Mühərrik

Mersedes mühərriki (V6 formalı)

Mühərrik - müxtəlif enerji növlərini (məsələn, termiki, kimyəvi, elektrik və s.)mexaniki enerjiyə çevirən qurğudur. Ümumiyyətlə mühərriklərdə bir əsas val olur. Bu val enerji çevrilməsi nəticəsində hərkətə gətirlir və başqa maşın və mexanizmləri hərəkət etdirir. İstisna hal kimi raketlərdə və xətti mühərriklərdə hərəkət ötürməsu başqa yolla baş verir. Hal-hazırda daxili yanma və elektrik mühərrikləri ən geniş yayılmışı və mühümüdür.

Mühərriklər iki qrupa bölünürlər. Biriciyə bir başa təbii enerji ilə işləyən onun mexaniki enerjiyə çevrilməsini həyata keçirənlər daxildirlər. Buraya misal kimi küləklə işləyən dəyirmanları və axar çaylarda yerlıəşdirilmiş hidravlik mühərrikləri, kimyəvi enerjini mexaniki enrjiyə çevirən istilik mühərriklərini göstərmək olar. İkinci qrupa isə başqa yollarla əldə edilmiş enerjinin hesabına işləyənlər daxildirlər. Buraya elektrik mühərikləri, hidromühərriklər, pnevmomühərriklər daxildirlər.