Məzmuna keç

Vitali Şevçenko

Vikipediya, azad ensiklopediya
Vitali Şevçenko
rus. Виталий Шевченко
Ümumi məlumatlar
Doğum tarixi 2 oktyabr 1951(1951-10-02) (74 yaş)
Doğum yeri
Vətəndaşlığı SSRİ SSRİ →
Rusiya Rusiya
Boyu 178
Mövqeyi hücumçu
Karyerası
Gənclik karyerası
SSRİ Neftçi
Klub karyerası[* 1]
1968—1972 SSRİ Neftçi 85 (21)
1973—1975 SSRİ Dinamo 7 (1)
1975—1982 SSRİ Çernomorets 163 (36)
1982—1983 SSRİ Lokomotiv 43 (5)
Milli yığma[* 2]
1970—1972 SSRİ SSRİ 13 (4)
Məşqçisi olduğu klublar
1992—1994 Boliviya Bolivar
1994 İsrail Hapoel Beer-Şeva
1995 İsrail İroni Rişon-le-Sion
1995—1996 İsrail Hapoel Beer-Şeva
1996 Rusiya Uralmaş
1997 Rusiya Qazovik-Qazprom
1998 Rusiya Uralan
1999—2002 Rusiya Torpedo Moskva
2003 Rusiya Saturn
2004 Rusiya Rostov
2005—2006 Ukrayna Metallurq
2006 Rusiya Terek
2007—2008 Ukrayna Çernomorets
2010 Rusiya Rotor
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarın loqosu Vikianbarda əlaqəli mediafayllar

Vitali Viktoroviç Şevçenko (rus. Виталий Викторович Шевченко; doğ. 2 oktyabr 1951, Bakı, Azərbaycan SSR, SSRİ) — hücumçu mövqeyində çıxış etmiş sovet futbolçusu, Rusiya futbol məşqçisi.

Həyatı

[redaktə | vikimətni redaktə et]

Klub karyerası

[redaktə | vikimətni redaktə et]

Vitali Şevçenko 2 oktyabr 1951-ci ildə Bakı şəhərində futbolçu ailəsində anadan olub. Onun atası, Viktor Şevçenko, 1946-1953-cü illər aralığında Bakının "Neftyanik" komandasında çıxış edib.[1]

Vitali futbol oynamağa küçədə, Bakının dar məhəllələrində başlayıb. 1968-ci ildə — 17 yaşında olarkən "Neftçi"yə gəlib. Əsas komandanın heyətində ilk rəsmi oyununu 2 may 1968-ci ildə, SSRİ çempionatı çərçivəsində "Ararat Yerevan"a qarşı keçirib. Onun 82-ci dəqiqədə meydana çıxdığı görüş, bakılıların 2:0 hesablı qələbəsi ilə nəticələnib.[2]

Şevçenkonun "Neftçi"dəki ilk mövsümü o qədər də uğurlu alınmayıb. O, meydana çıxdığı 17 oyunda 1 dəfə fərqlənmiş, komandası isə çempionatı 9-cu pillədə başa vurmuşdur. Növbəti mövsümdə 17 oyun keçirib, 2 qola imza atıb. 1970-ci il mövsümündə 27 oyunda 8 qolun müəllifi olan Şevçenko, komandasının liderlərindən birinə çevrilib.

1973-cü ildə Kiyev "Dinamo"suna keçsə də, komandada möhkəmlənə bilməyib. O, "Dinamo"nun heyətində 1973–1975-ci illər ərzində cəmi 7 oyun keçirib, 1 qol vurub.[3] 1975-ci ildə Odessanı təmsil edən "Çernomorets" komandasına keçib. Futbolçu karyerasını 1983-cü ildə Moskvanın "Lokomotiv" komandasında başa vurub.

Milli karyerası

[redaktə | vikimətni redaktə et]

Şevçenko 1970–1972-ci illər aralığında formasını geyindiyi SSRİ milli futbol komandasının heyətində ümumilikdə 13 oyun keçirib, 4 qol vurub.

Məşqçi karyerası

[redaktə | vikimətni redaktə et]

1985–1992-ci illərdə "Lokomotiv Moskva" komandasının rəisi olub. Özünün dediyinə görə, o, daha çox rəis yox, Yuri Syominin köməkçi məşqçisi olub.[4]

1992-ci ildə ölkəsinin aparıcı klublarından biri olan "Bolivar"ın prezidenti Mario Merkadonun dəvəti ilə məşqçi karyerasını davam etdirmək üçün Boliviyaya gedib. Burada baş məşqçi qismində iki dəfə ölkə çempionatının qalibi, bir dəfə isə ölkə Kubokunun finalçısı olub.

