İstifadəçi müzakirəsi:Acategory

ARXIV /Arxiv 2010 /Arxiv 2011/I

109.237.127.238

Salalar bəy. Bu ip vandalizmlə məşquldur. Nəzərə gəlir bir-iki saatlıq bloklasaz yetər. Hörmətlə--Ebrahimi-amir 20:23, 2 iyul 2011 (UTC)

Təşəkkürlər--Ebrahimi-amir 20:33, 2 iyul 2011 (UTC)

Əli Ömərov məqaləsi

Salam Acategory niyə Əli Ömərovun tək və yeganə Həqiqi Dövlət Ədliyyə Müşaviri olması barədə məlumatı silibsiniz. AzerAli 04:26, 3 iyul 2011 (UTC)

Salam AzerAli. Vikipediya ensiklopediyadır, ensiklopediya dili isə quru və elmi olmalıdır. Ona gərə də məqalədə adı çəkilən şəxsin ancaq rütbəsi göstərilməlidir. Dediyiniz yazılış forması isə ancaq mətbuatda və şifahi danışıqda mümkündür. Sizdən yeni məqalələr və redaktələr gözləyirik. Müəyyən müddətdən sonra buranın yazılış qaydalarını asanlıqla tutacaqsınız. Hörmətlə --Acategory 05:15, 3 iyul 2011 (UTC)

Dəvət

		SİZİ DƏVƏT EDİRİK!
		Salam! İdarəçi seçkisi ilə əlaqədar burada (Vikipediya:İdarəçilər) Sizin də iştirak etməyinizi xahiş edirik.

Dərin hörmətlə --Ebrahimi-amir 06:30, 4 iyul 2011 (UTC)

Salam, Ebrahimi-amir

Sizin fəaliyyətinizi çoxdan izləyirəm. Sakit və məhsuldar işləyirsiniz. Cənubi Azərbaycanla bağlı məməqalələrin yaranmasında fəaliyyətiniz böyükdür. Sevinirik ki, ərəb əlifbalı azərbaycan dilli məqalələr günü -gündən artmaqdadır. Hesab edirəm ki, idarəçiliyə layiq şəxslərdən birisiniz. Ancaq bununla belə seçki məsələsində tələsdiyinizi bildirməliyəm. Hər halda namizədliyinizi Siz yox, bir başqası versə daha yaxşı olardı. Fikrimcə seçki məsələsi bir sistemə salınmalıdır. Seçkinin keçirilməsi məsləsində böyük bir boşluq var. Onun kim tərəfindən təşkili məsələsi bilinmir. Sadəcə namizədlik irəli sürmək abzası kifayət deyil. Seçki ya müəyyən konkret vaxtlarda( məsələn ildə bir dəfə) ya da kənd meydanında geniş müzakirədən sonra keçirilməsi düzgün olardı. Artıq iki dəfə dalbadal tələsik və digərilərinin fikri öyrənilmədən keçirilən seçki uğursuz başa catır. Deməli seçki sistemimizdə bir konkretlik yaradılmalıdır. Hörmətlə --Acategory 04:59, 4 iyul 2011 (UTC)

Salamlar. Məni kim namizədliyimi irəli sürməsi səhifənini tarixçəsində var (bunu hörmətli həmkarımız İstifadəçi:Elmaxtar (İstifadəçi:Elmju irəli sürüb) . Burda gedən bəhslərdə sizə köməkçi ola bilər. Hörmətlə --Ebrahimi-amir 05:05, 4 iyul 2011 (UTC)

Hər halda Siz əvvəlki tələsik, məsləhətsiz və qalmaqallı seçkinin aqibətini görüb imtina edə bilərdiniz. Əsas fikirim isə kimin Sizin namizədliyinizi irəli sürməsi yox, seçki məsələsində müəyyən boşluqların olmasıdır. Siz bizim üçün dəyərli istifadıçilərdənsiniz. Hörmətlə--Acategory 05:26, 4 iyul 2011 (UTC)

Diqqətinizə görə təşəkkür edirəm. Düzin istəsəniz elə həmin qalmaqalları görüb özümə iki yol görürəm. Ya buranı tərk etməliyik yada buranı curlamalıyıq. Hələ ki ikincisinə umudluyam. --Ebrahimi-amir 05:28, 4 iyul 2011 (UTC)

Siz bizim üçün dəyərli yoldaşlarımızdan və zəhmətkeş istifaəçilərdənsiniz. Burada nə ediriksə xalqımızın elmi mariflənməsi üçündür. Bu iş şərəfli və qürurludur. Nəinki getmək, əksinə ziyalı dostalrılmızı bura dəvət etməliyik. Qısa zamanda bura 30 minlik məqalədən 73 minə qalxıb, onlarla yeni yaradıcı insanlar gəlib. Həmişə Sizi burada öndə görmək istəyirik. Hesab edirəm ki, əsas məsələ azərbaycanca elektron ensiklopediya yaratmaqdır, idarəçilik, bürokratlıq nəinki ikinci , axırıncı məsələdir. Keçən dəfə kənd meydanında 30-a yaxın dəyərli dostlarımızın adını şəkdim. Siz də o siyahıda var idiniz. Biz bir-birimizi qorumalı yaxşı cəhətlərimizi göstərməyi bacarmalıyıq. Sizə hörmətlə --Acategory 05:47, 4 iyul 2011 (UTC)

Mən bir yana getmək fikrində dəyiləm. Mən buranı daha elmi bir çevrə görmək arzısındayam. Hörmətlə --Ebrahimi-amir 05:49, 4 iyul 2011 (UTC)

Salam

Salam.Mən sizə bir neçə sual vermək istəyirəm.Sizi necə idarəçi seçdilər?,Kimsə vikipediyaya təzə yazı əlavə ediləndə bunu haradan bilirsiniz?Bir-bir bütün istifadəçilərin fəaliyyətləri olan səhifəyə baxırsınız?imkanınız olsa zəhmət olmasa cavab verin.Hörmətlə --Corcinya 14:28, 7 iyul 2011 (UTC)

Dostumuz Corcinya

Siz mənə bir neçə sual vermisiniz. Onlara ardıcıllıqla cavab vermək istəyirəm :

• Sual :Sizi necə idarəçi seçdilər? Cavab : Mən azərbaycanca vikipediyaya 29 mart 2010-cu ildə gəlmişəm. Mənə idarəçi olmağı digər istifadəçi Sortigelus təqribən bu ilin yanvarında təklif etdi. Düşündükdən sonra səsverməyə razılıq verdim. İdarəçi seçilənə qədər mənim təqribən 3 min redaktəm və təqribən 300 yeni yaratdığım məqaləm var idi. Vikicəmiyyətdə artıq tanınırdım və vikipedistlərin bir neçə görüşündə iştirak etmişdim.

• Sual: Kimsə vikipediyaya təzə yazı əlavə ediləndə bunu haradan bilirsiniz? Cavab : Hər gün vikipediyaya bir neçə dəfə daxil olmağa və işləməyə çalışıram. Daxil olanda ilk növbədə son dəyişiklər böləməsinin axırıncı 500 yeniliyinə baxıram. Təcrübəli istifadəçilərədən öyrənməyə çalığıram, yenilərin isə iş stilinə baxıram. Hər hansı səhv olursa onu düzəltməyə çalışıram. Ancaq ilk növbədə həmin istifadəçiyə müraciət edərək sual doğuran məsləni aydınlaşdırmağa çalışıram. İP ilə daxil olanlara isə çox diqqətli oluram. Çox təəəssüf ki, onlar arasında vandalizm ( yəni yazılı xuliqanlıq) edənlər də tapılır. Onların vandalizminin qarşısını tez almasaq vikipediyamız bərbad vəziyyətə düşə bilər.

• Sual:Bir-bir bütün istifadəçilərin fəaliyyətləri olan səhifəyə baxırsınız? Cavab : Artıq imzasını tanıdığım və hörmət doğuran isrifadəçilərin redaktəsinə az hallarda baxıram. Çünki, onlardan arxayınıq. Baxanda da maraq xatirinə, yaxşı işinə baxmağa çalışıram.

Digər suallar olarsa yenəd cavab verməyə çalışıram. Fəaliyyiniz maraq doğurur və işlərinizə uğurlar arzu edirəm. --Acategory 18:20, 7 iyul 2011 (UTC)

Vaxtınızı ayırıb cavab verdiyinizə görə çox sağ olun!--Corcinya 22:23, 8 iyul 2011 (UTC)

))

Baxin) Artiq mennen cekinirler) Ona gore de Sorti kimi dirnaq arasi sakit adam meni omurluk bloklamaq isteyir. hahha. Men ona deyende o meni omurluk bloka cixarmadi. Niye cavab vermedi? Cunki bilir ki, menim hirsim basimdam asir. Hech ne yazmadi. Men sozumu demisem. Onlari tebrik edirem. Ciyine ciyine ela vurusurlar. Bir komandanin uzvleridir. Son toplantinda qerara alinib ki, rovsan omurluk blok olmalidir. i vse))) her sey bu qeder sadedir. Bilirem ki, siz de her seyi yaxsi bilirsiniz. ama bir az tanisliq olduguna gore hec ne demirsiniz. Neinki siz basqalari da demir.... Amma yeri gelse men haminizdan yaxin idim onlarla. ama men haqsizliga nifret edirem... Gorusenedek! --Robert Langdon 16:18, 8 iyul 2011 (UTC)

Dostum Rövşən

Mənim xahişimlə Sizin müddətsiz bloklanmaq məsləniz müzakirədən çıxarılır. Sizi bloklamaq hüququ ancaq mənə verlir. Həmçinin Sizə ola biləcək bütün iradlar artıq Sizə yox, mənə bildirələcək. Bu eyni zamanda azərbaycanca vikipediyada yeni praktikadır.

Birdə sizə xoş xəbərim var. Sizin xahişinizlə Belçikada ali təhsil sistemi məqaləsi artıq hazrdır. Belçika universitetlərinin siyahısı məqaləsi üzərində isə iş gedir.--Acategory 16:34, 8 iyul 2011 (UTC)

Salam

• Salam. Bilmək istəyərdim ki, səhifəyə necə video yerləşdirmək olar? --Fuad Sultan 12:17, 9 iyul 2011 (UTC)

Salam

Salam Acategory.Mən Ay (zaman) məqaləsinə elə də çox olmayan əlavələr etdim.Qaralama yazısını indi oradan,həmin məqalədən çıxartmaq olar?--Corcinya 16:22, 17 iyul 2011 (UTC)

Logoda dəyişikliklə bağlı yardım

Salam, Wiki idarəçi deyə axtarış etdim və sizi tapdım. Sizdən http://az.wikipedia.org/wiki/%C5%9E%C9%99kil:Az%C9%99rbaycan_S%C9%99naye_Bank%C4%B1logo.jpg səhifəsindəki əlavə logoları yığışdırmaqla bağlı yardım istəyirəm. Xahiş edirəm köməklik göstərəsiniz. — Bu imzasız yazı Rafiqsv (m • t) adlı istifadəçi tərəfindən əlavə edilib; 10:09, 18 iyul 2011 (UTC)

Y Xahişi yerinə yetirdim. --►Cek Li Taran^mesaj 05:57, 18 iyul 2011 (UTC)

Salam

Salam.Xahiş edirəm hal-hazırda hansı aktiv seçkilər var onları mənə deyəsiniz.Təşəkkürlər.Rızayeva Leyla 08:56, 22 iyul 2011 (UTC)Rızayeva Leyl

Mükafata görə təşəkkür

Hörmətli Acategory! Mükafata görə təşəkkür edirəm. Amma düzünü deyim ki, buna heç gərək yox idi. Mənə olunan təhqirə münasibətinizi bildirsəydiniz bu mənə bəs olardı. Atalar demişkən: Dost məni bir qozla ansın, o da çürük çıxsa belə yetər...--Irada 14:33, 30 iyul 2011 (UTC)

Salam. Mükafata görə çox təşəkkür edirəm, çox şad oldum. Allah razı olsun. İradə xanımın öszlərinə qoşularq mən də onun kimi sizdən xanıma qarşı edilmiş təhqirə sərt münasibət bildirəcəyinizi gözləyirəm. --sefer azeri 14:16, 31 iyul 2011 (UTC)

Hörmətli İradə xanım. Bakıdan kənarda olmağım vikipediyada az-az görünməyimə səbəb olub. Bildirim ki, Sizi heç kəs təhqir edə bilməz. Çünkü, Sizin ziyalılığınız və ədalətli mövqeyiniz hamıda dərin hörmət döğurur. Siz azərbaycn vikipediyasının ümüd yeri və nüfuz mərkəzisiniz. Kimsə Sızin ünvanınıza ehityatsız söz deyibsə bu atrıq onun böyük günahı və səhvidir. Sizin kimi insanları qorumaq və qiymətləndirmək lazımdır. Sizə münasibət mədəniyyətimizə və ziyalılığımıza olan münasibətdir. Sizə böyük hörmətlə --Acategory 07:48, 1 avqust 2011 (UTC)

Uzun müddətdən sonra növbəti mükafatla təltif olunmaq məni çox məmnun etdi. Sizə dərin minnətdarlığımı bildirirəm! Təşəkkürlər! --►Cek Li Taran^mesaj 04:11, 1 avqust 2011 (UTC)

Bu qədər müzakirələrin, təhqirlərin müəllifi, mübahisələrin səbəbkarı olan şəxsi "Ləyaqət və nəciblik nişanı" ilə qiymətləndirmək? Arifə bir işarə kimi qəbul edərdim, lakin Arifə bir işarə. Cekliyə 100000000 işarə belə etsəz çətin məsələ ki,........ Sizə dərin Hörmətlə--E-citizen 07:58, 1 avqust 2011 (UTC)

Hörmətli E-citizen. Mən həmişə vikipediyada imzanın arxasında xarakteri yox, biliyi görməyə çalışıram. Hesab edirəm ki, əks halda əsas məqsədə - elmi azərbaycan vikipediyasına çata bilmərik. Ara-sıra kiminsə ehtiyatsız sözü qoy onun qəbahəti sayılsın, bunun arxasınca getmək vaxt və enerji aparır. Onsuz da hamı bir-birini çox yaxşı tanıyır, əlavə araşdırmaya ehtiyac varmı ?

