Əleyhinə: Məqalədə çoxlu sayda kobud səhvlərə yol verilib. Belə ki, məqalədə "Qarabağ memarlığı" ifadəsi işlədilsə də, akademik ədəbiyyatda belə bir anlayış yoxdur. Qarabağ ərazisindəki abidələr əsasən Azərbaycan memarlığının Arran, qismən də Naxçıvan-Marağa memarlıq məktəbinə aiddir. Bu cür ifadələrin ya dəqiqləşdirilməsinə, ya da müvafiq elmi terminlə əvəzlənməsinə ehtiyac vardır. Məqalədə qeyd edilir ki, "Şahbulaq qalası memarlıq üslubu Qarabağ memarlığının, xüsusilə də Qarabağın mərkəzi Şuşa şəhərinin memarlığının davamı və tərkib hissəsidir". Halbuki, Şuşa şəhəri Şahbulaq qalasından sonra inşa edilib və məqalədə verilən məlumatların tam əksinə, Şahbulaq qalasının memarlığı Şuşa qalası da daxil olmaqla, Şuşadakı erkən tikililərin memarlıq xüsusiyyətlərinə ciddi təsir edib. Məqalədə Şahbulaq qalasının etibarsız hesab edilməsinə gətirib çıxaran səbəblər haqqında məlumat verilmir, lakin bu haqqda ayrıca başlıq yaratmaq olardı. Abidənin memarlıq xüsusiyyətləri ilə bağlı olan başlıq da zəif işlənilib. Məncə, tələm-tələsik məqaləyə hansısa status verib, bir kənara atmaq lazım deyil. Gələcəkdə daha ətraflı və düzgün məlumatlarla zənginləşdirilib (bu baxımdan mən də kömək edə bilərəm) yenidən səsverməyə çıxarılması yaxşı olar. Hörmətlə --sefer azeri17:18, 9 iyun 2019 (UTC)[cavabla]
Hörmətli Sefer azeri qeyd etdiyiniz səhvi aradan qaldıraraq mənbə göstərdim. Mövzu ilə əlaqədar çox az mənbə mövcuddur. Məsələn məqalənin Tarixi bölməsini yetərincə genişləndirmişəm. Çünki mənbələr yetərincə var idi. Memarlıq xüsusiyyətləri bölməsi ilə bağlı sizə müraciət edəcəkdim, sizin öz müzakirə səhifənizə də yazmışdım ki, zəhmət olmasa facebookunuza nəzər salın. Sizin yazmadığınızı gördüm və məqaləni özüm genişləndirməyə qərar verdim. Əlavə mənbələrə nəzər saldıqca hər kitabda ən çoxu 2 abzas mövcud idi. Mən məqalənin tələm tələsik status verilməsini istəmirəm, hamımız Azviki üçün çalışırıq və məqsədimizdə Azərbaycan dilli vikipediyanı inkişaf etdirməkdir. Sizin də memarlıq bölməsində köməklik göstərmiyinizi xahiş edirəm. --Maqamedd (müzakirə) 17:26, 9 iyun 2019 (UTC)[cavabla]
Hazırda başqa bir böyük məqalə üzərində çalışdığıma görə, təəssüf ki, bu mövzuya sərf etməyə vaxtım yoxdu. Aşağıda qeyd etdiyim mənbələrdə abidənin həm tarixi həm də memarlığı haqqında kifayət qədər ətraflı məlumat əldə edə bilərsiz.--sefer azeri18:03, 9 iyun 2019 (UTC)[cavabla]
