Vilhelm Kinsl

Vikipediya, azad ensiklopediya
Naviqasiyaya keçin Axtarışa keçin
Vilhelm Kinsl
alm. Wilhelm Kienzl‎
Ümumi məlumatlar
Doğum tarixi 17 yanvar 1857(1857-01-17)[1][2][…]
Doğum yeri
Vəfat tarixi 3 oktyabr 1941(1941-10-03)[1] (84 yaşında)
Vəfat yeri
Dəfn yeri
  • Vyana mərkəzi qəbiristanlığı[d]
Vətəndaşlığı
Musiqiçi məlumatları
Fəaliyyəti bəstəkar, dirijor, musiqişünas, pianoçu, bioqraf
Janr opera
Musiqi aləti piano
Təhsili
Vikianbarın loqosu Vikianbarda əlaqəli mediafayllar

Vilhelm Kinsl (alm. Wilhelm Kienzl‎; 17 yanvar 1857[1][2][…], Vaysenkirxen[d], Yuxarı Avstriya[d][3][4] – 3 oktyabr 1941[1], Vyana[3]) — Avstriya bəstəkarı, dirijoru və musiqişünası.

Həyatı[redaktə | mənbəni redaktə et]

Vilhelm Kinsl 17 yanvar 1857-ci ildə Vaysenkirxen şəhərində anadan olmuş, ancaq ailəsi 1860-cı ildə Qrats şəhərinə köçmüşdür. Burada o, İohann Buvanın məktəbində pianino ifa etməyi öyrənməyə çalışmış, ancaq müvəffəqiyyət tapa bilməyən Kinsl İqnas Ulyanın müəllimliyi ilə skripka ifa etməyi öyrənmişdir. Bundan sonra o, 1872-ci ildən Anri Lui Stanislas Morye-de-Fontenin müəllimliyi ilə pianino ifa etməyi, 1874-cü ildən isə Vilhelm Mayerin müəllimliyi ilə bəstəkarlığı, Eduard Hanslikin müəllimliyi ilə musiqi estetikalarını və son olaraq, Fridrix fon Hauseggerin müəllimliyi ilə musiqi tarixini öyrənmişdir. Kinsl daha sonra Praqa Universitetinin Konseratoriyasında Yozef Kreysinin rəhbərliyi altında təhsil almışdır. 1877-ci ildə o, Leypsiq Konservatoriyasında Ferens Listin müəllimliyi ilə təhsil almışdır. musiqi akademiyalarında təhsil alan Kinsl Vyana Universitetində musiqişünaslıq üzrə öz tezisini müdafiə etmişdir.

Kinsl Praqa şəhərində ikən Kreysi onu Festşpilhausa Rixard Vaqnerin «Nibelunq üzüyü» əsərini dinləməyə aparmışdır. Bu, Kinsl üçün əhəmiyyətli bir ilham mənbəyinə çevrilmişdir. O, bu əsəri o qədər sevmişdir ki, Hausegger və Fridrix Hofmann ilə birlikdə "Qraz Riçard Vaqner Assosiasiya"nı təsis etmişdir.

1879-ci ildə Kinsl pianist və dirijor kimi Avropa üzrə qastrol səfərinə çıxmışdır. 1883-cü ildə o, "Alman Operası"nın direktoru olmuşdur, ancaq 1886-cı ildə Qrats şəhərinə geri qayıtmış və Ştriya Musiqi Klubu və Konservatoriya üzrə Vəzifələrə rəhbərlik etmişdir.

1894-cü lldə Kinsl üçüncü və ən məşhur opera əsərini bəstələmişdir. Bu, «Evangelist» (alm. Der Evangelimann‎) idi, ancaq bu əsər Kinslın 1897-ci ildə bəstələdiyi «Don Kixot» (alm. Don Quixote‎) əsərinin uğuru ilə rəqabət apara bilməmişdi. Bu cür şöhrətə yalnız Kinslın 1911-ci ildə bəstələdiyi «İnək adam» (Der Kuhreigen) əsəri çata bilmişdi ki, bu da qısa müddətli idi. 1917-ci ildə o, Vyana şəhərinə köçmüşdür. 1919-cu ildə onun birinci həyat yoldaşı Lili Hok vəfat etmişdir. Kinsl 1921-ci ildə Henni Bauer ilə evlənmişdir.

