Məzmuna keç

Viktoriya Leleyka

Vikipediya, azad ensiklopediya
Viktoriya Leleyka
ukr. Вікторія Миколаївна Лелека
Ümumi məlumatlar
Doğum adı Вікторія Миколаївна Корнійкова
Ləqəbləri Donba₴Grl, Leléka
Doğum tarixi 1990(1990) (35–36 yaş)
Doğum yeri
Musiqiçi məlumatları
Fəaliyyəti müğənni, mahnı yazarı[d], bəstəkar
Fəaliyyət illəri 2016-cı ildən
Janrlar elektronik musiqi
Təhsili
  • Kiyev Milli Teatr, Film və Televiziya Universiteti[d]
leleka.de

Viktoriya Nikolayevna Leleyka və ya Viktoriya Nikolayevna Kornikova ukr. Вікторія Лелека; 1990, Dnepropetrovsk vilayəti) — Səhnə adı Donba₴Grl və Leleyka olan Ukraynalı müğənni və bəstəkar. O, "Leleyka" folk-caz qrupunun təsisçisi və solistidir. Viktoriya Leleyka Ukraynanı 2026-cı ildə Vyanada keçirilən Avroviziya Mahnı Müsabiqəsində "Ridnym" mahnısı ilə təmsil edib və 9-cu yeri tutub.

Həyatı

[redaktə | vikimətni redaktə et]
Leleyka 2026-cı ildə Londonda keçirilən Avroviziya Mahnı Müsabiqəsindən əvvəlki əyləncədə çıxış edir

Viktoriya Kornikova (müğənninin qızlıq soyadı) 10 noyabr 1990-cı ildə Ukrayna SSR-in Perşotravensk (hazırda Şaxtyorsk) şəhərində anadan olub. O, yaradıcı ailədə böyüyüb.[1] Atası Nikolay Nikolayeviç bir neçə il "Şaxtyor" mədəniyyət sarayının direktoru olub, 30 ildən çox "Viktoriya" rəqs kollektivinə rəhbərlik edib və qızına məhz bu kollektivin adını verib. Viktoriyanın anası isə teatr dərnəyinə rəhbərlik edib və işıq rejissoru kimi çalışıb.

İ.K.Karpenko-Karol adına Kiyev Milli Teatr, Kino və Televiziya Universitetinin aktyorluq fakültəsində, Stanislav Moiseyevin emalatxanasında ifaçılıq sənəti və aktyorluq sənəti üzrə bakalavr dərəcəsi alıb. Təhsili dövründə, 2011-ci ildə Yaltada Lesya Ukrainka adına Ümumukrayna Bədii Qiraət Müsabiqəsinin Qran Prisini qazanıb.[2]

Lakin sonradan Korniykova aktyorluq karyerasından imtina edib və bunun əvəzinə pedaqoq və müğənni Selin Rudolfun rəhbərliyi altında caz vokal təhsili alaraq ikinci bakalavr dərəcəsinə yiyələnib. O, həmçinin Drezdendəki Karl Mariya fon Veber adına Ali Musiqi Məktəbində kompozisiya üzrə magistr dərəcəsi alıb.[3][4]

2026-cı il etibarilə Viktoriya Almaniyanın Potsdam şəhərindəki Babelsberq Kino Universitetinin kino kompozisiyası şöbəsində magistratura pilləsində təhsil alır.[2]

Karyerası

[redaktə | vikimətni redaktə et]

Karpenko-Karol adına Universitetdə oxuduğu müddətdə iki il Kiyev Gənc Teatrında aktrisa kimi çalışıb və müxtəlif tamaşalarda (o cümlədən "Qonçarovkada elçilik", "KomA", "Sevgi yallısı") rol alıb. Həmçinin Ukrayna film və seriallarında epizodik rollara çəkilib. 2016-cı ildə Viktoriya Berlinin "Young Voices Brandenburg" xorunda və Berlindəki "Flinstones" biq-bəndində oxumağa başlayıb. Elə həmin il o, "Caz standartının qeyri-adi şərhi" nominasiyasında "StuVo Jazz Contest 2016" müsabiqəsinin laureatı olub və Beynəlxalq Caz Vokal Düşərgəsində (New York Voices) iştirak etmək üçün təqaüd qazanıb.[3]

2016-cı ilin baharında müğənni Robert Vinröder, Tomas Kolarçik və Yakob Hegner ilə birlikdə "Leleyka" qrup-folk-caz qrupunu təsis edib. O, qrupla birlikdə 2017-ci ildə "Creole — Global Music Contest" müsabiqəsinin, 2018-ci ildə isə Burqhauzendə keçirilən Beynəlxalq Caz Festivalında "Gənc Caz İstedadları üçün Avropa Mükafatı"nın qalibi olub.[2]

