dünya da "armenian". --Melikov Memmedemail 10:18, 14 iyun 2019 (UTC)

Tanınmayan dövlət adları

Mən bu gün Qondarma Dağlıq Qarabağ Respublikası məqaləsinin adındakı Qondarma sözünü yığışdırdım. Məna vermir – əsas məzmundur, ad yox. Bizimkindən başqa heç bir vikidə "Qondarma" sözü işlənmir. Həmçinin, Azərbaycanın tanımadığı bəzi dövlətlər də var. Onlar haqda olan məqalələrə niyə "Qondarma" sözü yerləşdirmirik? Qondarma Kosovo Respublikası, Qondarma Somalilend Respublikası və s. Rəsmi adı Dağlıq Qarabağ Respublikası gedir ki, bu adı Artsax Respublikası etdilər. Məqalənin adının "Dağlıq Qarabağ Respublikası" olaraq qalması üçün səs çoxluğu istəyirəm. Buyurun. --► Hörmətlə: A¥×aᚢ Zaÿïþzaþ€(hail sithis!) 06:37, 13 iyun 2019 (UTC)

Fikrə dəstəyəm. Bu iradı deyəsən bir neçə il əvvəl bildirmişdim.--127-ci yapon imperatoru 12:20, 15 iyun 2019 (UTC)

Məndə həmfikirəm.--Maqamedd (müzakirə) 06:02, 19 iyun 2019 (UTC)

Erməni dilli Vikipediyada Azərbaycan xəritəsi

Erməni dilli Vikipediyada Azərbaycan xəritəsinə Dağlıq Qarabağ daxil edilməyib. Bu yalnız bir Vikipediyada mövcuddur. Bununla bağlı metaya müraciət etmişəm. Xahiş edirəm məsələni diqqətdə saxlayasınız. --Drabdullayev17 (müzakirə) 07:17, 12 iyun 2019 (UTC)

Əla təşəbbüsdür, bu məsələdə də stüardların müdaxilə etməsinə nail olmaq lazımdır. Hörmətlə --sefer azeri 21:27, 12 iyun 2019 (UTC)
Bu tip müzakirələrdə də dəqiq bir şey demək olmur. Onlar rahatca ermənidilli mənbələri əsas kimi gətirərək bu işi öz xeyirlərinə həll edə bilərlər. Bir şey də var ki, bir ölkənin hansısa dövləti tanımaması həmin ölkədə istifadə olunan dilin vikipediyasında da eyni əsasla məqalələrdə də həmin dövləti dövlət kimi saymaması düzgün deyil. Axı, məsələn, Böyük Britaniya hansısa dövləti tanımasa belə, rəsmi dili ingilis dili olan bir çox ölkə var. Britaniyalılara görə digər ölkələrin adından yazmaq düzgün deyil. Buna görə deyirəm ki, bu tip məsələlərdə dəqiq bir şey demək də olmur. -- Hüseynzadə (müzakirə) 19:33, 13 iyun 2019 (UTC)
Dəstəkləyirəm. Əla təşəbbüsdür. Bu məsələni düşünürəm kökündən həll etmək mümkün olacaq.--Q🅾⚓Ç🅾Ⓜ🅰Q 19:56, 13 iyun 2019 (UTC)
Müzakirəni aktiv saxlamaq lazımdır.--Turkmen müzakirə 12:15, 14 iyun 2019 (UTC)

"MINSK-2019" medalları

Salam dostlar (NMW03, Toghrul Rahimli, Eldarado, Interfase, Azerifactory, Araz Yaquboglu, Sortilegus, Wertuose, White Demon, Sefer azeri). bu, bubu medalların üzərində II Avropa Oyunlarının loqosu olan versiyası lazımdır. Kim hazır edə bilər ? Oyunların loqosu budur. Amma loqonun aşağısında olan Avropa Oyunlarının loqosu lazım deyil, yəni dairəvi loqo lazım deyil. Bu loqodan istifadə edin. CalalC99(mesaj) 12:08, 15 iyun 2019 (UTC)

CalalC99(mesaj) zəhmət olmasa kənd meydanında şablon tələbləri ilə bağlı yeni müzakirələr açma. Təcili və zəruri hesab etdiyin şablonlarla bağlı, bu işi bacara biləcəyini düşündüyün istifadəçi və ya idarəçilərin bir başa müzakirə səhifəsinə yazmağını tövsiyyə edirəm. Artıq iki dəfə oxşar məzmunlu başlığı eyni gündə yaratmısan, üçüncü dəfə eyni səbri göstərə biləməyəcəyimi üzüntü ilə bəyan edirəm. Yəgin ki, söhbətin nədən getdiyini başa düşdün əziz dostum :) --Baskervill (müzakirə) 23:27, 15 iyun 2019 (UTC)
CalalC99 bu cür xahişləri mənim səhifəmə bildirə bilərsiniz, Kənd Meydanında daha böyük məsələlər müzakirə olunur. Faylları hazırladım. Kompüterimdə vektor redaktoru olmadığı üçün PNG formatında etdim: qızıl, gümüşbürünc.--Toghrul Rahimli (müzakirə) 06:08, 16 iyun 2019 (UTC)

Şablon

Salam dostlar. Kimsə bu şablonu yenidən qura bilər ? Xahiş edirəm, qulaq asan yoxdur. Şablonu yığmağı öyrənsəydim, bura yazmazdım. CalalC99(mesaj) 21:32, 15 iyun 2019 (UTC)

CalalC99(mesaj) deyəsən yenə yavaş-yavaş köhnə xasiyyətlərinə doğru qayıdırsan. Vikipediyada hamı könüllü əsaslarla fəaliyyət göstərir və heç kim, heç kimin xahişinə qulaq asmaq məcburiyyətində deyil. Sırf sənin tələblərin əsasında istifadəçi və idarəçilər tərəfindən bir necə şablonun yaradıldığına şahidlik etmişəm. Bura hər hansısa mobil operatorun müştəri xidmətləri deyil və ən salamatı şablon formalaşdırmağı özün öyrənməlisən ki, hər dəfə insanlara eyni məzmunlu müraciətlərlə çıxış etməyəsən. Yaxşımı bəy ? --Baskervill (müzakirə) 23:25, 15 iyun 2019 (UTC)
Hörmətli CalalC99, bu şablonun indiki vəziyyəti elə də pis deyil. Siz ingiliscədəki qarşılığını istəyirsiniz, amma onun tərkibinə baxın, necə uzundur. Onları bir-bir sınaqdan keçirmək lazımdır. Bu da uzun zaman tələb edir. Gələcəkdə onu tamamilə yenidən yığaram, amma ondan öncə bu siyahıdakıları tamamlamağım lazımdır.--Toghrul Rahimli (müzakirə) 05:35, 16 iyun 2019 (UTC)
Köhnə xasiyyətlərimə qayıtmayım? :-)
Toğrul bəy, mən demirəm ingilis dilli ViKi-də olan tipdə edin. Hal-hazırda olan versiya işləmir. Faiz və səs bölmələrinə baxın. CalalC99(mesaj) 07:08, 16 iyun 2019 (UTC)

{{Xoşgəldiniz}} şablonu

Qeyri rəsmi, amma akademik transliterasiya

AMEA yaratdığı saytında hələlik ancaq 4 dil üçün transliterasiya standartları var. Transliterasiya standartı olmayan, İtalyan dili üçün (məsələn) bu cür yazı işləri işlətmək olar mı? Standart deyil, amma akademik bir mənbədir. --Мурад 97 (müzakirə) 19:19, 17 iyun 2019 (UTC)

Akademik mənbədirsə, olar. Bu arada yapon və koreya dilləri üçün nəsə cədvəl var oralarda? :)--127-ci yapon imperatoru 11:24, 18 iyun 2019 (UTC)
Мурад 97 sayt işləmir axı. --Drabdullayev17 (müzakirə) 12:32, 18 iyun 2019 (UTC)
  • White Demon, AMEA heçnə eləmir, ancaq vədlərini ildən ilə təkrar edir. Əgər bu cür yazıları işlətmək olar, Dillər Universitetdən tanıdığım işçiləriynən danışa bilərəm bundan, bəlkə birgə nəsə eləyə bilərik. Amma, hələlik vaxtım yox. --Мурад 97 (müzakirə) 13:34, 18 iyun 2019 (UTC)
  • Drabdullayev17 qeydi keçmək lazım, ona görə. --Мурад 97 (müzakirə) 13:34, 18 iyun 2019 (UTC)
Мурад 97 qeydiyyat yeri də yoxdur axı.--Drabdullayev17 (müzakirə) 13:45, 18 iyun 2019 (UTC)
Drabdullayev17, bura saytın baş səhifəsidir: https://www.academia.edu/ . Orda e-mail, Google ya da FaceBook hesabı ilə qeydiyyətdən keçmək üçün düymələr var.--Мурад 97 (müzakirə) 13:49, 18 iyun 2019 (UTC)

Notrdam kilsəsinin qozbeli yoxsa Paris Notr-Dam kilsəsi (roman)?

Hörmətli və dəyərli həmkarlar,

İlk öncə onu qeyd etmək istəyirəm ki, şəxsi olaraq əsərlə bağlı ciddi araşdırma aparıram və araşdırmalardan məqalə üçün də istifadə edib nəticədə məqaləni zənginləşdirməyi düşünürəm. Düşünürəm ki, qeyd edilən məqalənin adı dəyişdirilməlidir. Təbii ki, bu mənim şəxsi fikirimdir. Lakin bu fikri irəli sürməyimə əsas səbəb, Azərbaycan ədəbiyyatında bu əsərin adının məhz, "Paris Notr-Dam kilsəsi" olaraq keçməsidir. Dilimizə uyğunlaşdırılan yeganə tərcümə, Mikayıl Rəfilinin rus dilindən tərcüməsidir. Yusif Vəzir Çəmənzəminlinin redaktəsi ilə 1936-cı ildə nəşr edilib və "Paris Notr-Dam kilsəsi" olaraq adlandırılıb. Bu nəşr əsasında əsər bir neçə dəfə təkrar nəşrə hazırlanıb və ad dəyişilməz olaraq qalıb. Əsər müxtəlif dillərdə fərqli adlarla nəşr edilib. Orijinal dildə isə əsərin adı "Notre-Dame de Paris"-dir...

