Vugarixx

Vikipediya, azad ensiklopediya
Jump to navigation Jump to search
Vugarixx
Vüqar Əhmədov
DJVugarixx.jpg
Sənətçi məlumatları
Doğum tarixi 17 yanvar 1992 (1992-01-17) (27 yaş)
Doğum yeri Sumqayıt, Azərbaycan
Vətəndaşlığı
Mənşə Azərbaycan
Peşələri DJ, Musiqi Prodüseri

Üslub House Music, Hip-Hop
Ləqəbi Vugarixx
Musiqi aləti Ableton, FL Studio
Fəaliyyət illəri 2014-cü ildən

Vüqar Əhmədov və ya Vugarixx — Azərbaycanlı DJmusiqi prodüseri.

Həyatı[redaktə | əsas redaktə]

1992-ci ildə Sumqayıt şəhərində dünyaya gəlib. Uşaq vaxtlarından musiqiyə böyük həvəsi olan Vüqar, müxtəlif hip-hop ifaçılarının kassetlərini toplamaqdan böyük zövq alıb. 7 yaşında Sumqayıt şəhərində yerləşən 12 saylı orta məktəb-də təhsil almağa başlayıb. Məktəbi bitirdikdən sonra 2008-ci ildə kompüter sahəsi ilə bağlı liseydə təhsilini davam etdirib. Liseydə oxuduğu illərdə Bakıya gəliş-gedişi yaranan Vüqarın artıq bir çox məşhur ifaçılar, reperlər, musiqi prodüserləri və sairə digər yaradıcı adamlarla sıx əlaqələri yaranmağa başlayıb. Bununla da onun artıq doğulduğu şəhərlə əlaqələri kəsilməyə başlayıb. Daha sonra 2013-cü ildə ailəsi ilə birlikdə Bakı şəhərinə köçüb və hal-hazırda fəaliyyətini da elə məhz Bakıda davam etdirir.

Karyerası[redaktə | əsas redaktə]

Offside[redaktə | əsas redaktə]

2010-cu ildə Vüqar üç dostu ilə birlikdə Offside adlı rep qrup yaradır. Offside hamının yaxşı tanıdığı H.O.S.T qrupunun dəstəyi ilə yaranır. Qrup olaraq bir çox replər yazılır və bir neçə konsertlərdə çıxış olunur. Daha sonra 2011-ci ildə qrupun «DayOffside» adlı solo konserti baş tutur. Qrupun solo konsertində H.O.S.T qrupundan PRoMete, AiD, həmçinin Okaber də qonaq qismində çıxış edir. Daha sonra 2012-ci ilin əvvəlində qrupun fəaliyyəti dayanır.

DJ[redaktə | əsas redaktə]

2012 - 2013-cü illərdə elektron musiqisi ilə dərindən maraqlanmağa başlayan Vüqar, DJ olmaq haqda arzusunun yarandığını özündə hiss edir və bu yöndə çalışmağa başlayaraq özünə Vugarixx ləqəbini götürür. Onu DJ olmağa ən çox həvəsləndirən mahnı Swedish House Mafia-nın «Don't You Worry Child» mahnısı olur. Məhz bu mahnının onun həyatındakı böyük rolunu hiss edən Vugarixx, mahnının sözlərini sol qolunda döymə etdirir.[1] O daha sonra 2014-cü ilin əvvəllərində DJ-lik sənətininin əsaslarını və texnikasını DJ AKG kimi tanınan Kamran Qaralov-dan öyrənməyə başlayır və özünə lazımlı olan avadanlıqları əldə edir. DJ kimi ilk böyük çıxışı 2014-cü il, iyun ayının 11-ində DJ AKG ilə birlikdə dənizkənarı bulvardan acıq havada keçirilən Baku 2015-in «One Year Countdown»[2] tədbirində olur. Vugarixx-in DJ kimi «Soyuq Əllər, İsti Ürək» xeyriyyə yarmarkası[3], «Baku Fashion Night 2014»[4], «Summer Colors Festival»[5] və sairə bir çox tədbirlərdə çıxış etmişdir.

