Volfqanq Maniq

Vikipediya, azad ensiklopediya
Naviqasiyaya keçin Axtarışa keçin
Volfqanq Maniq
alm. ‎Wolfgang Manig
Şəxsi məlumatlar
Doğum tarixi 1958[1]
Fəaliyyəti hüquqşünas, diplomat
Vikianbarın loqosu Vikianbarda əlaqəli mediafayllar

Volfqanq Maniq (1958[1]) — Almaniyalı diplomat. 2019-cu ilin iyul ayından Almaniya Federativ Respublikasının Azərbaycandakı səfiri kimi çalışır.[2][3]

Həyatı[redaktə | mənbəni redaktə et]

Maniq Erlanqen, LozanMünhen şəhərlərində hüquq təhsili alıb və 1987-ci ildə öz təhsilini 2-ci dövlət imtahanı ilə başa vurur. 1993-cü ildə isə Bilefeld Universitetində doktorluq dərəcəsi əldə edir.

Diplomatik fəaliyyətə 1987-ci ildə başlamışdır. Avropa Birliyinin ictimai hüquq məsələləri şöbəsində çalışdıqdan sonra, onun ilk xarici təyinatı 1989–1992-ci illərdə İslamabaddakı (Pakistan) Alman Səfirliyinə olmuşdur. 1994-cü ildən 1996-cı ilə kimi Brüseldə NATO baş katibinin idarəsində işləmişdir. 1996–1998-ci illərdə Maniq Riqadakı (Latviya) Alman Səfirliyində daimi müvəkkil vəsifəsində fəaliyyət göstərmişdir. 1998-ci ildə Federal Xarici İşlər Nazirliyinin NATO şöbəsində çalışmış, 1998-ci ildən isə Xarici İşlər Nazirliyində Miqrasiya və Sığınacaq şöbəsində müdir müavini vəzifəsini icra etmişdir. Sözügedən vəzifəsindən irəli gələrək o, viza məsələləri ilə əlaqədar Viza istintaq komitəsinin məşvərətçi kimi də fəaliyyət göstərmişdir.[4] 2003-cü ildən 2005-ci ilə kimi Haaqada (Niderland) olan Alman Səfirliyinin mətbuat və ictimaiyyətlə əlaqələr şöbəsinə rəhbərlik etmiş, 2005-ci ildən 2007-ci ilə kimi isə o, Nigeriyadakı Alman Səfirliyində daimi müvəkkil vəzifəsində fəaliyyət göstərmişdir. Bundan sonra Xarici İşlər Nazirliyinin Beynəlxalq Enerji Siyasəti şöbəsində işləmiş, 2008-ci ildən 2012-ci ilə kimi Afrika Siyasəti şöbəsinə rəhbərlik etmişdir.

2013-cü ilin yanvar ayından 2016-cı ilin iyul ayına kimi Maniq Almaniya Federativ Respublikasının Konqo Demokratik Respublikasındakı səfiri vəzifəsini icra edir. 2016-cı ilin Avqustundan 2019-cu ilin iyun ayına kimi Hanoidəki (Vyetnam) Alman Səfirliyində səfirin daimi müvəkkili eləcə də Konsulluq və İqtisadiyyat şöbənin rəhbəri vəzifələrində işləmişdir.[5][6] 2019-cu ilin iyul ayından Almaniya Federativ Respublikasının Azərbaycandakı səfiri kimi çalışır.[2][3]

Evlidir və iki uşağı var.

İstinadlar[redaktə | mənbəni redaktə et]

  1. 1,0 1,1 https://baku.diplo.de/az-de/botschaft/cv-grusswort/2032782.
  2. 2,0 2,1 Auswärtiges Amt. "Übergabe des Beglaubigungsschreibens" (alm. ‎). 23 oktyabır 2019. 23 oktyabır 2019 tarixində arxivləşdirilib.
  3. 3,0 3,1 "İlham Əliyev Almaniyanın Azərbaycanda yeni təyin olunmuş səfirinin etimadnaməsini qəbul edib". 23 iyul 2019. 24 iyul 2019 tarixində arxivləşdirilib.
  4. Deutscher Bundestag. "Beschlussempfehlung und Bericht des 2. Untersuchungsausschusses nach Artikel 44 des Grundgesetzes" (PDF). Drucksache 15/5975 (alm. ‎). 30 avqust 2005. 24 sentyabr 2018 tarixində arxivləşdirilib (PDF). İstifadə tarixi: 13 avqust 2013.
  5. "Konsularreferat". Deutsche Botschaft Hanoi (alm. ‎). 12 iyun 2017. Archived from the original on 2017-07-15.
  6. "Wirtschaftsreferat". Deutsche Botschaft Hanoi (alm. ‎). 12 iyun 2017. 15 iyul 2017 tarixində arxivləşdirilib.