Vikipediya:Kənd meydanı/Arxiv/Sentyabr/2016

Vikipediya, açıq ensiklopediya
Jump to navigation Jump to search

Xahiş

Vikipediyanın bütün idarəçi və istifadəçilərinə salam! Mənim hal-hazırda çalışdığım "Arnolfini cütlüyünün portreti" [1] məqaləsində kiçik bir problem yaranıb: belə ki, məqalənin aşağısındakı "Ədəbiyyat" siyahısını iki sütuna bölmək istədiyim zaman, ədəbiyyat siyahısı gözdən itməyə başlayır, xatırladım ki, sütunlara bölmək üçün, mən "Siyahı sütunlarla" şablonundan [2] istifadə etmişdim. Bu problemin aradan qaldırılmasında mənə yardımçı ola bilərsinizimi? Əvvəlcədən Sizə öz minnətdarlığımı bildirirəm. --Farid Aliyev (müzakirə) 09:25, 3 sentyabr 2016 (UTC)

HəY {{siyahı sütunlarla}} şablonu üzərində bir az dəyişiklik etdim, amma yenə də alınmadı. Ona görə də artıq {{sütunlar}} şablonundan istifadə etməyə məcbur qaldım.--White DemΩn (müzakirə) 11:21, 3 sentyabr 2016 (UTC)

Dördgünlük müharibə

Bu məqalə heç də pis yazılmayıb amma bəzi qüsurları görürəm. Həmkarlarıma sual: Bu məqalənin status alması üçün hansı əsas qüsurlar yerindən götürülməlidir?--Azerifactory (müzakirə) 22:16, 3 sentyabr 2016 (UTC)

Azərbaycan camışı

Azərbaycan camışı üçün taksonun hazırlanmasına ehtiyac vardır. Ancaq digər vikipediyalarda camış cinsləri üçün ayrı takson təcrübəsi yoxdur. İnəklər üçün ayrı taksona digər vikilərdə rast gəlinir. Zənnimcə zebu, inək, camış və digər iri buynuzlu heyvanların ümumi taksonu kimi ya "Qaramal" ya da "İribuynuzlu heyvanlar" adlı bir şablonun yaradılması daha düzgün olar. Münasibətlərinizi bilmək istərdim. Hörmətlə--Qolçomaq (müzakirə) 11:30, 5 sentyabr 2016 (UTC)

"İribuynuzlu heyvanlar" üçün daha yaxşı olar. --Araz Yaquboglu (müzakirə) 12:39, 6 sentyabr 2016 (UTC)

RevisionSlider

Birgit Müller (WMDE) 14:56, 12 sentyabr 2016 (UTC)

Lazımi söz tapmaqda çətinlik çəkirəm

Azərbaycanca Vikipediyanın bütün idarəçi və istifadəçilərini salamlayıram. Mənə Sizin yardımınız gərəklidir. Yaratdığım və hal-hazırda çalışdığım məqalədə ([3]) bir nüans peyda olub - olduqca spesefik və tərbiyəsiz mənada istifadə olunan ifadənin ədəbi formasını yazmağa çalışıram, ancaq o ifadənin azərbaycan dilində necə olacağını bilmirəm. Müqəddəs Ştefan kafedralı məqaləsinin Barokko bölməsində, mən Osmanlı-Avstriya ordusu arasında baş vermiş müharibə zamanı Vyana şəhərinin mühasirəsi haqda qeydlər edilmişdir. Bu tarixi hadisə ilə kiçik bir əfsanə də mövcuddur; əfsanəyə görə, türk ordusu islam dininə mənsub olan aypara ilə ulduzu kafedralın ən hündür nöqtəsinə quraşdırmışdılar. Ancaq tezliklə müharibədə məğlub osmanlı ordusu Belqrada doğru geri çəkilir və almanlar bütün türklərin əşyalarını müsadirə edir, həmin ayparanı isə çıxardaraq, üzərinə əxlaqsız rəmz yerləşdirirlər (həmin işarəni bu rəsm əsərindən görə bilərsiniz - [4]). Rus dilində həmin işarə "kukiş" (rus. Кукиш), alman dilində isə (alm. feige‎) adlandırılır. Bizim dilimizdə həmin işarə necə adlandırılır, kimsə öz ideyasını təklif edə bilər? --Farid Aliyev (müzakirə) 14:23, 21 sentyabr 2016 (UTC)

