Qafqaz Universiteti (Azərbaycan): Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Silinən məzmun Əlavə edilmiş məzmun
Redaktənin izahı yoxdur
Redaktənin izahı yoxdur
Sətir 38: Sətir 38:


150 nəfərlik seminar salonu və 360 nəfərlik akt zalı Universitetin mütəmadi olaraq təşkil etdiyi aylıq seminarların, respublika səviyyəli və beynəlxalq elmi konfransların, ədəbi-bədii məclislərin keçirilməsinə, Azərbaycan və Türkiyənin dövlət və milli bayramlarının, tarixi günlərin qeyd olunmasına imkan verir. Dövlət və hökumət rəsmiləri, [[Milli Məclis]]in daimi komissiya sədrləri, millət vəkilləri, yaradıcı ziyalıların tanınmış nümayəndələri, ictimai xadimlər Universitetin qonağı olur, professor-müəllim heyəti və tələbələr qarşısında müxtəlif siyasi, elmi, ictimai mövzularda çıxış edirlər. Elmi-pedaqoji ictimaiyyət tərəfindən rəğbətlə qarşılanan görüşlərə beynəlxalq aləmdə tanınan məşhur elm və mədəniyyət xadimləri də dəvət olunur.
150 nəfərlik seminar salonu və 360 nəfərlik akt zalı Universitetin mütəmadi olaraq təşkil etdiyi aylıq seminarların, respublika səviyyəli və beynəlxalq elmi konfransların, ədəbi-bədii məclislərin keçirilməsinə, Azərbaycan və Türkiyənin dövlət və milli bayramlarının, tarixi günlərin qeyd olunmasına imkan verir. Dövlət və hökumət rəsmiləri, [[Milli Məclis]]in daimi komissiya sədrləri, millət vəkilləri, yaradıcı ziyalıların tanınmış nümayəndələri, ictimai xadimlər Universitetin qonağı olur, professor-müəllim heyəti və tələbələr qarşısında müxtəlif siyasi, elmi, ictimai mövzularda çıxış edirlər. Elmi-pedaqoji ictimaiyyət tərəfindən rəğbətlə qarşılanan görüşlərə beynəlxalq aləmdə tanınan məşhur elm və mədəniyyət xadimləri də dəvət olunur.

[[Şəkil:Qafqaz Universitetinin binası.jpg|250 px|thumb|left|Qafqaz Universitetinin əsas binası]]


Müəllim və tələbələr üçün nəzərdə tutulmuş 700 nəfərlik yeməkxana, bufet və tibb məntəqəsi göstərilən sosial xidmətlərin sadəcə bir qismidir. Universitet şəhərciyində və [[Sumqayıt]] şəhərində yerləşən iki yataqxana tələbələrin sosial-məişət məsələlərinin həllinə təminat verir.
Müəllim və tələbələr üçün nəzərdə tutulmuş 700 nəfərlik yeməkxana, bufet və tibb məntəqəsi göstərilən sosial xidmətlərin sadəcə bir qismidir. Universitet şəhərciyində və [[Sumqayıt]] şəhərində yerləşən iki yataqxana tələbələrin sosial-məişət məsələlərinin həllinə təminat verir.


Universitetin çoxsaylı kompüter parkının fəaliyyətini təmin edən informasiya hesablama mərkəzi, müxtəlif dillərdə 40 minə yaxın kitab fonduna sahib müasir kitabxanası və oxu zalı da tədrisin keyfiyyətinə müsbət təsir edən başlıca amillərdəndir. [[ABŞ Konqresi]] kitabxanası və dünyanın bir çox nəşriyyatları ilə birbaşa kitab mübadiləsinin həyata keçirilməsi mərkəzi kitabxananın kitab fondunu ildən-ilə zənginləşdirir. Müəllimlər üçün ayrılmış iş otaqları və fərdi kompüter tədrisin yüksək səviyyədə aparılması və məhsuldar elmi fəaliyyətin başlıca təminatıdır
Universitetin çoxsaylı kompüter parkının fəaliyyətini təmin edən informasiya hesablama mərkəzi, müxtəlif dillərdə 40 minə yaxın kitab fonduna sahib müasir kitabxanası və oxu zalı da tədrisin keyfiyyətinə müsbət təsir edən başlıca amillərdəndir. [[ABŞ Konqresi]] kitabxanası və dünyanın bir çox nəşriyyatları ilə birbaşa kitab mübadiləsinin həyata keçirilməsi mərkəzi kitabxananın kitab fondunu ildən-ilə zənginləşdirir. Müəllimlər üçün ayrılmış iş otaqları və fərdi kompüter tədrisin yüksək səviyyədə aparılması və məhsuldar elmi fəaliyyətin başlıca təminatıdır




== Tədris sistemi ==
== Tədris sistemi ==

06:51, 18 oktyabr 2016 versiyası

Qafqaz Universiteti
Xəritə
40°28′33″ şm. e. 49°43′35″ ş. u.
Əsası qoyulub 1993-cü il
Tip Dövlət
Rektor Havar Məmmədov[1]
Tələbə sayı 5000
Şəhər Xırdalan
Ölkə
Sayt qu.edu.az
Vikianbarın loqosu Vikianbarda əlaqəli mediafayllar

Qafqaz Universiteti1993-ci ildə Bakı şəhərində fəaliyyətə başladı. Universitet Azərbaycan və Türkiyə arasında elmi-mədəni əlaqələrin inkişafında mühüm rol oynayan "Çağ Öyrətim İşlətmələri" şirkətinin təhsil kompleksinin ən yüksək pilləsidir.