1994-cü ildə İsraildə gedib və "Hapoel Beer-Şeva" klubuna baş məşqçi təyin olunub. Komanda onun rəhbərliyi altında çempionatı üçüncü yerdə başa vurub və UEFA Kubokuna vəsiqə qazanıb. Növbəti mövsümdə klubun yeni prezidentiylə fikir ayrılıqları yarandığından, İsrailin başqa komandası — "İroni Rişon-le-Sion"la müqavilə bağlayıb. Lakin yeni komandada çox qalmayıb və bir müddətdən sonra yenidən "Hapoel Beer-Şeva"ya qayıdıb.

1996-cı ildə Rusiyaya qayıdıb və may ayında "Uralmaş" komandasına baş məşqçi təyin olunub. Mövsümün sonunda "Uralmaş" 18 komanda arasında 15-ci olaraq yüksək liqanı tərk edib.

1997-ci ildə yarım il Rusiya birinci liqasında çıxış edən İjevskin "Qazovik-Qazprom" komandasında bəş məşqçi kimi çalışıb.

1998 mövsümünü "Uralan" komandasının baş məşqçisi postunda keçirib. Klub onun rəhbərliyi altında uğurla çıxış edərək çempionatı yeddinci yerdə başa vursa da, komandanın yeni prezidentiylə fikir ayrılıqlarına görə Elista təmsiçisini tərk etməli olub.

1999-cu ildə "Torpedo Moskva" komandasına baş məşqçi təyin olunub. Dörd il burada çalışan Şevçenkonun ən yüksək nəticəsi — 2000-ci ildə ölkə çempionatında üçüncülük olub. 2002-ci ildə komandada maliyyə çətinlikləri yarandığından, həmin ilin yayında "Torpedo"nu tərk edib.

Sonralar "Saturn" (2002–2003), "Rostov" (2004), "Metallurq" (2005) və "Terek" (2006) komandalarında baş məşqçi kimi çalışıb.

27 iyun 2010-cu ildə Volqoqradın "Rotor" komandasına baş məşqçi təyin olunub.[5] 2010-cu ilin dekabrında baş məşqçi postunu tərk edib.[6]

Mükafatları

[redaktə | vikimətni redaktə et]

Oyunçu kimi

[redaktə | vikimətni redaktə et]

Dinamo Kiyev

Şəxsi

[redaktə | vikimətni redaktə et]
  • SSRİ-də mövsümün ən yaxşı 33 oyunçusu siyahısında № 1: 1971

Məşqçi kimi

[redaktə | vikimətni redaktə et]

Bolivar

  • Boliviya çempionu: 1992, 1994
  • Toto Kubokunun qalibi: 1995/1996

İstinadlar

[redaktə | vikimətni redaktə et]
  1. ↑ "Шевченко Виктор Нестерович". Footballfacts.ru. 15 avqust 2023 tarixində arxivləşdirilib. İstifadə tarixi: 1 dekabr 2023.
  2. ↑ "«Нефтчи» Баку - «Арарат» Ереван - 2:0". Footballfakts.ru. İstifadə tarixi: 25 yanvar 2025.
  3. ↑ "ФУТБОЛ. РАЗГОВОР ПО ПЯТНИЦАМ. Виталий ШЕВЧЕНКО: «И ТУТ ЗАХОДИТ ГАВРИЛОВ. В КИТЕЛЕ ГЕНЕРАЛА КГБ» // Sport-express.ru". 28 sentyabr 2014 tarixində arxivləşdirilib. İstifadə tarixi: 1 iyul 2020.
  4. ↑ Павел Алешин. Торпедовский вариант // Спорт-Экспресс Футбол (журнал). — № 3. — 1999.
  5. ↑ "В "Роторе" новый главный тренер". Официальный сайт ФК "Ротор". 28.06.2010. 2010-07-01 tarixində arxivləşdirilib. İstifadə tarixi: 28 June 2010.
  6. ↑ "Шевченко покинул "Ротор"". Спорт-Экспресс. 13.12.2010. 2014-10-06 tarixində arxivləşdirilib. İstifadə tarixi: 13 December 2010.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Vitali_Şevçenko&oldid=9088776"