Bizdə üçbarmaq deyirlər. Face-smile.svg --Araz Yaquboglu (müzakirə) 14:41, 21 sentyabr 2016 (UTC)
"ala!" və ya "zırt!" formasında yazıla bilər.--samral müzakirə 07:53, 22 sentyabr 2016 (UTC)
Farid Aliyev, birbaşa mövzumuza aidiyyatı olmasa da Stefan daha düz olmaz? Sən Ştefan yazmısan.--samral müzakirə 09:09, 22 sentyabr 2016 (UTC)
Araz müəllim, məsləhətiniz üçün minnətdaram, Samral, "zırt" ifadəsini məqaləyə necə yazmaq olar axı? ;-) Stefan-Ştefan məsələsinə gəldikdə isə, Stefan - müqəddəsin adıdır, Ştefan isə kilsən almanca tələffüzüdür. --Farid Aliyev (müzakirə) 12:07, 22 sentyabr 2016 (UTC)

Mövzuya aidiyyatı olmasa da, diqqətimi məqalənin girişindəki adın niyə daxili keçidlə verilməsi çəkdi. --Yusif Sərrac (müzakirə) 19:06, 22 sentyabr 2016 (UTC)

Cənab Yusif Sərrac, giriş adının keçidlərə bölünmə üsulunu Vikipediyalar içərisində daha çox rus versiyasında görmək olar. Mövzunun rus dilində olan versiyasına baxsaz, orada da eyniaddımın yerinə yetirildiyini görə bilərsiniz, lakin başqa dillərdə bu tətbiq olunmur və çox güman ki, sonda o keçidləri mən aradan qaldıracam. --Farid Aliyev (müzakirə) 04:05, 23 sentyabr 2016 (UTC)
Məqalə yaradarkən oncə gərək söz ehtiyatını nəzərə almaq lazım...cılız məsəllərlə bağlı insanları narhat etmək lazım deyil.----Namikilisu 23:29, 22 sentyabr 2016 (UTC)
Burada hər bir yaranmış məsələdən "rahatsız" olan deyəsən ancaq sizsiniz cənab Namikilisu. Bir də mənə irad bildirməkdən öncə, mənə yazdığınız cümləni diqqətlə nəzərdən keçirin - cümlə orfoqrafik səhvlərlə doludur. --Farid Aliyev (müzakirə) 03:51, 23 sentyabr 2016 (UTC)
Mübahisə etməyə gərək yoxdur. Bu məsələnin müzakirə olunmasının səbəbi dilimizdə belə mövzularda xüsusi söz və terminlərin olmaması ilə bağlıdır. Təklif edirəm ki, məqalədə həmin bəndi boş saxlayasınız. --Baskervill müzakirə 07:48, 23 sentyabr 2016 (UTC)
Bu işarə əsasən bir təklifi rədd etmək mənasında olduğu üçün "rədd işarəsi" də ola bilər. --Aabdullayev851 (müzakirə) 08:35, 23 sentyabr 2016 (UTC)
Aabdullayev851-la eyni fikirədəyəm. --Azerifactory (müzakirə) 10:11, 23 sentyabr 2016 (UTC)
AzerifactoryAabdullayev851 - əziz dostlar, ancaq burada bir məsələ var : şəkildə təsvir edilmiş olan həmin jest adi rədd olma mənasını ehtiva etmir, əksinə, Samralın yuxarıda qeyd etdiyi qeyri-formal mənada işlədilir və konteksə uyğun olaraq da, məğlub olmuş tərəfin necə aciz və gücsüz olmasını bildirir (qalibin, məğlub üzərindəki üstünlüyü). Bu hissə məqalədə mütləq olmalıdır, hətta deyərdim ki, bu tərbiyəsiz işarəyə ayrıca bölməni yaratmaq fikrindəyəm. --Farid Aliyev (müzakirə) 12:50, 23 sentyabr 2016 (UTC)
Konkret bir söz yoxdursa, heç olmasa "əxlaqsız işarə" ifadəsindən istifadə oluna bilər.--White DemΩn (el psy congroo) 13:50, 23 sentyabr 2016 (UTC)
White Demon, "əxlaqsız işarə" məgər * kimi getmir?--Azerifactory (müzakirə) 14:16, 23 sentyabr 2016 (UTC)
Dediyinizi tam başa düşmədim.--White DemΩn (el psy congroo) 14:19, 23 sentyabr 2016 (UTC)

Fərid Samralın dediyi terminlər düzdür. Amma bu terminlərdən istifadənin müəyyən qədər etiraza səbəb ola biləcəyini nəzərə alaraq "iki barmaq arasında baş barmaq işarəsi" sözlərindən istifadəni məqsədəuyğun hesab etmək olar. --►Tərxan Paşazadə 17:58, 24 sentyabr 2016 (UTC)