Şəxsən Sizin fəaliyyətinizi müsbət hesab edirəm, redaktələrinizi maraqla oxuyuram. Sizin vikipediyamızın inkişafında xidmətləriniz böyükdür, istəyirəm ki, yenə də fəal olasınız. Şəxsiyyətinizə və yaradıcılığınıza hörmətlə--Acategory 15:47, 1 avqust 2011 (UTC)

Salam, hörmətli Acategory. Bu mükafatı Vikipediyanı qalmaqalsız, mehriban bir ailə kimi görmək istəyən idarəçinin təqdim etməsi sevindiricidir. Mükafata görə, ən əsası isə diqqətinizə görə Sizə təşəkkür edirəm. Müvəffəqiyyətlər arzusu ilə →VagoMüzakirə 08:22, 1 avqust 2011 (UTC)

Təşəkkürlər bəy. İnşallah vikimiz daha güclü, daha zəngin olsun. Yaşasın Azərbaycan, yaşasın AzViki. --Ebrahimi-amir 16:19, 1 avqust 2011 (UTC)

Mükafata görə təşəkkür edirəm! Arzu edirəm kollektivimiz qalmaqalsız, mehriban bir ailə kimi tam formalaşsın. Sizə yeni-yeni uğurlar arzusu ilə: --Sultan11 17:53, 1 avqust 2011 (UTC)

• Mükafata görə dərin təşəkkürlər. Mən deyərdim ki, bu mükafata ən layiqlilərdən biri elə sizsiniz. --Fuad Sultan 21:11, 1 avqust 2011 (UTC)

• Mükafata görə təşəkkür --JameS RamireZ 19:26, 1 avqust 2011 (UTC)
• Mükafata görə Thank you.-- E thp 19:45, 1 avqust 2011 (UTC)

Mən də dərin minnətdarlığımı bildirirəm. Təşəkkür edirəm. --N KOzi ^Müzakirə 04:19, 2 avqust 2011 (UTC)

Təşəkkürlər :) -- Pərviz  15:31, 3 avqust 2011 (UTC)

Mükafatlandırma, vikipediya problemləri və bir qədər digər məsələlər barədə

Bu qədər müzakirələrin, təhqirlərin müəllifi, mübahisələrin səbəbkarı olan şəxsi "Ləyaqət və nəciblik nişanı" ilə qiymətləndirmək? Arifə bir işarə kimi qəbul edərdim, lakin Arifə bir işarə. Cekliyə 100000000 işarə belə etsəz çətin məsələ ki,........ Sizə dərin Hörmətlə--E-citizen 07:58, 1 avqust 2011 (UTC)

Hörmətli E-citizen. Mən həmişə vikipediyada imzanın arxasında xarakteri yox, biliyi görməyə çalışıram. Hesab edirəm ki, əks halda əsas məqsədə - elmi azərbaycan vikipediyasına çata bilmərik. Ara-sıra kiminsə ehtiyatsız sözü qoy onun qəbahəti sayılsın, bunun arxasınca getmək vaxt və enerji aparır. Onsuz da hamı bir-birini çox yaxşı tanıyır, əlavə araşdırmaya ehtiyac varmı ?

Şəxsən Sizin fəaliyyətinizi müsbət hesab edirəm, redaktələrinizi maraqla oxuyuram. Sizin vikipediyamızın inkişafında xidmətləriniz böyükdür, istəyirəm ki, yenə də fəal olasınız.

P.S. Sizi "Ləyaqət və nəcabət nişanı" ilə təltif edilməyiniz münasibəti ilə təbrik edirəm.

Şəxsiyyətinizə və yaradıcılığınıza hörmətlə--Acategory 15:47, 1 avqust 2011 (UTC)

Hörmətli Acategory, "Ləyaqət və nəcabət nişanı" na layiq bildiyiniz üçün təşəkkür edirəm. Düşünürəm ki, türk vikipediyasının aqibətini yaşayırıq. Köhnə istifadəçiləri kimi bizdə yeni ensklopediya açıb ora transfer olacağıq. Çox əfsus Azərbaycan vikipediyasının bu gününə. Dərin hörmətlə --E-citizen 05:31, 2 avqust 2011 (UTC)

E-citizenin sözlərinə qoşuluram.--sefer 05:31, 2 avqust 2011 (UTC)

Hörmətli E-citizen. Sizi şəxsən tanıdığım üçün hesab edirəm ki, Siz həqiqətən də ləyaqət və nəcabət təmsilçisiniz. Vikipediya amalını da yaxşı başa düşürsünüz. Siz və digər dəyərli ziyalılarımız burdan gedərsə buranı kimə tapşırmaq istəyirsiniz ? Axı görüləsi böyük ensiklopediya işləri hələ qabaqdadır. Gəlin yaradıcılıq məslələrini diqqətdə saxlayaq, yeni informasiyaları işləyək. Dəyərli dostlarımızı, tələbələri, universitet təhsilli insanları bura dəvət edək. Bunu bacararıq. Getmək, fəallığı dayandırmaq barədə isə heç fikirləşməyin. Bu sözlər yaradıcı, ancaq bir qədər radikal dostlarımıza da aiddir. Həyat mübarizədir, Siz isə güclüsünüz. Sizə hörmətlə --Acategory 08:45, 2 avqust 2011 (UTC)

Salam.Acategory siz mənə də "Ləyaqət və nəcabət nişanı" verməyəcəksiniz?Mən 27 məqalə yaratmışam və 6 redaktə etmişəm.Məncə bu elə də pis deyil.Hörmətlə --Corcinya 16:22, 2 avqust 2011 (UTC)

Sağ olun!

Mükafat

Mükafata görə çox sağ olun.Xahiş edirəm deyəsiniz ki, 75 minin-ci məqalə mənim yaratdığım hansı məqalədir?Rızayeva Leyla 11:42, 2 avqust 2011 (UTC)Rızayeva Leyla

Birdə siz Corcinyaya da yazmısınız ki, o da 75 mininci məqaləni yaratdığına görə nişanla təltif olunur.Onda kimin yaratdığı məqalə 75 minincidir?Rızayeva Leyla 11:51, 2 avqust 2011 (UTC)Rızayeva Leyla

Onda belə başa düşürəm ki, o məqalə bilinmir nə də Corcinyanın məqaləsi deyil. Hə?

Siz bunu haradan bilirsiniz.Elə bir səhifə varsa xahiş edirəm mənə bildirin.Hörmətlə.Rızayeva Leyla 12:02, 2 avqust 2011 (UTC)Rızayeva Leyla

Hörmətli Leyla xanım

Azərbaycan Vikipediyasındakı 75 mininci məqalə Sizin yaratdığınız məqalədir. Adını deməyə çətinlik çəkirəm, ancaq o Sizinkidir. İnanıram ki, 100 mininci də Sizinki olacaq. İşlərinizə uğurlar arzu edirəm. Hörmətlə --Acategory 11:57, 2 avqust 2011 (UTC)

Leyla xanım, azrəbaycan vikipediyasında 75 mininci məqalənin yaranması münasibəti ilə bütün istifadəçilər Şablon:Ləyaqət və nəcabət nişanı ilə təltif edilirlər.--Acategory 12:04, 2 avqust 2011 (UTC)

Başa düşdüm

Başa düşdüm.Çox sağ olun.Hörmətlə.Rızayeva Leyla 12:15, 2 avqust 2011 (UTC)Rızayeva Leyla

Dostumuz Səfər

Sizi tanıdığım üçün hesab edirəm ki, Siz Vikipediya amalını yaxşı başa düşürsünüz. Siz və digər dəyərli ziyalılarımız burdan gedərsə buranı kimə tapşırmaq istəyirsiniz ? Axı görüləsi böyük ensiklopediya işləri hələ qabaqdadır. Gəlin yaradıcılıq məslələrini diqqətdə saxlayaq, yeni informasiyaları işləyək. Dəyərli dostlarımızı, tələbələri, universitet təhsilli insanları bura dəvət edək. Bunu bacararıq. Getmək, fəallığı dayandırmaq barədə isə heç fikirləşməyin. Bu sözlər yaradıcı, ancaq bir qədər radikal dostlarımıza da aiddir. Həyat mübarizədir, Siz isə güclüsünüz. Hörmətlə --Acategory 09:40, 2 avqust 2011 (UTC)

Hörmətli Acategory, bizim problemimiz var və artıq uzun müddətdir ki, bu problemimizi siz idarəçilərlə bölüşməyə və əlacını tapmağa çalışırıq. Amma çi fayda, səsimizə qulaq asan yoxdu. Bizim (təkcə öz adımdan danışmıram, İradə xanımın, E-citizenin və mənim atacağım bu addımı başqa bir çox istifadəçilərimizin dəstəkləyərək bizə qoşulacaqlarını düşünürəm) də əlacımız ancaq vikini tərk etməyə qalıb. Çünki indiki halda azvikidə normal fəaliyyət göstərmək mümkün deyil. Dərin sayqılarla -- sefer 19:50, 2 avqust 2011 (UTC)

--Azeri Warrior 15:09, 2 avqust 2011 (UTC)

Salam.Sizdən bir şey soruşmaq istəyirəm.Əgər mən monitorun yuxarı hisəsindəki "çıxış" yazısından çısam və başqa maillə daxil olsam,bu (yəni Corcinya)silinəcək?--Corcinya 16:22, 2 avqust 2011 (UTC)

2013 Avroviziya mahnı müsabiqəsi məqaləsi

Salam, zəhmət olmasa bu məqaləyə diqqət yetirin --Azeri Warrior 17:05, 2 avqust 2011 (UTC)

İstinad etdiyiniz məqalə mənası olmadığına görə silindi. Diqqətinizə görə təşəkkür edirəm. Eyni zamanda istərdim ki, Azeri adı ilə müraciət edəydiniz.--Acategory 04:57, 3 avqust 2011 (UTC)

Hörmətli İradə xanım

Bakıdan kənarda olmağım vikipediyada az-az görünməyimə səbəb olub. Bildirim ki, Sizi heç kəs təhqir edə bilməz. Çünkü, Sizin ziyalılığınız və ədalətli mövqeyiniz hamıda dərin hörmət döğurur. Siz azərbaycn vikipediyasının ümüd yeri və nüfuz mərkəzisiniz. Kimsə Sızin ünvanınıza ehityatsız söz deyibsə bu atrıq onun böyük günahı və səhvidir. Sizin kimi insanları qorumaq və qiymətləndirmək lazımdır. Sizə münasibət mədəniyyətimizə və ziyalılığımıza olan münasibətdir. Sizə böyük hörmətlə --Acategory 07:44, 1 avqust 2011 (UTC)

Xoş sözlərə görə təşəkkür edirəm, amma nə yazıq ki, təhqir ediblər və bu təhqirə görə də heç kim cəzalanmayıb və heç kim də üzr istəməyib. Amma Sizi əmin edirəm ki, bu belə qalmayacaq! Hörmətlə, --Irada 18:38, 2 avqust 2011 (UTC)

P.S. Yuxarıda yazmışdınız ki, "xarakterə yox biliyə qiymət verirəm". Amma üzr istəyirəm - mən bununla razı deyiləm. İnsanın biliyi az ola bilər amma bu o demək deyil ki, ona dəyər verilməməlidir. Hər hansı bir sahəni yaxşı bilən kəs adi etik qaydanı bilmirsə, ona necə hörmət etmək olar? Atalar sözündə deyildiyi ki. "Alim olmaq asandır, insan olmaq çətindir" Hörmətlə, --Irada 19:19, 2 avqust 2011 (UTC)

İradə xanım, mən "xarakterə yox biliyə qiymət verirəm" deməmiəm, yazmışdım ki, "həmişə vikipediyada imzanın arxasında xarakteri yox, biliyi görməyə çalışıram". Vikipediyada fəaliyyətimiz biliyinimizi ortaya qoymaqla azərbaycan dilli oxucu üçün elektron informasiya mənbəyi yaratmaqdır. Burada müxtəlif xarakterli insanların olması təbiidir. Ona görə bizi ayıran yox, birləşdirən prinsiplərə üstünlük vermək lazım gəldiyini düşünürəm. Təssüf ki , burada vaxtaşırı biliklər yox, xarakterlər toqquşur. Hesab edirəm ki, elmi mübahisənin xarakterlər müharibəsinə keçməməsi üçün faəaliyyətimizin mükəmməl hüquqi bazası yaradılmalıdır. Bu sahədə Sizin fəaliyyətiniz əvəz edilməzdir. Gəlin bütün diqqətimizi buna yönəldək. Onsuz da hamı bir-birini çox yaxşı tanıyır, əlavə çözməyə ehtiyac varmı? --Acategory 17:13, 6 avqust 2011 (UTC)

Salam.Mənasız və yersiz sualıma görə üzür istəyirəm.Sizin 13 yaşınız var,elədi?--Co Blek 16:22, 5 avqust 2011 (UTC)

Co Blek, Vikipediya forum və ya FB deyil! Burada şəxsi suallar vermək etik sayılmır. İstifadəçi özü haqqında məlumatı lazım bildikdə, öz istifadəçi səhifəsində yazır! --Irada 09:07, 8 avqust 2011 (UTC)

Hörmətli, Acategory! İmza sahibi heç bir səbəb olmadan başqalarını təhqir etməklə məşğuldursa, sizdən fərqli olaraq mən ona hörmət edə bilmərəm artıq. Yadımdadır ki, sizi də təhqir etmişdilər (məndən fərqli olaraq bilmədən). O şəraitdə siz heç də bütün diqqətinizi məqalə yaratmağa yönəltmirdiniz. Mən də sizə "birləşdirən prinsiplərə üstünlük vermək lazımdır" demədim. Məni təhqir edənə havadar çıxan artıq özü də məni təhqir etmiş olur. Uğurlar! --Irada 09:07, 8 avqust 2011 (UTC)

2013 Avroviziya Mahnı Müsabiqəsi

Salam. Bu səhifə gələn il maya kimi istiqamətləndirmə səhifəsi olaraq qalmalıdır. AzVikidə bir neçə ildir bu təcrübədən istifadə olunur. Digər vikipediyalarda da belədir.--Emin | mesaj 18:25, 5 avqust 2011 (UTC)

Dostumuz Eminn . Sizin azərbaycan vikipediyasında fəaliyyətiniz təqdirəlayiqdir və həmişə redaktələrinizi maraqla izləyirəm. Avroviziya mahnı yarışmaları haqqında yaradıcılığınız isə istənilən tənqidiə üstün gəlir. Ancaq razılaşın ki, mövcud olmayan hadisə haqqında ( söhbət 2013-cü ildə keçirələcək Avroviziya yaraşması haqqında gedir) məqalə yaradılması düzgün deyil ( bu məqalə mənim tərəfimdən silinmişdir). Bu məntiqlə 2014, 2015-ci il və sonsuz sayda məqalə yaratmaq olar. İstinad etdiyiniz analoji digər dil nümunələrinə baxdım. İngilis vikipediyasında 2013-cü il Avroviziya yarışması məlumatı avaroviziya yarışması haqqında məqaləyə keçid edir [1]. İstəsəz biz də belə edə bilərik. Əgər fikirlərimiz tam fərqlidirsə məsələni kənd meydanında da müzakirə edə bilərik. Hörmətlə --Acategory 14:50, 8 avqust 2011 (UTC)

Mükafata görə çox sağ olun. Təşəkkür edirəm :)--Emin | mesaj 18:37, 5 avqust 2011 (UTC)

Təşəkkür

Salam, hörmətli Acategory! AzVikidə fəaliyyətimə xüsusi qiymət verdiyinizə görə sizə öz minnətdarlığımı bildirirəm. Və məni "Ləyaqət və nəciblik nişanı" ilə təltif etdiyiniz üçün təşəkkür edirəm. Son vaxtlar yeriniz AzVikidə çox görünür. Fəaliyyətinizdə yeni-yeni uğurlar arzulayıram. Hörmətlə --Babək Akifoğlu 12:19, 6 avqust 2011 (UTC)

