Vilayət Vəliyev

Vikipediya, açıq ensiklopediya
Jump to navigation Jump to search
Picto infobox character.png
Vilayət Vəliyev
Vilayət Məhəmməd oğlu Vəliyev
Fotoqrafiya
Doğum tarixi 28 mart 1960(1960-03-28)
Vətəndaşlıq Flag of Azerbaijan.svg Azərbaycan
Elm sahəsi iqtisadiyyat
İş yeri Azərbaycan Respublikası İqtisadiyyat və Sənaye Nazirliyi, İqtisadi İslahatlar Elmi-Tədqiqat İnstitutu
Elmi dərəcəsi iqtisad elmləri doktoru
Elmi adı professor
Təhsili ali
Mükafatları əməkdar elm xadimi

Vilayət Vəliyev - Əməkdar elm xadimi, professor, Azərbaycan Respublikası İqtisadiyyat və Sənaye Nazirliyi İqtisadi İslahatlar Elmi-Tədqiqat İnstitutunun direktoru.

Həyatı[redaktə | əsas redaktə]

Vilayət Vəliyev 28 mart 1960-cı ildə anadan olmuşdur. 1978- 1983 illərdə Azərbaycan Dövlət Universitetinin, Tətbiqi riyaziyyat fakultəsində ali təhsil almışdir.  1985-1989 illərdə Aspirant (dosent), 1995-1998 ci illərdə Dərin Neft və Qaz Yataqları Problemləri İnstitutunda doktorant dərəcəsini almışdır. 2000-2004 illərdə Bakı Dövlət Universiteti, Beynəlxalq Hüquq fakultəsinin məzunu olmuşdur. 1990-cı ildə Texnika elmləri namizədi dərəcəsini almışdır. 2007-ci ildə İqtisad elmləri doktoru dərəcəsinə layiq görülmüşdür.  Hazırda Azərbaycan Respublikası İqtisadiyyat və Sənaye Nazirliyi İqtisadi İslahatlar Elmi Tədqiqat İnstitutunun direktorudur.

Elmi fəaliyyəti[redaktə | əsas redaktə]

İqtisad elmlər doktoru, professor Vilayət Vəliyev enerji sektoru və iqtisadiyyat sahəsində tanınmış aparıcı tədqiqatçı, ekspertdir.

Onun 25 ildən çox dövrü əhatə edən kariyerası resurs hasilatında qeyri-müəyyənlik/risk təhlili, neft və qaz ehtiyatlarının mənimsənilməsiüçün optimallaşdırma proqramlarının hazırlanması, enerji sektorunda bərpa layihələrinin iqtisadi və texniki qiymətləndirilməsi, enerji və kommunal xidmət təsərrüfatının inkişafının dəstəkləyəcək qanun və müqavilə öhdəliklərinin təhlili, yanacaq və enerji müəssisələrinin maliyyə, idarəetmə və uçotun təşkili üzrə aparılmış tədqiqatlar və tədrislə zəngindir.

O, həmçinin neft-qaz və kodensat yataqları üçün geoloji-geofiziki, kəşfiyyat və istismar mərhələlərində işlərin rasional koordinasiyası, neft-qaz və kondensat ehtiyatlarının qiymətləndirilməsi və proqnozlaşdırılması, habelə hasilatı, neft-qaz ehtiyatlarının birgə hasilatını nəzərdə tutan Hasilatın Pay Bölgüsü (PSA) modellərinin işlənib hazırlanması neft-qaz hasilatında müxtəlif perspektiv geoloji, texniki və iqtisadi problemlər və strateji qərarvermə mexanizmlərinin araşdırılması və digər bu kimi mövzularda neft-qaz sektorunun istehsalı sahəsində bir sıra məsələlər üzrə tədqiqatlar aparmış və vacib nəticələr əldə etmişdir.

Yuxarıda qeyd olunanlarla yanaşı professor Vəliyev son illərdə müəssisələrin maliyyə və investisiya potensialının artırılması, dövlət-özəl sektor tərəfdaşlıq mexanizmləri, optimal vergi dərəcələri, regional bərabərsizliklər, iqtisadi sektor və məhsullar üzrə rəqabət üstünlüklərinin müəyyən olunması, sosial hesablar matrisinin (SAM) hazırlanması, müxtəlif səviyyələrdə qərarvermə mexanizmlərinin işlənib hazırlanmasını nəzərdə tutan ümumi tarazlıq (CGE) və makroekonometrik modellər üzrə də tədqiqatlar aparmışdır.

Professor Vəliyev eləcə də UNOCAL, PENNZOIL, BP, ARDNŞ, Dünya Bankı, AYIB, AIB, USAID, Avropa Birliyi və digər transmilli şirkətlər, beynəlxalq maliyyə təşkilatlarının layihələrində icraçı və layihə rəhbəri vəzifələrində çalışmış, iki kitabın müəllifi olmaqla yanaşı onun nüfuzlu jurnallarda 100-dən çox elmi və texniki məqalələri dərc olunmuşdur.

İstinadlar[redaktə | əsas redaktə]


Xarici keçidlər[redaktə | əsas redaktə]