Dərin hörmət və sevgi ilə Patriot Kur (müzakirə) 21:59, 17 iyun 2019 (UTC)
Fikirləriniz məqalənin zənginləşməsinə xidmət edəcək:
Əsərin adı "Paris Notr-Dam kilsəsi" olmalıdır. Bizdə kitab o adla buraxılıb.--127-ci yapon imperatoru 11:20, 18 iyun 2019 (UTC)
Deyilən fikirlərlə razıyam. Hörmətlə --eldarado 11:56, 18 iyun 2019 (UTC)

Dağlıq Qarabağ Respublikası və Erməni soyqırımı məqalələrinin adları ilə bağlı yekun səsvermə

Salam hörmətli vikicəmiyyət. Hər birinizi buradakıburadakı səsvermələrdə iştirak etməyə dəvət edirəm. Hörmətlə --eldarado 11:06, 20 iyun 2019 (UTC)

Vikipediyaya marağın azalması

Salam əziz idarəçilər və Vikipediya istifadəçiləri. Bu gün burada belə bir mövzu açmağımın səbəbi, Vikipediyadaki aktivliyin çox aşağı olması və məqalə yaradan istifadəçilərin azlığıdır. Əsas səbəb isə insanların Vikipediyada məqalə yaratmasına maraq yaradacaq amillərin olmamasıdır. Məsələn yenicə bitmiş VikiBahar mövzulu ayını nümunə götürək — Türkcə Vikipediyada qaliblərə D&R mağazalar şəbəkəsində istifadə edilməsi mümkün olan hədiyyə kartı verilir, Polyakca Vikipediyada 80 zlotılıq hədiyyə çeki verilir, Almanca Vikipediyada 150 Avroluq hədiyyə çeki verilir və s. Bizim ölkədə də online saytlar var hansı ki, kuponları mövcuddur. Onlarla əməkdaşlıq edərək, insanlarda maraq yaratmaq olar. Hər mövzulu aya özəl poster hazırlayıb, sosial şəbəkələrdə reklam edərək, kompüter istifadəçilərinin Vikipediyada hədiyyə qazanmaq məqsədilə məqalə yazmasına şərait yarada bilərik. Azərbaycanca Vikipediya son zamanlarda öz passivliyi ilə digər Vikipediyalardaki məqalə sayındaki yüksək fərqi aradan qalxmasına gətirib çıxarıb. İnsanlara maraqlı hədiyyələr təklif edərək onlarda məqalə yazmağa maraq oyadaq. --Ayxan İsmayılov (müzakirə) 13:39, 22 iyun 2019 (UTC)

Hörmətli Ayxan İsmayılov biz vikipediyada işimizi reklam məqsədi ilə etməməliyik. Bir şəxs görəcək hədiyyə verirlər gəlib qaydaları bilmədən məqalə yazmağa başlayacaq bu da bizim özümüzə mənfi gəlir. Kimlərisə vikipediya ilə bağlı həvəsləndirə bilərik, amma bunun təməlində hədiyyə, pul və s. olmamalıdır. Bura istifadəçilərin könüllü olaraq işlədiyi bir məkandır, hədiyyə üçün yox.--Maqamedd (müzakirə) 09:44, 22 iyun 2019 (UTC)

Maqamedd, əlbəttə qaydaları da göstərəcəyik. Axı belə, Azərbaycanca Vikipediya inkişaf etmir, məqalələrin sayı artmır. Təbii ki, əgər bir işin sonunda heç bir şey olmayacaqsa, heç kim bu nəticəsiz işlə məşğul olmaz. Heç olmasa maarifləndirmək məqsədilə online kitab mağazalarına kupon vermək olar. Digər Vikipediyalara necə zərər gəlməyib, Azərbaycanca Vikipediyaya da heç bir zərər gəlməz. --Ayxan İsmayılov (müzakirə) 13:59, 22 iyun 2019 (UTC)

Hörmətli Ayxan İsmayılov, Ümumiyyətlə Vikipediyadan şəxsi mənafe və buna bənzər məqsədlərlə, inkişaf adı altında fəaliyyət göstərmək və nəticədə nə isə ummaq yolverilməzdir və vikipediya bunun üçün bir yer deyil. Siz də biz də, məqalələri millətin, xalqın maariflənməsi, üçün könüllü surətdə etməliyik. Vikipediyanın inkişafı üçün əlinizdən gələni etsəniz, dəyərli idarəçilər tərəfindən, vikidaxili müxtəlif mükafatlarla təltif olunacaqsınız. Patriot Kur (müzakirə) 12:33, 22 iyun 2019 (UTC)

Ayxan İsmayılov, düzdü, müsabiqələrdə yaxşı hədiyyələrin təklif olunması təbii ki, Vikipediyaya olan marağı artıracaq. Amma bunun axı maddi dəstək olmalıdır. Bunun üçün kimsə öz cibindən nəsə ödəməlidir ki, bu da elə gözlənilən bir şey deyil)) Sponsorumuz da çətin olsun, Ali və Nino durub-durub bizə maddi dəstək verməyəcək ki. Deyəcəklər, bizi reklam et. Vikipediya isə reklam yeri deyil. Tək çarəsi varsa, o da Vikimediya fondundan maddi dəstək gözləmək lazımdı.
Belə də götürəndə bizdə pis hədiyyələr verilmir ki. Yadımdadır ki, keçən Vikibaharın qalibinə planşet zad verilmişdi.--127-ci yapon imperatoru 17:50, 22 iyun 2019 (UTC)
  • Ayxan İsmayılov, bizdə hər il mövzulu ay qalibləri olmuş şəxslər mükafatlandırılır. Yanvarda keçirilmiş görüşdə isə mövzulu ay qalibləri ilə yanaşı VikiBahar qalibləri də mükafatlandırıldı. --NMW03 (müzakirə) 18:02, 22 iyun 2019 (UTC)
Birinci özünüzdən başlayın. Məqalə yazın. Mövzulu ayların mövzusu cəmiyyətimizin maraqlarına və elmi səviyyəsinə cavab vermir bəlkədə. Umanitar elmlərlə bağlı mövzularda yeni məqalələrin sayında artış müşahidə edilir. Bunu öz təcrübələrimdə müşahidə etmişəm. Birdə bəlkədə yeni məqalə yazan istifadəçiləri öz geri qaytarmalarımız, sərt münasibətlərimizlə küsdürürük.--Q🅾⚓Ç🅾Ⓜ🅰Q 19:23, 22 iyun 2019 (UTC)
Salam cənab Ayxan İsmayılov. Yuxarıda paylaşdığınız fikirlərlə qətiyyən razı deyiləm. Əgər siz 10 il əvvəlki Azvikinin vəziyyəti ilə indiki vəziyyəti müqayisə etsəydiniz əsla belə düşünməzdiniz. 2011-ci ildə biz, Ana səhifəyə əlavə etmək üçün məqalə tapa bilmirdik və mən çox gözəl xatırlayıram ki, gün ərzindəki son dəyişikliklərin sayı 250-dən çox olmurdu. Viki görüşlərə 4-5 nəfərdən çox adam gəlmirdi və biz hələ də 2 əlifbalı Ana səhifənin əlində qalmışdıq. Bu gün isə AZB vikipediyada 100 mindən çox məqalə mövcuddur və Azvikidə 600-dən çox aktiv istifadəçi var ki, bu şəxslərdən rahat 50 nəfəri hər birimizin tanıdığı istifadəçilərdir. Lokal vikipediyalarının inkişafını digər sosial şəbəkələrlə və ya hansısa saytla müqayisə etmək düzgün deyil. Hər şey qaydasındadır və indiki vəziyyət bizim gələcəyə daha ümüdlü baxmağa imkan verməkdədir. İstifadəçilərə isə maddi formada mükafatlandırılmasına qarşıyam. Biz burada maddi hədəflər üçün yox, milli hədəflər üçün mübarizə aparırıq. --Baskervill (müzakirə) 23:59, 22 iyun 2019 (UTC)
Ayxan İsmayılovun yazdıqları ilə həm razıyam, həm də yox. Razıyam ona görə ki, həqiqətən, AzVikidə heç bir inkişaf yoxdur. Son 5-6 il ərzində ən böyük inkişafımız META-dakı son müzakirə olub, bundan başqa bir inkişaf yoxdur. Kim kömək etmək istəyir, əks-nəticə ilə üzləşir. Bir dəqiqəyə həll edilə bilən problemlər illərlə həll olunmur. Heydər Əliyev məqaləsinə baxıram, istinadlara, cite web şablonu xəta verib, bunu da görən yoxdur, bu şablonun parametrlərini dəyişəndə bilirdiniz ki səhifələrdə xəta yaranacaq, heç kim də düzəltməyəcək? Onda niyə hamınız parametrlərin dəyişilməsinə səs verdiniz? Təzə redaktəyə başlayan istifadəçi dərhal bloklanır, əgər idarəçinin iradəsinə zidd redaktə edibsə. fərqi yoxdur, düz olsun, ya səhv. Müzakirələrə qatılmaq mənasızdır, hamı ittiham edir, suala cavab verən yoxdur. Yuxarıdakı müzakirələrdə mən eldaradoyaDrabdullayev17ə sual vermişəm, hər ikisi sualarımı cavablandırsaydı böyük bir problem birdəfəlik həllini tapacaqdı, amma heç biri sualıma cavab vermədi, maraqlıdır ki, əvəzində hər ikisi məni birbaşa, yaxud dolayı yolla hədələdi. Mən demirəm ki bunlar pis istifadəçilərdir, əslində mən inanıram ki onlar ən yaxşı istifadəçilərdəndirlər, sadəcə mən bir nümunə göstərirəm, niyə inkişaf yoxdur, niyə hamı qaçır, buna dair. Vikigörüşlər nə üçündür, bunu başa düşə bilmirəm? Çox istəyirəm ki birində iştirak edim. Vikigörüşlərlə nə əldə etmək olar? Səhər yuxudan dur, bir saat avtobusla get, sonra geri qayıt, nə var, nəvar, gedib Vikipediyanı müzakirə edəcəm? Burada məntiq tapa bilmirəm. Məncə Vikigörüşlər QHT-lərin protokolları üçün lazım ola bilər yalnız. QHT varsa, dövlət qrantı da var sözsüz ki, pul varsa dava var, düşmənçilik var. Azərbaycanda hansısa QHT-nin bir iş gördüyünü görən varmı? Biz çox dedik ki qayda-qanun yaradın, Arbitraj yaradın, gələk işləyək, siz bunu etmədiniz. 6 nəfərik, qərara aldıq ki, öz Vikimizi yaradaq, cəmi 1-2 həftəyə AzVikinin 15 ilə etmədiyi və 15 il bundan sonra da aktivləşdirməyəcəyi skripləri aktivləşdirdik, məqalələri test üçün AzVikidən götürmüşük, əksəriyyəti ensiklopedik deyil, hamısını ensiklopedikləşdirəcəyik, yəni AzViki məqaləsi bizə yalnız test üçün lazım idi, nəzərə alın/ Maraqlanırsınızsa, baxa bilərsiniz: https://wiki.sheki.site/ xudahafiz. Çim Çen In (müzakirə) 06:26, 23 iyun 2019 (UTC)
Cənab Çim Çen In icazənizlə sizə bir sual vermək istərdim. Sizin Vikimedia Fondu tərəfindən Vikimedia saytlarını redaktə etmək hüququndan məhrum edilmiş Aydinsalis olduğunuz doğrudurmu ? Əgər doğrudursa nəyə görə bu saytı yaradan fondun qərarlarına hörmət etmirsiz ? İddia edirsiniz ki, inkişaf yoxdur və hamı qaçır. Burada yeni bir sual ortaya çıxır ki, bu günə qədər hansı istifadəçi qaçıb gedib ? Zəhmət olmasa bura konkret olaraq istifadəçilərin adlarını qeyd edin ki, filankəs, filankəs və filankəs yoldaşlar idarəçi və istifadəçilərin zərərli fəaliyyətləri ucbatından bu saytı tərk ediblər. Digər bir tərəfdən çox istərdim ki, siz gələn ay Şamaxı şəhərində təşkil ediləcək Vikipediya:2019 Yay Vikidüşərgəsi üçün qeydiyyatdan keçib, orada iştirak edəsiniz. Mən inanıram ki, sizin bütün suallarınızı orada cavablandıracaq idarəçi və istifadəçilər olacaq ki, siz həmin şəxslərlə saatlarla müxtəlif mövzular ətrafında müzakirələr apara biləsiniz. Vikigörüşlərlə nə əldə etmək olar? sualınız isə sizin bir daha vikimedia hərəkatına qarşı olduğunuzu göstərir. Vikimedia Fondu hər bir necə ildən bir yeni bir beynəlxalq vikigörüş yaradır, mövcud vikigörüşlərin adını, formatını və təşkilati imkanlarının genişləndirir ki, daha çox insan bu elm yarışına qoşulsun. Hər il dünyanın bir şəhərində keçirilən və ən azı 400 beynəlxalq iştirakçının qatıldığı Vikimaniya tədbiri, Berlin şəhərində müntəzəm formada keçirilən Wikimedia Conference-ı və ya Wikimedia Mərkəzi və Şərqi Avropa tədbiri bir daha sübut edir ki, vikigörüşlərin keçirilməsi çox mühümdür.--Baskervill (müzakirə) 07:00, 23 iyun 2019 (UTC)
Bu arada yeni yaratmış olduğunuz https://wiki.sheki.site/ saytına nəzər saldım. Qarşıma müxtəlif dillərdə yaradılmış bu tipli saytlar daha əvvəlcədə çıxmışdı və bir çoxunun hələ də, aktiv olmasından xəbərim var. Maraqlıdır ki, bu saytda olan məqalələr Azvikidən götürüləcək, yoxsa orada olan redaktorlar sırf ora üçün məqalələr yazacaqlar ? --Baskervill (müzakirə) 07:10, 23 iyun 2019 (UTC)
Məncə bu azərbaycanca ilk layihədir, AzVikini istisna etsək. Sıfırdan başladıq, əvvəl bütün Azərbaycan üçün yaratmaq istəyirdik, sonra qərara aldıq bir region üçün edək, uğurlu olsa Azərbaycan üçün də etmək olar. Qısa bir müddət ərzində, cəmi iki həftəyə texniki məsələlər həllini 90 faiz tapdı. Bəzi məsələlərdə azvikini keçdik hələ. Məsələn, sizdə istinadlar bu sistemlə deyil
Reference Tooltips reworked - nested tooltips animation.gif

