Tofiq Bəhramov adına Respublika Stadionu: Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Silinən məzmun Əlavə edilmiş məzmun
Redaktənin izahı yoxdur
Sətir 107: Sətir 107:


[[Kateqoriya:Bakıda idman]]
[[Kateqoriya:Bakıda idman]]
[[Kateqoriya:Tofiq Bəhramov]]
[[Kateqoriya:Azərbaycan stadionları]]
[[Kateqoriya:Azərbaycan stadionları]]
[[Kateqoriya:1951-ci ildə yarananlar]]
[[Kateqoriya:1951-ci ildə yarananlar]]
[[Kateqoriya:Tofiq Bəhramov]]
[[Kateqoriya:İdman qurğuları]]

20:09, 2 mart 2015 versiyası

Tofiq Bəhramov adına
Respublika Stadionu
Xəritə
Yeri Azərbaycan Azərbaycan, Bakı
Açılış tarixi 1951
Sahibi AFFA
Tamaşaçı tutumu 31 200
Ev sahibi komanda Azərbaycan, Qarabağ Ağdam[1]
Meydançanın ölçüləri 104 x 69
Vikianbarın loqosu Vikianbarda əlaqəli mediafayllar

Tofiq Bəhramov adına Respublika StadionuAzərbaycanın bir nömrəli arenası.

Bu gün ən möhtəşəm idman tədbirlərinin keçirildiyi milli stadion əfsanəvi hakim Tofiq Bəhramov adını daşıyır. Görkəmli hakimin adının əbədi ünvan tapdığı stadionun rəsmi açılışı 1951-ci ilin 16 oktyabrında keçirilib. Tikintisinə 1939-cu ildə başlanılsa da, Böyük Vətən müharibəsinin başlaması ilə əlaqədar stadionun tikinti işləri yarımçıq qalıb. Tikinti işləri yalnız müharibədən sonra davam etdirilib və 12 illik fasilədən sonra idman azarkeşlərinin ixtiyarına verilib. Alman hərbi əsirləri tərəfindən tikilən stadion yuxarıdan "S" hərfini xatırladır. Stadionun arxitekturası o zaman xalqların rəhbəri sayılan Stalinin şərəfinə qurulub. Kommunist Partiyasının 20-ci qurultayından sonra stadion Leninin adını daşıyıb. 1990-cı ildın – dünya şöhrətli hakim Tofiq Bəhramov dünyasını dəyişəndən sonra stadion onun adını daşımağa başlayıb.

Yenidənqurmadan sonra

16 avqust 2012-ci ildə Azərbaycan Respublikasının Prezidenti İlham Əliyev Tofiq Bəhramov adına Respublika Stadionunun əsaslı təmir və yenidənqurmadan sonra açılışında iştirak etmişdir.

Stadionun 85 min 700 kvadratmetr ərazisində əsaslı təmir və yenidənqurma işləri Koreya Respublikasının “Samhwa Telecom” şirkəti tərəfindən həyata keçirilmişdir. Oturacaqlarının sayı 29 min 870-dən 31 min 200-ə çatdırılmış stadionun ot örtüklü futbol meydançası FİFA standartlarına tam uyğun şəkildə yenidən qurulmuşdur. Meydançanın ot örtüyünün alt hissəsində torpaqbərkitmə işləri yerinə yetirilmiş, drenaj sistemi və Almaniya istehsalı olan xüsusi isitmə sistemi quraşdırılmışdır.

Stadionun ot örtüyünün yenidən qurulması Niderlanddan gətirilmiş xüsusi toxum vasitəsilə həyata keçirilmişdir. Meydançanın ətrafındakı qaçış zolağı da Almaniyadan gətirilmiş xüsusi örtüklə yenidən qurulmuşdur.

Oyunlar zamanı meydançanın işıqlandırılması üçün köhnə projektor dirəkləri sökülmüş, yeni müasir işıqlandırma sistemi quraşdırılmışdır.

Stadionda tribunaların üstünün bağlanması üçün Koreya Respublikasından gətirilmiş xüsusi fəza konstruksiyası quraşdırılmış və 30 min kvadratmetr ölçüdə yanğına və digər təsirlərə davamlı xüsusi membran örtüklə tam örtülmüşdür.