Təşəkkür

Ləyaqət və nəciblik nişanı'na görə Sizə təşəkkür edirəm və etimadınızı doğrultmağa çalışacağam. Hörmətlə --Aydın Məmmədov 17:20, 6 avqust 2011 (UTC)

Təşəkkürlər

Ləyaqət və nəciblik nişanı ilə məni təltif etdiyinizə görə Sizə təşəkkür edir və minnətdarlığımı bildirirəm. Hörmətlə --Araz Yaquboglu

Şablon

Hörmətli İbrahim əmir. Vikipediyanın zənginləşdirilməsində göstərdiyiniz zəhmətə görə Sizə təşəkkür edirəm. Siz kollektivimizin dəyərli bir üzvünə çevrilmisiniz. Orden barədə isə düşünmək olar. Əgər olacaqsa birinci sahibi Siz olacaqsınız. Hörmətlə --Acategory 04:47, 9 avqust 2011 (UTC)

Salamlar. Hörmətli Vüqar bəy onu curladı. Hörmətlə --Əmir İbrahimi ^*danışıq* 05:03, 9 avqust 2011 (UTC)

Vüqar böydən xahiş edirəm mükafatı o yaratdığına görə ilk mükafatlandırmanı da o etsin.--Acategory 05:10, 9 avqust 2011 (UTC)

Vikipediya:İdarəçilərin və bürokratların seçilməsi qaydaları/test

Salamlar bəy. Redaktənizi geri qaytarmaqdan üzürlü sayın. Qaydada dəyişiklər bu səhifədə gedir. Lütfən redaktələrinizi oraya artırın. Əsli səhifə səsvermə keçirilməyincə dəyişilməsə daha düzgün olar. VP:VQ [2]. Hörmətlə --Əmir İbrahimi ^*danışıq* 04:05, 10 avqust 2011 (UTC)

Mükafatlar

Salamlar bəy. Verdiyim mükafat sizin haqqınızdır.)) Mən yaraddığım iki mükafatı Mükafatlar səhifəsinə artırmışam, hörmətli Elmaxtar bəy də yalnız {{Ulduz}} şablonundan yararlanıb və hansısa bir yeni şablon yaradmayıb. Yaradılsa mən onuda mükaflar səhifəsinə artıraram. Hörmətlə --Əmir İbrahimi ^*danışıq* 04:55, 10 avqust 2011 (UTC)

İstifadəçi səhifəsi

İstifadəçi səhifənizdə mükafatların düzülüşü çox gözəl olmuş... --►Safir yüzüklü Cekli^mesaj 10:55, 10 avqust 2011 (UTC)

Mümkündürmü ?

Salam, Cekli. Xoş sözlərə sağ olun. Ancaq bir məsələni həll edə bilmədim. İstərdim ki, mükafatlar hər cərgədə üç-üç olsun və mşəkillərin altında ayrıca çərçivədə onların rəsmi adı yazılsın. Kömək etsəniz təşəkkür edərəm. Birinə düzəliş etsəniz qalanlarını özüm baxıb düzəldərəm. Hörmətlə --Acategory 11:07, 10 avqust 2011 (UTC)

Mümkün olmayan heç nə yoxdur. Hər şey mümkündür:) --►Safir yüzüklü Cekli^mesaj 11:12, 10 avqust 2011 (UTC)

Y Hamısı tamam.--►Safir yüzüklü Cekli^mesaj 11:17, 10 avqust 2011 (UTC)

Köməyə görə təşəkkür edirəm. Hörmətlə --Acategory 14:46, 10 avqust 2011 (UTC)

Şəhriyar

haçandan Ata Şəhriyar İran ölkəsinindir. bizim Şəhriyar Güney Azərbaycannıdır və həmməşə Güneylı qalacaq. lütfən islah edin məqaləni.

Hörmətli istifadəçi. Mən Sizdən də çox Azərbaycanı və Böyük Şəhriyarı sevənəm. Ancaq Ensiklopediyada bütün məlumatlar dəqiq yazılmalıdır. O yaşadığı dövrdə "Çənubi Azərbaycan" adlı dövlət olmayıb. Şeirlərini və fəlsəfəsini izah etməkdə sərbəstik, ancaq müəyyən informasiyanı olduğu kimi yazmalıyıq. Güney Azərbaycan o yaşadığı dövrdə və indi də İran dövlətinin tərkibindədir. Şəhriyara sevgimizi gəlin onun haqqında məqaləni mükəmməl etməklə bildirək. Hörmətlə --Acategory 15:06, 14 avqust 2011 (UTC)

Seçilmiş məqalələr barədə

Məqalə müzakirəsi səhifəsində ancaq həmin məqaləyə dair müzakirələr aparıla bilər deyin, müzakirəmizi istifadəçi səhifələrimizə keçirirəm.

Heydər Əliyev məqaləsi Axı seçilmişdi! Bura baxın! --Мурад 97 17:02, 14 avqust 2011 (UTC)

Bir var "seçilmiş məqalə". Bu tip məqalələr əvvəl "seçilmiş məqalə laboratotiyası"nda səsə qoyulur. Əgər oradan keçərsə, son səsverməyə çıxarılır və əkəsəriyyət səs verərsə "seçilmiş məqalə" statusu alır, sağ küncünə ulduz işarəsi qoyulur və bura [3] yerləşdirilir.

Bir də var "həftənin seçilmiş məqaləsi". Onu idarəçilərdən biri həmin həftəyə uyğun istənilən məsləhət bildiyi məqaləni ana səhifədə yerləşdirir. Sizin göstərdiyiniz həmin siyahıdır. --Acategory 12:46, 14 avqust 2011 (UTC)

Onda məsələn Avatar: Aanq haqqında əfsanə məqaləni "seçilmiş" və ya "həftənin seçilmiş" eləməyə istəsəm nə etməliyəm? --Мурад 97 19:12, 14 avqust 2011 (UTC)

Təəsüf ki, bunu ancaq idarəçilərin etməsi nəzərdə tutulub. Siz onların birindən bu məqaləni növbəti həftənin seçimş məqaləsi etməsini xahiş edə bilərsiniz.--Acategory 15:00, 14 avqust 2011 (UTC)

Axı siz də idarəçisiniz, elə deyil? --Мурад 97 20:06, 14 avqust 2011 (UTC)

Dostum Murad. Sualınızın bir hissəsinə cavab verə bilmədim. Əgər hansısa məqaləni Siz seçilmiş məqalə etmək istəyirsinizsə, onda onu mükəmməl işləyib Vikipediya:seçilmiş məqalə laboratoriyası səhifəsinə yerləşdirməlisiniz. Onu oradan əsas səsverməyə keçməsi isə dostlarımızın fikrindən asılıdır.

Siz Avatar: Aanq haqqında əfsanə məqaləsinin həftənin seçilmiş məqaləsi olmasını istəyirsiniz ? --Acategory 15:16, 14 avqust 2011 (UTC)

Bəli, istəyirəm. --Мурад 97 20:18, 14 avqust 2011 (UTC)

Əgər sabah məndən əvvəl kimsə həftənin seçilmiş məqaləsi səhifəsini işləməsə mən onu edərəm. Baxmayaraq ki, məqalə hələ bir qədər işlənməlidir.--Acategory 15:21, 14 avqust 2011 (UTC)

Əgər sabah məndən əvvəl kimsə həftənin seçilmiş məqaləsi səhifəsini işləməsə mən onu edərəm. Baxmayaraq ki, məqalə hələ bir qədər işlənməlidir.--Acategory 15:19, 14 avqust 2011 (UTC)

Təşəkkür edirəm! --Мурад 97 20:23, 14 avqust 2011 (UTC)

Salam. Murad. Bu həftə üçün seçilmiş məqalə 9 avqustda hazırlanıbmış. Ona görə də o məqalə avtomatik olaraq səhifəyə oturdulub. Avatar: Aanq haqqında əfsanə məqaləsi gələn həftə üçün seçilmiş məqaləyə hazırlandı və 22 avqustda səhifəyə avtomatik yerləşdiriləcək. --Acategory 04:01, 15 avqust 2011 (UTC)

Müharibə var?

Səbəbini anlamadığım üçün bu redaktənizi geri qaytardım. Çünki hazırda nə müharibə gedir, nə də hər hansısa bir müharibə vəziyyəti mövcud deyildir. Dərin hörmətlə, --►Safir yüzüklü Cekli^mesaj 12:29, 15 avqust 2011 (UTC)

Mümkünsə, bu səhifədəki siyahıya bu gün əlavə etdiyiniz adımı çıxardın. Hal-hazırda Türkcə Vikipediyada əldə etdiyim zəngin təcrübəni Azərbaycanca Vikipediyada tətbiq etməklə məşğulam. --►Safir yüzüklü Cekli^mesaj 12:37, 15 avqust 2011 (UTC)

Təşəkkür edirəm! --►Safir yüzüklü Cekli^mesaj 12:41, 15 avqust 2011 (UTC)

Mükafat

• Mənə mükafatlar təqdim etdiynizə görə cox sagolun.Fəaliyyətimi daha da genişləndirməyə söz verirəm.Hörmətlə--Baskervill 12:35, 15 avqust 2011 (UTC)

Dostumuz Baskervill. Sizin yaradıclığınız həmişə diqqətimi cəlb edir. Gənclik enerjiniz, modern işləməyiniz Sizin stilinizdir. Məntiqlisiniz, məlumatlısınız, kollektivlə yaxşı münasibətlərə maraqlısınız. Çox istərdim ki, Sizin kimi işləyənlər çox olaydı. Rəssam Rəfaelin rəsmləri ilə bağlı məqalələriniz də xoşuma gəldi. Təəssüf ki, həmin dörvdə kompyuterdən uzaq olduğuma görə münasibət bildirə bilmədim. Buradan getməyi ağlınıza belə gətirməyin, gündə 5 saat vikipediyada olmağı da məsləhət bilmirəm. Siz bizə yaxşı mütəxəssis kimi lazımsınız. Ona görə vaxtınızın çoxunu dərsləin üzşərində keçirin.

Eyni zamanda burada deyiən hər sözə də reaksiya verməyin. Əsas işinizlə məşğul olun, düzəlişlərinizlə bizləri sevindirin. Məgər hər sözə cavab vermək vacibdirmi ? İndidən ösünüzdə ağırlığı, az danışmağı, təmkinliliyi vacib cəhət edin. Bunların bünövrəsi Sizdə var.--Acategory 12:44, 16 avqust 2011 (UTC)

• Hörmətli Acategory Sizə böyük hörmətim var.Ançaq lütfən sizə verəcəyim bir suala cavab verin.Mən vandalam? Müzakirə səhifəmdə elə yazılıb.Dərin Hörmətlə--Baskervill 12:51, 16 avqust 2011 (UTC)

Bir idarəçi kimi bildirirəm: Siz vandal deyilsiniz, irad bildirməyə hər hansı bir əsas yoxdur. Vandal dağıdıcı insanlara deyilir. Siz isə mədəni, ziyalı, qurucu bir insansınız. Fəaliyyətiniz qaydalar çərçivəsindədir. Sizdən yeni yaradıcılıq uğurları gözləyirik.

• O, zaman sizdən ricam.Səhifəmdə olan vandal şablonunu götürün.Hörmətlə--Baskervill 13:05, 16 avqust 2011 (UTC)

• Bu mənə qarşı burada olduğum 4 aya yaxın vaxt ərzində atılan, ən doğru və ən gözəl addım idi.Dərin Hörmət hissi ilə--Baskervill 13:18, 16 avqust 2011 (UTC)

İdarəçimizə təşəkkür

Salam həmkar. Son vaxtlar AzVikidə istifadəçilər arasında baş verən mübahisələrin həllində göstərdiyiniz təmkinə, doğru qərarlarınıza, bitərəfliyinizə, ümumiyyətlə, gərginliyin azalması istiqamətindəki fəaliyyətinizə görə sizə öz təşəkkürümü bildirirəm. --Sortilegus 21:33, 16 avqust 2011 (UTC)

Dəvət

		SİZİ DƏVƏT EDİRİK!
		Salam! VP:TYV qaydalarına əməl olunması ilə əlaqədar burada (Vikipediya:Kənd_meydanı#VP:TYV_2011) Sizin də iştirak etməyinizi xahiş edirik.

Dərin hörmətlə,--Melikov Memmed^⇒email 06:25, 17 avqust 2011 (UTC)

Mükafat

Dəyərli həmkarım mükafat görə Sizə təşəkkür edirəm! Bir az gec cavab verdiyimə görə üzr istəyirəm. Bu aralarda başım bir az qarışıqdır. Bir da mükafat görə Sizə təşəkkür edirəm! Çox sağ olun! :) --Proger danış 10:40, 17 avqust 2011 (UTC)

Dəstək

Hörmətli Acategory. Dəstəyə görə təşəkkür edirəm. Məhz bu dəstəyinizdən sonra mən vikidəki fəaliyyətimi bərpa edirəm. Hörmətlə --E-citizen 11:04, 17 avqust 2011 (UTC)

Dostumuz Eminn

Sizin azərbaycan vikipediyasında fəaliyyətiniz təqdirəlayiqdir və həmişə redaktələrinizi maraqla izləyirəm. Avroviziya mahnı yarışmaları haqqında yaradıcılığınız isə istənilən tənqidiə üstün gəlir. Ancaq razılaşın ki, mövcud olmayan hadisə haqqında ( söhbət 2013-cü ildə keçirələcək Avroviziya yaraşması haqqında gedir) məqalə yaradılması düzgün deyil ( bu məqalə mənim tərəfimdən silinmişdir). Bu məntiqlə 2014, 2015-ci il və sonsuz sayda məqalə yaratmaq olar. İstinad etdiyiniz analoji digər dil nümunələrinə baxdım. İngilis vikipediyasında 2013-cü il Avroviziya yarışması məlumatı avaroviziya yarışması haqqında məqaləyə keçid edir [4]. İstəsəz biz də belə edə bilərik. Əgər fikirlərimiz tam fərqlidirsə məsələni kənd meydanında da müzakirə edə bilərik. Hörmətlə --Acategory 14:50, 8 avqust 2011 (UTC)

Salam. Əvvəlcə, gec cavab verdiyim üçün bağışlayın. Xoş sözləriniz üçün çox sağ olun, amma, çox təəssüf ki, müəyyən səbəblərdən son bir il ərzində vikipediyada aktiv fəaliyyət göstərməmişəm. Dediyiniz məsələdə isə əslində elə mən də onu demək istəmişdim :) Ola bilsin fikrimi tam çatdıra bilməmişəm. Yəni məqalə yaradılmalı deyil, istiqamətləndirmə səhifəsi olmalıdır. Müzakirə:2013 Avroviziya Mahnı Müsabiqəsi səhifəsində də fikrimi bildirmişəm.--Emin | mesaj 14:16, 22 avqust 2011 (UTC)

Midiya, Manne, Atropatena

Somebody has classified them all as "turkic countries" which is wrong by all reputable academic sources. Even Turkish Wikipedia consider them as Iranian by origin, and only Azeri is unique. --Orijentolog 06:32, 29 avqust 2011 (UTC)

