Vrşiç aşırımı

Vikipediya, azad ensiklopediya
Jump to navigation Jump to search
Vrşiç
sloven. Vršič
Passo della Moistrocca 2018-09-29 12.36.56.jpg
Yerləşməsi
46°26′09″ şm. e. 13°44′41″ ş. u.
Ölkə Sloveniya Sloveniya
Vrşiç xəritədə
Vrşiç
Vrşiç
Commons-logo.svg Vikianbarda əlaqəli mediafayllar

Vrşiç (sloven. prelaz Vršič, it. passo della Moistrocca, alm. Werschetzpass‎)[1]Sloveniyanın şimal-qərbində yerləşən dağ aşırımı. Hündürlüyü 1611 metr olan aşırım Yuli Alplarında yerləşir. Aşırım həm Sloveniyanın, həm də Yuli Alplarının ən hündür aşırımıdır. Aşırım Yuxarı Karniolanı Trenta vadisi vasitəsi ilə Sloveniya Primoresini birləşdirir. Aşırımdan keçən tarixən Rus yolu kimi tanınır (Ruska cesta ). Məhs bu yolun çəkilişində rus əsrlərindən istifadə edilmişdir.[2] Hərbi məqsədlə çəkilən bu yol sonradan ticarət məqsədi ilə istifadə olundu.[2] Hal-hazırda aşırım daha çox turist marşrutu kimi populyardır.

Etimologiyası[redaktə | əsas redaktə]

Aşırımın adı sloven dilində vršič - «kiçik zirvə» və qısaldılmış formada vrh «zirvə» deməkdir. Ad ilk öncə Vrşiç zirvəsinə aid edilirdi (1738 m). Zirvə aşırımdan 200 metr şərqdə yerləşir.

Turizm[redaktə | əsas redaktə]

Vrşiç aşırımından ətrafda olan zirvələrə bir çox yol mövcuddur: Moystrovka (2322 m), Böyük Moystrovka (2366 m), Planyu (2453 m), Stna Glav (2087 m) və s. Aşırımda bir neçə dağ evi yerləşir: Erjavčeva koča (1515 m), Tičarjev dom (1620 m), Poštarska koča (1725 m) və s. Qış aylarında aşırımdan keçən yolun yuxarı hissələri bağlı olur. Yol oktyabrın sonundan may ayının əvvəlinə kimi bağlı qala bilir.

Aşırımdan keçən yolun yaxınlığında rus provslav kilsəsi var. Kilsə yol çəkilişində həlak olmuş əsirlərin xatirəsini yad etmək üçün inşa edilmiş. 1916-cı ilin mart ayında qar uçqunu zamanı 400 nəfər rus əsiri həlak olmuşdur. Yol kənarında həm də tanınmış alpinist və yazıçı Yulius Kudjinin heykəli ucaldılıb.

İstinadlar[redaktə | əsas redaktə]

  1. Garwood, Duncan (2009). Mediterranean Europe. Lonely Planet. səh. 724. ISBN 978-1-741-04856-8.
  2. 1 2 Pavšič, Gregor. 2016. Zgodba slovenskega prelaza, kjer so umirali Rusi. Siol.net (July 29).