2019-cu ildə Münxenin Gənc Caz Mükafatında ikinci yeri tutub. Musiqi tənqidçisi Roland Şpigel onun "ovsunlayıcı təbii güclə dolu, parlaq, yumşaq səslənməyə və xüsusi auraya malik səsini" yüksək qiymətləndirib. Ralf Dombrovskinin "Cazı sevmək üçün 111 səbəb" kitabına daxil edilən kvartet, eyniadlı Leléka (2017) mini-albomunun ardınca, 2019-cu ildə yeni pianoçu Povel Videstrand ilə birlikdə Tuman adlı debüt albomunu çıxarıb. 2021-ci ilin sentyabrında Leléka qrupu GLM leyblində Sonce u Serci adlı ikinci albomunu işıq üzü bitirib.[5][6][7]

2024-cü ildə Viktoriya Leleka art-pop və elektron musiqi layihəsi olan Donba₴Grl-ü işə salıb və Lesya Ukrainkanın şeirinə bəstələnmiş, depressiya mövzusuna həsr olunmuş musiqi videosu ilə müşayiət olunan "Zbroya" sinqlı ilə debüt edib.2025-ci ildə Donbasgrl Niderlandda keçirilən "Eurosonic Noorderslag şoukeys" festivalında iştirak etmək üçün seçilib və burada alman musiqi prodüseri Jakohitsdifferent ilə əməkdaşlıq çərçivəsində hazırladığı tam proqramla çıxış edib. Elə həmin il, iyunun 26-da o, yenə Jakohitsdifferent ilə birgə ərsəyə gətirdiyi "Jıva" sinqlını təqdim edib. Həmin ayın sonunda o, Böyük Britaniyadakı Qlastonberi festivalında "Green Futures" səhnəsinin hedlayneri olub.[8]

Leleyka Avroviziya Mahnı Müsabiqəsi 2026-da

[redaktə | vikimətni redaktə et]

24 noyabr 2025-ci ildə Ukraynanın ictimai yayımçısı "Suspilne" Viktoriyanın Leleyka təxəllüsü ilə Avroviziya 2026-nın seçim turunun uzun siyahısına daxil edildiyini elan edib. Canlı dinləmələrdən sonra o, 7 fevral 2026-cı ildə baş tutan milli seçim turunun finalistləri sırasına yüksəlib. Viktoriya Leleyka "Ridnym" mahnısı ilə həm münsiflər heyətindən, həm də tamaşaçılardan maksimum xal alaraq seçimin qalibi olub. O, Vyanada keçirilən Avroviziya Mahnı Müsabiqəsi 2026-da Ukraynanı təmsil edərək 9-cu yeri tutub.[9]

Şəxsi həyatı

[redaktə | vikimətni redaktə et]

Karpenko-Karol adına Universitetdə oxuyarkən müğənni Sebastian Anton ilə tanış olub, onunla ailə quraraq yoldaşının soyadını götürüb. 24 yaşında həyat yoldaşı ilə birlikdə Berlinə köçüb. Sonradan onlar boşanıblar və Viktoriya soyadını "Leleyka" olaraq dəyişdirib.[10]

Diskoqrafiya

[redaktə | vikimətni redaktə et]
Viktoriya Leleyka Vyanada keçirilən Eurovision 2026-nın ikinci yarımfinal məşqində.

Studiya albomları

[redaktə | vikimətni redaktə et]

Leleyka qrupunun üzvü kimi

[redaktə | vikimətni redaktə et]
Adı Təfərrüatlar
Sonce u Serci
Rizdvo
Kolysanky

Kiçik albomlar

[redaktə | vikimətni redaktə et]
Adı Təfərrüatlar
Leléka
Tuman

Maksi sinqllar

[redaktə | vikimətni redaktə et]
Adı Təfərrüatlar Trek siyahısı
«І будуть люди»
  1. «Zozulja»
  2. «Zapizno»

Siyahılara düşən sinqllar

[redaktə | vikimətni redaktə et]
İl Adı Çartlarda yüksək mövqeyi Albom
УКР
Топ 100
[17]
2026 «Рідним» 55 Albom olmayan sinql

Donba₴Grl kimi

[redaktə | vikimətni redaktə et]
  • 2024 — «Зброя»
  • 2025 — «Жива»

OST (film saundtrekləri)

[redaktə | vikimətni redaktə et]