At any respectable academic sources you refer to?--Acategory 06:45, 29 avqust 2011 (UTC)

Try with all - American, Russian, British, French... I created article about Median Empire long time ago (with some 80-100 sources), and all what one young Azeri lad done was translation and changing Iranian=>Azeri/Turkic. --Orijentolog 06:52, 29 avqust 2011 (UTC)

Ok, there isn't problem:

• A)"..and the Medes (Iranians of what is now north-west Iran).." Encyclopedia of Indo-European Culture (1997:30).
• B) "Archaeological evidence for the religion of the Iranian-speaking Medes of the .." (Diakonoff 1985, "Media", The Cambridge History of Iran, 2 (Edited by Ilya Gershevitch ed.), Cambridge, England: Cambridge University Press, p. 140).
• C) ".. succeeded in uniting into a kingdom the many Iranian-speaking Median tribes" ( from Encyclopedia Britannica ).
• D) "Proto-Iranian split into Western (Median, ancient Persian, and others) and Eastern (Scythian, Ossetic, Saka, Pamir and others)..." (Kuz'mina, Elena E. (2007), The origin of the Indo-Iranians, J. P. Mallory (ed.), BRILL, p. 303, ISBN 9789004160545)

Don't get me wrong - I don't have anything against Azeri people and I don't want to deny that some Azeri authors consider those ancient peoples as Turkic or Azeri (even if it's not acceptable in rest academic World), but it's not fine to completely exclude Iranian origin which is considered by 99% historians around the World. --Orijentolog 07:06, 29 avqust 2011 (UTC)

Thank you for the excellent scientific explanation. I am not a historian, not familiar with the issues. But I think there is no harm from the fact that the young scholar to do so may have a vision problem (even if it is not fully worked out). And on the other side of the Azerbaijani people attended entogeneze many nations and nationalities, including the Medes. According to this, to some extent we can consider their own. For its part would like to add that the people of Azerbaijan has an ancient history and culture. In Soviet times, all koordinirovalsya from Moscow. And then consider that all the peoples of the USSR from its origins pisoedinenie their land in Russia. NOW A lot of issues with izuchaetsya roots. E-mail, we obmenyatsya opinions and sometimes argue.--Acategory 07:36, 29 avqust 2011 (UTC)

Bayram Təbriki

Salam Hörmətli Acategory! Necəsiz? Sizin Ramazan Bayramınızı təbrik edirəm! Allahdan Sizə can sağlığı, işlərinizdə uğurlar arzulayıram. Dərin hörmətlə tələbəniz --E-citizen 16:10, 30 avqust 2011 (UTC)

Vikipediyanın ən xanım-xatın istifadəçisini mən də bayram münasibəti ilə təbrik edir, ailə səadəti və iş uğurları arzu edirəm. Hörmətlə --Acategory 16:52, 30 avqust 2011 (UTC)

Təşəkkür edirəm :) Hörmətlə --E-citizen 17:00, 30 avqust 2011 (UTC)

Gecə növbəsi təklifi

Salam, Vago. Sizin bir sıra məqalələrdə texniki düzəliş fəaliyyətinizə uğurlar arzu edirəm . Ancaq olarmı Siz bu işi proqramınıza gecə etməyi tapşırasınız ? İş burasındadır ki, proses neçə gündür ki, "son dəyişikliklər" səhifəsini tam tutub. O səbəbdən də dostlarımızın fəaliyyətinə, yeni redaktələrə baxa bilmirik, nəyisə nəzərdə saxlaya bilmirik. Hörmətlə --Acategory 12:14, 1 sentyabr 2011 (UTC)

Salam, Acategory. Gecə növbəsi təklifi alınan məsələ olmadığına görə bir variant qalır. Etiraz etməsəniz, 1995-1997-ci illəri də yekunlaşdırıb, fəaliyyəti dayandırıram. Hörmətlə, →Vago ^ms 12:21, 1 sentyabr 2011 (UTC)

Etiraz etmirəm. İşlərinizə uğurlar.--Acategory 16:36, 1 sentyabr 2011 (UTC)

Tarix

• Mən düşünürdüm ki, Azərbaycan Vikipediyasında vaxt Azərbaycanın yerləşdiyi saat qurşağına uyğun bir formada göstərilməyib və bunu yaxın zamanlarda hər hansısa bir idarəçiyə bildirəcəkdim.--Fuad Sultan 09:57, 4 sentyabr 2011 (UTC)

Zaman məsələsi bütün vikipediya üçün bir saat qurşağıdır. Fəaliyyətinizdə elmlilik və məntiq hiss edilir. Universitet tələbəsisiniz ? --Acategory 10:01, 4 sentyabr 2011 (UTC)

• Nəticə etibarilə, Vikipediya mövcud olmayan bir qurşaqda yerləşir. Bəli, bu il daxil olmuşan. --Fuad Sultan 10:05, 4 sentyabr 2011 (UTC)

Uğurlar, çalış ixtisasını əla bil, həddindən çox əla. Ətrafdakılarının nə deməyindən asılı olmayaraq yaxşı oxu. Bir neçə dil öyrən. Gələcək qüsursuz tərcümeyi-halını indidən qur.--Acategory 10:07, 4 sentyabr 2011 (UTC)

• Təşəkkürlər. Oxumaq, dünyagörüşünü artırmaq çox faydalı və insan üçün əsas rol oynayan bir anlamlardır və bu keyfiyyətləri hər bir zaman yüksək dərəcəyə çatdırmağa çalışmışam və davam etdirirəm. Bir daha təşəkkürlər və fəaliyyətinizdə uğurlar --Fuad Sultan 10:15, 4 sentyabr 2011 (UTC)

Salam

Salam. Təqdirə görə təşəkkürlər. Düzdür mənim sahəm beynəlxalq hüquqdur. Ancaq buradan bir hobbi kimi istifadə edirəm. Ona görə 2006-cı ildən Azərbaycan kinosundan başlamışam. Hələ də görüləcək işlər o qədərdir ki, öz sahəmə keçə bilmirəm. Amma planlarımda var. Azərbaycan kinosu üçün mənim elədiklərim taxıl anbarında ancaq bir dənə taxıl qədər ola bilər. :) Uğur olsun!

--Vüsal Ağayev 10:24, 4 sentyabr 2011 (UTC)

Dəvət

		SİZİ DƏVƏT EDİRİK!
		Salam! Şirvanşahlar dövləti məqaləsinin seçilmiş məqalə statusu alması ilə əlaqədar burada (Vikipediya:Seçilmiş məqalə namizədləri) keçirilərn səsvermədə Sizin də iştirak etməyinizi xahiş edirik.

Dərin hörmətlə, --sefer 20:47, 06 sentyabr 2011 (UTC)

məhdudiyyət

Hörmətli istifadəçi. Yaratdığınız məqalələrdə və etdiyiniz redaktələrdə xeyli dil qüsurları vardır. Sizdən sonra kimsə onları yenidən işləməyə məcbur olur. Ya azərbaycan dilini təmiz öyrənməyi , ya da redaktələri dayandırmağı Sizə məsləhət görürəm. Əks halda Sizin fəaliyyətinizə məhdudiyyət qoyulacaq.--Acategory 15:54, 6 sentyabr 2011 (UTC)

Necə bir məhdudlaşdırmadan bəhs edirsiniz? Bu məhdudlaşdırma hansı Vikipediya qaydalarına əsaslanır? və Hansı qatqılarda dil səhvləri var? Duke ^{ϡ»» ileti ^^} 16:45, 6 sentyabr 2011 (UTC)

Bəli, onlara baxırdım mən də. Səhvlərə baxdım. Hörmətlə. Duke ^{ϡ»» ileti ^^} 18:17, 6 sentyabr 2011 (UTC)

IRC

Bu vikipediya'dakiler IRC kanalı istifadə edirlər mı? Duke ^{ϡ»» ileti ^^} 18:22, 6 sentyabr 2011 (UTC)

Fayl yüklə

Şəkil:Kapitan_Amerika_İlk_qisasçı_poster.jpg yükləmə doğru mudur? Duke ^{ϡ»» ileti ^^} 15:04, 7 sentyabr 2011 (UTC)

Vikipediya Qadınların təhqir olunması adi hal almaqdadır

Hörmətli Acategory, xahiş edirəm bir böyük kimi, eyni zamanda tərəfsiz admin kimi bu müzakirəni nəzarətə götürəsiniz: [5] E-citizen məqalənin mənbəsiz olduğunu müzakirə etdiyi halda [6] Melikov Memmed tərəfindən bütün tərəfsizlik prinsipləri pozuldu, istifadəçinin cinsi mənsubiyyəti, maaşı, babası və iş yeri yada düşdü. Vikipediya qaydalarına görə "Müzakirələrdə müəllif deyil, məqalə müzakirə edilməlidir". Bu qaydanı pozan bloklanmalıdır. Düzgün qərar çıxaracağınıza ümid edirəm!

Qeyd:Bürokrata müraciət etmədim, belə ki, mənim təhqir olunduğum zaman onun iradəsizlik göstərməsi, ona inamımı heçə endirmişdir! Hörmətlə, --Irada 17:19, 8 sentyabr 2011 (UTC)

Tədbir görüldü

Hörmətli İradə xanım. Müraciətinizə reaksiya verildi və istifadəçi Melikov Memed xəbərdarlıq edildi. Onun nəticə çıxaracağına ümüd edirəm.--Acategory 18:42, 8 sentyabr 2011 (UTC)

Hörmətli Acategory, tərəfsiz və düzgün qərar qəbul etdiyinizə görə Sizə təşəkkürümü bildirirəm. Lazım bilsəz bu [7] şablondan da istifadə edə bilərsiniz :) --Irada 08:20, 9 sentyabr 2011 (UTC)

Hörmətli Acategory. Məni bağışlayın yenədə Sizə təşəkkür edirəm. Mən xəbərdarlıqla kifayyətlənmirəm və bu təhqir mənə çox pis toxunub. Məsələnin daha ciddi həlini gözləyirəm. Hörmətlə --E-citizen 18:50, 8 sentyabr 2011 (UTC)

Hörmətli E-citizen. Vikipediyada xəbərdarlığın özü ciddi cəzadır. Nəticə çıxarılmayacağı təqdirdə daha ciddi tədbir görüləcəkdir. Məsələ nəzarətə götürülmüşdür.--Acategory 19:04, 8 sentyabr 2011 (UTC)

Təşəkkür edirəm. Güman edim ki, digər idarəçilər xüsusilə mənə vaxtilə iki idarəçinin etirazına baxmadan xəbərdarlıq verən idarəçi və bürokrat bu məsələylə tanış olandan sonra ikinci xəbərdarlığını verməyəcək. Hörmətlə --E-citizen 19:24, 8 sentyabr 2011 (UTC)

Müzkirə səhifəsi

Hörmətli Acategory, salam. Dünən belə alındı ki, müzakirə Sizin səhifədə baş verdi. Ola bilsin ki, burada mənim də günahım var. Mənə olan müraciət gərək mənim istifadəçi səhifəmə yazılaydı, lakin mənə müraciəti sizin səhifənizə yazdıqları üçün, mən də məcbur olub burada cavab verməli oldum. Müzakirədə iştirak edən digər istifdəçilər etirz etməsələr, sildiyiniz mətni öz müzakirə səhifəmə köçürərdim. Hörmətlə, --Irada 08:45, 11 sentyabr 2011 (UTC)

Hörmətli İradə xanım. Hər hansı bir poblem yaranmadı. Həmin hissəni Sizin müzakirə səhifəsinizə köçürdüm. --Acategory 08:57, 11 sentyabr 2011 (UTC)

Təşəkkür edirəm.--Irada 11:22, 11 sentyabr 2011 (UTC)

Melikov Memmed

Salam. Zəhmət olmasa bu məsələyə münasibətinizı bildirin: [8] --Irada 11:22, 11 sentyabr 2011 (UTC)

Müraciət olduğuna görə məsələni araşdırıram və bu gün mövqeyimi bildirəcəyəm.--Acategory 13:42, 11 sentyabr 2011 (UTC)

Acategory, "Fikrimcə hər dörd iştirakçı inzibati təsirə məruz qalmalıdır" dedikdə məni də nəzərdə tutursunuzsa, o zaman mənim günahlarımı da xahiş edirəm sadalayasınız. Burada sülh yaratmaq istərkən təhqir və böhtanla qarşılaşan mənəm. --Irada 05:05, 12 sentyabr 2011 (UTC)

Iradanın müraciəti əsasında araşdırma barəsində məlumat

Salam. Zəhmət olmasa bu məsələyə münasibətinizı bildirin: [9] --Irada 11:22, 11 sentyabr 2011 (UTC)

Müraciət olduğuna görə məsələni araşdırıram və bu gün mövqeyimi bildirəcəyəm.--Acategory 13:42, 11 sentyabr 2011 (UTC)

Iradanın 11 sentyabr 2011-ci il tarixində mənə etdiyi müraciəti əsasında tam tərəfsiz araşdırma apararaq bu qənaətə gəldim :

1. Mövcud məsələdə 4 istifadəçi Melikov Memmed, Sefer Azeri, E-citizen və Irada Vikipediya:Təhqir, təhdid və aqressiyaya yol verilməməlidir qaydalarını bu və ya digər formada pozduğu aydınlaşır.
2. Melikov Memmed "burda gestopa qanunları qurub", "ələ-ələ verib bu qədər xəbərdarlı yazmağınız qruplaşmanın ən bariz nümunəsidir", "buranı tam bir məhkəmə salonu etmisin" kimi ifadələlə qarşı tərəfə şəxsi hücumlara keçir, " mənim babamın məqaləsini göstərib, "belə səhfləri görməkdənsə vətən xaini adını almaq daha şərəflidir" yazmısınız" ifadəsi ilə isə Vikipediyanın tərəfsizliyi qaydasını pozur və konkret məqalənin hansısa formada yazılmısına xüsusi maraq göstərir.
3. Sefer Azeri "Məlikov Məmməd bəyin davranışı isə mənə balaca uşağın hərəkətlərini xatırladır, özünüz ortaya bir iş qoya bilmirsiz, başqalarına paxıllıq edir və bunu qərəzli hərəkət və sözlərinizdə göstərirsiz" ifadəsi ilə Melikov Memmedin fəaliyyətinə şəxsi müstəvidə qiymət verir və şəxsi hüsuma keçir.
4. Irada idarəçi kimi məsələni sülh yolu ilə həll etmək cəhdləri özünün münaqişə tərəflərindən birinə çevrilməsinə səbəb olur.
5. E-citizen məqalə müzakirəsində elmi müzakirə etmək pinsiplərindən uzaqlaşır.

Nəticə olaraq azərbaycan vikicəmiyyəti dörd istifadəçinin münaqişəsinin şahidi olmuş, yaradıcılıq əhval-uhiyyəsi pozulmuşdur. Fikrimcə hər dörd iştirakçı inzibati təsirə məruz qalmalıdır.

Ancaq....

