Vladislav Lemiş

Vikipediya, azad ensiklopediya
Jump to navigation Jump to search
Vladislav Lemiş
rus. В́ладислав Лемиш
Vladislav Lemiş.png
Ümumi məlumatlar
Doğum tarixi 20 avqust 1970(1970-08-20)[1] (50 yaş)
Doğum yeri
Vətəndaşlığı SSRİ SSRİ
Rusiya Rusiya
Azərbaycan Azərbaycan
Boyu 173 sm
Mövqeyi hücumçu
Klub haqqında məlumat
Klub klubsuz
Karyerası
Həvəskar karyerası
SSRİ Neftçi
Peşəkar karyerası[* 1]
1988—1989 SSRİ Neftçi 15 (0)
1990—1992 SSRİ Kuban 60 (20)
1992 Rusiya Torpedo 0 (0)
1992 Rusiya Kuban 15 (5)
1992—1993 İspaniya Espanyol 0 (0)
1992—1993  İspaniya Palamos 26 (2)
1994 Rusiya MOİK Moskva 5 (0)
1994 Rusiya Kuban 3 (0)
1995 Rusiya Monolit 13 (10)
1995 Rusiya İzumrud 8 (4)
1996 Rusiya Drujba 35 (11)
1997 Rusiya Dinamo Stavropol 14 (6)
1997 Rusiya Baltika Kalininqrad 7 (0)
1998 Belarus Slaviya-Mozır 4 (1)
Milli yığma[* 2]
1987 SSRİ SSRİ (16 yaşlılar) ? (?)
1992 Rusiya Rusiya 1 (0)
1994 Azərbaycan Azərbaycan 1 (0)
Təltif və medalları
Мастер спорта СССР.png

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Vladislav Lemiş (rus. В́ладислав Лемиш; doğ. 20 avqust 1970, Bakı, Azərbaycan SSR, SSRİ) — hücumçu mövqeyində çıxış etmiş sovet, RusiyaAzərbaycan futbolçusu. SSRİ idman ustası (1987).

Karyerası[redaktə | əsas redaktə]

Erkən illəri[redaktə | əsas redaktə]

Vladislav Lemiş 20 avqust 1970-ci ildə Bakıda həndbolçular ailəsində anadan olub. Atası Yuri Alekseyeviç həndbol üzrə Azərbaycan yığmasının üzvü olub. Anası Lyubov Nikolayevna isə Mirzə Fətəli Axundov adına Azərbaycan Pedaqoji İnstitutunda idman müəlliməsi işləyib. Lemiş ailənin tək övladı olub.[2]

7 yaşında 6 saylı məktəbin birinci sinfinə gedib. Sonradan ailəsi Əhmədliyə köçdüyündən, məktəbini dəyişərək 260 saylı məktəbə getməyə başlayıb. Futbolla 7 yaşından məşğul olmağa başlayıb. "Ehtiyat Əmək Qüvvələri" Futbol Cəmiyyətinin yetirməsidi. İlk müəllimi Ələkbər Cəfərov olub.[2]

Klub karyerası[redaktə | əsas redaktə]

İlk vaxtlar "Neftçi"nin əvəzedici komandasında oynayıb. Sonradan paralel olaraq əsas komandaya da cəlb olunub. "Neftçi"nin heyətində ilk və yeganə qolunu 29 may 1988-ci ildə Federasiyalar Kuboku çərçivəsində "Dinamo Tbilisi"nin qapısından keçirib.[2] 19881989-cu illərdə formasını geyindiyi "Neftçi" komandasının heyətində ümumilikdə 22 oyun keçirib, 1 qol vurub.

