Vladislav Qonçarov

Vikipediya, azad ensiklopediya
Naviqasiyaya keçin Axtarışa keçin
Vladislav Qonçarov
Şəxsi məlumatlar
Ləqəbi Vlad[1]
Vətəndaşlığı
Doğum tarixi 2 dekabr 1995(1995-12-02) (28 yaş)
Doğum yeri
Boyu 1,73 m
Çəkisi 66 kq
İdman növü Tamblinq[d]
Karyera illəri 2002h. h.

Vladislav Oleqoviç Qonçarov (belar. Уладзіслаў Алегавіч Ганчароў; doğ. 2 dekabr 1995-ci il, Vitebsk, Belarus) — Belarusiyalı batut gimnastı. 2016 Yay Olimpiya Oyunları çempionu, sinxron tullanış üzrə 2017-ci il dünya çempionu, 2014 və 2016 Avropa çempionu, 2019 Avropa Oyunları çempionu. Belarus Respublikasının əməkdar idman ustası.

Bioqrafiyası[redaktə | mənbəni redaktə et]

Vladislav Qonçarov 6 yaşında gimnastika bölməsinə getmişdir. Ancaq 3 aylıq məşqlərdən sonra məşqçilərinin fikrlərinə əsasən idmandan uzaqlaşdırıldı. Səbəb isə idman üçün qabiliyyətin və həvəsin olmaması idi. Ancaq başqa bir məşqiçi - Olqa Vlasova onu yetərincə hazırlıqlı və perespektivli hesab edirdi. Olqa Vlasova 2 nömrəli Uşaq İdman Məktəbinin batut məşqiçi idi. Hal-Hazırda da Olqa Vladislavın məşqiçisidir.[2]

Baş məşqçi Vlasovanın sözlərinə görə 6 yaşında Vladislav Qonçarov həmyaşıdlarından fərqli idi. Zəhmətkeş idi və yarışmaq istəyi ilə alışıb yanırdı. Hər şeyi mümkün qədər tez öyrənmək istəyirdi. Vladislav ilk medalını 6 illik məşqdən sonra qazana bildi.[3]

2013 Dünya Kubokunda fərdi yarışlarda 8-ci, sinxron atlamada 6-cı yeri tutdu.[4] Gimaraynş 2014 Avropa çempionatında fərdi yarışlarda qızıl, komanda yarışlarında bürünc qazandı. Sinxron atlamalarda isə beşinci yeri tutdu. Elə həmin il Daytona çimərliyində keçirilən dünya çempionatında sinxron tullanmada gümüş və fərdi yarışlarda bürünc qazandı.[4]

Fərdi və sinxron tullanmada Bakı 2015 Avropa Oyunlarının gümüş mükafatçısı. Elə həmin il Odense şəhərində keçirilən Dünya Çempionatında fərdi və sinxron atlamalarda gümüş medal qazandı və komanda yarışlarında bürünc medal qazandı.

2016-cı ildə Valyadoliddə keçirilən Avropa çempionatında fərdi və sinxron atlamalarda qızıl və komanda yarışlarında gümüş qazandı. Elə həmin il Rio-de-Janeyrodakı Yay Olimpiya Oyunlarında debüt etdi. Burada fərdi çempionatda 61.745 xal toplayaraq bu oyunlarda Belarusiyanın ilk qızıl medalını qazandı.

İstinadlar[redaktə | mənbəni redaktə et]

  1. Olympedia (ing.). 2006.
  2. "Нашли любовь, сделав прыжок… на батуте". 2017-08-21 tarixində arxivləşdirilib. İstifadə tarixi: 2020-05-19.
  3. Сайт СП-Онлайн[ölü keçid]
  4. 1 2 "Владислав Гончаров (прыжки на батуте)". 2016-09-13 tarixində arxivləşdirilib. İstifadə tarixi: 2020-05-19.