Hesab edirəm ki, burada cəza metodu yaranmış situasiyanı yumşalda bilməyəcək. Hər dörd istifadəçi vikipediyanın formalaşmasında böyük rol oynamış anonim şəxslərdir. Təcrübələrini yeni istifadəçiləlrə bölüşmək, atmosferə təmkinlilik və qarşılıqlı güzəşt əhval-ruhiyyəsi gətirmək əvəzinə daima münaqişə etmək ilk növbədə azərbaycan vikipediyasının inkişafına ciddi maneçilikdir. Bu situasiyada qarşılıqlı ittihamları dayandıraraq adı çəkilən istifadəçiləri ciddi polemika şərtlrini gözləməyə, elmi mübahisələri qarşılıqlı ittihamlara çevirməməyə və cəza metodunu gündəlik alətə çevurməyə kömək etməməyə çağırıram.

P.S. Nəticə və şərh şəxsidir.--Acategory 19:09, 11 sentyabr 2011 (UTC)

Acategory, "Fikrimcə hər dörd iştirakçı inzibati təsirə məruz qalmalıdır" dedikdə məni də nəzərdə tutursunuzsa, o zaman mənim günahlarımı da xahiş edirəm sadalayasınız. Burada sülh yaratmaq istərkən təhqir və böhtanla qarşılaşan mənəm. --Irada 05:04, 12 sentyabr 2011 (UTC)

Hörmətli İradə xanım. Siz adıçəkilən məsələdə sülh yaratma prosesində özünüz də istəmədən münaqişə tərəfinin birinə çevrildiniz. Və bildirdiyiniz kimi təhqir də olundunuz."Fikrimcə hər dörd iştirakçı inzibati təsirə məruz qalmalıdır" dedikdə heç də cəza nəzərdə tutulmur. Məlumatın nəzərə çatdırılması da inzibati təsir sayılır. Bu barədə aryışda yazmışam. Bildirməliyəm ki, Sizin fəaliyyətiniz bizim hər birimiz üçün örnəkdir, Sizdən öyrənir və nümunə götürürük. Sizin kimi ziyalıları burada qorumaq hər birimizin borcudur. --Acategory 14:06, 12 sentyabr 2011 (UTC)

Məsələni obyektiv araşdırdığınız üçün təşəkkür edirəm. Bəzi məsələlərə də aydınlıq gətirmək istəyirəm. Təhqir və ardıcıl xəbərdarlıqlardan sonra “çox mürəkkəb şəraitdə” mən məsələni “bu cür xainlərin olduğu” kimi başa düşdüm və bir “emosional” cavab yazdım. Bu cür təhqir dözülməz idi, ancaq Wertuose məsələyə müdaxiləsi demək olar ki, “soyuq düş” effekti yaratdı, bu emosiyalar aradan getdi və bir anda məsələyə başqa gözlə baxdım, bu mənada Wertuosea təşəkkür edirəm və bu olduqca xoşagəlməz məsələni artıq “uzatmamaq” qərarına gəldim. Ancaq təəssüf ki, yenə də “Sizə xəbərdarlıq edirəm” və ya “tələb edirəm” kimi hallar davam etdi. Buna da aydınlıq gətirmək istəyirəm, Vikipediyada səlahiyyətli orqan olmadığı və burda olan bütün idarəçi və istifadəçilərin Vikipediyada heç bir öhdəliyi olmadığı üçün onlara bu cür müraciət yolverilməzdir. Burda kim isə mənə nə xəbərdarlıq edə bilər, nə də tələb. Əgər kim isə qaydanı pozursa həmən an istənilən istifadəçi tərəfindən ya söz, ya da şablon ilə ona bildirilməlidir ki, onun bu hərəkəti yolverilməzdir (yersiz şablon yerləşdirmək və ya haqlı şablonu da silmək olmaz), əgər həmin şəxs davam edərsə, idarəçi ölçü götürməlidir, bunda da tək bir məqsəd, sadəcə, Vikipediyanın normal işinin pozulmasına yol verməməkdir, yoxsa burada idarəçi “idarə edən”, “rəhbər” mənasında deyil ki, öz tabeliyində olandan da nə isə tələb edə. Bunu bildirməyi isə təhqir kimi qəbul etmək olmaz. Vikipediya könüllü istifadəçilər tərəfindən yaradılan ensiklopediyadır və hərənin öz həqiqəti var, burda mübahisə olmadan keçinmək mümkün deyil, digər Vikipediyalarda elə məsələ olur ki, “savaş meydanını” xatırladır, əsas olan tərəflərin Vikipediya prinsipləri çərçivəsində hərəkət etməsidir. Əgər istifadəçi qayadaları heçə sayıb bu formada davam edəcəksə və öz hərəkətini də kimin isə “paxıllığı” hesab edirsə, digərlərinin də məsələyə öz fikrini bildirməsi elə onun özünə də bir kömək olardı, mübahisələrə sərf etdiyi vaxtı məqaləni normal hala gətirməyə sərf edərdi. --Melikov Memmed^⇒email 07:56, 12 sentyabr 2011 (UTC)

Hörmətli Melikov Memmed. Siz azərbaycan vikipediyasının fəal və elmə maraq göstərən istifadəçilərindən birisiniz. Etdiyiniz düzəlişlərdə elmlilik nəzərə çarpır. Ancaq ara-sıra emosiyaya qapılmağınız təssüf ki, Sizin zəif cəhətiniz sayıla bilər. Çox istərdim ki, burada bizlər bizi ayıran yox, bizi birləşdirən cəhətlərə diqqət edək. Eyni zamanda fərqli fikirləri sakit şəkildə qəbul edək və onlarla arqumentlərlə razılaşmayaq. İşlərinizə uğrlar arzu edirəm. İnanıram ki, yaradıcılığınızla bizləri hələ çox sevindirəcəksiniz.

P.S. Etiraz etməsəniz Məmməd Məlikov məqaləsini bir qədər redaktə edərdim. Hörmətlə --Acategory 13:49, 12 sentyabr 2011 (UTC)

Əlbəttə, redaktə edin. Mən Laçın qəzetinin 1967-ildə ölümü ilə əlaqədar çap etdiyi məqaləni olduğu kimi yazmışam, ilk yazım olduğundan təcrübəsizlik də var, düzü deyim ki, bu gün olsa idi heç yaratmazdım, öz şəxsiyyəti bu gün mübahisələr obyekti olacaq şəkildə olmayıb --Melikov Memmed^⇒email 04:22, 13 sentyabr 2011 (UTC)

Wertuose müraciət

Hörmətli həmkar. Bir-neçə gündür Sizinlə istifadəçi --Irada arsında gedən polemikanın müəyyən qədər mənə də aidiyyatı olduğu üçün münasibət bildirməyə məcbur oluram.

1. Sizin əvvəlki polemikanız mənim müzakirə səhifəmdə getdiyinə və mənə aidiyyatı olmadığına görə mən onu sildim. Sonradan hörmətli İradı xanımın xahişi ilə onu onun müzakirə səhifəsinə köçürüdüm. Müzakirənin mənim səhifəmdə getməsinə haqq qazandırmanızı başa düşə bilmirəm. Xahiş edirəm belə hal təkrarlanmasın.
2. İradə xanımın səhifəsinə köçürülmüş materiala düzəliş etməyinizi düzgün addım saymıram və hamıdam belə addımdan çəkinməyi xahiş edirəm. Digər istifadəçinin səhifəsinə onun razılığı olmadan kiminsə düzəlişlər etməyi yolverilməz sayıram.
3. Son dövrlərdə Sizin tərəfinizdən Irada və E-citizenə qarşı qüsur axtarmaq marağı hiss edirəm. İdarəçi kimi mən Sizi təmkinli və inanılan cinah görmək istərdim. Eyni zamanda adı çəkilən istifadəçilərin qadın olması da nəzərdən qaçmamalıdır. Vikipediyada hamı bərabər olsa da qadınlara qarşı xüsusi hörmət və diqqət kimi şərq ənənsini heç kəs ləğv etməyib. Onların ( eləcə də digər dəyərli istfadəçilərin) vikipediyaya verdiyi töhvələrin üzərindən tələsik xətt çəkməyə çalışmayaq. Bu məsələdə Sizi yanaşmanızda dəyişiklik etməyə çağırıram. Hörmətlə həmkarınız --Acategory 15:51, 12 sentyabr 2011 (UTC)

Yuxarıda yazdığınız ittihamlarla bağlı ətraflı cavab yazsam, onun sonadək oxunacağına dair şübhəm olduğu üçün qısa cavab verəcəm: qaydalar çərçivəsində hərəkət edən heç bir istifadəçiyə qarşı iradım yoxdur. İradə və E-citizenin hərəkətləri isə dəfələrlə bir çox istifadəçilərimiz tərəfindən də qeyd edildiyi kimi qaydalardan çox uzaqdır. Nədənsə son 2 ildəki bütün qalmaqallarda bu 2 istifadəçinin adına rast gəlmək olar. Məncə bu düşünmək üçün kifayətdir.

P.S. Yuxarıda yazdığınız bəndlərin bir çoxu əsassız ittihamlar və şəxsi hücum xaraketrli iddialar daşıyır. Qaydalara görə bu hərəkətlər bloklanma ilə cəzalandırılır. Wertuose 07:22, 13 sentyabr 2011 (UTC)

Məlumat

Salam. Zəhmət olmasa bu ismarıclarımla tanış olun. Tanış olduqdan sonra mümkünsə münasibətinizi bildirin. --►Safir yüzüklü Cekli^mesaj 12:19, 13 sentyabr 2011 (UTC)

Hörmətli Cekli. Vikiktabda fəaliyyət göstərmədiyimə və idarəçiliyimin ora təsir imkanı olmadığına görə, bilmirəm mənim münasibət bildirməyim nə dərəcədə düzgün olar ? Hörmətlə --Acategory 12:38, 13 sentyabr 2011 (UTC)

Sizdən başqa cavab gözləmirdim. İradanı yüksək səviyyədə müdafiə etdiyiniz üçün Sizə təşəkkür edirəm! --►Safir yüzüklü Cekli^mesaj 12:44, 13 sentyabr 2011 (UTC)

Iradanın müraciəti əsasında araşdırma barəsində məlumat

Salam. Zəhmət olmasa bu məsələyə münasibətinizı bildirin: [10] --Irada 11:22, 11 sentyabr 2011 (UTC)

Müraciət olduğuna görə məsələni araşdırıram və bu gün mövqeyimi bildirəcəyəm.--Acategory 13:42, 11 sentyabr 2011 (UTC)

Iradanın 11 sentyabr 2011-ci il tarixində mənə etdiyi müraciəti əsasında tam tərəfsiz araşdırma apararaq bu qənaətə gəldim :

1. Mövcud məsələdə 4 istifadəçi Melikov Memmed, Sefer azeri, E-citizen və Irada Vikipediya:Təhqir, təhdid və aqressiyaya yol verilməməlidir qaydalarını bu və ya digər formada pozduğu aydınlaşır.
2. Melikov Memmed "burda gestopa qanunları qurub", "ələ-ələ verib bu qədər xəbərdarlı yazmağınız qruplaşmanın ən bariz nümunəsidir", "buranı tam bir məhkəmə salonu etmisin" kimi ifadələlə qarşı tərəfə şəxsi hücumlara keçir, " mənim babamın məqaləsini göstərib, "belə səhfləri görməkdənsə vətən xaini adını almaq daha şərəflidir" yazmısınız" ifadəsi ilə isə Vikipediyanın tərəfsizliyi qaydasını pozur və konkret məqalənin hansısa formada yazılmısına xüsusi maraq göstərir.
3. sefer Azeri "Məlikov Məmməd bəyin davranışı isə mənə balaca uşağın hərəkətlərini xatırladır, özünüz ortaya bir iş qoya bilmirsiz, başqalarına paxıllıq edir və bunu qərəzli hərəkət və sözlərinizdə göstərirsiz" ifadəsi ilə Melikov Memmedin fəaliyyətinə şəxsi müstəvidə qiymət verir və şəxsi hüsuma keçir.
4. Irada idarəçi kimi məsələni sülh yolu ilə həll etmək cəhdləri özünün münaqişə tərəflərindən birinə çevrilməsinə səbəb olur.
5. E-citizen məqalə müzakirəsində elmi müzakirə etmək pinsiplərindən uzaqlaşır.

Nəticə olaraq azərbaycan vikicəmiyyəti dörd istifadəçinin münaqişəsinin şahidi olmuş, yaradıcılıq əhval-uhiyyəsi pozulmuşdur. Fikrimcə hər dörd iştirakçı inzibati təsirə məruz qalmalıdır.

Ancaq....

Hesab edirəm ki, burada cəza metodu yaranmış situasiyanı yumşalda bilməyəcək. Hər dörd istifadəçi vikipediyanın formalaşmasında böyük rol oynamış anonim şəxslərdir. Təcrübələrini yeni istifadəçiləlrə bölüşmək, atmosferə təmkinlilik və qarşılıqlı güzəşt əhval-ruhiyyəsi gətirmək əvəzinə daima münaqişə etmək ilk növbədə azərbaycan vikipediyasının inkişafına ciddi maneçilikdir. Bu situasiyada qarşılıqlı ittihamları dayandıraraq adı çəkilən istifadəçiləri ciddi polemika şərtlrini gözləməyə, elmi mübahisələri qarşılıqlı ittihamlara çevirməməyə və cəza metodunu gündəlik alətə çevurməyə kömək etməməyə çağırıram.

