Virtual Elektron Fəaliyyət Cəmiyyəti

Vikipediya, azad ensiklopediya
Jump to navigation Jump to search
Virtual Elektron Fəaliyyət Cəmiyyəti
VEFC
VEFC loqosu.jpg
Yaranma tarixi 25 sentyabr 2020
Rəsmi dili Azərbaycan dili
Mərkəzi Azərbaycan Azərbaycan, Bakı, AMEA
Fəaliyyət göstərdiyi yer Azərbaycan Azərbaycan
Yarandığı yer Azərbaycan Azərbaycan
Qurucusu AMEA Rəyasət Heyəti
Sədri Ələddin Məlikov
Büdcəsi İctimai əsaslarla

Virtual Elektron Fəaliyyət Cəmiyyəti (VEFC) — Azərbaycan Milli Elmlər Akademiyasının Rəyasət Heyətinin nəzdində fəaliyyət göstərir.[1] Bu cəmiyyət elektron fəzada fəaliyyət göstərən şəxslərə aiddir. Bu cəmiyyət internetin inkişafı prosesində meydana gəlmişdir və virtual fəzada işləmək üçün umumi marağa malik olan könüllü istifadəçiləri bir çətir altında birləşdirir.

Haqqında[redaktə | əsas redaktə]

Azərbaycanda cəmiyyətin modernləşməsi istiqamətində uğurla həyata keçirilən dövlət siyasətinin mühüm istiqamətlərindən biri “Virtual Azərbaycan”ın formalaşdırılmasıdır. İnternet mühitində milli kontentin inkişaf etdirilməsi, xalqın tarixi, ədəbi və mədəni ədəbi və mədəni irsinin qorunub saxlanılması və geniş təbliği, dünya informasiya məkanında milli maraqların qorunması kimi məsələlər mühüm vəzifələrdəndir. Qeyd olunan vəzifələrin yerinə yetirilməsi üçün virtual mühitdə Azərbaycanın yüksək səviyyədə təmsil olunması xüsusi əhəmiyyətə malikdir.

Fəaliyyət istiqamətləri[redaktə | əsas redaktə]

İnternet mühitində Azərbaycanın milli maraqlarının yüksək səviyyədə qorunmasında, Azərbaycan həqiqətlərinin beynəlxalq ictimaiyyətə çatdırılması istiqamətində AMEA-nın üzərinə mühüm vəzifələr düşür. Bu vəzifələrin icrasını təmin etmək məqsədilə AMEA-da bir sıra mühüm tədbirlər həyata keçirilir, bu istiqamətdə elmi tədqiqat işləri aparılır, xarici təcrübə öyrənilir, milli maraqlara zidd olan kontentin aşkarlanması üçün müntəzəm monitorinqlər təşkil edilir, virtual mühitdə Azərbaycanın tarixi həqiqətləri, nailiyyətləri, görkəmli şəxsiyyətləri haqqında zəruri məlumatlar, eləcə də müxtəlif elm sahələrinə aid ensiklopedik elmi biliklər yerləşdirilir.

Bütün bunlarla yanaşı, bu istiqamətdə AMEAdakı fəaliyyətin daha effektiv qurulması, pərakəndəliyin aradan qaldırılması, həyata keçirilən işlərin vahid mərkəzdən koordinasiyası və onların daha sistemli təşkili məqsədilə bu sahədə müstəqil qurumun yaradılmasına ehtiyac vardır.

AMEA Rəyasət Heyətinin qərarı[redaktə | əsas redaktə]

  • AMEA Rəyasət Heyətinin nəzdində ictimai əsaslarla Virtual Elektron Fəaliyyət Cəmiyyəti təsis edilsin.
  • AMEA prezidentinin köməkçisi fəlsəfə üzrə fəlsəfə doktoru, dosent Ələddin Mehman oğlu Məlikov AMEA Rəyasət Heyətinin nəzdində Virtual Elektron Fəaliyyət Cəmiyyətinin ictimai əsaslarla sədri təyin edilsin.
  • AMEA Rəyasət Heyətinin nəzdində Virtual Elektron Fəaliyyət Cəmiyyətinin sədri Ələddin Məlikova tapşırılsın ki, AMEA-nın əməkdaşlarının, o cümlədən elmi işçilərin, doktorant və magistrantların, həmçinin digər könüllü mütəxəssislərin səylərini birləşdirməklə Virtual Elektron Fəaliyyət Cəmiyyətinin işini təşkil etsin.
  • Qərarın icrasına nəzarət AMEA prezidentinin Katibliyinə həvalə edilsin.

Həmçinin bax[redaktə | əsas redaktə]

İstinadlar[redaktə | əsas redaktə]

  1. ↑ “AMEA Rəyasət Heyətinin nəzdində Virtual Elektron Fəaliyyət Cəmiyyətinin təsis edilməsi” haqqında

Xarici keçidlər[redaktə | əsas redaktə]

Mənbə — "https://az.wikipedia.org/w/index.php?title=Virtual_Elektron_Fəaliyyət_Cəmiyyəti&oldid=5824130"