Müsəllim Həsənov

MÜSƏLLİM HƏSƏNOV
Doğum tarixi	22 dekabr 1958(1958-12-22) (65 yaş)
Doğum yeri	Şiştəpə, Şamxor rayonu, Azərbaycan SSR, SSRİ
Həyat yoldaşı	Şəhla Nağıyeva
Təhsili	Bakı Dövlət Universitetinin Jurnalistika fakültəsi
Fəaliyyəti	ssenarist, jurnalist, redaktor

Həsənov Müsəllim Qaman oğlu — ssenari müəllifi, kino redaktoru.

Həyatı

Müsəllim Həsənov 1958-ci ilin dekabrında Şəmkir rayonunun Şiştəpə kəndində anadan olub. 1980-ci ildə Azərbaycan Dövlət Universitetinin jurnalistika fakültəsinə daxil olub, 1985-ci ildə həmin fakültəni fərqlənmə diplomu ilə bitirib. 1985-1989-cu illərdə Azərnəşrdə çalışıb, 1989-1992-ci illərdə "Yeni Fikir" qəzeti redaksiyasında şöbə müdiri, redaktor müavini işləyib. 1992-ci ildən 1996-cı ilin sonuna qədər "Müstəqil qəzet"də çalışıb. 1997-ci ilin yanvarından noyabr ayına qədər "Panorama" qəzetində şöbə müdiri, 1997-ci ilin noyabrından 2000-ci ilin aprelinə qədər Azərbaycan Respublikası Prokurorluğunda mətbuat xidmətinin rəhbəri olub. 2002-2008-ci illərdə "Media-Holdinq" şirkətində çalışlb, "Bizim Əsr" qəzetində şöbə müdiri, "Lider" televiziyasında redaktor vəzifələrində işləyib. 2010-cu ilin yanvarından İctimai Televiziyanın "Carçı-Film" Yaradıcılıq Birliyində redaktordur.

"Lider" televiziyasında nümayiş olunan bir sıra sənədli filmlərin ssenari müəllifi və redaktoru olub.

İctimai TV-də nümayiş olunmuş "Daşdan tikilmiş şəhər", "Amerika və amerikalılar", "Mübariz" (Milli Qəhrəman Mübariz İbrahimov haqqında) filmlərinin ssenari müəllifidir. İctimai televiziyada nümayiş olunan "Bakı vaxtı" silsilə sənədli filmlərin müəllifi və aparıcısıdır. Ailəlidir, 3 övladı var.

Filmoqrafiya

1. Daşdan tikilmiş şəhər (film, 2008)
2. Dəniz borcu qaytarır (film, 2006)
3. Ərənlər (film, 2005)
4. "Hacı Mail" nağılı... (film, 2005)
5. İkinci Dünya müharibəsi və Azərbaycan. I film (film, 2005)
6. İkinci Dünya müharibəsi və Azərbaycan. II film (film, 2005)
7. "İldırım"lı yolun yolçuları (film, 2003)
8. Unudulmuş qəhrəman (film, 2005)

Həmçinin bax

• Portal:Azərbaycan Kinosu