P.S. Nəticə və şərh şəxsidir.--Acategory 19:09, 11 sentyabr 2011 (UTC)

Salam hörmətli Acategory bəy. Fikirlərinizi oxudum və hörmət edirəm, amma şəxsən mənim haqqımda yazdıqlarınızla razı deyiləm və yuxarıda mənim sözlərimdən gətirdiyiniz istinaddakı fikirlərimin üstündə qalıram. İzah da edə bilərəm. Amma əvvləcə onu qeyd edim ki, mənim Məlikov Məmməd bəyi nə təhqir etmək, nə də ona qarşı şəxsi hücuma keçmək fikrim olmamışdır. Əks halda ona bəy deyə müraciət etməzdim. Həmin istifadəçiyə qarşı yazdıqlarımın isə həqiqət olduğunu düşünürəm. Həmin istifadəçinin mənimlə şəxsi intriqa aparmasını müşahidə edirəm və bu mənə balaca uşaqların hərəkətlərini xatırladır. O ki qaldı "özünüz ortaya bir iş qoya bilmirsiz" ifadəsinə, özünüz istifadəçinin fəaliyyət statistikasına baxa bilərsiz. İndiyə kimi bir dənə də olsun normal məqalə ortaya qoymamışdır. Amma elə imkan düşən kimi mənə mane olmağa çalışır. Hər dəfə onunla müzakirələrə sərf etdiyim vaxta və enerjiyə beş - on yeni məqalə yarada bilərəm. Amma buna imkan vermir. --sefer 19:56, 15 sentyabr 2011 (UTC)

Səfər bəyin yazısından nə qədər qaydaları bilmədiyi bir daha ortaya çıxır. Birincisi, “bəy” deyə müraciət etmək o demək deyil ki, ardınca yazdığın təhqir heç də təhqir deyil. Anlaya bilmir ki, Vikipediyada istifadəçi öz maraq göstərdiyi sahədə sərbəst fəaliyyət göstərməlidir və bunu “şəxsi intriqa aparma” kimi qəbul etməyə heç kəsin haqqı yoxdur (VP:TYV), istifadəçi ortaya bir şey qoymaq haqqında heç bir öhdəlik götürməyib, "özünüz ortaya bir iş qoya bilmirsiz" də VP:TYV başqa bir şey deyil. Normal məqalə nədir? Elektron kitabların mənbələrini düzəldib Vikipediyaya copy-paste etməkdirsə, bildirirəm ki, bəhsə duraram ki, şəxsi arxivlərimdə olan elektron kitabların (4 dildə) sayı Azərbaycanda ikinci bir şəxsdə çətin ki, olsun. Mənbə məsələsi də əziyyət hesab olunursa bunun üçün sadəcə Worddə bir adi macros yazmaq da yetər, indiyə qədər heça proqramlarını, konvertorları C++ ilə özü yazan üçün bu heç nədir, “əziyyət” deyil. Ancaq mən bunu etməmişəm və gələcəkdə də etməyəcəm, bu Vikipediya prinsiplərinə uyğun ensiklopedik məqaləni məhv etmək deməkdir, yaratdığım 388 məqalə yəqin kiçik olduğu üçün “heç” sayılır, ancaq 5 çap vərəqi həcmində bir mətni kitabdan kopi-peyst edib seçilmiş məqalə hesab edən başa düşmür ki, heç kim onu oxumayacaq. Sonda, məqalə yaratmağa imkan vermir iddiasına açıq yazıram, nə qədər istəyirsiniz yaradın ancaq bunları seçilmiş məqalə etməyə qalxmayın, bu biabırçılıqdır, aşağıakı suallara cavab versəz yaxşı olar:

• Seçilmiş məqalənin avtomatik olaraq intervikilər ilə ulduz qoyularaq bütün dillərdə göründüyünü bilirsinizmi?
• Bunun isə Vikipediyada bütün dillərdə olan istifadəçilərə “siz bu adda məqalə üçün AzVikini nümunə götürə bilərsiniz” şəkildə mesaj verdiyini, bu halda da sadəcə istinadların quruluşu, müzakirələrin olmaması kimi əlamətlər bəs edir ki, məqalənin pripiska olduğu anlaşılsın, bu halın da AzVikini çox hörmətdən saldığı sizi narahat etmirmi?
• Vikipediyada seçilmiş məqalədə müəllif hüquqlarını pozan yazı ola bilərmi?--Melikov Memmed^⇒email 06:07, 16 sentyabr 2011 (UTC)

Fikriniz necədir?

Müzakirə:Otel müzakirəsinə fikrinizi bilmək istərdim. Çox sağ olun. --Babək Akifoğlu 13:43, 16 sentyabr 2011 (UTC)

E-mailiniz

Vikipediya idarəçilərindən və bir neçə aktiv üzdən müsahibə almaq və dərc etmək fikrindəyik, mənə e-mail ünvanınızı yaza bilərsinizmi? Mənim e-mailim: rashad@mehbaliyev.az

Təşəkkür

Diqqətinizə görə təşəkkür edirəm. Dərin hörmətlə:--Enver62 18:25, 18 sentyabr 2011 (UTC)

Barışıq layihəsi

Salam, Acategory. Vikipediya:Barışıq layihəsi barədə təklif və rəylərinizi bilmək xoş olardı. Şübhə etmirəm ki, bu layihəyə istənilən münasibətiniz Vikipediyanın inkişafına xidmət göstərəcək. Hörmətlə, →Vago ^ms 10:29, 19 sentyabr 2011 (UTC)

Təşəkkür

Sizin sakit, yaradıcı və fundamental işləməniz mənə xoş gəlir. Uğurlar arzu edirəm. Hörmətlə --Acategory 17:51, 26 sentyabr 2011 (UTC)

Təşəkkür edirəm, sizin kimi dəyərli idarəçidən bu sözləri eşitmək çox xoşdur. --Babək Akifoğlu 17:55, 26 sentyabr 2011 (UTC)

Bilirsinizmi...

Salam, Acategory. Bu səhifədən niyə bütün redaktələrimi sildiniz? --Мурад 97 18:38, 27 sentyabr 2011 (UTC)

Murad, heç nə silinməyib. Sənin düzəlişlərin yerindədir. Sadəcə olaraq mən ana səhifəyə hazırladlğım mətni yerləşdirdim.--Acategory 13:44, 27 sentyabr 2011 (UTC)

Hər şey yerindədir, çünkü mən onu qaytardım. [11] --Мурад 97 18:48, 27 sentyabr 2011 (UTC)

Yenə?

Hörmətli Acategory, Kənd meydanındakı müzakirə deyəsən əbəs oldu. AzVikidə yeni-yeni ingilisdilli səhifələr yaranmaqdadır. Çarli Şin Cennifer Eniston Erik Roberts Enn Heteuey və s. Buna deyəsən heç vaxt son qoyulmayacaq. İstifadəçilər niyə başa düşmək istəmirlər ki, başqa dildə məqalə yaratmağın AzVikinin oxucularına heç bir xeyri yoxdur? Nə etmək olar? --Babək Akifoğlu 19:02, 27 sentyabr 2011 (UTC)

Salam, Babək Akifoğlu. Məsələnin həlli mümkündür. Əgər məqalə tam xarici dildədirsə, o barədə idarəçilərdən birinə məlumat verin və o mütləq silinəcək. Yox əgər başlıq xarici dildədirsə, onun başlığını hər kəs dəyişə bilər. Əgər məqalənin işərisində xarici dildə mətn, cümlə və ya o dilə uyğun ifadələr vars, ora "qaralama-az" şablonu qoymmaq lazımdır. Necə ki, bunu mən etdim. Hörmətlə --Acategory 06:19, 28 sentyabr 2011 (UTC)

Çox sağ olun. --Babək Akifoğlu 19:02, 28 sentyabr 2011 (UTC)

Xoş gəldin

Yenidən imzanızı görməyə şadam. Uğurlar arzu edirəm. Hörmətlə --Acategory 06:21, 28 sentyabr 2011 (UTC)

Təşəkkürlər. --Əmir İbrahimi ^*danışıq* 06:24, 28 sentyabr 2011 (UTC)

"Bilirsinizmi" səhifəsi barədə

1874-cü ildə İstanbulda açılmış metro, bizim bildiyimiz metro deyil, funikulyordur. Və Avropanın və dünyanın ən qədim metrosu London metropolitenidir. --N KOzi ^FORUM 04:52, 28 sentyabr 2011 (UTC)

Hörmətli Vugar 1981. İnformasiya dəqiqləşdirildikdən sonra müvafiq düzəliş edildi. Diqqətciliyinizə görə təşəkkür edirəm. Eyni zamanda "Bilirsinizmi" bölümündə qeyri-dəqiqlik aşkar edildikdə onu operativ surətdə bloku hazırlayan istifadəçiyə bildirməniz xahiş olunur. Hörmətlə --Acategory 07:52, 28 sentyabr 2011 (UTC)

Laboratoriyaya namizəd siyahısı

Salam. Vikipediya:Laboratoriyaya namizəd siyahısında fəaliyyət göstərməyiniz təqdirəlayiq haldır. Lakin nəzərinizə çatdırım ki, həmin səhifə səsvermə səhifəsi deyil. Səsvermə məqalələr Vikipediya:Məqalə laboratoriyası səhifəsinə yerləşdirildiyi andan etibarən başlayır. Vikipediya:Laboratoriyaya namizəd siyahısı isə sadəcə siyahıdır. Həmin səhifə təkmilləşdirilərək yaxşı və yaxud seçilmiş məqaləyə namizəd təqdim edilmək üçün laboratoriyaya daxil edilməsi arzulanan məqalələr üçündür. Yəni məqalə o səhifəyə yerləşdirilərkən, təkmilləşdirilməsi nəzərdə tutulur və məqalənin laboratoriyaya daxil edilməsini dəstəkləyən bir növ məqalənin laboratoriyada olduğu müddətdə onun təkmilləşdirilməsinə, yaxud zənginləşdirilməsi işində iştirak etməyə söz vermiş hesab edilir. İstifadəçinin həmin səhifəyə əlavə etdiyi məqalə idarəçilər münasib gördükdən sonra laboratoriyaya daxil edilir. Məsələn belə:

Running Scared

Təqdim edənlər (imza):

1. --►Cek Li Taran^mesaj 07:19, 17 may 2011 (UTC)
2. --N KOzi ^Müzakirə 13:34, 17 may 2011 (UTC)

Y Laboratoriyaya daxil edilib. --►Cek Li Taran^mesaj 05:17, 3 iyun 2011 (UTC)

Laboratoriyaya daxil edilməsini idarəçilər münasib görmədikdə isə yekunlaşdırma belə aparılır:

N Laboratoriyaya daxil edilməsi münasib görülməmişdir.--►Cek Li Taran^mesaj 05:17, 3 iyun 2011 (UTC)

Dərin hörmətlə, --►Safir yüzüklü Cekli^mesaj 05:19, 30 sentyabr 2011 (UTC)

İnformasiya üçün təşəkkür edirəm. Nəzərə alaram. Hörmətlə --Acategory 05:30, 30 sentyabr 2011 (UTC)

Redaktələrdə dəqiqliyinizə görə Sizə təşəkkür edirəm.--Acategory 10:50, 30 sentyabr 2011 (UTC)

Təşəkkürünüzə görə təşəkkür edirəm! Həmçinin, bu günün ən əhəmiyyətli hadisələrindən biri münasibətilə Sizi təbrik edirəm. Dərin hörmətlə, Xəzər sahillərində yaşayan --►Safir yüzüklü Cekli^mesaj 10:56, 30 sentyabr 2011 (UTC)

"Bilirsinizmi" bloku haqqında

Salam, Murad97. Gələn həftənin Ana səhifəsində "Bilirsinizmi..." bloku üçün materialı səndən gözləyirik. Təqribən 10-12 informasiya olmalıdır. Eyni zamanda onların təmiz azərbaycan dilində olması vacibdir. Bazar ertəsi , 3 oktyabr üçün o səhifədə olmalıdır. Nəsə kömək lazım olarsa kiməsə müraciət edə bilərsən. Hörmətlə --Acategory 17:30, 30 sentyabr 2011 (UTC)

Xahiş edirəm, məndən xeçnə gözləməyin. Vaxtım azdır. Öz də mən artıq qeyd etdim ki, "Bilirsinizmi"nin buraxılışların xazırlanması bir istifadəçin işi yox, kollektiv işi olmalıdır. Lakin indi bu şablonda hər bir buraxılış üzərində iş müəyyən bir istifadəçiyə aiddir. Belə olmamalıdır. Və qeyd etmək lazımdır ki, axırıncı buraxılışdaki şəkilin boyu çox böyükdür. Bu da düzgün deyil. Bu barədə RuVikidəki analoji şablonu misal kimi sizə təqdim etmək istəyirəm (RuVikinin Ana Səhifədə baxın). Orada hər buraxılışda iki şəkil istifadə edilir ikisinin də boyu ortadır. --Мурад 97 22:51, 30 sentyabr 2011 (UTC)

Şablon:Bilirsinizmi

Salam, Acategory! Xahiş edirəm, "Bilirsinizmi" şablondaki "Ferrari"nin şəkili bu şəkilə dəyişin. --Мурад 97 16:00, 3 oktyabr 2011 (UTC)

Təşəkkürlər

Salam, Acategory... Ləyaqət və nəciblik nişanına görə təşəkkür edirəm.Gec gördüm üzürlü hesab edin. — Bu imzasız yazı Rzalı (m • t) adlı istifadəçi tərəfindən əlavə edilib; 00:13, 4 oktyabr 2011 (UTC)

Xəbərdarlıq

İstifadəçi Murad97. Siz arxivə verilimiş materialı dəyişmisiniz [12]. Bildirirəm ki, arxivi dəyişmək olmaz. Bunu bir daha etməməyi Sizin nəzərinizə çatdırıram.--Acategory 10:52, 6 oktyabr 2011 (UTC)

Mən bu buraxılışı bir neçə ay xazırlayırdım, siz isə onu bir gün ərzində dağıtdınız və sadəcə iki günə Ana Səhifəyə qoydunuz! --Мурад 97 16:53, 6 oktyabr 2011 (UTC)

Məqalələrinizin stili barədə

Siz hansı məqaləni deyirsiniz ki,güya mən onu qəzet məqaləsinə bənzətmişəm.Xahiş edirəm məqalənin adını yazasınız.Birdəki mən məqalələri etibarlı,savadlı müəlliflərin yazdığıı kitablardan götürürəm.ELVİN Bağışov

Hörmətli Elvin Bağışov. yaratdığınız məqalələr ensiklopedik yox, qəzet məqalələri stilində işlənir Məsələn, Ontoloji sübut məqaləsində yazırsınız : " Anselmin təqdim etdiyi ontolji sübut "ən mükəmməl varlıq" haqqında zehni təsəvvürlərə əsaslanıradı. Belə ki,"ən mükəmməl varlıq" barədə təsəvvürü mümkün və düzgün sayırıqsa, o həqiqi və xarici aləmdə mütləq varlığa malik olmalıdır. Axı xarici aləmdə "var" olmayan bir şey necə "ən mükəmməl varlıq" sayıla bilər? Anselmin müasirlərindən olan Qalino adlı bir keşiş,Anselmin müddəalarını rədd edir və deyir: "Öncə bunu nəzərə almaq lazımdır ki,biz insan olaraq "ən mükəmməl varlıq" məfhumunu düzgün dərk etmək iqtidarında deyilik. Məsələn, mən "insanlar" məfhumunu təsəvvür edirəm...".

Qəzet səhifələrində bu stildə gedə bilər, vikipediyada isə o verilməlidir :" Anselmin təqdim etdiyi ontolji sübut "ən mükəmməl varlıq" haqqında fəlsəfi nəticələrə əsaslanırdı. "Ən mükəmməl varlıq" formasının həqiqi və xarici aləmdə mütləq varlığa malik olması ideyası irəli sürülür. Anselmin müasirlərindən olan Qalino adlı keşiş, Anselmin müddəalarını qəbul etməyərəkbildirirdi ki, cəmiyyət "ən mükəmməl varlıq" məfhumunu düzgün dərk etmək iqtidarında deyilik..." və s.

Və yaxud Pitekantrop məqaləsində yazırsınız :"Adından göründüyü kimi,pitekantrop-avstralopitek adlanan və inkişaf etmiş meymunlarla ən ibtidai insan arasındakı keçid formasının bir nümunəsidir..."

Vikipediyada isə belə yazılır : "Pitekantrop-avstralopiteklər meymunlarla ən ibtidai insan mərhələsi arasında bir keçid formasıdır..."

