Şahingöz (Marvel Comics)

Şahingöz (ing. Hawkeye) — ABŞ komiks nəşriyyatı Marvel Comics tərəfindən 1964-cü ildə yaradılan komiks personajı. Sten Li və Don Hek tərəfindən uydurulmuşdur. İndiyə qədər 3 filmdə görsənmişdir. Qisasçılar komandasının sabiq üzvüdür. Əsas bacarığı yüksək dəqiqliklə ox atmasıdır.

Bioqrafiya

Əsl adı Klint Bartondur. Karyerasına bir sirkdə işləməklə başlamışdır. Qılınc-adam və Trik Şot kimi Marvel dünyasının ən sərrast personajları tərəfindən öyrədilən Klint həyatını sirkdə ox atmaqla qazanmışdır. Dəmir adamla qarşılaşması ona bacarıqlarından cinayətkarlara qarşı mübarizə aparmaqdan ötrü istifadə etməsinə ilham vermişdir.

Amma Klint ilk cəhdindəcə polis tərəfindən səhv başa düşülərək özü cinayətkar hesab olunmuşdur. Super qəhrəman olmaq istəyən Şahingöz cinayətkar olur və Dəmir adamın düşməninə çevrilir.

Amma bu cür həyata alışa bilməyən Şahingöz onu yenidən cəmiyyətə qazandırması üçün Dəmir adamın yanına gəlmiş və Dəmir adam onu Qisasçılar komandasının üzvü etmişdir.

Şahingöz daha sonra Kapitan Amerika, Dəmir adam və Tor kimi qəhrəmanlardan sonra əvəzedilməz olacağı Qisasçılar komandasına ilk dəfə qatıldığında komandanın qurucu üzvləri Dəmir adam, Eşşək arısı, Qarışqa-adam və Tor ayrıldığından o zaman Kapitan Amerika, Qırmızı cadugər və Civədən ibarət komandada döyüşməyə başlamışdır.

İlk komandaya görə zəif görsənsə də, lider problemini həll etdiklərindən yeni komanda Doktor Dum kimi anti-qəhrəmanları məğlub edərək xalqın sevgisini qazana bilmişdir. Amma Şahingözün özünü Kapitan Amerikadan daha yaxşı lider olduğunu görməsi kompleksi bitmək bilməmişdir 1965-ci ildən 2013-cü ilə qədər davam edən bu xüsusiyyət hər nə qədər Kapitan Amerikanın ondan daha yaxşı lider olduğunu qəbul etsə də, Kapitan Amerikaya hörmət bəsləsə də onun ayrılmaz xüsusiyyəti olmuşdur.

Şahingöz uzun illər boyunca bu komandanın ayrılmaz üzvü olmuşdur. Hətta bir ara Hank Pimin (Qarışqa-adam) ixtira etdiyi alətlə böyüyə bilən Qoliaf adını götürsə də, sonda yenə oxçuluğuna qayıtmışdır. Ən vacib Qisasçılar üzvlərindən biri olmaq ona bəs etmədiyindən bir neçə dəfə özünü tək işləyə bildiyini göstərmək üçün komandadan ayrılmışdır, amma komandadan qopa bilməmişdir.

Belə ayrılıqların birincə gələcək həyat yoldaşı Mockingbirdlə tanış olan Şahingöz geri qayıdanda üzvlərin sayı çox olduğundan Qisasçılar komandasından ABŞ-ın qərbində yeni komanda qurması haqqında təlimat almışdır.

Qərb Sahili Qisasçıları adlanan bu komanda ABŞ-ın qərbində təhlükəsizliyə nəzarət etməyə başlamışdır və Klint Barton həmişə özünə layiq bildiyi liderliyi ilk dəfə əldə etmək şansı yaxalamışdır. Amma Dəmir adam və Tor kimi üzvlərə görə tam "lider" olması ertələnmişdir. Qərb Sahili Qisasçıları komandasında işləyərkən bir tərəfdən də Qisasçılar komandasında da fəaliyyət göstərirdi. Amma Mockingbirdün şeytan Mefisto tərəfindən öldürülməsi Qərb Sahili Qisasçılarının bağlanmasına və Şahingözün bir müddət Qisasçılardan ayrılmasına səbəb olmuşdur.