20 Yanvar faciəsindən sonra Lemiş anası ilə birgə Azərbaycanı tərk edərək öncə Volqoqrada, oradan isə Krasnodara yollanıb.[3] Burada yerli "Kuban" komandasına keçən Lemiş, ilk mövsümdə yeni komandasının heyətində qol hesabını aça bilməsə də, növbəti mövsümdə 20 qolla komandasının ən məhsuldar oyunçusuna çevrilib.[4]

1992-ci ilin avqustunda İspaniyanın "Espanyol" komandasına keçsə də, o vaxt İspaniya çempionatında legioner limiti olduğundan əsas heyətə düşə bilməyib. Bu səbəbdən oyun praktikasının yoxluğundan əziyyət çəkməsin deyə, Kataloniyanın digər tənsilçisi, ikinci diviziona yenicə yüksəlmiş "Palamos" klubuna icarəyə verilib. Burada iki mövsüm ərzində 26 oyun keçirib, 2 qol vurub.

1994-cü ildə Rusiyaya qayıdıb və "MOİK Moskva" ilə müqavilə bağlayıb. Lakin zədələnməsi (əvvəlcə menisk, daha sonra çarpaz bağlarından əməliyyat olunub)[2] və bərpa prosesinin uzun çəkməsi səbəbindən komandasının heyətində cəmi beş görüşdə meydançaya çıxa bilib.

Sonralar müxtəlif illərdə əsasən Rusiyanın aşağı liqa komandalarında forma geyinib. 1998-ci ildə, 28 yaşında olarkən peşəkar karyerasını başa vurub.[3]

Milli karyerası[redaktə | əsas redaktə]

1987-ci ildə SSRİ yığma komandasının heyətində Kanadada keçirilmiş 17 yaşlı futbolçular arasında dünya çempionatının qalibi olub.[2]

16 avqust 1992-ci ildə Meksika milli komandasına qarşı keçirilmiş yoldaşlıq oyununda Rusiya milli futbol komandasının heyətində debüt edib. Bu görüş, tarixində ilk rəsmi oyununa çıxan Rusiya yığmasının 2:0 hesablı qələbəsi ilə yekunlaşıb.[5]

19 aprel 1994-cü ildə Malta milli komandasına qarşı keçirilmiş yoldaşlıq oyununda Azərbaycan milli futbol komandasının heyətində debüt edib. Görüş Malta yığmasının 5:0 hesablı qələbəsi ilə bitib. Bu məğlubiyyətdən sonra Lemiş bir daha yığmaya çağırılmayıb.[2]

Məşqçilik karyerası[redaktə | əsas redaktə]

Lemiş hazırda Kuban Dövlət Aqrar Universitetində dərs deyir, həmçinin Universitetin yığma komandasının və Krasnodar vilayətinin çimərlik futbolu üzrə yığma komandasının məşqçisi kimi çalışır.[2]

Şəxsi həyatı[redaktə | əsas redaktə]

1994-cü ildə Azərbaycan Dövlət Bədən Tərbiyəsi və İdman Akademiyasını bitirib.[6]

Evli olub. Stanislav adlı oğlu, Yuliya adlı qızı və Yeva adlı qız nəvəsi var.[2]

İstinadlar[redaktə | əsas redaktə]

  1. Transfermarkt — 2000.
  2. 1 2 3 4 5 6 7 8 "Vladislav Lemiş: "Hər yerdə bakılı olduğumu deyirəm"". Qol.az. İstifadə tarixi: 19 iyul 2020. (#apostrophe_markup)
  3. 1 2 "17 yaşında dünya çempionu olmuş həmyerlimizdən xəbər-ətər yoxdur". Sportline.az. İstifadə tarixi: 19 iyul 2020. (#apostrophe_markup)
  4. "Состав команды «Кубань» Краснодар в сезоне 1991". Footballfacts.ru. İstifadə tarixi: 19 iyul 2020. (#apostrophe_markup)
  5. "Россия - Мексика - 2:0". Rusteam.permian.ru. İstifadə tarixi: 19 iyul 2020. (#apostrophe_markup)
  6. "Личная карточка". Kubsau.ru. İstifadə tarixi: 19 iyul 2020. (#apostrophe_markup)

Xarici keçidlər[redaktə | əsas redaktə]