Ona görə də hansısa materialı sadəcə məqaləyə köçürməyin, onu mütləq ensiklopediya tələbləri formasına gətirin. Ona görə də təcrübə toplayana qədər sadə məqalələr işləməyinizi təklif edirəm. Fəaliyyətinizə uğurlar arzu edirəm. Azərbaycan vikipediyasının idarəçilərindən biri --Acategory 18:32, 6 oktyabr 2011 (UTC)

Adı dəyişilmiş məqalələrə keçidlər

Salam. Adını dəyişdirdiyiniz və ya sildiyiniz məqalələrə başqa məqalələrdən daxili keçidlər ola bilər. Həmin məqalələrdə də müvafiq dəyişiklik etməlisiniz ki, onlarda qırmızı keçidlər görünməsin. Wertuose 05:07, 7 oktyabr 2011 (UTC)

Salam, Wertuose. Bir qayda olaraq yeni və qaralama halında olan məqaləni silirəm. Adı isə o vaxt dəyişirəm ki, adı xüsusi isim olmur. Düzdür, buna digər məqalələrədən keçid ola bilər. Ancaq onların xətrinə adları yarımçıq olan məqalə adını saxlamaq düzgün olmazdı. Məsələn, adını dəyişdiyim Müstəqilliyin yüzilliyi məqaləsi kimi. Əgər başqa məqalədə keçid varsa, zamanında o da düzələcək. Hesab edirəm ki, ilk növbədə istinad məqaləsinin adı qrammatik cəhətcə dəqiq və qüsursuz olmalıdır.--Acategory 14:18, 7 oktyabr 2011 (UTC)

Bir də salam. Məsələn, "Kartof yeyənlər" məqaləsinin adını dəyişmisiniz və bu adı silmisiniz. Digər məqalələrdə həmin bu ada 3 daxili keçid var idi və siz onu sildikdən sonra onların üçü də qırmızı rəngdə, yəni məqalə yoxmuş kimi görünürdü. Belə olmaması üçün həmin səhifələrdə də düzəliş etmək və yeni adı əlavə etmək lazımdır. Bu zamanla düzələn iş deyil, bunu kimsə mexaniki qaydada yerinə yetirməlidir. Çəkdiyim misalda 3 daxili keçiddən söhbət gedir, amma elə hal ola bilər ki, 100 məqalədə daxili keçid verilmiş olsun. Sadəcə nəzərinizə çatdırmaq istədim ki, məqalələri silərkən onlara olan daxili keçidləri də nəzərə alın və silməkdənsə heç olmasa yönləndirmə səhifəsi kimi saxlayın. Wertuose 13:13, 10 oktyabr 2011 (UTC)

Dəvət

		SİZİ DƏVƏT EDİRİK!
		Salam! Almaniya məqaləsinin seçilmiş məqalə statusu alması ilə əlaqədar burada (Vikipediya:Məqalə laboratoriyası/Almaniya) keçirilərn səsvermədə Sizin də iştirak etməyinizi xahiş edirik.

Dərin hörmətlə, --Thunder Storm 04:46, 10 oktyabr 2011 (UTC)

"Menecerlər" şablonu

Salam Cekli. Bir sıra hallarda adi menecer vəzifəsi tutan insanlar üçün "Dövlət xadimi" şablonundan istifadə edilir və müvafiq kateqoriyaya salınır. Yəqin ki, onlar üçün "menecerlər" şablonu işlədilsə, yaxşı olardı. Bunu hazırlaya bilərdinizmi? Hörmətlə --Acategory 01:51, 9 oktyabr 2011 (UTC)

Y {{Menecer}}. --►Safir yüzüklü Cekli^mesaj 06:28, 10 oktyabr 2011 (UTC)

Hörmətli Cekli. Yeni şablona görə təşəkkür edirəm, böyük iş gördünüz. Hörmətlə --Acategory 09:14, 10 oktyabr 2011 (UTC)

Çox da böyük deyil:) --►Safir yüzüklü Cekli^mesaj 09:17, 10 oktyabr 2011 (UTC)

Saxtakarlıq haqqında məlumat

Salam. Mümkünsə Sefer azerinin bu redaktəsinə nəzər salın. O, saxtakarlıq edərək Sizin imzanızdan istifadə edib. --►Safir yüzüklü Cekli^mesaj 13:06, 10 oktyabr 2011 (UTC)

Salam. Texniki yalnışlıqdır. Sizin yuxarıdakı imzanızı copy-paste eləmişəm, amma adı dəyişdirməyi unutmuşam. Ümidvaram siz bu səhvi "saxtakarlıq" kimi dəyərləndirməzsiniz. Hörmətlə --sefer 09:33, 11 oktyabr 2011 (UTC)

Dostumuz Səfər. Məsələ aydınlaşdı, artıq heç bir problem yoxdur. Hörmətlə --Acategory 04:39, 11 oktyabr 2011 (UTC)

Dəvət

		SİZİ DƏVƏT EDİRİK!
		Salam! Sibir yupikləri məqaləsinin seçilmiş məqalə statusu alması ilə əlaqədar burada (Vikipediya:Məqalə laboratoriyası/Sibir yupikləri) keçirilərn səsvermədə Sizin də iştirak etməyinizi xahiş edirik.

Dərin hörmətlə, --Baskervill 13:49, 10 oktyabr 2011 (UTC)

Məlumat

Salam. Mümkünsə bu ismarıcınızdakı 6 oktyabr sözlərini 13 oktyabr sözləri ilə əvəz edərdiniz. Çünki ismarıcı ayın 6-da deyil, 13-də yazmısınız. Hörmətlə, --►Safir yüzüklü Cekli^mesaj 04:24, 14 oktyabr 2011 (UTC)

Diqqətcilliyinizə görə təşəkkür edirəm. Səhvi düzəltdim.--Acategory 04:36, 14 oktyabr 2011 (UTC)

--►Safir yüzüklü Cekli^mesaj 04:38, 14 oktyabr 2011 (UTC)

Xüsusi təşəkkür!

Bir daha salam. Bu ismarıcınıza görə Sizə dərin minnətdarlıq bildirərək, xüsusi təşəkkür edirəm! Dərin hörmətlə, --►Safir yüzüklü Cekli^mesaj 04:28, 14 oktyabr 2011 (UTC)

Yeni cədvəl

Hörmətli Cekli. Ana Səhifədəki "Bilirsinizmi..." bölümü həftədə iki dəfə yenilənmə rejiminə keçmişdir. Əvvəlki materiallar xüsusi səhifədə yığılır. Diqqətimi cəlb etdi ki, rus dil səhifəsində arxiv materialları xüsusi cədvəllərə yığılır [13]. Onu bizdə də etmək olarmı ?--Acategory 05:23, 14 oktyabr 2011 (UTC)

Əlbəttə. Etmək olar. --►Safir yüzüklü Cekli^mesaj 05:48, 14 oktyabr 2011 (UTC)

Əlavə olaraq qeyd edim ki, mən Bilirsinizmi bölməsinin gündəlik dəyişdirilməsinin tərəfdarıyam. Bu sahədə arxivləşdirmə yaratmağın tərəfdarı deyiləm. Tarixçənin olması kifayət edir. Cəmi 366 səhifə yaratmaq və hər birinə 9 və yaxud da 10 cümlə və 2 və ya 3 şəkil yerləşdirməklə avtomatik bir sistem qurmaq olar. --►Safir yüzüklü Cekli^mesaj 05:55, 14 oktyabr 2011 (UTC)

Məlumat

Salam. Xahiş edirəm ki, İstifadəçi:Socar28-in istifadəçi səhifəsinə yerləşdirdiyiniz bu məlumatı İstifadəçi müzakirəsi:Socar28 səhifəsinə köçürün. Hörmətlə, --►Safir yüzüklü Cekli^mesaj 04:40, 17 oktyabr 2011 (UTC)

Şablon:Azərbaycanın yaşayış məntəqələri səhifəsi

Yuxarı Əskipara, Barxudarlı və Kərki işğal altında olan Azərbaycan şəhərləri.

Onlar Azərbaycan torpağı və erməni işğalı altında.

Şəkil

Salamlar, Zəhmət olmazsa, baxın görün şəkil:Həmzə xan Kəşküli.jpg Kəşküli tayfasının Qalereyasına niyə əyləşmir? Əvvəlcədən təşəkkürlər. Hörmətlə:--Enver62 09:02, 22 oktyabr 2011 (UTC)

Y Texniki problem var idi. Həll etdim. --►Safir yüzüklü Cekli^mesaj 09:13, 22 oktyabr 2011 (UTC)

Murad97

Salam hörmətli Acategory! Sizcə Murad97-yə 1 illik blok tətbiq edilməsi düzgündürmü? Fikrimcə onun bloku 2 həftə və ya maksimum 1 aylıq olması kifayət edərdi. Əgər eyni qayda pozuntularını yenidən təkrar edərsə bu səfər bir illik blok tətbiqi məncə daha məntiqli olardı. --Thunder Storm 06:31, 26 oktyabr 2011 (UTC)

Salam, dostumuz Verman1. istifadəçi Murad97-nin bloklanması mənim üçün asan olmadı. Müəyyən intellekti və müəyyən elmi hazırlığı olan bir istifadəçidir. Kollektivdə də tez-tez müzakirələrdə iştirakı ilə tanınırdı. Ancaq onun qüsuru ondadır ki, o azərbaycan dilli vikipediya səhifəsində faəliyyətinə baxmayaraq, azərbaycan dilini çox zəif bilir. İçərimizdə dili tam və mükəmməl bilməyənlər yenə də var. Ancaq onlardan fərqli olaraq Nurad97 azərbaycan dilini öyrənmək istəmir və burədə tövsiyyələrə əhəmiyyət vermir. Şəxsən mənim ona bu barədə çoxsaylı təkidli müraciətlərim olub.

İkinci. O vikipediyada hamı üşün məcburi olan vahid qaydalara tabe olmaq istəmir. Bu barədə ona dəfələrlə bildirilib, lakin o bunları nəzərə almaqdan imtina edir. Məsələn, o kollektivin qəti etirazına baxmayaraq kiril əlifbası ilə məqalə yaradcığını elan edirdi. Digər dil səhifələrində bu tip iddiaya görə istifadəçi ömürlük bloklana bilir.

Üçüncü. O azərbaycan dilini bilmədiyinə görə rus dilində adi səslənən sözləri mexaniki tərcümə ilə azərbaycan dilində yazır, bu isə bir çox hallarda təhqir və kobudluq kimi səslənir. Məsələn, "sən məni güldürürsən", "baş düşmürsən ?" və s.

Dördüncü. Murad97 yalançıdır. Onun bir neçə dəfə yalanı tutulmuş, ancaq o buna görə üzr istəməyi ağlına belə gətirmirdi. Məsələn, o iddia edirdi ki, "Xətai " metrostansoyasında indinin üzndə azərbaycan dilində kiril qrafikalı əlifba ilə çap edilən kitab satılır. Özüm yoxladım, düz olmadığı üzə şıxdı. O özünü elə apardı ki, elə bil heç nə olmayıb. Və ya digər misal. Mən ona "bilirsinizmi" şablonun yeni səhifəsini hazırlamağı xahiş etdim. İmtina etdi. Sonra isə məni onun yaratdığını dağıtmaqda ittiham etdi.

Beşinci. Murad97 öz düşündüyünü zorla hamıya qəbul etdirməyə çalışır , bu alınmadıqda isə hamının əsəbləri ilə oynayır.

Altıncı. Tez-tez digər istuifadəçiləri təhdid etməyi sevir. Mən ondan doğrudan da 14 yaşı olduğunu soruşdum, fikirlərinin 14 yaşa uyğun omadığını bildirdim, yazışmamız oldu. Sonradan o bu yazışma ilə məni təhdid etməyə başladı. O azərbaycan dilini bilmədiyinə görə təhdidin də nə olduğunu da yəqin anlamır.

Bu səbəblərin sayını artırmaq olar. Hamısının bir səbəbi var: Murad97 uşaqdır. O yetkin deyil, uşaqdır. İnsan 16 yaşa qədər uşaq, 16-18 yaş arası yenitemə, 18-29-da gənc, 29-dan yuxarı böyük olur. Onun xasiyyətində isə hələki dəcəllik, yalançılıq, inadkarlkıq var. Bu isə 1 həfətlik, 1 aylq blok ilə düzəlmir. O böyüməlidir. Bunun üçün də mən 1 iillk blok seçdim. Ümüd edirəm ki, 15 yaşında kollektivdə kollektiv rəyi nəzərə almaql,. mədəniyyətlə fəaliyyət göstərməyin vacibliyin anlayacaq.

Onun rus səhifəsində bu günlərdə yazışmasına baxdım. Vasilyev adlı rus idarəçisinə "умольяю Bас" ("yalvarlıram sizə") yazır. Bizim vikipediyada etinasızlığı , hökmlülüyü sərhəd tanımır, digər dil səhifəsində isə yalvarır. Hələ mən demirəm ki, həmin o rus idarəçisinə azərbaycan vikipediyasından şikayət edir, bizlərin arqumensiz danışdığımızı elan edir, ona məsələni tam başqa formada izah edir.