Birinci Dünya müharibəsindən sonra o, Karl Renner tərəfindən yazılan "Alman Avstriyası, sənin heyrətamiz ölkən" (alm. Deutschösterreich, du herrliches Land‎) poeması üçün melodiya bəstələmişdir. Bu, 1929-cu ilə qədər Avstriya Respublikasının qeyri-rəsmi dövlət himninə çevrilmişdir. Kinsl 1926-cı ildən sonra böyükhəcmli əsərlər yazmaqdan imtina etmiş, 1936-cı ildə isə səhhəti ilə bağlı yaşadığı problemlərə görə bəstəkarlığı birdəfəlik tərk etmişdir.

Siyasi görüşləri[redaktə | mənbəni redaktə et]

1933-cü ildə Kinsl Adolf Hitlerin hakimiyyətini dəstəklədiyini açıqlamışdır.[5] O, böyük bir nasist tərəfdarı idi. Kinsl Adolf Hitleri "dünya xalqlarını idarə etməyə layiq" olan "vüqarlı" və "əzəmətli" bir fiqur olaraq təsvir etmişdir.[6]

Ölümü və irsi[redaktə | mənbəni redaktə et]

Kinsl 3 oktyabr 1941-ci ildə, 84 yaşında ikən Vyana şəhərində vəfat etmişdir. Onun meyiti Vyana Mərkəzi Qəbiristanlığında dəfn edilmişdir. Nasist hakimiyyət dövründə onun irsi qorunub-saxlanılmışdı, ancaq Avstriyada demokratik hakimiyyətin təsis edilməsindən sonra bunun əksə gerçəkləşmişdir. Buna baxmayaraq, 2007-ci ildə Avstriyada buraxılan bir poçt markası Kinsla həsr olunmuşdur.[7] Onun Vyana şəhərindəki evində xatirə lövhəsi var idi.

Əsərləri[redaktə | mənbəni redaktə et]

border=none Əsas məqalə: Vilhelm Kinslın əsərlərinin siyahısı

İstinadlar[redaktə | mənbəni redaktə et]

  1. ↑ 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
  2. ↑ 1 2 Dr. Wilhelm Kienzl // Internet Speculative Fiction Database (ing.). 1995.
  3. ↑ 1 2 3 4 Archivio Storico Ricordi. 1808.
  4. ↑ 1 2 Krackowizer F., Berger F. Kienzl, Wilhelm // Biographisches Lexikon des Landes Österreich ob der Enns (alm.): Gelehrte, Schriftsteller und Künstler Oberösterreichs seit 1800. Pas, Linz: Verein und Institut für Ostbairische Heimatforschung, 1931. S. 152–154. 411 s.
  5. ↑ Utqaard, Piter. Remembering and Forgetting Nazism: Education, National Identity, and the Victim Myth in Postwar Austria. 2003,. səh. 39.
  6. ↑ kinsl, Vilhelm. Tagebuch. Vyana: Wienbibliothek im Rathaus. 1938. 2018-03-03 tarixində orijinalından arxivləşdirilib. İstifadə tarixi: 2019-03-21.
  7. ↑ "150. Geburtstag von Wilhelm Kienzl". austria-forum.org. Austria-Forum. 4 mart 2018 tarixində arxivləşdirilib. İstifadə tarixi: 21 mart 2019.

Xarici keçidlər[redaktə | mənbəni redaktə et]

Vikianbarda Vilhelm Kinsl ilə əlaqəli mediafayllar var.
Mənbə — "https://az.wikipedia.org/w/index.php?title=Vilhelm_Kinsl&oldid=7174566"