Dəyərli fikirlərinizə görə, Sizə təşəkkürümü bildirirəm Tərxan bəy. Təklif etdiyiniz misalı məqalənin müvafiq bölməsində istifadə etdim artıq, bölmənin adlandırılmasına gəldikdə isə, o, mən tərəfdən hələ də "Süleymanın üçbarmağı" şəklində verilmişdir, çünki bölmənin adı bir qədər konspektiv və lakonik olmalıdır. Hər halda, mən istərdim ki, məqaləni tamamladıqdan və laboratoriyaya təqdim etdikdən sonra onun üzərində doğru bildiyiniz dəyişiklikləri icra edəsiniz. --Farid Aliyev (müzakirə) 19:46, 24 sentyabr 2016 (UTC)

Sual

Salam həmkarlar. Bir köməklik lazımdı mənə, belə bir tip şablon. Şablonda əlifbanın hərfləri olsun. (A, B, C, D və s.). Hər hərfə basanda o hərflə başlayan şəxslər çıxsın. Kömək edə bilərsiniz?--Calal99 (müzakirə) 17:57, 25 sentyabr 2016 (UTC)

Var. Amma o şablon ən çox məqaləsi olan kateqoriyalarda istifadə edilir. Baxa bilərsiz: Kateqoriya:Əlifba sırasına görə şəxslər. --Araz Yaquboglu (müzakirə) 05:24, 26 sentyabr 2016 (UTC)
Araz Yaquboglu mən kateqoriyalı şablon soruşmuram. Şablon olsun misal üçün M. Məmmədov məqaləsində. O şablonda əlifbanın hərfləri olsun, (A, B, C, D və s.). Hər hərfə basanda elə həmin şablondaca basdıqım hərfli şablonlar çıxsın.--Calal99 (müzakirə) 13:53, 9 oktyabr 2016 (UTC)
Calal99 sualınızı tam anlaya bilmədim. --Araz Yaquboglu (müzakirə) 14:11, 9 oktyabr 2016 (UTC)
Araz Yaquboglu "Sovet İttifaqı Qəhrəmanları" şablonu kimi şablon eləmək olar?--Calal99 (müzakirə) 15:24, 9 oktyabr 2016 (UTC)

Qeyri ensiklopedik şəxslərlə bağlı olan problemlər

Azvikinin hal-hazırda ən böyük iki problemi kimi qeyri-ensiklopedik şəxslərlə bağlı məsələİP ünvanlar tərəfindən edilən vandal redaktələri qeyd etmək istərdim. Ərəb əlifbalı məqalələr probleminin yanında bu iki məsələ toya getməli olsada, bu problemində qısa zamanda öz həllini tapmağı üçün çalışmalıyıq. Məndə olan məlumata görə İP redaktələri ilə bağlı məsələ bir müddət bundan əvvəl gündəmə gətirilib, bununla bağlı müyyən səsvermələr təşkil olunub, amma sonda viki cəmiyyət bununla razılaşmayıb. İdarəçi və istifadəçilərimizin fikirlərinə hörmətlə yanaşmaq lazımdır. Bu səbəbdən mən başlıqda qeyd edilən problemlə bağlı məsələni müzakirə etməyi təklif edirəm. Ümumiyyətlə, təklif edirəm ki, Ensiklopedik əhəmiyyətlilik ilə bağlı qanunu qısa zamanda səsverməyə qoyub qəbul edək və bununlada ilkin mərhələdə silinməsi mütləq olan 2.000 - 3.000 aralığında məqaləni bəndəniz silsin. Məsələ ilə bağlı fəal istifadəçi və idarəçilərimizin mövqeyini öyrənmək maraqlı olar. Hörmətlə--Baskervill müzakirə 17:41, 26 sentyabr 2016 (UTC)