,

biz isə bunu əldə etdik. AzVikinin Ana səhifəsi "Ana səhifə" əvəzinə "Ana Səhifə" yazılır, səhvdir. Bu səhifəyə istinat etdə, məsələn Şəki üçün, səhvdir. Həmçin axtarışda "Vikipediya axtar" yox, "Vikipediyada axtar" olmalı idi. Bu da səhvdir. Bunları düzəltmək bir dəqiqəlik işdir, heç bir problemdən belə söhbət gedə bilməz, amma dəyişən yoxdur. O ki qaldı bizim məqalələrə, AzViki-də ensiklopedik məqalərin böyük hissəsi başqa dillərdən tərcümələrdir, onlarda da dil qüsurları hiss olunur. Məsələn, Heydər Əliyev məqaləsində, filan, filan titulların sahibidir yazılıb. Azərbaycan dilində bu düz gəlmir, uğurlu seçim deyil... Birbaşa azərbaycanca yazılan ensiklopedik məqalələr azdır. Biz ruscadan tərcüməyə çalışacağıq. İlin sonuna qədər 500 ensiklopedik məqalə hazırlamağı planlaşdırmışıq. Bunların 90 faizi AzVikidə olmayacaq, yaxud olub ciddi cəşildə fərqlənəcək. Məsələn, Sizdə Şəki rayonu üçün 60 bələdiyyə göstərilir. Həqiqətdə isə Şəki rayonunda cəmi 40 bələdiyyə var. Bizim Vikidəki xəritə əvvəl AzVikidə olub, unikal bir işdir, onun yarandılması üçün 3-4 gün vaxt lazımdır, amma bir dəqiqəyə silmişiniz. Amma biz onu tapdıq və yenidən quraşdırdıq. Çim Çen In (müzakirə) 07:42, 23 iyun 2019 (UTC)

Cənab Baskervill sizin əvvəl yazdığınızı indi gördüm, cavab verim indi. Mən Aydinsalis deyiləm əlbəttə ki. O enWikidə Uzun Həsən məqaləsinə görə bloklanmışdı. İranlılar onu İran şahı kimi yazırdılar, buna qarşı çıxdığı üçün blokladılar. Burda da heç bir əsas olmadan bloklamısınız, müzakirəsiz, hansı qaydanı pozdığınu göstərə bilməmisiniz. Sonra Fonda yazmışınız ki vandaldır. Fond da baxıb 2 bloku var, qlobal bloklayıb. Onun qlobal bloklanması üçün idarəçilər neçə il cəhd edirdi, hər cür pis işlərə əl atırdı, amma EnVikidə bloklanmasından sonra buna nail oldular. Vikipediyaya bir zərəri dəymişdimi? Sizə bir zərəri dəymişdimi? Fakt istəyirsiniz, bu sizə bir fakt. İkinci bloklanan Afrasiyabdır. Bu iki. Göstərin görək hansı qaydanı pozub? Bu suallara cavab verməyəcəksiniz əlbəttə ki, verməyəcəksinizsə. onda mənə niyə sual verirdiniz? Wikimedia Fondu ildə bir dəfə tədbir keçirir, dünyanın müxtəlif yerlərindəki vikipediyaçıları bir araya gətirir. Bu başqa şeydir, bu mərasimdir. Siz isə ayda bir dəfə görüşürsünüz səhv etmirəmsə. Nə edirsiniz orada? Görüşdə dediyiniz sözləri Kənd meydanına yazmaq olmazmı? Bu QHT-nin protokolu üçün edilir, bunun Vikipediyaya heç bir dəxli yoxdur. Əksinə Vikipediya qaydalarına ziddir. Siz istifadəçilərin şəxsiyyətini müəyyənləşdirmək istəyirsiniz. Amma Şamaxıya mən gələcəyəm, göstərəcəyəm ki mən Aydın Məmmədov deyiləm. Sonda bir sualım var, əlbəttə ki əgər yazdığımı oxuyursunuzsa. Deyirsiniz AzViki inkişa edir. O necə inkişafdır ki bir dənə Arbitraj yarada bilmirsiniz? Layihəni yazıblar qoyublar, nəyi gözləyirsiniz? Qayda-qanunun olması kimə sərf etmir? Bu qədər. Çim Çen In (müzakirə) 08:14, 23 iyun 2019 (UTC)
  • İstinadları o tipdə etmək elədə çətin bir şey deyil.--NMW03 (müzakirə) 09:38, 23 iyun 2019 (UTC)
  • Yadıma indi düşdü, mühafizə altında olan səhifələrə niyə "Mənbə göstər" yazırsınız? Bu da səhvdir. Kodu göstər olmalıdır. Mən uşaqlıqda həmişə ona baxıb düşünürdüm nə mənbəsi gösrərməliyəm? :) 12 il keçib, yenə o söz yerində durur, bir nəfər diqqət yetirmir ki səhvdir. Baskervill də deyir inkişaf var. :) Müzakirələrə imkan verilməyən yerdə inkişafdan söhbət gedə bilməz. Çim Çen In (müzakirə) 10:22, 23 iyun 2019 (UTC)
Cənab Çim Çen In siz uşaq olanda Vikipediya yox idi axı :) 1975-ci ildə vikipediya vardımı, NMW03 ? --Baskervill (müzakirə) 10:33, 23 iyun 2019 (UTC)
Baskervill, siz magistraturaya daxil olmaq üçün məntiqdən imtahan vermişiniz yəqin ki, məncə çox aşağı bal toplamısınız. 2019-12=2007. Mən həmin vaxt uşaq idim, 7-ci sinifdə oxuyurdum. 1975-i haradan aldınız, bilmək olarmı? Çim Çen In (müzakirə) 10:41, 23 iyun 2019 (UTC)
Çim Çen In mən heç vaxt magistratura üçün imtahan verməmişəm. Hamı çox gözəl bilir ki, siz Aydın Məmmədovun özüsüz. Üslub, fəaliyyət, yazılış tərzi, iddialar və bir söznən hər şey Aydinsalis-ə işarə edir. Cənab Aydın Məmmədov mənə də, yox da. Mən ki, qoca qurdlardanam. --Baskervill (müzakirə) 10:56, 23 iyun 2019 (UTC)
Cənab Baskervill mən çox asanlıqla sübut edə bilərəm ki, Aydinsalis mən deyiləm, bizim Vikidə təbii ki o da var, 6 nəfərdən biridir, yaradıcısı odur. Amma mən bu məsələnin üstündə dayanmaq istəmirəm. Mən sizə kömək etmək istəyirdim, AzVikidəki səhvləri göstərirdim. Siz mənim hərəkətimdə qərəzli bir şey gördünüzmü? Ən əvvəldə yazmışdım ki, Kim kömək etmək istəyir, əks-nəticə ilə üzləşir... Müzakirələrə qatılmaq mənasızdır, hamı ittiham edir, suala cavab verən yoxdur. Sizin yazdıqlarınız mənim dediklərimi təsdiqləyir. Mən Aydinsalisəm, Abutalıbam nəyəm kiməm, siyahı tutub bir-bir sadalaya bilərəm, sadəcə vaxt itirməyə dəyməz, dəfələrlə qəti ittihamlar irəli sürülüb, amma heç biri təsdiqini tapmayıb, bu birinci dəfə deyil, bunun sizdəki səhvlərin düzəldilməsinə nə daxli ola bilər axı? AzVikinin əsas problemi budur. Mən sizə mane oluramsa, başlayın bloklamaq üçün səbəb axtarmağa, bunu başa düşmək olar, mən sizə kömək edirəmsə siz nə axtarırsınız və niyə axtarırsınız anlamaq olmur? Siz məni yox, mənim dediklərimi müzakirə edin. Mənim Aydinsalis olmağım sizə lazımdırsa, olum Aydinsalis. Mən nə itirəcəyəm? Və siz nə qazanacaqsınız? Ümid edirəm ki tezliklə göstərdiyim səhvlər aradan qaldırılacaq, məndən demək. Yenə gözümə dəysə, yenə də deyəcəyəm. Bu mənim vətəndaşlıq borcumdur. Vaxtınız olanda Kənd Meydanını anonim şərhlər üçün də açın. AzVikidən başqa heç bir yerdə Kənd meydanı anonim redaktələrdən mühafizə olunmur. Nədən qorxursunuz. Nədən ehtiyat edirsiniz, anlamaq olmur. Nə hadisə baş verib ki Kənd Meydanını anonim redaktələrdən mühafizə etmişiniz? Vikipediyanın ən ciddi müzakirə səhifələri anonim redaktələrə açıqdır. Hətta qlobal bloklanmış istifadəçilər də ora yaza bilirlər. META müzakirəsində bunu görmüşünüz. Amma qərar vermək sizin səlahiyyətinizdədir, sizə göstəriş vermirəm. Açılsa daha doğru olar, mən belə düşünürəm. Hələlik, hörmətlə, Çim Çen In (müzakirə) 11:37, 23 iyun 2019 (UTC)
Azərbaycanca Vikipediyanın inkişafına təsir göstərən amillərdən daha biri: düzgün və sadə şəkildə həll etməli olduğumuz müzakirənin sonu mübahisə ilə bitir. Mənim bu mövzunu yaratmaqda məqsədim odur ki, Azərbaycanca Vikipediyaya insanlarda maraq oyadaq. Cənab Patriot Kur, təbii ki, heç kim onlayn ensiklopediyadan böyük, atəşfəşanlı hədiyyə gözləmir. İkincisi, məqalə yaradanlar olmadıqdan sonra necə maariflənsin millət? White Demon, bəs Vikimedia Fondu nə məqsədlə fəaliyyət göstərir? Onsuzda insanlarda maraq yaratmaq üçün kiçik hədiyyələr bəs edər. Böyük hədiyyələrə, böyük büdcəyə ehtiyac yoxdur axı. Üstəlik hədiyyə kuponunu Ali və Nino, Unimall və onlarla sayta ödəniş etməklə almaq olar, heç sponsorluğa ehtiyac qalmır. NMW03, məsələn, bu VikiBahar 2019 üçün nə mükafat verirsiniz? Digər Vikipediyalarda ballar toplanıb hədiyyə verilib, Azərbaycanca Vikipediyada isə üstündən 23 gün keçməsinə baxmayaraq, səs-soraq yoxdur. Baskervill, əlbəttə 10 ilə dəyişiklik olmalıdır. Ama bu dəyişiklik çox yavaş-yavaş irəliləyir. Əgər bu istifadəçilər bu sürətdə gedərsə, 10 ilə, ən çox 300.000 məqalə olar. Vikipediyada yeni istifadəçilərə, yeni maraqlara, yeni dünyagörüşlərə ehtiyac var. Yeni insanları cəlb etmək lazımdır Vikipediyaya. Daha çox milli hədəflərə konsentrasiya olsaydınız, hal-hazırda Ermənicə Vikipediyada Azərbaycan xəritəsinin Dağlıq Qarabağ bölgəsi onların ərazisində göstərilməzdi. Maraq yaratmaq, insanları cəlb etmək, onlara qaydaları başa salmaq lazımdır. Əgər məqalə oxumağa girən hər 100 nəfərdən maksimum 1-i aktiv olsaydı, hal-hazırda Azərbaycanca Vikipediya böyük bilik mənbəyinə çevrilmişdi. Lakin onları cəlb etmək lazımdır, burada passiv müzakirələrlə, 10-15 istifadəçiylə hər şey həll olmur. Onun bildiyi mənbəni biz bilməmiş ola bilərik, ona görə hal-hazırda hər bir adam Azərbaycanca Vikipediya üçün qızıldır. -- Ayxan İsmayılov (müzakirə) 16:09, 23 iyun 2019 (UTC)