Bəstəkar kimi

[redaktə | vikimətni redaktə et]
  • 2020 — İ budut lyudi (İnsanlar olacaq), teleserial (rej. Arkadi Nepitalyuk) — "Zozulya" və "Zapizno" mahnıları[18]
  • 2023 — Berdyansk, qısametrajlı film (rej. Katerina Payda)[19]
  • 2023 — Mama (Ana), qısametrajlı film (rej. Mariya Felenko)[20]
  • 2024 — Bitte. Danke. Genau, qısametrajlı film (rej. Polina Kundirenko)[21]
  • 2025 — Ptıtsı i zveri. Vselennaya Gnezdovskogo (Quşlar və heyvanlar. Qnezdovskinin kainatı), sənədli film (rej. Nadejda Parfan)[22]
  • 2025 — A Million Yard Stare, bədii film (rej. Ravi Qautam)[23]

İstinadlar

[redaktə | vikimətni redaktə et]
  1. ↑ "Продовжую вас знайомити з собою". tiktok.com (ukrayna). 15 dekabr 2025. İstifadə tarixi: 18 dekabr 2025.
  2. 1 2 3 "Viktoria Leleka Riga Jazz Stage Contestant". rigajazz.lv (ingilis). 18 dekabr 2025 tarixində arxivləşdirilib. İstifadə tarixi: 18 dekabr 2025.
  3. 1 2 "Leleka (Kurzporträt)". 2 oktyabr 2022 tarixində orijinalından arxivləşdirilib. İstifadə tarixi: 10 dekabr 2025.
  4. ↑ Scotney, Sebastian. "Ukrainian singer Viktoria Leléka". ukjazznews.com (ingilis). 3 iyun 2022. 2 fevral 2026 tarixində arxivləşdirilib. İstifadə tarixi: 2 fevral 2026.
  5. ↑ "Leleka". 24 may 2024 tarixində arxivləşdirilib. İstifadə tarixi: 26 may 2026.
  6. ↑ "Leleka (Webpräsenz)".[ölü keçid]
  7. ↑ "Ethno-Jazz-Band Leléka aus Berlin gewinnt 10. Europäischen Nachwuchsjazzpreis".
  8. ↑ "3 aus 34: 7. Junger Münchner Jazzpreis 2019 mit grandiosem Konzertfinale". Jazzzeitung.
  9. ↑ Sonko, Alona. "LELÉKA releases mini-album Anima Mundi with Stefano Lentini". en:The New Voice of Ukraine (ingilis). 17 mart 2026. 5 aprel 2026 tarixində arxivləşdirilib. İstifadə tarixi: 5 aprel 2026.
  10. ↑ "Festivalbericht Burghausen". Jazzthetik. 18 fevral 2026 tarixində arxivləşdirilib. İstifadə tarixi: 26 may 2026.
  11. ↑ "Sonce u Serci - Album by Leléka". Spotify. İstifadə tarixi: 30 noyabr 2025.
  12. ↑ "Rizdvo - Album by Leléka". Spotify. İstifadə tarixi: 30 noyabr 2025.
  13. ↑ "Kolysanky - Album by Leléka". en:Spotify. İstifadə tarixi: 30 noyabr 2025.
  14. ↑ "Leléka — EP by Leléka". en:Spotify. İstifadə tarixi: 30 noyabr 2025.
  15. ↑ "Tuman — EP by Leléka". en:Spotify. İstifadə tarixi: 30 noyabr 2025.
  16. ↑ "І будуть люди - Leléka — Single by Leléka, Film.ua Group". en:Spotify. İstifadə tarixi: 30 noyabr 2025.
  17. ↑ Наивысшая позиция в чарте:
  18. ↑ "10 фактів про історичну сагу за романом Анатолія Дімарова «І будуть люди»". Film.UA (ukrayna). 16 iyul 2020. 30 noyabr 2025 tarixində arxivləşdirilib. İstifadə tarixi: 30 noyabr 2025.
  19. ↑ Berdyans'k Trailer. 2 fevral 2024. İstifadə tarixi: 12 fevral 2026 – Vimeo vasitəsilə.
  20. ↑ 7. Mother. 29 sentyabr 2024. İstifadə tarixi: 12 fevral 2026 – Vimeo vasitəsilə.
  21. ↑ Bitte.Danke.Genau, Short Film, Social Drama, War, 2022-2023 | Crew United (ingilis). 26 may 2026 tarixində arxivləşdirilib. İstifadə tarixi: 12 fevral 2026 – www.crew-united.com vasitəsilə.
  22. ↑ "Птахи і Звірі. Всесвіт Гніздовського". www.molodist.com. 26 may 2026 tarixində arxivləşdirilib. İstifadə tarixi: 12 fevral 2026.
  23. ↑ Ravi Gautam. "I'm proud to share that my next fiction feature film, A Million Yard Stare, will be part of the EFM at Berlinale". www.instagram.com. İstifadə tarixi: 12 fevral 2026.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Viktoriya_Leleyka&oldid=8947696"