Musiqi Prodüseri[redaktə | əsas redaktə]

2014-cü ildə Vugarixx özünü musiqi prodüseri kimi də yoxlamaq qərarına gəlir və illərdir yaxından tanıdığı Vüsal Beat Pro-dan bu sahədə dərslər öyrənməyə başlayır. Yazdığı ilk mahnısını olan «Cosmic Dreams»-i öz ad günündə, 2015-ci il yanvar ayının 17-sində təqdim edir. Mahnı Azərbaycandakı iTunes üzrə ən çox yüklənilən 2-ci mahnı olur. Vugarixx bundan həvəsə gələrək tech-house janrında olan növbəti «Under House» adlı mahnısını da təqdim edir. Onun ən məşhur relizi isə 3-cü mahnısı olur.[6][7][8][9][10] «Bir Axşam» adlı bu mahnı «Gün Keçdi» (1971) filminin əsas soundtrack-i olan, Flora xanım Kərimova-nın ifa etmiş olduğu eyniadlı mahnının yeni versiyası olur. Mahnı dinləyicilərdən əlavə olaraq, həmdə Flora xanımın özü tərəfindən də dəstəklənir. Daha sonra Flora xanım Vugarixx-ə telefon zəngi vasitəsi ilə bu mahnıya görə öz təşəkkürlərini bildirir. Bu mahnının uğuru və dinləyicilər tərəfindən bəyənildiyini görən Vugarixx bir neçə bu stildə olan mahnılar hazırlamağa başlayır. Daha sonra təqdim olunan «Bəxt Üzüyü»[11] [12] , «Sən Getdin»[13][14], «Təhminə və Zaur»[15][16] mahnıları ilə bu stilistikanın yaradıcısı adını alan Vugarixx bu və digər instrumentallardan ibarət olan True Fantasy EP adlı payız aurasında olan ilk albomunu noyabr ayının 13-ü təqdim edir.[17] Hal hazırda Vugarixx yeni mahnılar və həmçinin klip üzərində çalışır.[18] DJ 2016-ci ildə özünün house janrında olan mahnılarından ibarət studiya albomunu təqdim etmək niyyətindədir. [19] [20]

Diskoqrafiya[redaktə | əsas redaktə]

Studiya albomları[redaktə | əsas redaktə]

Studiya albomlarının listi
Adı Əlavə məlumat
Elan Ediləcək

EP Albomlar[redaktə | əsas redaktə]

Sinqllar[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. ""АртХаус". Dj Vugarixx: У этого проекта есть все шансы наделать шум на весь мир (видео)".
  2. "Сегодня Баку салютом ознаменует обратный отсчет до начала I Европейских игр".
  3. ""Soyuq Əllər, İsti Ürək": 21 dekabr proqramı".
  4. "В рамках «Baku Fashion Night 2014» состоялся показ моделей азербайджанских и украинского дизайнеров – ФОТО".
  5. "Фестиваль Летних Красок".
  6. "Саундтрек легендарного фильма "Gün Keçdi" в обработке азербайджанского диджея - ВИДЕО".
  7. "Новая жизнь культовой азербайджанской композиции".
  8. "Азербайджанский DJ записал трэк на песню Флоры Керимовой - ФОТО - ВИДЕО".
  9. "Новый трэк азербайджанского ди-джея Vugarixx-a на песню из фильма "Gün Keçdi"".
  10. "Современный ремикс на песню Gün Keçdi (1971 год)".
  11. DJ Vugarixx представил новую песню под названием «Bəxt üzüyü» - ВИДЕО
  12. DJ Vugarixx презентовал клип на трек «Bəxt üzüyü» - ВИДЕО - 1NEWS.AZ
  13. История любви одинокого старика – голос легендарного ханенде (ВИДЕО)
  14. LENT.AZ - Qədir Rüstəmovun əfsanəvi səsi Vugarixxin yeni mahnısında
  15. "Тахмина и Заур" в современных ритмах DJ Vugarixx (ВИДЕО)
  16. DJ Vugarixx презентовал клип на сингл «Тахмина и Заур» - ВИДЕО - 1NEWS.AZ
  17. DJ Vugarixx презентовал свой дебютный альбом - URBAN - Город, люди, события
  18. "Vugarixx: "İlk klipi üzərində işlərə artıq start verilib"".
  19. "Vugarixx и его космический мир".
  20. DJ Vugarixx презентовал новую песню (видео)