Çim Çen In-in dedikləri ilə tam olaraq razıyam. İdarəçilərin işi məni də qane etmir. Məndə elə bir təəssürat yaranıb ki, onlar tam məsuliyyətlə işlərinə yanaşmırlar. Öz aralarındakı hərc-mərclik də Cekli kimi idarəçinin və əsl professionalın buranı tərk etməsinə səbəb oldu. Bu hərc-mərcliklər məncə bundan sonra da olacaq. Texniki cəhətdən hansısa gözəçarpan yeniliklər edilmir. Qaydalar illərlə yenilənmir. Belə getsə gərək onda idarəçilərin öz fəaliyyətlərinə dair hər 6 aydan bir hesabat verməli olması qaydası tətbiqinə gətirib çıxaracaq. Təklif edirəm hər bir idarəçi könüllü olaraq son 6 ay ərzində Azvikidə hansı yeniliyə nail olması barədə bu müzakirədə qısa məlumat versin. Mənim üçün onların real olaraq hansı fəaliyyətdə olmalarını görmək çox vacibdir. Əminəm bütün istifadəçilər və idarəçilərin özləri üçün də bu vacib məlumatdır. --Thunder Storm (müzakirə) 15:04, 23 iyun 2019 (UTC)

Hörmətli Thunder Storm idarəçi hansısa fəaliyyətinə görə hüquqi məsuliyyət daşımır ki, o hansısa hesabat versin. İdarəçi könüllülük prinsipi əsasında fəaliyyət göstərir. Sadəcə o, ona səs verənlərin qarşısında vicdan məsuliyyəti daşımalıdır. Bu isə hüquqi anlam daşımır, sadəcə mənəvi bir şeydir. Əgər vikipediyaya töhvə vermək istəyən varsa viki qaydalara uyğun məqalə yazsın. Bu bizim üçün də, millətimizin maariflənməsi üçündə yetərlidir.--Q🅾⚓Ç🅾Ⓜ🅰Q 16:55, 23 iyun 2019 (UTC)
Verman1, Ceklinin idarəçilikdən çıxarılmasında heç bir hərc-mərclik olmamışdır, çünki bu, metanın qərarıyla yerinə yetirilmişdi. --► Hörmətlə: A¥×aᚢ Zaÿïþzaþ€(hail sithis!) 17:00, 23 iyun 2019 (UTC)
Söhbət hüquqi öhdəlikdən getmir, vikicəmiyyət qarşısındakı öhdəlikdən gedir. İdarəçi səsvermə ilə seçilir və ona etimad göstərənlərin qarşısında az-çox öhdəlik daşımalıdır. Əgər idarəçinin fəaliyyəti ilə adi istifadəçinin fəaliyyəti arasında praktiki və real fərq yoxdursa, onda bu qədər adama idarəçi statusunun verilməsinin mənası nədir? Vandalizm və sair kimi problemlərin öhdəsindən maksimum 2-3 nəfər idarəçi də gələ bilər. --Thunder Storm (müzakirə) 17:19, 23 iyun 2019 (UTC)
Hansı idarəçinin fəaliyyəyti sizi qane etmirsə bununla bağlı kənd meydanında müzakirə aça bilərsiniz. Əgər idarəçilərin fəaliyyətinə baxmaq istəyiorsinizsə İdarəçilər səhifəsindəki Fəaliyyət statistikası linklərə girməyiniz kifayətdir.--Q🅾⚓Ç🅾Ⓜ🅰Q 18:38, 23 iyun 2019 (UTC)
Fikrimi yenidən daha geniş şəkildə izah etməyə çalışacam. İdarəçilərin etdiyi redaktələr onları adi istifadəçilərdən nə ilə fərqləndirir? Faktiki olaraq heç nə ilə. Son 6 ay ərzində Azviki idarəçiləri bura hansı texniki yenilik gətirib, hansı prosedur yaradılıb və inkişaf etdirilib, həmçinin Azvikidə əvvəl olmayan hansı ideyanı inkişaf etdirərək real alətə çevirib? Əgər idarəçi də digər istifadəçilər kimi redaktələrlə məşğuldursa, onun digərlərindən heç bir fərqi qalmır. Yalnız adi istifadəçilərdən real fərqli keyfiyyətləri olan istifadəçilərə idarəçi statusu verilə bilər. İdarəçi olmaq istəyənlərə qarşı tələblər inkişaf etdirilməlidir. İndiki halda isə keyfiyyət yox, kəmiyyət üstün götürülür. --Thunder Storm (müzakirə) 19:18, 23 iyun 2019 (UTC)
Thunder Storm idarəçilərin işində sizi tam olaraq qane etməyən nədir ? Siz, Ceklini əsil professional sayırdız ? Söhbət o idarəçidən gedir ki, fəal istifadəçiləri qeyri-vikipediya söhbətlərinə görə uzun müddətli bloklayırdı və ya öz yaşadığı kəndi Meta-da vikimania üçün namizəd göstərirdi. Bunun harası peşəkar davranışıdır ? Hansısa vikipediyada hər 2-3 aydan bir texniki cəhətədən gözəçarpan yeniliklər baş verir ? Mən bir idarəçi kimi gün ərzində 100-lərlə müxtəlif viki əməliyyatları gercəkləşdirirəm ki, bunların hər biri haqqında mənim fəaliyyət bölməmdə tanış olmaq mümkündür. Təklif edirsiniz ki, bir də bu barədə ayrıca hesabatmı hazırlansın ?.--Baskervill (müzakirə) 23:52, 23 iyun 2019 (UTC)
AzVikini inkişafdan saxlayan əsas amil Arbitraj və Apelyasiya instansiyalarının olmamasıdır. Yalnız AzVikidə idarəçinin qərarından birbaşa META-ya şikayət edilir. Yalnız AzVikidə Ana səhifənin adı səhv yazılır. Yalnız AzVikidə daxili axtarış adı səhv yazılır. Yalnız AzVikidə mühafizə altında olan səhifələrə "HTML kod" əvəzinə "Mənbə göstər" yazılır. Yalnız AzVikidə bunları demək idarəçilər üçün milçək vızıltısından başqa bir şey deyil, çünki... Yalnız AzVikidə idarəçi hesabından bir əvəzinə bir neçə istifadəçi istifadə edir. Bu hesablar dərhal bloklanmalı olduğu halda hamı buna göz yumur. Yalnız AzVikidə idarəçi idarəçi olmayan istifadəçini təhqir edə, ələ sala, böhtan ata və bloklaya bilər və buna qarşı çıxmaq mümkünsüzdür. İdarəçilər qaydaları pozduqlarına görə yox, bir nəfərin iradəsinə zidd hərəkət etdikdə idarəçilikdən uzaqlaşdırılırlar yalnız. Qaydaları pozmaqda sərbəstdirlər, qaydaları pozmağa görə heç bir idarəçiyə güldən ağır söz deyən olmur, əsasən belədir. yalnız AzVikidə idarəçi ona ünvanlanan suallara cavab vermir, cavab əvəzinə qarşı tərəfi nədəsə ittiham etməyə çalışır, yaxud hədələyir. Yalnız AzVikidə məqaləyə doğru dəyişiklik edən istifadəçi blokla bilər. Nəticədə dövlət dəstəyi, böyük miqdarda qrantlar səmərə vermir, yaxud az səmərə verir, gündən-günə AzVikinin kütləviliyi azalır. Belə bir mühitdə ensiklopediyanın yaranası əsla mümkün deyil. Çim Çen In (müzakirə) 11:31, 24 iyun 2019 (UTC)
  • Çim Çen In, tərcümə səhvlərini həll etdim. Digərləri mənim edə biləcəyim şeylər deyil.--NMW03 (müzakirə) 12:20, 24 iyun 2019 (UTC)