Kim deyir ki, "İP redaktələri ilə bağlı məsələ bir müddət bundan əvvəl gündəmə gətirilib, bununla bağlı müyyən səsvermələr təşkil olunub, amma sonda viki cəmiyyət bununla razılaşmayıb." ? Əksinə mənim yadıma gələn vikicəmiyyət razılaşmışdı ki, IP redaktələr icazə ilə olsun. O ki qaldı "Ensiklopedik əhəmiyyətlilik" əvvəlcə bu prinsip envikidən tam tərcümə olunmalıdır, sonra bizim cəmiyyətimizə uyğunlaşdırılmalıdır. Sonra səsverməyə çıxarılmalıdır.--samral müzakirə 17:58, 26 sentyabr 2016 (UTC)
Qeyri-ensiklopedik şəxslərlə bağlı olan məsələ ilə razıyam, ancaq ikinci məsələnin öhdəsindən necə gəlmək olar ki? Məsələn, Türkcə Vikipediyada düzəlişlərin idarəçilərin təsdiqindən sonra görünməsi kimi bir sistem var. O sistemin oxşar variantını tətbiq etmək mümkün deyil? İP ünvanlardan hərdən həddən artıq gülünc müdaxilələr edilir. Bizdə də düzəlişlərin idarəçilərin təsdiqindən sonra görünməsi sistemi tətbiq olunsa pis olmazdı. Bu sistemi hamıya aid etmədən də edə bilsək lap yaxşı olar. Məsələn, artıq 1-2 ildir ki, vikipediyada yazan və artıq vandallıq etmədiyi təsdiqlənənləri bu sistemdən azad edib, yeni başlayanları bir müddət müşahidə etmək olsa yaxşı olar. Zamanla özünü təsdiqləsə, onu da nəzarətdən kənarlaşdırmaq və s. belə şeylər etmək olar. Hörmətlə: --Yusif Sərrac (müzakirə) 18:01, 26 sentyabr 2016 (UTC)
IP iştirakçıların fəaliyyətinin Vikipediyada %-də 99 vandalyönümlü istiqamətini özündə ehtiva etdiyini nəzərə alaraq, təklif edirəm ki, hər hansı bir IP redaktəsi məqalədə avtomatik şəkildə yaddaşa yazılmasın və idarəçi heyətinin bir üzvü tərəfindən ilkin gözdənkeçməyə məruz qalsın. Bundan əlavə olaraq qeyd etmək istərdim ki, bəzi istifadəçilərin öz nənə-babası haqqında məqalə yaratmaq tendensiyası da Vikipediyanın daha bir problemidir ki, bunun da qarşısı mütləq alınmalıdır (Vikipediyada buna dair xüsusi səhifə dərc olunmalıdır). --Farid Aliyev (müzakirə) 18:05, 26 sentyabr 2016 (UTC)
Məndə İP ünvanlar tərəfindən redaktələr edilməsinin tərəftarı deyiləm. Ya ümumiyyətlə İP ünvanlar tərəfindən redaktə edilməsi mümkün olmasın ya da Yusif SərracSamralın qeyd elədikləri kimi redaktə olunduqdan sonra idarəçilər tərəfindən təsdiq olunsun. Düşünürəm ki, bununla vandal redaktələrin qarşısını nisbətən də olsa almaq olar. -- eldarado 18:11, 26 sentyabr 2016 (UTC)
IP redaktələrin məhdudlaşdırılması ilə bağlı keçirilən səsvermə zamanı Huggle proqramı işlək vəziyyətə gətirildiyindən və Təhqir süzgəcləri işə salındığından artıq alınan qərar mənfi olmuşdu. Xüsusilə, Təhqir süzgəcini qeyd etmək istəyirəm: bu süzgəc sayəsində hazırda AzVikidə qeydə alınan vandalizm faktları əvvəlkindən daha azdır. Mən ümumiyyətlə artıq IP redaktələrin məhdudlaşdırılması məsələsinə müsbət yanaşmıram, çünki bu, Vikipediyanın "hər kəs redaktə edə bilər" prinsipi ilə ziddiyyət təşkil edir. Qeyri-ensiklopedik şəxslərə gəldikdə isə, bu məsələ sadəcə bir qayda ilə məhdudlaşdırıla bilməz. Musiqiçilər üçün ayrı, idmançılar üçün ayrı, alimlər üçün ayrı əhəmiyyətlilik qaydaları olmalıdır, EnVikidə olduğu kimi. Yoxsa təkcə Ensiklopedik əhəmiyyətlilik qaydası qəti kömək etməyəcək.--White DemΩn (el psy congroo) 18:16, 26 sentyabr 2016 (UTC)
