Vikipediya:Yoxlanılabilərlik

Vikipediya, açıq ensiklopediya
Keçid et: naviqasiya, axtar
↱ VP:Y

Yoxlanılabilərlik məqalədə olan məlumatı birbaşa təsdiqləyən mənbələrin oxucu tərəfindən yoxlanılmasının mümkün olmasıdır. Mənbənin yoxlanma mümkünlüyü, yoxlanılabilərlik Neytral mövqeOrijinal tədqiqata yer verməmək ilə birlikdə Vikipediyanın 3 əsas qaydasıdan birini təşkil edir. Bu qaydalar Vikipediyada yaradılan məqalələr üçün keyfiyyət və xarakter tələbini daşıyır. Məqalə müəlliflərinə tövsiyyə olunur ki, bu qaydalar ilə tam tanış olsunlar və onları iş prinsipi kimi tətbiq etsinlər.

Vikipediyada olan bütün məlümatlar mütləq yoxlanılabilən olmalıdır. Vikipediyaya məlumatın əlavə edilməsi üçün əsas bu məlumatın həqqiqət olması yox, onun yoxlanılabilən olmasıdır. Məqalədəki şübhə doğuran və ya gələcəkdə şübhə doğurda biləcək məlumatlar üçün məqalə müəllifləri etibarlı mənbələr göstərməlidirlər, əks halda həmin yazılar silinə bilər. Məqalələr həmçinin müəlliflik hüquqlarının tələblərinə cavab verməlidir.

Sübut yükü məlumatı daxil və ya redaktə edən müəllifin üzərinə düşür. Etibarlı mənbəyi olmayan məlumatlar silinə bilər, ancaq bunun nə qədər gec-tez edilməsi şəraitdən asılı olmalıdır, yaxşı olar ki, {{mənbəsiz}} şablonu qoyularaq istifadəçilərə mənbə göstərmələri üçün imkan verilsin. Müəllif məlumatın silinməməsi üçün mənbə göstərməyə borcludur. Məlumatlar insanların şəxsiyyətinə xələl gətirə bilər, vəfat etməmiş şəxslər haqqında mənbəsiz məlumat dərhal silinməlidir.