Nəticədə, müzakirənin əvvəlində edilən təklif onun prosesində tamamilə unudulub. --Мурад 97 (müzakirə) 15:01, 24 iyun 2019 (UTC)

Çim Çen Inın dediyi bu sözlər ürəyimdən keçən sözlər idi:

Kim kömək etmək istəyir, əks-nəticə ilə üzləşir... Müzakirələrə qatılmaq mənasızdır, hamı ittiham edir, suala cavab verən yoxdur. -- Hüseynzadə (müzakirə) 21:35, 24 iyun 2019 (UTC)

Hüseynzadə, bu elə həmin müzakirəyə də aiddir. Bəlkə, təklifin müzakirə etməyə qayıdağ? Əks halda, bura mənasız bir çat qrupa oxşamağa başlayır. --Мурад 97 (müzakirə) 09:42, 25 iyun 2019 (UTC)
Мурад 97, yəqin ki qeyd olunduğu kimi həvəsləndirici vasitələrlə yeni üzvlər çağırsaq və onlar da eyni rəftarı görsə, nə mənası qalacaq çağırmağın. Sadəcə istifadəçilərin sayı artacaq, onların da mənim kimi həvəsləri öləcək və məqalə yazmayacaqlar. Daha vacib bir müzakirə başladı məncə daha sonradan. -- Hüseynzadə (müzakirə) 06:55, 26 iyun 2019 (UTC)

Bir neçə söz

Mən bundan əvvəl bir neçə dəfə müraciət etmişəm bizim vikidüşərgələrdə iştirak etmək üçün. Amma təsdiq edilməmişəm. Məndən sonra vikiyə gələnlər, fəaliyyəti məndən daha az və fəaliyyət dairəsi məndən daha dar olanlar qəbul edildildikləri halda mən hər dəfəsində qəbul edilməmişəm. Hər qəbul edilməyəndə də Təşkilat Komitəsinin üzvlərinə müraciət etmişəm ki, "niyə məni qəbul etmirsiz?". Hər dəfəsində də eyni cavabı almışam ki, "Bizlik deyil, Təşkilat Komitəsinin rəhbəri Wertuosedur, onluqdu." Yenidən yersiz və əsassız rədd cavabı almamaq növbəti dəfə üçün müraciət etməyəcəm. Lakin əvvəlcədən bütün iştirakçılara uğurlar arzulayıram, ümid edirəm ki, inşallah, vikidüşərgə çox xoş və səmərəli keçər. Wertuose-a da demək istəyirəm ki, sənin məni vikidüşərgələrə təsdiq etməməyinlə mən heç nə itirmirəm. Mənim viki-fəaliyyətim, fikirlərimdəki obyektivliyim və tərəfsizliyim bəzilərindən fərqli olaraq göz qabağındandı. Mən bəzi başqaları kimi azviki adına ayrılan qrantları yemirəm. Xülasə hər kəs hamını tanıyır və bilir. Bu şeyləri niyə qeyd etdim? Qoy bütün viki-cəmiyyət mənə qarşı olan bu yersiz və əsassız düşmənçilik mi deyim, gözü götürməməzlik mi deyim, bu haqsızlığı bilsin. Təşəkkürlər.--samral müzakirə 11:18, 27 iyun 2019 (UTC)

Mən, müzaкirələrə qoşulmamağa söz verdim. Amma bir zarafat edəcəm. AXCP-də qrant yeyəndən sonra, Wertuose niyə qrant yeməsin? :-) Bu bir zarafat idi, ciddiyə almayın. CalalC99(mesaj) 12:15, 27 iyun 2019 (UTC)
CalalC99, ümid edirəm kimsə sizi bloklamaz.--NMW03 (müzakirə) 12:34, 27 iyun 2019 (UTC)
Bu sadəcə bir zarafat idi. Ciddi qəbul etməyin. CalalC99(mesaj) 12:36, 27 iyun 2019 (UTC)
Bilirəm.--NMW03 (müzakirə) 12:39, 27 iyun 2019 (UTC)
CalalC99, mənim sözlərimin altına yazmısızsa bu yersiz rəyi deməli mənə söz atırsız. Ona görə də cavab yazıram. Mən AXCP-də filan heç bir qrant yeməmişəm. Razi Nurullayevin sədri olduğu AXCP-nin 3 ay mətbuat katibi olmuşam. Bunu da Facebook profilimdə açıq-aşkar qeyd etmişdim. Gördüyüm işin qarşılığında da 3 ay halal maaşımı almışam, vse. Qrantyeyənlər bunu altdan-altdan, gizli-gizli edir. Bilmədiyin şeyləri danışma. Bildiyin şeyləri danış. Əks halda boşboğaz olarsan.--samral müzakirə 16:33, 28 iyun 2019 (UTC)
Samral bəy, mən sizə söz atmıram və siz qrant yemədə ittiham etmirəm. AXCP-nin sədri Razi Nurullayev deyil. Əli Kərimlidir. Qrant yemədə isə onu-bunu ittiham etməyin. Bilmədiyim şeylərdən danışmıram. Məndə uzun illərdir Azərbaycanın vətəndaş cəmiyyətində fəalam. CalalC99(mesaj) 17:02, 28 iyun 2019 (UTC)
Calal bəy məsələyə siyasəti qatmayın. Kimisə ittiham etməmişdən öncə bir düşünün. Kimlərsə qrand yeyirsə, hökumət adamları isə xalqın malını, arzularını, imkanlarını, sağlığını yeyir.--Q🅾⚓Ç🅾Ⓜ🅰Q 20:02, 29 iyun 2019 (UTC)
Həmkarlar, bura, siyasi diskussiya platforması deyil. Xahiş edirəm, şərh bildirərkən bunu nəzərə alın. --► Hörmətlə: A¥×aᚢ Zaÿïþzaþ€(hail sithis!) 20:04, 29 iyun 2019 (UTC)

CalalC99, heç nə yox, söhbəti hardan haraya gətirdin ona əsəbləşirəme. İmkan varsa, bilmədiyin, xəbərin olmayan şeylər barədə danışma.--samral müzakirə 14:18, 1 iyul 2019 (UTC)

Salam hörmətli Samral bəy, bildiyim qədəri ilə son 3 ildir ki, vikidüşərgə keçirilir. Mən isə son iki ildir ki, təşkilat komitəsinin üzvüyəm. Keçən il də, bu il də qeydiyyatdan keçənlərin seçilməsində yaxından iştirak etmişəm. Ama inanın Allaha heç birində sizin adınızı görməmişəm, nə bu il, nə də keçən il. Mənim təşkilat komitəsi üzvü olduğum zaman isə bununla bağlı mənə müraciət etməmisiz. Hörmətlə --eldarado 16:48, 2 iyul 2019 (UTC)

Fənərbağça PFK

Salam. Fənərbaxça, yoxsa Fənərbağça? -- Hüseynzadə (müzakirə) 11:23, 29 iyun 2019 (UTC)

Digər bütün məqalələrdə "Fənərbaxça" yazılıb, bircə bu fərqlidi. -- Hüseynzadə (müzakirə) 14:51, 29 iyun 2019 (UTC)
  • Bizim KİV-lərdə hər iki variantda yazılıb.--NMW03 (müzakirə) 16:47, 29 iyun 2019 (UTC)
Fənərbağça daha düzgündür, çünki "bahçe" sözü bizim dildə "bağça"dır. --► Hörmətlə: A¥×aᚢ Zaÿïþzaþ€(hail sithis!) 18:33, 29 iyun 2019 (UTC)
Fənərbağça olmalıdır fikrimcə. Düzdü, bizim KİV-də hər ikisini görürəm, amma Fənərbaxça variantını düzgün hesab etmirəm.--127-ci yapon imperatoru 06:31, 30 iyun 2019 (UTC)
Fənərbaxça məncə olmalıdır. Google-də bu söz "Fənərbağça"-dan 3 dəfə artıq nəticə verir.--Azerifactory (müzakirə) 12:52, 30 iyun 2019 (UTC)

Təklif

Salam. Kənd Meydanının alt bölməsi olan Transliterasiya bölməsi qeyri-aktivdir. Təklif edirəm ki, orada olan müzakirələri arxivləşdirib o bölməni ləğv edək. Onsuz da transliterasiya ilə bağlı müzakirələr ya burada, ya da müvafiq məqalənin müzakirə səhifəsində aparılır. Həmçinin, hələ də yaradılmamış "Layihələr" bölməsini və Kənd meydanı ilə birbaşa əlaqəsi olmadığı üçün "Aktual hadisələr" bölməsini də götürək--gabbani mesaj 15:05, 30 iyun 2019 (UTC)

