Vukan Nemaniç

Vikipediya, azad ensiklopediya
Jump to navigation Jump to search
Vukan Nemaniç
Loza Nemanjica Decani e 3.jpg
I Vukanın freskası, Vısoki Deçani monastırı
Şəxsi məlumatlar
Doğum tarixi 1165
Doğum yeri
Vəfat tarixi 1207
Vəfat yeri
Dəfn yeri
Sülalə Nemaniçlər
Atası Stefan Nemaniç
Anası Anna Nemaniç
Vikianbarın loqosu Vikianbarda əlaqəli mediafayllar

Vukan Nemaniç (serb. Вукан Немањић; 1165, Raşka dövləti1207, Duklja[d]) — 1196-cı ildən Duklya və Dalmatsiya kralı; 1202-2104-cü illərdə Raşkanın (Serbiyanın) böyük jupanı; 1204-1208-ci illərdə Zeta knyazı. Nemaniçlər sülaləsinə mənsub idi.

Həyat[redaktə | mənbəni redaktə et]

Vukan Raşkanın böyük jupanı (hökmdarının) Stefan Nemanyanın oğlu idi, 1195-ci ildə ata Vukanı Duklyanın jupanı təyin etdi. Vukanın sahib olduğu ərazilərə Zeta, Travuniya, Toplitsa və Hvsno daxil idi.

1199-cu ildən sonra Vukan Roma papası və Macarıstan krallığı ilə siyasi əlaqələr qurmağa başladı. Vukan danışıqlarını Antivariya arxiyepiskopu I İvanın vasitəsilə həyata keçirirdi. Onun məqsədi Papadan Serbiya üzərində hüququ əldə etmək idi. Bunun qarşılığında Vukan Serbiya knyazlığını Romaya tabe edəcəyinə söz verdi.

Eyni zamanda, Vukan Macarıstan kralı İmre ilə ondan dəstək alacağına dair razılıq əldə etdi. İmre, öz növbəsində, Serbiyanın bütün ərazisi üzərində protektorat qurmağı ümid edirdi. 1202-ci ildə Vukan hərəkətə keçdi. Macarıstan ordusunun köməyi ilə qardaşı II Stefanı taxtdan qovmağı bacardı. Lakin tezliklə Bolqarıstan çarı Kaloyan Macaristanın müdaxiləsinə qarşı çıxdı. 1203-cü ildə o, Niş şəhəri yaxınlığında Vukanın ordusunu məğlub etdi. Bu vəziyyətdən yararlanan II Stefan böyük jupaniya üzərində hakimiyyətini bərpa etdi. Stefan və Vukanın kiçik qardaşı Savva (Rastko) qardaşlar arasında barışdırıcı rolu öz üzərinə götürdü. Nəticədə Vukan ölkənin cənubunda yerləşən Zeta knyazı oldu.

Mənbə[redaktə | mənbəni redaktə et]

  • Georges Castellan. Histoire des Balkans, XIVe-XXe siècle, éditions Fayard. — ISBN 2-213-60526-2.