Yazıçı

Yazıçı söz sənəti ilə məşğul olan, öz ideya və fikirlərini söz vasitəsilə yazıya çevirən insan və peşə növü. Yazıçı kəlməsinin geniş və dar mənaları mövcuddur.

Yazıçı peşəsi

Yazıçı sözün gücü ilə, xüsusi işkişaf etmiş yazılı ifadə tərzi ilə əsər yaradan insandır, müəllifdir. Azərbaycan dilində əsasən bədii ədəbiyyatla məşğul olan insanın peşəsini bildirir. Hekayə, esse, povest, roman, dram, ssenari, şeir yazanlar yazıçı hesab olunurlar. Azərbaycan dilində çox zaman şair sözü ayrıca status alır və yazıçı sözü nəsr şəklində bədii ədəbiyyat yaradıcısına aid edilir. Bu, yazıçı sözünün ən dar mənasıdır. Daha geniş mənada şair də yazıçıdır. Sözün ən geniş mənasında isə, ümumiyyətlə, hər hansı müəllif yazıçıdır, yəni müəllif sözü yazıçı sözünün sinonimidir. Yazıçı sözü ingilis dilində (Writer) və bir sıra digər dillərdə məhz sözün ən geniş mənasında işlənilir.

İnternet hər kəsə yazıçılıqla məşğul olmaq imkanı vermişdir. Məsələn, Vikipedia yazıçılığı, bloq yazıçılığı və s.

Yazıçı birlikləri

Yazıçılar çox zaman müxtəlik birliklərdə, dərnəklərdə birləşib fəaliyyətlərini tənzimləyirlər.

Qeyd

Sözün dar mənasında bir sıra hallarda "yazıçı" sözü və Türkiyə türkcəsinin təsiri altında "yazar" kəlməsi eyni mənada işlənilirlər.

Həmçinin bax

Şair