Əslində olar. Aktiv deyillər. Əvəzində Silinməyə namizəd səhifələr kimi daha aktual səhifələrə keçid yerləşdirmək daha yaxşı olardı.--127-ci yapon imperatoru 18:25, 30 iyun 2019 (UTC)

Laboratoriyayla bağlı

Salam həmkarlar! Bu mövzunu bir neçə dəfə ön plana çıxarmışdıq, ancaq heç bir olmadı axırda. Azərbaycanca Vikipediyanın laboratoriya hissəsi çox qüsurludur, problematikdir. Hansısa məqaləyə istənilən statusu vermək üçün səsvermədə dostlarını çağırıb spam edə bilərsən. İstifadəçilərin çoxu Türkiyə İstiqlaliyyət müharibəsi, Altıgünlük müharibə kimi uzun məqalələrin necə qüsurlu olduğuna fikir vermir. Oskar mükafatı məqaləsində çoxlu problemin olduğunu əvvəlcədən qeyd etməsəydim, hələ elə də Seçilmiş məqalə statusu alacaqdı. Həmkarlar ya bu statusların mənalarını və niyə verildiklərini unudublar, ya da ki heç vaxt bilməyiblar. Bu məqalələr Azərbaycanca Vikipediyanın ön plana çıxarmaq istədiyi məqalələrdir. Bu məqalələri ön plana çıxarmaq istəyirlər, çünki bu məqalələr digər məqalələrdən fərqli olaraq, daha yaxşı hazırlanıblar, bütün tələblərə uyğundurlar. İngiliscə Vikipediyadakı Yaxşı məqalə statusunun izahını tərcümə edib sizə təqdim edirəm: "Yaxşı məqalə (YM) əsas redaktə standartlarını qarşılayan, ancaq seçilmiş məqalə keyfiyyətində olmayan məqalədir." İngiliscə Vikipediyada məqalələrin status alması hər bir istifadəçinin əlinə buraxılmır. Hansısa bir qiymətləndirici namizəd göstərilmiş məqaləni öz öhdəsinə götürür və onu qiymətləndirməyə başlayır. Bu qiymətləndirmələr uzağı bir ay vaxt alır, o da nadir hallarda.

Təklif edirəm ki, bizdə də belə olsun. İstifadəçilər xüsusi bir səhifədə işlədikləri məqaləni Yaxşı və ya Seçilmiş məqalə statusları üçün namizəd olaraq irəli sürə bilər. Məqalələr qıraqdan baxışdan belə çox problemlidirsə, o zaman onlar "Tez rədd edilir"lər. Məqalə statuslarının öz kriteriyaları olsun. Qiymətləndirici kriteriyaları I-dən V-ə qədər olan qiymətləndirmə şkalasıyla qiymətləndirsin. Məqalə hər kriteriyadan III–VI alırsa, bu zaman Yaxşı məqalə statusuna layiq görülür, amma hər bir kriteriyadan V alırsa, Seçilmiş məqalə statusuna layiq görülür. Yaxşı məqalə statusu üzrə qiymətləndirilmələr bu kriteriyalar üzrə aparılsın:

  1. Məqalənin yazı tərzi münasibdir. Məqalədə qrammatik və hərfi səhvə yol verilməyib, stil kitabçasına uyğundur.
  2. Məqalədə verilən məlumatlar faktiki baxımdan dəqiqdir. İstinadlar hamısı tam şəkildə, şablonlara uyğun formada verilib və etibarlı mənbədən qaynaqlanır.
  3. Məqalədə müəllif hüququ pozuntusu yoxdur, plagariat və ya orijinal tədqiqat deyil.
  4. Məqalə mövzunu geniş əhatə edir. Məqalə mövzunun əsas aspektlərinə toxunur və lazımsız detallar vermədən, mövzudan çıxmadan mövzuya fokuslanır.
  5. Məqalə neytrallığı qoruyub-saxlayır.
  6. Məqalədə çoxlu redaktə müharibələrinə şamil olunmur.
  7. Məqalədə şəkillərdən (audiofayl və video da daxildir) düzgün istifadə edilib.

Qiymətləndiricilərin qiymətləndirmə prosesi aparmaları üzrə təlimatlar. Bu təklif qəbul edilsə, bu zaman işə başlayıb lazımi səhifələri yaradacam. Həmçinin, önümüzdəki Vikidüşərgədə də prezentasiya vasitəsilə izah edəcəm bu təklifimi. Səhifələr tamamlandıqdan sonra yenidən səsvermə başladacam. --► Hörmətlə: A¥×aᚢ Zaÿïþzaþ€(hail sithis!) 17:30, 30 iyun 2019 (UTC)