Şəxsən mən Samralın təklif etdiyi və Yusif Sərrac, Eldarado tərəfindən dəstəklənən gözdənkeçirmək məsələsini öz üzərimə götürməyə hazıram. Gündəlik formada 70-80 İP tərəfindən edilən əlavələri yoxlaya bilərəm. Əlbəttə də ki, bu işdə mənə digər idarəçi yoldaşlarında köməklik edəcəyinə inanıram. Məsələ burasındadır ki, İP-lərin etdiyi readaktələrin əksəriyyəti hansısa kənd barədə olan məqalənin görkəmli şəxslər bölməsinə öz babasının adını yazmaqdan və ya hansısa məşhur şəxs barədə olan məqaləyə daxil olub təhqir yazmaqdan o tərəfə keçmir. Bir tərəfdən baxanda normal fəaliyyət göstərən İP ünvanlarıda var ki, onlarda zəhmət çəkib qeydiyyatdan keçsələr daha yaxşı olar. 5 il əvvəl bu məsələni müzakirə etmək mənasız görünə bilərdi, ancaq günümüzdə İP redaktəsi günü-günüdən problemə çevirilmək üzrədir. --Baskervill müzakirə 18:18, 26 sentyabr 2016 (UTC)
Hörmətli White Demon sizin söhbət açdığınız təhqir süzgəcinin effektiv olması ilə bağlı ciddi şübhələrim var. Belə ki, bir müddət bundan əvvəl Hizbullah məqaləsinə İP tərəfindən edilmiş bu dırnaq arası əlavə sistemə oturmuşdu. İnanıram ki, bizim gözümüzdən qaçmış onlarla, hətta yüzlərlə belə məqalələr mövcuddur. Bir məqaləyə belə söz yazan adam, nadir hallarda özünə hesab açmağa əziyyət verər. --Baskervill müzakirə 18:26, 26 sentyabr 2016 (UTC)
Təbii ki, süzgəclər bütün vandalizm aktlarının qarşısını ala bilməz. Buna görə də əlavə tədbirlər əlbət görülməlidir. Amma süzgəclər heç də effektsiz deyil: Məsələn, "Yeni çox qısa məqalə" süzgəci düz 2715 dəfə çox qısa və mənasız məqalənin yaradılmasının qarşısını alıb.--White DemΩn (el psy congroo) 18:34, 26 sentyabr 2016 (UTC)
Bu məsələ ilə bağlı məlumatlı olduğunuz görünür. Biz hər söyüş və təhqirlərdən ibarət bir black list hazırlaya bilərikmi ki, həmin sözləri bura yazanda qeyd olunmasın ? Bəzi saytlarda oxşar funskiya vardı. --Baskervill müzakirə 18:40, 26 sentyabr 2016 (UTC)
Ümumi vandalizm süzgəci əslində bu cür söyüşlərin qarşısını alır. Süzgəcə digər söyüşləri (əslində istənilən sözü) də əlavə etmək olar. Lakin bu süzgəcin effektivliyindən şübhələrim var, çünki bir neçə də qarşısını almalı olduğu redaktəni əngəlləmədiyini görmüşəm.--White DemΩn (el psy congroo) 18:46, 26 sentyabr 2016 (UTC)
El arasında ən məşhur olan sözlər asanlıqla Azvikidə özünə yer tapırsa, demək süzgəc öz işini görə bilmir. Maraqlıdır ki, gül kimi səsvermə keçirdib razılıq alınmışdı, sonradan niyə fikir dəyişikliyi oldu ki ? Həmin zaman hərbi xidmətdə olduğumdan proseslərdə iştirak etmək imkanım təəssüf ki, olmamışdı. --Baskervill müzakirə 18:49, 26 sentyabr 2016 (UTC)
By the way ən böyük Beşiktaş sözünün süzgəcə salınmasını doğru hesab etmirəm :) Ümumiyyətlə, ora əlavə edilən sözlərin əksəriyyəti çox zaman işlədilmir. Biz konkret təhqirləri ora əlavə etməliyik. Və burada nəzərə almaq lazımdır ki, belə tip insanlar həmin sözləri çox zaman azərbaycan dilində yox kompları ingilis dil bölməsində olanda yazırlar. --Baskervill müzakirə 18:54, 26 sentyabr 2016 (UTC)