Tribunada hər biri 10 nəfərlik 16 “ailə baxış otağı” da inşa edilmişdir. Üst hissəsində böyük monitorun quraşdırıldığı tribunada mətbuat nümayəndələri üçün lazımi avadanlıqla təchiz edilmiş 500 nəfərlik xüsusi oturacaqlar qurulmuşdur. Tribunanın alt hissəsində dörd komandanın istifadəsi üçün soyunub-geyinmə otaqları, sanitar qovşaqlar, duş otaqları, konfrans zalı, məşqçilər, hakimlər üçün otaqlar, həkim otağı, dopinq nəzarət otağı və digər köməkçi otaqlar yaradılmışdır. Burada, eyni zamanda, mərkəzi idarəetmə və təhlükəsizliyə nəzarət-müşahidə otağı və şərhçi otaqları inşa edilmişdir. Bütün otaqlar müasir yanğın təhlükəsizliyi və mərkəzi havalandırma sistemləri ilə təchiz olunmuşdur. Əlillərin tribunaya qalxmaları üçün xüsusi lift quraşdırılmışdır.

Stadionun VİP binası və tribunası da əsaslı surətdə yenidən qurulmuşdur. Burada, həmçinin Türkiyə istehsalı olan mebellərlə təchiz edilmiş 205 nəfərlik restoran yaradılmışdır.

Burada əlavə olaraq məşqlərin keçirilməsi üçün nəzərdə tutulan mövcud futbol meydançası yenidən qurulmuş, soyunub-geyinmə otaqları, sanitar qovşaqları, duş kabinələri olan bina inşa edilmişdir.

Stadionda ot örtüyünün isitmə sistemini istiliklə təmin etmək üçün qazanxana inşa edilmişdir. Giriş hissədə eyni vaxta 50 nəfərin keçə biləcəyi turniket keçid sistemi quraşdırılmışdır. Stadionun fasadında uzunluğu 30 metr olan elektron monitor quraşdırılmışdır. Burada quraşdırılmış 44 işıqlandırma dirəyinə təhlükəsizlik nəzarət kameraları və səsgücləndirici dinamiklər birləşdirilmişdir. Stadionun daxili və xarici elektrik, su-kanalizasiya, rabitə, internet şəbəkəsi və qaz xətləri tamamilə yenidən qurulmuşdur.

Ərazidə 2 min kvadratmetr sahədə yaşıllaşdırma işləri görülmüşdür.[2]

Statistika

İdman yarışlarından başqa, stadionda konsertlərdə keçir.[3][4][5][6]

Konsertlər

Konsert
Tarix Müğənni Tur Tamaşaçı
30 İyun 2006 Tarkan Solo Konsert 55,000[7]
13 Oktyabr 2012 Şakira FİFA U-17 Qadınlararası Dünya Çempionatı Azərbaycan 2012 40,000
23 September 2007 Elton Con Kapitan və Uşağ turu 32,000[8]
22 September 2012 Cennifer Lopez FİFA U-17 Qadınlararası Dünya Çempionatı Azərbaycan 2012 30,000[9]
10 İyun 2007 Aygün Kazımova Solo Konsert 29,000
19 April 2013 Könül Xasıyeva Solo Konsert 15,000[10]

Mənbə

İstinadlar

  1. "QARABAĞ" QUZANLIDAN İMTİNA EDİB, "TOFİQ BƏHRAMOV"U SEÇDİ
  2. http://www.president.az/articles/5559
  3. "Rihanna and Shakira to perform in Baku". ann.az. İstifadə tarixi: 6 July 2013.
  4. "Shakira: "I expect grandiose shows on October 13-14 in Baku"". en.apa.az. APA News Agency. İstifadə tarixi: 6 July 2013.
  5. "ELTON JOHN GIVES CONCERT AT TOFIG BAHRAMOV STADIUM IN BAKU. PRESIDENT OF AZERBAIJAN ILHAM ALIYEV AND HIS SPOUSE MEHRIBAN ALIYEVA ATTEND THE CONCERT". www.mehriban-aliyeva.org. İstifadə tarixi: 6 July 2013.
  6. Warrick, Joby. "Tiny Azerbaijan unleashes pop-power against Iran's mullahs". washingtonpost.com. Washington Post. 15 October 2012. İstifadə tarixi: 6 July 2013.
  7. "Tarkan Concert Statistics". www.tarkancoll.com. İstifadə tarixi: 13 August 2014.
  8. "ELTON JOHN GIVES CONCERT AT TOFIG BAHRAMOV STADIUM IN BAKU. PRESIDENT OF AZERBAIJAN ILHAM ALIYEV AND HIS SPOUSE MEHRIBAN ALIYEVA ATTEND THE CONCERT". www.mehriban-aliyeva.org. İstifadə tarixi: 13 August 2014.
  9. "J-Lo and the circus in pictures". www.fifa.com. İstifadə tarixi: 13 August 2014.
  10. "Könül Xasıyevanın konsertində "Mercedes" fırıldağı". musavat.com (Azerbaijani). İstifadə tarixi: 13 August 2014.

Xarici keçidlər