+ Lehinə

− Əleyhinə

Şərh Şərh:
Laboratoriya sistemi həqiqətən qüsurludur. Məqalənin qüsurlarının aşkarlanmasına və düzəldilməsinə, mən qarışıq, çox adam maraq göstərə bilmir. Çünki sistem düz deyil. Məqalə səsvermə ilə deyil, qiymətləndirmə ilə status almalıdır. Buna görə mən də bir az təşəbbüs göstərmişdim. Amma tətbiq etməyi təklif etməmişdim, çünki düşünmüşdüm ki, istifadəçilər mənim təklif etdiyim sistemi yaxşı mənimsəməyəcəklər. Sizin təklifiniz yaxşı təklifdi, pis deyil, amma praktikada doğruldacaq mı, sual işarəsi.--127-ci yapon imperatoru 17:46, 30 iyun 2019 (UTC)
Haqlısan Ayxan. Ancaq düşünürəm ki, Azərbaycanca Vikipediya digər layihələrimizə (Vikilüğət və Vikisitat və s.) baxanda artıq böyük layihədir. Səsvermə qaydalarına dəyişikliklər edib viki daxilində və kənarda, səsverməyə/müzakirəyə dəvəti qadağan etsək (digər viki təcrübələrdəki kimi) və bürokrat ilə idarəçinin bu mənada səlahiyyətini artırsaq (yəni müzakirəni/səsverməni təftiş edib bu cür fəaliyyətin qarşısının alınması kimi) pis olmazdı.--Turkmen müzakirə 17:58, 30 iyun 2019 (UTC)
Turkmen kimi düşünürəm. Kənardan səsverməyə/müzakirəyə dəvəti qadağan etmək lazımdır--Azerifactory (müzakirə) 23:57, 30 iyun 2019 (UTC)
Aykhan Zayedzadeh maraqlıdır ki, Altı günlük müharibə məqaləsindəki problem sizcə hardadır ? Şəxsən mən indiki formanın qalmasının tərəfindəyəm. Çünki, bir çox hallarda labda olan səsvermələr zamanı müzakirələrdə baş tutur. Yəni kimdənsə tələb etmək olmaz ki, mütləq şəkildə müzakirədə iştirak etməlisən. Fərz edək ki, hamı düşünür ki, məqalə seçilmiş məqalə statusu almalıdır və irad bildiriləsi bir hissə yoxdur, o zaman yalandan özündən bir necə cümlə yazmalıdır ki, müzakirənin aparıldığı fikrini yaratmış olsun. Mənim sizə daha yaxşı bir təklifim var. Gəlin ali bir komissiya kimi bir şey yaradaq və ora 5 nəfəri seçək və həmin komissiyanın üzvləri qərar versin ki, hansı məqaləyə status verilə bilər, hansına yox. --Baskervill (müzakirə) 00:27, 1 iyul 2019 (UTC)
Baskervill, təbii ki qrammatika, xüsusən də istinadlarda. İstinadlar düzgün formada düzgün şəkildə verilməyib (adi şəkildə soldan sağa yerinə yuxarıdan aşağıya verilib), bu da oxucuda və ya redaktorda çaşqınlığa səbəb olur. Hələ Şahzadə Uilyam və Ketrin Middltonun toyu məqaləsindən danışmıram. Bütün istinadları ruscadan copy-paste edilib. "Çünki, bir çox hallarda labda olan səsvermələr zamanı müzakirələrdə baş tutur", çox hal dedikdə, otuz nəfərə yaxın insanın iştirak etdiyi layihədə adətən həmişə eyni üç-dörd nəfərin bildirdiyi iradları nəzərdə tutursunuz? Bəy, belə bir fakt var ki, istifadəçilərin böyük əksəriyyəti məqalələri yaxından oxumur, bəziləri isə heç üzünə belə baxmadan, səslərin sayına əsasən səs verir. Onları qınamıram. Hər kəsin vaxtı olmur. Hətta envikidə aylarla qiymətləndirilməmiş məqalələr olur, lakin nəzərə alsaq ki, hər gün iki-üç məqalə namizəd göstərilir, bu, olduqca normal haldır. Sizin təklifinizə gəldikdə isə, mənim təklifimlə yuxarı-aşağı tutuşur. --► Hörmətlə: A¥×aᚢ Zaÿïþzaþ€(hail sithis!) 03:29, 1 iyul 2019 (UTC)
Aykhan Zayedzadeh mən sizi çox gözəl başa düşürəm. 5 il bundan əvvəl, Azvikidə mövcud olan bir çox problem bu gün sizi narahat etdiyi kimi məni də narahat edirdi. Zamanla başa düşdüm ki, Azviki sırf könüllü bir lahiyədir və buradan kimdənsə nəsə etməyi ən yaxşı halda xahiş etmək mümkündür. Etiraf edirəm ki, nadir hallarda da olsa, Labda olan məqalələrə baxmadan səs vermişəm. Bunun səbəbi isə orada daha öncə səs vermiş və etibarlılığına heç bir şübhəmin olmadığı idarəçi və istifadəçilərin imzalarının olması olub. İstifadəçilərin bilik və bacarıqları müxtəlifdir. İnsanlardan yüksək səviyyədə məqalə yaratmaqlarını tələb etmək sadəcə olaraq mümkün deyil. Bir digər problem isə aktivliklə bağlıdır. Belə ki, 2019-cu ildə gündəlik olaraq bu sayta daxil olub, fəaliyyət göstərən şəxslərin sayı 30-40-dan çox deyil və bu qədər az şəxslə bütün proseslərin digər böyük vikipediyada olduğu kimi vaxtında və problemsiz icra edilməsi çətin məsələdir. Loru dildə desək büdcədə kifayət qədər vəsait yoxdur :) 15 idarəçinin olduğu halda, əgər bu gün Ana səhifə hər həftənin I günü bir necə saatlıqda olsa boş qalırsa, deməli bizim həll etməli olduğumuz daha önəmli problemlər mövcuddur. Şahzadə Uilyam və Ketrin Middltonun toyu ilə bağlı olan iradlarınızı isə məqalə üzərində zəhməti olan Gulya S-va adlı istifadəçinin müzakirə səhifəsinə bildirə bilərsiniz. --Baskervill (müzakirə) 05:42, 1 iyul 2019 (UTC)
Baskervill, həmin dediyiniz "müzakirələr"də qeyd etmişdim o iradı, ancaq saqqalım yoxdur axı mənə qulaq asan olsun :)) --► Hörmətlə: A¥×aᚢ Zaÿïþzaþ€(hail sithis!) 05:49, 1 iyul 2019 (UTC)
Hörmətli Baskervill, mən Aykhan Zayedzadeh ilə Altı günlük müharibə məqaləsində problemlərin olması ilə bağlı razıyam. İstədiyiniz qədər qramatik səhv tapıla bilər orada. Ona görə də bu mövzunun sərtləşdirmək lazımdır. --Drabdullayev17 (müzakirə) 05:59, 1 iyul 2019 (UTC)
Hörmətli Drabdullayev17 mən səhvlərin mövcud olmadığını demədim ki. İnanıram ki, cənab Qızılbaş onun tərəfindən zənginləşdirilən və yaradılan məqalələrlə bağlı göstərilmiş irad və problemləri hər zaman aradan qaldırmağa hazırdır. Zəhmət olmasa mümkün səhvləri məqalənin müzakirə bölməsinə qeyd edin. Bundan əlavə isə qaydalarının sərtləşdirilməsi deyildikdə, tam olaraq nələri nəzərdə tutduğunuzu deyərdiniz lütfən.--Baskervill (müzakirə) 06:16, 1 iyul 2019 (UTC)
Hörmətli Baskervill mən cənab Qızılbaş tərəfindən yaradılan məqalədə səhvləri aradan qaldıracağına əminəm. Mövzu bu deyil. Mövzu bu səhvlərə malik məqalənin status almasıdır. Heç bir istifadəçi mükəmməl deyil ona görə də istifadəçilərdən xahişim budur ki, məqaləni oxumadan səsvermədə iştirak etməsinlər. Qaydaların sərtləşdirilməsi dedikdə isə müəyyən kriteriyaların tətbiq edilməli olduğunu düşünürəm. --Drabdullayev17 (müzakirə) 06:36, 1 iyul 2019 (UTC)
Baskervill, hətta Mustafa Kamalın Samsuna gəlişi məqaləsinin istinadlar bölməsində "Bu məqalədəki istinadlar müvafiq istinad şablonları ilə göstərilməlidir" xəbərdarlığı var. İndiki sistem diqqətsizliyi gətirib-çıxarır. Bu, yalnızca bir faktdır. Statusvermə prosesini daha peşəkarcasına yerinə yetirmək, "biz kiçik bir layihəyik" deyib səhv-süf məqalələri ön plana çıxarmamalıyıq. --► Hörmətlə: A¥×aᚢ Zaÿïþzaþ€(hail sithis!) 06:42, 1 iyul 2019 (UTC)
Altıgünlük müharibə məqaləsindəki sonuncu cümlənin bir hissəsi: "1972-ci ilin sonlarında artıq Yaxın Şərq yeni bir müharibnin eşiyində idi. Bu arada Nasir ölmüş və onun yerini alan Ənvər Sadat..." Döğru olmayan, orfoqrafik qaydalara uyğun olmayan sözləri qalın hərflərlə işarələdim. Belə məqalələrin status almasında əsas məsuliyyət onu laba daxil edən idarəçinin boynuna düşür. Məhz o, qaydanı pozub və təlimata əməl etməyərək məqaləni laba daxil edib. İstinad məsələsində, seçilmiş məqalənin istinad sistemi gərkdir ki nümunəvi olsun. Ümumi təlimat var ki istinad göstərilən mənbə yoxlanılabilən olmalıdır. Amma həmin məqalədə yoxlanılabilən mənbə görmürəm. Düzdür, bu bizim üçün həssas mövzu deyil, amma həssas mövzular da ola bilər, onlarda mənbənin yoxlanılabılən olması vacibdir. Mənim təklifim budur ki, başqa dildə Vikipediya məqaləsindən tərcümə edilmiş məqalələrə seçilmiş statusu verməmək, olanları da ləğv etmək, çünki hamısında dil qüsurları var. Bir də müraciət zamanı "hörmətli" sözünü yığışdırsaq daha yaxşı olar. En-Vikidə-zadda belə sözlərə təsadüf etmirəm. Sadəliyə üstünlük verməyin vaxtı çatıb. Çim Çen In (müzakirə) 07:21, 1 iyul 2019 (UTC)
Çim Çen In, siz göstərdiyiniz səhvləri özünüz girib düzəldə bilərsiniz. Burada ciddi problem yoxdur. Məqalənin laba təqdim edilməsində məqsəd elə o səhvləri aradan qaldırmaqdır, burada idarəçini günahlandırmaq doğru deyil. Siz yoxlanılabilən mənbə dedikdə nəyi nəzərdə tutmusunuz? Başqa dillərdən tərcümə edilən məqalələrlə bağlı iradınıza gəldikdə xahiş edirəm ABŞ məqaləsini təftiş edib mənə məlumat verin görüm hansı səhvləri görmüsünüz. --Drabdullayev17 (müzakirə) 15:21, 1 iyul 2019 (UTC)
Yox, üzr istəyirəm, bu səhv fikirdir. Məqalənin laba daxiletmə meyarları var. İdarəçilər buna əhəmiyyət vermirlər, qaydanı pozurlar. ABŞ məqaləsi o birilərə baxanda xeyli yaxşıdır amma orfoqrafik səhvlər bunda da var. Orfoqrafiyanı yoxlamaq nə çətin işdir ki? Məqaləni açın Explorerdə, mətni vırezat edib sonra vıstavit edin, orfoqrafik səhvlərin altından qırmızı xətt çəkiləcək. Bunu da edən yoxdur. Tərcümədə yaranan problemlərlə bağlı bir neçə kəlmə yaza bilərəm. Məsələn ABŞ məqaləsi üçün. Qeyd etdim ki, bu başqalarına baxanda xeyli yaxşıdır, amma əlavə edim ki burada da tərcümə problemləri var. Vikipediyaçı terminləri icad etməməlidir. Terminləri azərbaycanca etibarlı mənbədən götürməlidir. Siz yazırsınız, " özünüidarə edən ərazidən və müxtəlif mülklərdən ibarət ölkə". Bəs bizim AME nə yazır? ABŞ-a ölkə yazırmı? Ora baxmaq lazımdır. Mən hələ indiyədək ABŞ-a ölkə deyildiyini eşitməmişəm. AME özünüidarə edən ərazi yazırmı? "sadəcə Amerika" yazmışınız, AME necə yazır bəs bunu? Ərəzini birinci kvadrat millə göstərirsiniz, niyə? Azərbaycanlı oxucu milin nə demək olduğunu bilirmi? Azərbaycanlı oxucu bütün coğrafiya dərslərini kvadrat kilometrlə keçib, bilir ki Azərbaycan ərazisi 86,6 min kvadrat km-dir. Amma heç birimiz bilmirik ki millə nə qədərdir. Bu da tərcümə qüsurudur. "327 milyon nəfərdən çox əhalisi olan ABŞ dünyanın ən çox əhaliyə malik üçüncü ölkəsidir" yazmışınız, "çox əhali" bir cümlədə iki dəfə təkrarlanır, mübtəda cümlənin əvvəlində yox, ortasındadır. Bu da tərcümə qüsurudur. Buradakı fikri iki cümlədə versəydiniz daha yaxşı alınardı: Əhalisi 327 milyon nəfərdən artıqdır. Əhalisinin çoxluğuna görə dünyanın üçüncü dövlətidir. Yaxud, Əhalisi 327 milyon nəfərdən çoxdur (2019-cu il üçün dünyada 3-cü). " Yazmısınız "Alyaska ştatı Şimali Amerikanın şimal-qərbində, şərqdə Kanada və qərbdə Berinq boğazı boyunca Rusiya ilə həmsərhəddir." Amma Alyaska müstəqil dövlət deyil ki kiminləsə həmsərhəd olsun. Astara rayonu İranla həmsərhəd ola bilməz, İranla həmsərhəd olan Azərbaycan Respublikasıdır. Ruscada belə bir cümlə çox dəqiq yazılıb: "Соединённые Штаты граничат на севере с Канадой, на юге — с Мексикой, также имеют морскую границу с Россией". Siz də belə yaza bilərdiniz. Havay ştatı orta Sakit okeanda arxipelaqındadır " yazmışınız, bu nə deməkdir, mən başa düşə bilmirəm? Ruscada, sadəcə belə yazılıb: В Тихом океане находится штат Гавайи, yəni Havay ştatı Sakit okeanda yerləşir, - siz də belə yaza bilərdiniz. "ABŞ-ın əraziləri Sakit okean və Karib dənizi boyunca səpənlənmişdir; doqquz rəsmi saat qurşağında uzanır", yazmışınız, amma ABŞ ərazisi (əraziləri yazmısınız) səpələnə bilməz, Sakit Okeandan Karib dənizi sahillərinə qədər uzana bilər, doqquz saat quğşağında isə uzana bilməz, doqquz saat qurşağında yerləşə bilər. Uzanır və yerləşir sözlərinin cümlədə yerləri dəyişik düşüb, ərazisi əvəzinə isə əraziləri yazmışınız. Bütün bunlar ABŞ məqaləsinin yalnız birinci abzasındadır. O biri abzaslara baxmağa ehtiyac duymuram. Çim Çen In (müzakirə) 19:49, 1 iyul 2019 (UTC)
Çim Çen In, birincisi siz AME dedikdə yəqin ki, AMEA nəzərdə tutmusunuz ki, onlar dilimizlə bağlı gündə bir qərar verirlər. İkincisi ölkə sözünü düzgün olmadığını qeyd etmisiniz. ABŞ-ın ölkə olaraq təsnif edildiyi rəsmi mənbə kimi sizə Dövlət Statistika Komitəsini göstərə bilərəm. Bu kifayət etməsə başqa mənbələrdə tapmaq mümkündür. Sizin bir şeyi eşitməməyiniz onun mövcud olmadığını göstərmir. Həmçinin Azərbaycan dilinin izahlı lüğətinə baxsaq görərik ki, dövlət sözünün izahı "Ölkənin hakim sinfinin, mövcud idarə üsulunu qorumaq və başqa siniflərin müqavimətini aradan qaldırmaq məqsədini daşıyan siyasi təşkilatı, habelə bu cür siyasi təşkilatı olan ölkənin özü." kimi verilib. Amma ölkə sözü üçün "Bir dövlətin idarəsi altında olan yerlər; dövlət." izahı verilib. Buna görə də ölkə sözü səhv seçim deyil. Özünüidarəetmə termini bəlkə sizə tanış olmaya bilər amma bu söz də Azərbaycan dilində mövcuddur. Azərbaycanlı oxucu milin nə demək olduğunu bilirmi? sualınıza cavab olaraq deyə bilərəm ki, bəlkə siz bilmirsiniz amma bir çox istifadəçinin bunu bildiyinə əminəm. Məqalədə ölçülər ona görə mil ilə verilib ki, ABŞ-n rəsmi ölçü vahididir və bütün rəsmi mənbələr (hansı ki biz məlumatları oradan alırıq) mil ilə göstərilir. km ilə göstərildikdə rəsmi mənbələrdən fərqli hesablama çıxa biləcəyini nəzərə alaraq mil ilə verilməsi daha məqsədə uyğundur. "327 milyon nəfərdən çox əhalisi olan ABŞ dünyanın ən çox əhaliyə malik üçüncü ölkəsidir" cümləsində 327 milyon nəfərdən artıq əhalisi sözünü istifadə etmək olar, amma bu halı ilə də heç bir səhv yoxdur. Mübtəda cümlənin əvvəlində olmalıdır deyə bir qayda yoxdur. Heç mübtəda olmaya da bilər. (məs. "Səndən nifrət edirəm." cümləsində mübtəda yoxdur.) "327 milyon nəfərdən çox əhalisi olan" ifadəsi mürəkkəb təyindir və mübtədadan əvvəldə işlənir. Alyaska məsələsinə gəldikdə isə onun ABŞ ilə quru əlaqəsi olmadığı üçün həmsərhəd olduğu ölkələr də ayrıca göstərilib. Siz Naxçıvan Muxtar Respublikası məqaləsində də bununla rastlaşa bilərsiniz. Yəni deməyim odur ki, irad tapmaq asandır əsas olan onu düzəltməkdir. Sizin isə fəaliyyətinizin əsas hissəsi müzakirələr ilə keçir. İndiyə qədər yalnız bir məqalədə fəaliyyətiniz olub. --Drabdullayev17 (müzakirə) 09:31, 2 iyul 2019 (UTC)
Drabdullayev17, AME deyərkən Azərbaycan Milli Ensiklopediyası nəzərdə tutulur. Orada ABŞ məqaləsi var, baxın görün necə yazılıb? Özünüz xahiş etdiniz ki sizin hazırladığınız ABŞ məqaləsinə baxım, təklif və iradlarımı bildirim, mən də baxdım, zəhmətinizi qiymətləndirdim, birinci abzasdakı səhvləri göstərdim. İNDİ NƏDƏN NARAZISINIZ? AzViki üçün ABŞ ərazisinin birinci kvadrat millə göstərilməsi yolverilməzdir. Bu aksiomadır, bunu müzakirə etməyin yeri yoxdur. ABŞ-a ölkə yazılması da yolverilməzdir. Alyaska ştatının Rusiya ilə həmsərhəd olmasını yazmaq da yolverilməzdir. ABŞ ərəzisinin səpələndiyini yazmaq da yolverilməzdir. Və s. və ilaxır. Bunlar hamısı tərcümə qüsurlarıdır. Nəticədə AzViki informasiya mənbəyi olaraq təyinatını itirir, hamı informasiyanı başqa dillərdə oxumağa üstünlük verir. Rusca ABŞ məqaləsini oxuyuram. Bir dənə əndrabadi cümlə belə yoxdur. Bizdəki istənilən seçilmiş məqalə əndrabadi cümlələrlə başlayır və axıra qədər də belə cümlələrlə davam edir. İrad bildirəndə isə inciyirlər. Bu qədər. Çim Çen In (müzakirə) 10:51, 2 iyul 2019 (UTC)
Drabdullayev17:: Azərbaycanca Vikipediyada təkcə milin verilməsi düzgün deyil. Heç olmasa yanında mütləq kilometrlə qarşılığı verilməlidir. Bu saat yoldan adam tutsan, neçə nəfər milin neçə kilometrə bərabər olduğunu deyə bilər ki? Bilməmələri normal şeydi, çünki biz bundan istifadə etmirik. Heç özüm yadda saxlayaram neçə kilometrə bərabərdir, yadımda qalan odu ki, 1 mil 1,2 kilometrə bərabərdir.--127-ci yapon imperatoru 10:54, 2 iyul 2019 (UTC)
Bayaq baxdım, sən demə, 1,6 km imiş)--127-ci yapon imperatoru 10:56, 2 iyul 2019 (UTC)
White Demon məqalədə hər ikisi verilibdir. --Drabdullayev17 (müzakirə) 11:21, 2 iyul 2019 (UTC)
Bilirəm, ümumiyyətlə dedim.--127-ci yapon imperatoru 11:26, 2 iyul 2019 (UTC)
"ABŞ" məqaləsində ABŞ ərazisinin kvadrat millə göstərilməsinə heç bir ehtiyac yox idi, kvadrat km-lə göstərilsəydi kifayət idi. Ensiklopedik ənənələrimiz bunu deyir. Bu ənənələri mənimsəmək lazımdır. ASE-yə baxın, AME-yə baxın, heç birində mil yoxdur. Mil göstərilməsinə ehtiyac varsa, bunu kv kn-dən sonra göstərmək olardı, əvvəl yox. Ölkə məsələsində Drabdullayev17 deyir dövlət ölkə deməkdir. Yox belə deyil, ensiklopedik məqalələrdə dövlət sözünün öz yeri var, ölkə sözünün öz yeri. AME-dəki "Amerika Birləşmiş Ştatları" məqaləsi belə başlayır: "Şimali Amerikada dövlət". Tibb işçisinin fizikadan, kimyaçının coğrafiyadan yazması alınmır. Alınanda da belə alınır. Hamının istənilən mövzuda məqalə yaratması mümkün olsaydı, ali təhsil ixtisası nəyə lazım idi? Fiziklər gedib həkim işləyərdilər, həkimlər fizika ilə məşğul olardılar. Dilçilər riyaziyyatdan dərs deyərdilər. Bunlar mümkün olmadığı kimi, hər bir kəsin istənilən mövzuda öz gücünə məqalə yaratması da mümkün deyil. Çim Çen In (müzakirə) 14:25, 2 iyul 2019 (UTC)
Şərh Şərh: Buna ehtiyac olmadığını düşünürəm, belə qarışıq sistemə maraq daha az olacaqdır. Sadəcə səsverərkən daha diqqətli olmaq lazımdır. Əsas sorun isə səsverməyə dəvət məsələsinidi. Dəvət göndərilir və dəvət göndərilən şəxs də xətrinə dəyməmək üçün lehinə səs verir. Təklif edirəm ki, çox ciddi məsələlər olmadığı müddətcə dəvət yollamaq ləğv olunsun. Hörmətlə --eldarado 17:07, 2 iyul 2019 (UTC)
Eldarado, dəvət məsələsini ləğv etmək bir az çətindi. İndi hansısa istifadəçi davamlı dəvət göndərsə onu bloklayacayıq? Dəvət göndərmək pis şey deyil ki. Burda ləğv etsək, sosial şəbəkədə edəcəklər onsuz, qaçış yoxdu. Məsələ dəvəti alan istifadəçinin qarşı tərəfin xətrinə dəyməmək üçün lehinə səsverməsidir. Bu, nisbətən təcrübəsiz istifadəçilərdə olur. Şəxsən mənə dəvət kimi göndərilən səsvermələrdə əleyhinə səs verəndə bir qram da bu cür hiss yaşamamışam. Bəzi istifadəçiləri "xətrinə dəyməmək" söhbətindən çəkindirib tərəfsiz mövqe sərgiləməyə cəsarətləndirməyin yolunu tapmalıyıq.--127-ci yapon imperatoru 20:43, 2 iyul 2019 (UTC)