Biz süzgəcə sözləri dildəki qrammatik normalara uyğun yazsaq da, düzəlişləri edənlərin çoxu heç doğru düzgün yazmır da. Öz yazdığım məqalələrin düzəlişlərini izləyirəm. Yazılan artıq ifadələri heç bizim dildə düzgün yazmırlarsa süzgəc nə qədər effektiv ola bilər? Onda gərək bir sözün bizim dildə mümkün yazılışının 5-6 variantını da sistemə daxil edək. Məsələn, şəlalə sözü olsun tutaq ki. Bunu şəlalə, şelale, welale, shelale, selale olaraq neçə variantda daxil etməliyik ki, sistem onu başa düşə bilsin. --Yusif Sərrac (müzakirə) 18:59, 26 sentyabr 2016 (UTC)

Baskervill, bu elə süzgəcdir ki, onu adi istifadəçilər görə bilməz. Buna görə də türkçə Vikipediyadan bir istifadəçidən xahiş etdim ki, süzgəcin kodunu mənə e-mail ilə göndərsin. Elə alındı ki, süzgəcdə olan sözləri çox dəyişdirmədim. ən böyük Beşiktaş ordan qaynaqlanır Face-smile.svg. Amma deyəsən süzgəc nədənsə tam işləmir. Çünki bayaq test etdim, süzgəc buraxdı. Ən yaxşı variant türkçə və rusca Vikipediyada olduğu kimi redaktələrin səlahiyyətli istifadəçilər tərəfindən təsdiq olunması sistemidir.--White DemΩn (el psy congroo) 19:26, 26 sentyabr 2016 (UTC)
IP adreslərlə bağlı ümumiyyətlə redaktə icazəsi ləğv edilməlidi. Buna 2 əsas səbəb var: 1) Bu qədər redaktə nəzarət edəcək nə aktiv idarəçilərimiz var, nə də patrul ola biləcək o qədər aktiv istifadəçimiz. Adicə bir misal. Türkcə vikipediyada o qədər aktiv idarəçi, patrul, istifadəçi var. Yenə də çatdıra bilmirlər. 2) IP redaktələrin 99,9 %-i vandalizmdir. Bu dediyim 2 əsas səbəbə görə IP redaktəsi ləğv edilsin deyirəm.--samral müzakirə 20:25, 26 sentyabr 2016 (UTC)
Gəlin kompromiss variant olaraq, SMYM statuslarını əldə etmiş bütün məqalələri IP-lərdən mühafizə edək. Çünki bu məqalələrin stabil keyfiyyətli qalmaları bizim üçün prioritetdir. --Farid Aliyev (müzakirə) 21:44, 26 sentyabr 2016 (UTC)
Keete 37, tam razıyam. BaskervillWhite Demon bunu dəstəkləsə super olar.--Azerifactory (müzakirə) 00:51, 27 sentyabr 2016 (UTC)
Mən bu məsələdə əsas yükü daşımağa hazıram. Əgər ki, İP redaktələrinin yoxlanılmasından söhbət gedirsə, sözügedən məqalələri gündəlik formada mən yoxlaya bilərəm. Hörmətli Wertuose əgər mümkündürsə yeni bir səsvermə başladaq və yaxud burada keçirilən səsvermənin nəticələrini qəbul edək. Cənab SortilegusSefer azerinin fikirlərini öyrənmək istərdim. --Baskervill müzakirə 05:08, 27 sentyabr 2016 (UTC)
Baskervill, keçirilmiş səsvermənin yekunlaşdırma hissəsində yazıb ki, "Yuxarıdakı müzakirədə türk vikisindən İstifadəçi:Mavrikantın yazdığı təkliflərin IP-patruldan daha faydalı olduğunu və İstifadəçi:Serkanlandın bu istiqamətdə Təhqir jurnalına əlavə etdiyi filtrlərin artıq fayda verdiyini nəzərə alaraq, səsvermənin nəticəsinə dair stüardlara müraciət etməmək daha düzgün olar. Müəyyən müddət filtrlərin işini təkmilləşdirmək və nəticəsini izləmək lazımdır və əgər son nəticədə IP-patrulun tətbiqinə zərurət yaranrsa, o halda təkrar səsvermə keçirmək, yaxud bu səsvermənin nəticələrinə əsaslanmaq barədə stüardlarlarla əlaqə yaradılacaq." Deməli son cümləyə əsaslanıb stüartlara müraciət edə bilərik. Farid Aliyev-in fikri ilə razıyam. İlkin mərhələdə statuslu məqalə və siyahıları mühafizə edə bilərik.--samral müzakirə 05:55, 27 sentyabr 2016 (UTC)
Ümumən yazılanlarla mən də həmrəyəm. IP məsələsində tam qarşısını almaq yaxşı hal deyil. Amma rus və türk vikipediyasındakı kimi IP redaktələr icazə verildikdən sonra məqalədə görünməsi variantı yaxşıdır. Şəxslərlə bağlı isə ancaq və ancaq layihənin ayrı-ayrı bölmələri işlənilməli, tərcümə olunmalı və Azvikiyə uyğunlaşdırılmalıdır. Çünki elə hallar var ki, digər vikilərdən fərqli olaraq bizdə başqa cür ola bilər. Məsələn aşıqlarla bağlı. --Araz Yaquboglu (müzakirə) 07:52, 27 sentyabr 2016 (UTC)

