Həyat Ensiklopediyası

Həyat Ensiklopediyası
Fayl:EOL Home Page.png
URL	eol.org
Kommersiya	Yox
Tipi	Bilik
Qeydiyyat	26 fevral 2008
Dilləri	19 dil
Açılma tarixi	2008
Alexa reytinqi	45.210 (28 noyabr 2017)
Vikianbarda əlaqəli mediafayllar

Həyat ensiklopediyası, EOL (en. The Encyclopedia of Life) – müxtəlif mütəxəssislər tərəfindən birgə yaradılmış, dünyada məlum olan bütün bioloji növlər haqqında məlumatlar toplanmış onlayn ensiklopediya.

Layihə yeni yarandığından hələ tam hazır deyildir.

Müəlliflərin bildirdiklərinə görə gələcəkdə ensiklopediyada hər bir məlum növ haqqında ayrıca məqalələr olacaqdı. Buraya video, audio materiallar, şəkil və mətnlər daxil ediləcəkdir. Hesablamalara görə gələcəkdə, EOL ensiklopediyasında məqalələrin sayı təqribən 1,8 mln. ədəd olacaqdır.

Layihənin verilənlər bazasına əvvəlcə heyvanlar və bitkilər haqqında məlumatlar daxil ediləcək, daha sonra mikroorqanizmlər, qazıntı halında tapılan bioloji növlər haqqında məqalələrin daxil edilməsi nəzərdə tutulmuşdur. Ensiklopediyanın saytına daxil olmuş hər bir internet istifadəçisi mətn, foto, xəritə, audio və video yazı şəklində müxtəlif informasiyalar əldə etmək imkanı qazanacaqdır.

EOL ensiklopediyası wiki-texnologiya əsasında işləyəcək ki, bu da istənilən İnternet istifadəçisinin istənilən məqalədə dəyişiklik və əlavələr etmə imkanına malik olması deməkdir.

Layihənin on il müddətində tam hazır olması nəzərdə tutulur və təqribən $110,5 mln.-na başa gələcəyi bildirilir.

Həmçinin bax

• İnternet
• Biologiya
• Botanika
• EOL-suz bioloji məqalələr

Xarici keçidlər

• Həyat ensiklopediyasının rəsmi saytı