Son müraciət

Salam. AzViкidə olan fəaliyyəti dondururam. Hamıya uğurlar arzu edirəm. Tanrı icazə versə, bir il sonra yenidən aranıza qoşulacam. CalalC99(mesaj) 17:18, 30 iyun 2019 (UTC)

Dondurmanın səbəbi nədir, CalalC99(mesaj) ? Baskervill (müzakirə) 00:15, 1 iyul 2019 (UTC)
Hərbi xidmətə yollanıram, bu müddət ərzində məni narahat etməməyinizi xahiş edirəm. CalalC99(mesaj) 07:10, 1 iyul 2019 (UTC)
Yolunuz açıq olsun. Maqamedd (müzakirə) 07:13, 1 iyul 2019 (UTC)
Hamı sağolsun. CalalC99(mesaj) 07:22, 1 iyul 2019 (UTC)
CalalC99, bəs sən universitetdə təhsil almırdın ? Harada xidmət etdiyin yeri yazarsan, çalışarıq ki, yanına gələk. Baskervill (müzakirə) 07:27, 1 iyul 2019 (UTC)
Nihat bəy, artıq dərəcədə xahiş edirəm, hər yerə "burnunuzu soxmayın". CalalC99(mesaj) 08:05, 1 iyul 2019 (UTC)
Sən indi belə yekə-yekə danışırsan, ancaq NBM-nin qapısına baxıb, "ehh, kaş biriləri gələrdi" deyəcəyin günlər olacaq. Tərbiyən üçün təşəkkürlər :) Baskervill (müzakirə) 08:12, 1 iyul 2019 (UTC)
Nihat bəy, o günlər çox tez ötür, narahat olmayın. Həmdə mən tərbiyəsiz deyiləm, sadəcə əsəbdən-gərginliк elə deyirəm. Tanrı icazə versə, bir gün yenidən yazacam sizə. CalalC99(mesaj) 08:14, 1 iyul 2019 (UTC)
Hər şey yaxşı olacaq. Baskervill (müzakirə) 08:28, 1 iyul 2019 (UTC)
Nihat bəy, İnşAllah. Bu günə qədər xətrinizə dəydimsə, üzrlü hesab edin. P. S. Eldar bəylə dünən danışdım, ondan soruşarsınız. CalalC99(mesaj) 08:32, 1 iyul 2019 (UTC)
Mən olsaydım sizi hərbi xidmətə buraxmazdım. Bunu vikipediyadakı anlaşılmayan fəaliyyətinizə görə deyirəm. Amma bilmək olmaz bəlkədə düz fikirləşmirəm.--Q🅾⚓Ç🅾Ⓜ🅰Q 08:34, 1 iyul 2019 (UTC)