Serkanın tətbiq etdiyi süzgəcin işə düşməsindən sonra IP-dən redaktə edən istifadəçilərin ciddi bir problem yaratdığını düşünmürəm. Ona görə də bu məsələnin bu gün azviki üçün ciddi problem yaratdığını demək olmaz məncə. Tam əksinə olaraq, ensiklopedik əhəmiyyətlilik mövzusu bu gün azvikinin əsas həll edilməsi tələb edilən məsələsidir. Problem təkcə şəxslərlə bağlı deyil, istifadəçilər istədikləri şirkət, film, şəxs, musiqi albomu, kitab və sair haqqında rahat məqalə yarada bilirlər. Baxırsan albom heç bir leybla malik deyil, kitab (elə müəllifi də) ensiklopedik əhəmiyyət daşımır. Amma haqqında məqalə yaradılır. Beləcə vikidən özünüreklam üçün istifadə edilir. Bu isə, birmənalı olaraq vikipediyanın ensiklopediya olaraq nüfuzuna vurulan ciddi zərbədir. Çıxış yolu isə mənim fikrimə görə yalnız birdir: müvafiq qaydaları hazırlayıb səsverməyə çıxarmaq. Daha sonra qaydalar əsasında ensiklopedik olmayan məqalələrdən azvikini tədricən təmizləmək. Mən Ensiklopedik əhəmiyyətlilik şablonunu yaratmışam. Şablonda olan və hazırda azviki üçün aktual hesab etdiyim iki qaydanı da tam tərcümə edib hazırlamışam [5][6]. İlkin olaraq bu qaydaların səsverməyə çıxarılaraq müzakirə edilməsindən başlaya bilərik. Paralel olaraq Şəxslər, elm xadimləri və idmançılar haqqında qaydaları hazırlaya bilərik. Daha sonra digər sahələrlə bağlı ensiklopediklik qaydalarını işləyərik. Beləcə həm məqalə sayının kəskin şəkildə aşağı düşməsinin qarşısını ala, həm də azvikinin "təmizlənməsini" təmin edə bilərik. --sefer azeri 11:00, 27 sentyabr 2016 (UTC)

Süzgəcin əhəmiyyətsizliyini demək olmaz. Süzgəc tətbiq olunmazdan öncəki vəziyyətlə indikini müqayisə etdikdə nə qədər fərqin olmasını açıq şəkildə görmək olar. Müəyyən təkmilləşdirmələr aparıla bilər. Patrullaşmanın çıxış yolu olmasını düşünmürəm-Qolçomaq (müzakirə) 11:24, 27 sentyabr 2016 (UTC)
Son zaman yaradılan məqalələrdə ancaq söyüş görürəm. Gəlin səsvermə edək.--Azerifactory (müzakirə) 15:35, 27 sentyabr 2016 (UTC)

Mənim qeyri-ensiklopedik şəxslərlə bağlı məsələyə münasibətim çox sadədir. Bu məsələnin həlli mexanizmi artıq bəllidir. Sadəcə işə salmaq lazımdır. Bu növ məqalələri silmək üçün bu səhifəyə yerləşdsirmək kifayət edər. Amma orada da istifadəçilərin fəallığına ehtiyac duyulur. Qaldı ki, adi razılaşma ilə məqalələri silmək məsələsinə, bu kökündən tam yanlışdır.

IP ünvanlardan edilən dəyişikliklərin tam qarşısını alınması düzgün deyil. Ancaq IP ünvanlardan edilən dəyişikliklər idarəçilər tərəfindən icazə verildikdən sonra məqalədə görünməsi variantı daha düzgündür.-- ■ Sultan mesaj 16:19, 27 sentyabr 2016 (UTC)

sefer azeri, 2 qaydanı tərcümə etmisən, Allah razı olsun. Amma bir məsələ var. Bunu mən yuxarıda qeyd etmişdim, indi son rəyində Araz Yaquboglu bəy də qısa və konkret yaxşı qeyd edib. Ki, biz qaydalar hazırlayaq, tərcümə və qəbul edək. Amma bir şey də var ki, biz envikinin və ya ruvikinin ensiklopediklik qaydasını olduğu kimi tərcümə edib, səsverməyə çıxarıb tətbiq edə bilmərik. Elə olsa bizim idmançı, musiqiçi, alim, kitab, aktyor, film, albom və s. 90 %-i olacaq qeyri-ensiklopedik. Çünki enviki, ruviki kimi vikilərdə qaydalar çox sərt və alidir. Məsələn enviki elə istinadları akademik hesab edir ki, gərək bizim elmi məqalə və kitablarımızın 90 %-ini atasan çölə. "Bir alimin ensiklopedik olması üçün filan qədər dünyanın akademiki onun əsərlərinə istinad etməlidir. Bir kitabın ensiklopedik hesab olunması üçün filan qədər elmi məqalədə ona istinad olunmalıdır. Və ya bədii əsərdisə onun ictimaiyyətdə müzakirəsi olmalıdır, çoxsatılan olmalıdır, tirajı yüz minlərlə olmalıdır və s." bu və buna bənzər maddələr azvikidə tətbiq olunsa onda gərək bəri başdan alim, kitab, albom və s.-larımızın 90 %-i ilə sağollaşıb başlayaq ancaq Enyşteyn, "Da Vinçi şifrəsi" romanı, "Triller" albomu, "Titanik" kinosu haqqında yazmağa. Çünki o qaydalarla ancaq bu və bu kimi məqalələr ensiklopediklik süzgəcindən keçə biləcək. Buları da mütləq nəzərə almaq lazımdır. Xülasə Qaydalar Azərbaycan dili ilə yanaşı Azərbaycan cəmiyyətinə də uyğunlaşdırılmalıdır.--samral müzakirə 18:15, 27 sentyabr 2016 (UTC)
Samral, onu etmək lazımdı, bunu etmək olar kimi müzakirələrlə davam etsək bu məsələni illərlə uzada bilərik. Konkret iş görmək lazımdı. İki qaydanı tərcümə etmişəm, həmin qaydaların "Azərbaycan cəmiyyətinə uyğunlaşdırılması üçün" hansısa təklifiniz varsa qaydaların müzakirə səhifəsinə qeyd edin. Başqa istifadəçilər digər qaydaları tərcümə edib hazırlasınlar, həmin qaydalar üzərində də müzakirə aparılar. --sefer azeri 11:34, 28 sentyabr 2016 (UTC)
sefer azeri haqlısız. Razıyam.--samral müzakirə 11:56, 28 sentyabr 2016 (UTC)