İstəyirəm ki, o bir iillik fasilə zamanı böyüsün, xasiyyətində və davranışında müsbət dəyişikliklər baş versin, kollektivə kollektivlə işləmək əzmi ilə qayıtsın. --Acategory 10:10, 26 oktyabr 2011 (UTC)

Ok aydındır. Ətraflı cavab verdiyinizə görə təşəkkür edirəm. --Thunder Storm 07:49, 27 oktyabr 2011 (UTC)

Türk mifologiyası

Salam Hörmətli Acategory. Mən Azərbaycan dilində olan vikipediyada əcnəbi dillərdə olan məqalələrə qarşıyam. Əgər həmin məqalələr sonradan Azərbaycan dilinə uyğunlaşdırlacaqsa belə bu çox cətin bir proeses hesab olunur. Məsələn mən Sibir yupikləri məqaləsini Azərbaycan dilinə uyğunlaşdırmaq üçün düz 1 ay vaxt sərf etdim. Digər tərəfdən 150 -yə yaxın geniş həcimli məqalənin hansı müddətdə Azərbaycan dilinə uyğunlaşdıralacağıda sual yaradır. Dərin Hörmətlə --Baskervill 10:08, 26 oktyabr 2011 (UTC)

Dostumuz Baskervil. Dediklərinizlə razıyam. Ancaq vikipediyamızda maraqlı mövzu ilə bağlı material yerləşdirilir. Hələki ora "vikiləşdirmək" şablonu yerləşdirək. Sonra isə onu qaydaya salmaq olar. Razıyam ki, ona müəyyən vaxt gedəcək.--Acategory 15:26, 26 oktyabr 2011 (UTC)

MediaWiki:Blocklogentry

Hello. There is a problem with this system message, because the parameter $3 is missing (that's the block options). Could you please fix that (for example by adding $3 at the end of the message) ? You can see an example here. Thanks -- Quentinv57 20:38, 28 oktyabr 2011 (UTC)

Y OK. --►Safir yüzüklü Cekli^mesaj 07:07, 29 oktyabr 2011 (UTC)

Mükafat

• Sizə öz dərin təşəkkürlərimi bildirirəm. Fəaliyyətinizdə uğurlar. --Fuad Sultan 13:18, 29 oktyabr 2011 (UTC)

Arxiv məsələsi

Hörmətli istifadəçi Melikov Memmed. Sizin Vikipediya:Bilirsinizmi/Arxiv‎ səhifəsində etdiyiniz dəyişiliyi geri qaytardım. Sizin düzəlişiniz mənaca düz ola bilər, ancaq fikrimcə arxiv dəyişə bilməz. Çünki, o da tarixdir, tarix isə yenidən yazılmır. Hörmətlə --Acategory 06:40, 31 oktyabr 2011 (UTC)

Mən özüm də "arxivi dəyişməyə dəyərmi" deyə düşündüm, ancaq nəzərə alsaq ki, hələ məqalənin gedişində bu müzakirələr olub və ən əsası bu səhifələr bir çox oxucu üçün indən sonra da informasiya mənbəyidir, bu düzəlişi etməyin daha düz olacağını düşünürəm. Şərqdə ilk parlamentli Respublika, məsələn, burdan ru:Гоминьдан tarixini oxuyun, 1912-ci idən söhbət gedir. Ən azı əlavə qeyd yazmaq lazımdır ki, bu iddianın yanlş olduğu oxucuya aydın olsun, ancaq məncə sadəcə arxivə düzəliş etmək ən əlverişli yoludur--Melikov Memmed^⇒email 06:58, 31 oktyabr 2011 (UTC)

Hörmətli dostum. Məsələnin məğzi ilə bağlı mübahisə etmək fikrində deyiləm. Müətəssis olmadığım üçün arqumentlərim yoxdur. Ancaq gəlin qəbul edək ki, arxivi dəyişmək olmaz. Ora nə vaxtsa müraciət edənlər isə qoy tərtibçini qınasınlar.--Acategory 07:43, 31 oktyabr 2011 (UTC)

Əgər bu bir müzakirə səhifəsi olsa idi, tam haqlısınız, ancaq "Bilirsinizmi" səhifəsində nəyin isə səhv getməsi "imkansızdır", burda ancaq faktlar verilir, belə faktın isə çox zaman hətta mənbəyə belə ehtiyacı olmur. Yəqin razılaşarsınız ki, əgər AzViidə Vikipediya:Bilirsinizmi/Arxiv‎ səhifəsi varsa oxucu ora baxaraq informasiya alacaq, biz də gərək ona doğru informasiya verək, bunun isə iki yolu var, ya arxivi redaktə edirik, yada indiki kimi {{mənbəsiz}} şablonu ilə iddianı şübhə altına alırıq. Birinci variantı ona görə təklif edirəm ki, tərtibçini qınamaq olar, ancaq iş olan yerdə hər zaman səhvlər də olur, bu normal haldır, məncə kimi isə qınamaq yerinə sədəcə bildiyimiz səhvi düzəltmək daha "vikisayağı" olardı. İndiki kimi də saxlamaq olar, mən etiraz etmirəm, ancaq Vikipediyada nəyi isə redaktə etmək olmaz mütləq göstərilməlidir, burda belə bir hal yoxdur, ona görə "daha əlverişli variant" təklif etdim. Seçim etmək Sizə düşür.--Melikov Memmed^⇒email 08:09, 31 oktyabr 2011 (UTC)

Söz

Siz Şablon:Bilirsinizmi məqaləsində verdiyim "elektrikləşdirdiklərdinizdənsinizmi" sözü barəsində sətiri silərək belə sözün olmadığını bildirirsiniz. Niyə ? Bu azərbaycan sözü deyilmi ? Çətin tələffüz edildiyinə görə praktikada işlədilmir. Ancaq söz azərbaycan dilinin qrammatikasına uyğun qurulub və insanlar arsında çaşmadan tələffüz etmək bacarığını yoxlamaq üçün islədilir. Xahiş eirəm silməyəsiniz və polemikanı müzakirə səhifəsində davam etdirək. Hörmətlə --Acategory 07:34, 3 noyabr 2011 (UTC)

Y Müzakirəni Şablon müzakirəsi:Bilirsinizmi səhifəsində davam etdirməyə etiraz etmirəm. --►Safir yüzüklü Cekli^mesaj 07:39, 3 noyabr 2011 (UTC)

Salam

Keçmiş bir istifadəçi kimi sizdən bir şey istəyəcəm. Mənə Almaniyada neft mühəndisliyi və ya neft sahəsinə aid başqa fakültələri olan universitetlər siyahısı lazımdı. Sizin belə universitətlərin siyahısının və ya universiteti tapacağınıza ümid edirəm, Sonra isə bu universitətlərin adını bu emailə (rovshan.95@mail.ru) göndərəcəyinizi səbrsizliklə gözləyirəm. Hörmətlə --Robert Langdon 22:57, 4 noyabr 2011 (UTC)

Məşğul olaram.--Acategory 05:13, 5 noyabr 2011 (UTC)

Z.Məhərrəmov

Salam Acategory.

Ümid edirəm ki, yaxşısız.

Mən Ziyəddin Məhərrəmov haqqında olan məqaləyə əlavələr etmək, onun daha əsas məqalələrinin adlarını məqaləyə artırmaq istəyirdim. Sözün açığı, məqaləni zənginləşdirmək fikrim çoxdan var idi, amma vaxt baxımından çox sıxıntılı olduğu üçün indi, şənbə axşamı Vikipediyaya baxa bildim. Amma sizin redaktənizi gördüm və soruşmaq istədim ki, bura əsas məqalə adlarını daxil etməyə dəyər, yoxsa yox.

Vikipediyanın katoloq olmadığını bilir və bu qaydalara əməl olunması alqışlayıram. Amma müəyyən sayda əsas məqalə adlarının saxlanılması da müəllifin fəaliyyəti barədə məlumat vermək üçün məqsədəuyğundur. Xüsusən də akademik fəaliyyət göstərən şəxslər haqqında.

Hörmətlə, --A_M_D ^m-f 17:39, 5 noyabr 2011 (UTC)

Məsləhətləşməyinizə görə təşəkkür edirəm. Tərcümeyi- hallarda bir qayda olaraq ancaq kitabların adları sadalanır. Ancaq bunula belə Sizinlə razıyam ki, alimlrin səhifəsinə bir neçə əsas məqalə adı salmaq olar. Hansını edəcəyinizi Siz seçin. Hörmətlə --Acategory 20:10, 5 noyabr 2011 (UTC)

Qurban Bayramı münasibəti ilə təbrik edirəm!

Salam, Acategory. Necəsiniz? Sizi dünyanın ən gözəl və düzgün bayramlarından olan Qurban Bayramı münasibəti ilə təbrik edirəm. Allahın rəhmi üstünüzdən əskik olmasın! Hörmətlə, --Irada 16:13, 6 noyabr 2011 (UTC)

Hörmətli İradə xanım. Gec də olsa müsajınıza cavab verir və Qurban bayramınızı təbrik edirəm. İşləriniz uğurlu, sağlamlığınız möhkəm olsun. Həmişə hörmətdə və nüfuzda olasınız. Sizə dərin hörmətlə --Acategory 15:59, 7 noyabr 2011 (UTC)

Təşkkür edirəm! --Irada 10:09, 8 noyabr 2011 (UTC)

Çox gecikmiş təşəkkür )

Salam Acategory. 30 iyulda mənə verdiyiniz mükafatı indicə gördüm. Çox gecikən təşəkkürümə görə üzrlər. Çox sağ olun. Allah razı olsun. Uğur olsun!

P.S. Qurban bayramınız mübarək!

--Vüsal Ağayev 18:46, 6 noyabr 2011 (UTC)

Qurban bayramı

Salam, Acategory, sizi müqəddəs Qurban bayramı münasibətilə təbrik edirəm. Uğurlar arzulayıram. --Babək Akifoğlu 19:00, 6 noyabr 2011 (UTC)

Xankəndi

Salam hörmətli Acategory. Diqqətinizi Xankəndi məqaləsinə yönəltmək istəyirəm. Bu məqaləyə son dövrlər Maqdaun adlı istifadə tamamilə yersiz, heç bir əsası olmayan bir çox dəyişikliklər edir. Mən səhifəni düzəldərək yenidən normal qaydaya saldım, amma Maqdaun yəqinki yenidən bu səhifəni dəyişməyə cəhd edəcək. Xahiş edirəm ya məqalənin dəyişdirilməsi məhdudlaşdırılsın, ya da Maqdauna qarşı bir tədbir görülsün. Hörmətlə, --Thunder Storm 07:52, 12 noyabr 2011 (UTC)

Bu dəyişikliklər mənim də diqqətimi cəlb edir. İdarəçi Sultan11 tərəfindən məqalə mühafizəyə götürülüb. --Acategory 21:08, 12 noyabr 2011 (UTC)

Ana səhifə

Salam Acategory. Son vaxtlar Ana səhifədəki bölmələrin materiallarının yenilənməsi işini bir idarəçi kimi demək olar ki, təkbaşına yerinə yetirdiyinizə görə sizə təşəkkürlər. Bir sıra texniki problemləri həll edəndən sonra çalışacam ki, yanvardan bu işdə sizə köməklik edim. Hörmətlə:--Sortilegus 21:57, 13 noyabr 2011 (UTC)

Təəssüf ki, başım digər Vikilayihələrə qarşıdığı üçün mən son zamanlar AzVikidə aktiv deyiləm. Amma istərdim ki, Ana Səhifə ilə birbaşa məşğul olan idarəçilər bu kimi hallara (Vikipediya:Seçilmiş şəkil namizədləri/Siegessaeule FoL2009 01 (MK).jpg → Şablon:SŞ qoruma/2011-11-C) yol verməsinlər. Hörmətlə, --►Safir yüzüklü Cekli^mesaj 06:44, 14 noyabr 2011 (UTC)

İrad düzgündür. Səsvermənin nəticəsi nəzərdən qaçdığına görə bu baş verib. Sonradan təkrarlanmaması üçün hər həftəni bir idarəçiyə həvalə etməyi təklif edirəm. Məsul idarəçi həm Ana səhifəni hazırlasın, həm son dəyişiklikləri nəzərdən keçirsin, həm də həmin həftəyə düşərsə seçilmiş məqalələr üzrə yekunlaşdırmanı aparsın.--Acategory 11:15, 14 noyabr 2011 (UTC)

Salam

Salam. Zəhmət olmasa, bu səhifələrdə keçirilən səsvermələrdə iştirak edin: [14], [15], [16].--Emin | mesaj 19:48, 14 noyabr 2011 (UTC)

Bakı Erməni Kilsəsi

Bakı Erməni Kilsəsi

Mənbəyi silməyin çünki əhəmiyyətli. Kilsə 2002-ci ildə Prezident Administrasiyasının tabeçiliyinə verilib və onun bazasında administrasiyanın İşlər İdarəsinin kitabxanasının yaradılması barədə qərar çıxarılıb.

Mənbə

Sizin göstərdiyiniz material mənbə sayıla bilməz. O bir qəzet məqaləsidir və yazıda heç bir rəsmi mənbəyə istinad edilmir. Rəsmi mənbə olarsa onu mütləq yerləşdirəcəyik. Hələki, sadəcə dövlətin mühafizəsində olduğu qeyd edilir.--Acategory 06:04, 16 noyabr 2011 (UTC)

Mart soyqırımı

Şekilin menbeyi yoxdur ve 1918-ci ile aid olduğu şübhelidir.Meqalede qalmağını isteyirsizse menbeyini tapın.--Maximilien 17:55, 20 noyabr 2011 (UTC)

Hi, can you help me please?

Hi, do you know what the correct name for The Lion King would be for this Wikipedia? It says the title is not written in this wiki's language according to Google Translate. It also says it's a stub but could you maybe translate something off of the Russian version or the English or Turkish? 65.254.159.13 19:21, 22 noyabr 2011 (UTC)

Azərbaycan Hərbi Hava Qüvvələri səhifəsində Şəkil: Azərbaycan Hərbi Hava Qüvvələri.jpg görünmür.

Salam. Azərbaycan Hərbi Hava Qüvvələri səhifəsində Şəkil: Azərbaycan Hərbi Hava Qüvvələri.jpg görünmür.

Xankəndi

Salam Acategory. Xahiş edirəm Xankəndi məqaləsinə semi-protected statusu verin, bu halda giriş etməyən birisi məqaləni dəyişə bilməsin. Məqalə çox bərbad hala salınmaqdadır. Mən hər dəfə onu düzəltməyə çalışırıam, lakin Maqdaun adlı istifadəçi və giriş etməyən digərləri (mən onların Maqdaun olmasından şübhələnirəm, çünki eyni şeylər yazırlar) yenidən məqaləyə əsassız məlumatlar doldururlar. Hörmətlə, --Thunder Storm 18:23, 25 noyabr 2011 (UTC)

Problem məni də narahat edirdi və məqaləni mütəmadi olaraq nəzarətdə saxlayırdım. Ancaq son düzəlişlər onu mühafizə etmək üçün əsas verdi. Diqqətiniz üçün təşəkkür edirəm. Qaydalara riayət etməyən bir neçə istifadəçinin isə hələ də təcrübə toplayacağına ümüd edirik. Bu baş verməsə onlar haqqında da tədbir görmək məcburiyyətində qalacağıq. Hörmətlə azərbaycan vikipediyasında idarəçilərdən biri --Acategory 18:30, 25 noyabr 2011 (UTC)

Kömək etdiyiniz üçün təşəkkür edirəm. Yeri gəlmişkən, məqaləni redaktə edə bilənlər arasına mənim də əlavə olunmağım texniki cəhətdən mümkündürmü? İndiki halında məqaləni dəyişdirə bilmirəm, amma onu seçilmiş məqalə səviyyəsinə çatdırmaq üçün axtarışlar etməkdəyəm. --Thunder Storm 18:35, 25 noyabr 2011 (UTC)

Dostumuz Thunder Storm. Sizin etdiyiniz dəyişikliklər həmişə diqqətimi cəlb edir, vikipediyada məsuliyyətlə və elmi mənbələr əsasında işləməyinizin şahidiyəm. Fikirləşdim ki, mühafizəni adi istifadəçilər üçün də açıq etsəm, bəzi həskarlar bundan sui-istifadə edəcək. Ona görə də aşağıdakı variantı təklif edirəm: Siz materiallar toplayın, lazım olan anda məqaləni mühafizədən götürmək olar.--Acategory 18:51, 25 noyabr 2011 (UTC)

Seçilmiş məqalə namizədləri

Salam Acategory. Seçilmiş məqalə namizədləri səhifəsində səsvermələr bitib amma yekunlaşmayıb. Zəhmət olmasa yekunlaşdırardız --Frost 15:56, 30 noyabr 2011 (UTC)

Salam

Sizi salamlamağa şadam. Siz hörmətlə --Acategory 17:08, 4 dekabr 2011 (UTC)

Salam, Acategory, təəşəkküt edirəm. Mən də Sizi Vikipediyada görməyə şadam. Hörmətlə, --Irada 17:15, 4 dekabr 2011 (UTC)