Vikipediya:Uşaqlar üçün/Yağıntı

Vikipediya, açıq ensiklopediya
Jump to navigation Jump to search
Atmosfer yağıntıları > Uşaqlar üçün/Yağıntı
Uşaqlar üçün
Usaqlar5.gif
Yağıntı

Günəş dənizlərin, okeanların, çayların və göllərin suyunu qızdırır. Qızmış su buxara çevrilir və ilıq hava axını ilə birlikdə atmosferin yuxarı təbəqələrinə qalxır. Orada hava yerin səthinə nisbətən soyuq olduğundan buxar soyuyaraq sıxlaşır və xırda su damcılarına çevrilir. Yerdən baxanda bu damcılar ağ buludlara bənzəyir. Xırda damcılar birləşərək böyüyür, ağırlaşır və yağış halında yağır.

İsti yay günlərində su buxarları ilıq hava axını ilə birlikdə tez bir zamanda 7-9 kilometr hündurlüyə qalxa bilir. Atmosferin yuxarı təbəqələrində hava çox soyuqdur. Burda 40-50 dərəcə şaxta var. Su damcıları belə şaxtada donur, girdə-girdə buz dənələrinə çevrilir (bunlara “dolu” deyirlər) və soyuq yağışla bilikdə tökülür. Qışda külək şimal rayonlarında və mülayim iqlim olan yerlərdə buludların nisbətən ilıq okean və dənizlərdən quruya doğru gətirir. Burda buludlar soyuyur və xırda kristallara çevrilir. Bu kristalların üstünə yenidən buxar hissəcikləri qonur. Kiristallar böyüyür və beləliklə də qar dənələri əmələ gəlir.

Su buxarı yer səthinin yaxınlığında da soyuya bilir. Yay axşamları gündüzün istisindən sonra havada çoxlu buxar toplanır. Çəmənlərin və bataqlıqların, çayların və göllərin üzərinə yüngül duman gəlir. O,şeh şəklində yarpaqların bə otların üstünə düşür. Qırov da qar dənəciyidir. Lakin o, havada deyil, əşyaların səthində əmələ gəlir.

İstinadlar

Uşaq ensiklopediyası-Bakı.1987