Nəticə nə oldu? Səs veriririk?--Azerifactory (müzakirə) 00:41, 29 sentyabr 2016 (UTC)

Şəxsən mən türklərin sözü olmasın tətikdə dayanmış, hazır vəziyyətdə gözləyirəm. Əslində səsvermə keçirmək lazım deyil. burada bir dəfə səsvermə keçirilib və lazım olan səs toplanılıb. Sadəcə yekunlaşdırma hissəsində cənab idarəçimiz belə bir qeyd edib: Müəyyən müddət filtrlərin işini təkmilləşdirmək və nəticəsini izləmək lazımdır və əgər son nəticədə IP-patrulun tətbiqinə zərurət yaranrsa, o halda təkrar səsvermə keçirmək, yaxud bu səsvermənin nəticələrinə əsaslanmaq barədə stüardlarlarla əlaqə yaradılacaq Yəni Wertuose deyir ki, lazım olan an bu səsvermənin nəticəsi əsas götürlə bilər. Bu məsələdə maraqlı olan şəxslər Wertuose bəyi bura şərh yazmağa dəvət etsin. Mən sosial şəbəkə üzərindən təklif göndərmişəm. Cənab Wertuose. Zəhmət olmasa İP patrulanması ilə bağlı stüardlara müraciət edin.
  1. + Lehinə--Baskervill müzakirə 20:11, 29 sentyabr 2016 (UTC)
  2. + Lehinə-- İP-dən edilən düzəlişlərə nəzarətin gətirilməsini dəstəkləyirəm. --Yusif Sərrac (müzakirə) 20:17, 29 sentyabr 2016 (UTC)
  3. + Lehinə--samral müzakirə 20:21, 29 sentyabr 2016 (UTC)
  4. + Lehinə İP fəaliyyətinə ciddi şəkildə nəzarət olunmalıdır. --Farid Aliyev (müzakirə) 20:29, 29 sentyabr 2016 (UTC)
  5. + Lehinə--Azerifactory (müzakirə) 21:35, 29 sentyabr 2016 (UTC)
  6. + Lehinə --Araz Yaquboglu (müzakirə) 08:35, 30 sentyabr 2016 (UTC)
  7. + Lehinə--White DemΩn (el psy congroo) 09:28, 30 sentyabr 2016 (UTC)
  8. + Lehinə--Namikilisu 05:38, 1 oktyabr 2016 (UTC)
  9. + Lehinə--Aabdullayev851 (müzakirə) 08:05, 1 oktyabr 2016 (UTC)

Nəticə

Hamı razıdır. Gəlin artıq işə keçək, diskussiya ilə işlər ləngiyir. Adminlərdən xahiş edirəm ki, bütün SMYM statuslarını əldə etmiş bütün məqalələri IP-lərdən mühafizə etsinlər. Adamlar bu məqalələr üzrə əziyyət çəkir, vandallar isə ancaq axmaq şeylər yazırlar.--Azerifactory (müzakirə) 06:39, 2 oktyabr 2016 (UTC)

Grants to improve your project

Please help translate to your language:

Greetings! The Project Grants program is currently accepting proposals for funding. There is just over a week left to submit before the October 11 deadline. If you have ideas for software, offline outreach, research, online community organizing, or other projects that enhance the work of Wikimedia volunteers, start your proposal today! Please encourage others who have great ideas to apply as well. Support is available if you want help turning your idea into a grant request.

I JethroBT (WMF) (talk) 20:11, 30 sentyabr 2016 (UTC)