Daha sonra Thunderbolts komandasına qoşulmuşdur. Şahingöz bir müddət bu qrupun lideri olmuşdur və özündən əvvəlki lider Munston ilə sevgi əlaqələri yaşamışdır. Bu dövrdə həm Qisasçılarda, həm də Qisasçılara qarşı döyüşən Şahingöz sonda əbədi olaraq keçmiş komandasına qatılmışdır.

Qisasçılara qayıtmasının ardından Eşşək arısı ilə araların bəzi münasibətlər yaşanmışdır. Qisasçıların dağılması dövründə Qırmızı cadugərin (Vanda Maksimov) kontrolunu itirməsi ilə ölən üzvlərdən biri olmuşdur.

Qırmızı cadugərin yaratdığı "M Evi" dünyasında həyatda olan Şahingöz bir yol tapın öz dünyasına qayıtmışdır. Bundan sonra Qisasçıları arxada buraxıb itmiş Qırmızı cadugərin dalınca getmişdir. Doktor Strencin köməyi ilə Vandanı tapmışdır. Şahingöz bir müddət Qisasçılardan uzaqlaşmışdır.

Vətəndaş müharibəsindən sonra Kapitan Amerikanın kostymunu geyinməyə yaxın olsa da, bunun yanlış olduğuna qərar verən Şahingöz Yeni Qisasçılara qatılmışdır. Skrull müharibəsi zamanı öldürüldüyü zənn edilən həyat yoldaşı Mockingbirdün əslində Skrullar tərəfindən öyrənən Şahingöz Bobbi ilə Qisasçılara yenə geri dönmüşdür. Qaranlıq Səltənətdə Norman Osbornun liderliyinə qarşı çıxaraq Yeni Qisasçıların lideri seçilmişdir. Bu zaman Hörümçək-adam, Porsuq və Luk Keyc ilə yaxınlaşmışdır.

Amma Qaranlıq Səltənətin sonlarına doğru Norman Osborndan bezən Klint onu təkbaşına aradan qaldırmağa qərar vermişdir. Əvvəlcə hər şey yolunda getsə də, sonda Norman Osborn tərəfindən əsir alınmışdır. Norman Osborn onun beynindən Yeni Qisasçıların yerini tapmışdır.

Osbornun basqınından əvvək qərargahı tərk edə bilən Yeni Qisasçılardan hərəkətinə görə üzr istəyən Şahingöz Kapitan Amerikanın yenidən dirilməsindən sonra liderliyi buraxmışdır. Mühasirə hekayəsi zamanı Qisasçılar Norman Osbornu məğlub etmişdirlər.

Mockingbirdlə uzun illər davam edən neqativ əlaqələrdən və Bobbidən sonra Hörümçək-qadın ilə yaxınlaşmağa başlamışdır. Kapitan Amerika tərəfindən qurulan Yeni Qisasçıların liderliyini ələ keçirən Şahingöz yeni kostyum da geyinməyə başlamışdır.

Maraqlı faktlar

• Şahingöz Qoliaf olduğu kiçik müddət istisna olmaqla heç bir super gücü yoxdur. Amma Kapitan Amerika tərəfindən müxtəlif döyüş sənətləri öyrənən Şahingözün fiziki göstəriciləri yüksəkdir.
• Şahingözün ancaq yay və oxdan istifadə etməsi oxuyucular tərəfindən gülməli personaj hesab edilməsi ilə yanaşı komiks yazıçılarının böyük hadisələrdə alternativ yollar axtarmağa sövq etmişdir. Ən məşhur yol Şahingözün müxtəlif növ oxlardan istifadə etməsidir. Elektrikli, torlu, zəhərli, səsli, bombalı, buzlu və s. kimi ox növləri oxuyucuları yorulmağa qoymur.
• Mockingbird ilə macərlarının birində səs dalğalrından istifadə edən Krosfayra qarşı döyüş zamanı Şahingöz eşitmə qabiliyyətinin 80 %-ni itirmiş, hətta bir eşitmə cihazı taxmalı olmuşdur. Bu, daha sonra Fantastik Dördlüyün üzvü Riçard tərəfindən düzəldilmişdir.
• Şahingöz bir çox qadın personajla sevgi münasibəti yaşamışdır: Mockingbird, Eşşək arısı, Qırmızı cadugər, Hörümçək-qadın, Munston, Qara dul və s.
• Şahingöz ox atmasına baxmayaq əvvəllər düşmənlərini öldürməməyi seçirdi. Brayan Maykl Bendisin Qisasçıların yazıçılığını etdiyi dövrdə Klin bu mövzuda daha sərbəst qəhrəmana çevrilmişdir.