Quruluş

Azərbaycan Respublikası Xalq Təhsili Nazirliyinin nəzdindəki Dövlət Ali Ekspert Komissiyasının 1 may 1993-cü il tarixli, 11/1 saylı qərarı ilə fəaliyyətə başlamış Universitet Azərbaycan Respublikası Nazirlər Kabinetinin 11 sentyabr 1995-ci il tarixli, 203 saylı qərarı ilə dövlət qeydiyyatından keçmişdir. Daha sonra mövcud qaydalara əsasən 20.08.2002-ci il tarixində Azərbaycan Respublikası Təhsil Nazirliyi tərəfindən lisenziya verilməsi ilə Universitetin statusunun qanunauyğunluğu bir daha təsbit olunmuşdur.

Fakültə və Bölmələri; Mühəndislik (Sənaye mühəndisliyi, Kompüter mühəndisliyi, Hesablama maşınları kompleksləri, sistem və şəbəkələri), İqtisadiyyat və İdarəetmə (Maliyyə və kredit, Beynəlxalq iqtisadi münasibətlər, Dövlət və bələdiyyə idarəetməsi, Menecment (Bank işi üzre), Politologiya, Biznesin təşkili və idarə edilməsi), Hüquq (Beynəlxalq hüquq, Beynəlxalq münasibətlər), Pedaqoji (Türk dili və ədəbiyyatı, Ərəb dili və ədəbiyyatı, İngilis dili və ədəbiyyatı, Azərbaycan dili və ədəbiyyatı, Tərcümə (İngilis dili), Riyaziyyat, İbtidai təhsilin pedaqogika və metodikası, Riyaziyyat və informatika, Riyaziyyat və fizika)

Universitet şəhərciyi

Universitet, Bakı-Sumqayıt yolu üzərində Universitetə ayrılmış 20 hektar torpaq sahəsində inşa edilmiş yeni universitet şəhərciyinin müasir tədris korpuslarında 2003-2004-cü tədris ilinə başladı. Binalardakı geniş və işıqlı auditoriyalar, böyük mühazirə salonları, ən müasir texniki avadanlıqlarla və ən son model kompüterlərlə təchiz olunmuş dörd kompüter laboratoriyası, fasiləsiz internet əlaqəsi tələbələrin istifadəsinə verilmişdir.

2006–2007-ci tədris ilində 10.500 m² tədris və 5.500 m² yataqxana olaraq cəmi 16 min m² binada təlim-tədris fəaliyyətinə davam edən Universitet, digər tədris binaları da tamamlandığında cəmi 55 min m²-lik binalarda fəaliyyətini davam edəcəkdir.

150 nəfərlik seminar salonu və 360 nəfərlik akt zalı Universitetin mütəmadi olaraq təşkil etdiyi aylıq seminarların, respublika səviyyəli və beynəlxalq elmi konfransların, ədəbi-bədii məclislərin keçirilməsinə, Azərbaycan və Türkiyənin dövlət və milli bayramlarının, tarixi günlərin qeyd olunmasına imkan verir. Dövlət və hökumət rəsmiləri, Milli Məclisin daimi komissiya sədrləri, millət vəkilləri, yaradıcı ziyalıların tanınmış nümayəndələri, ictimai xadimlər Universitetin qonağı olur, professor-müəllim heyəti və tələbələr qarşısında müxtəlif siyasi, elmi, ictimai mövzularda çıxış edirlər. Elmi-pedaqoji ictimaiyyət tərəfindən rəğbətlə qarşılanan görüşlərə beynəlxalq aləmdə tanınan məşhur elm və mədəniyyət xadimləri də dəvət olunur.

Qafqaz Universitetinin əsas binası

Müəllim və tələbələr üçün nəzərdə tutulmuş 700 nəfərlik yeməkxana, bufet və tibb məntəqəsi göstərilən sosial xidmətlərin sadəcə bir qismidir. Universitet şəhərciyində və Sumqayıt şəhərində yerləşən iki yataqxana tələbələrin sosial-məişət məsələlərinin həllinə təminat verir.

Universitetin çoxsaylı kompüter parkının fəaliyyətini təmin edən informasiya hesablama mərkəzi, müxtəlif dillərdə 40 minə yaxın kitab fonduna sahib müasir kitabxanası və oxu zalı da tədrisin keyfiyyətinə müsbət təsir edən başlıca amillərdəndir. ABŞ Konqresi kitabxanası və dünyanın bir çox nəşriyyatları ilə birbaşa kitab mübadiləsinin həyata keçirilməsi mərkəzi kitabxananın kitab fondunu ildən-ilə zənginləşdirir. Müəllimlər üçün ayrılmış iş otaqları və fərdi kompüter tədrisin yüksək səviyyədə aparılması və məhsuldar elmi fəaliyyətin başlıca təminatıdır


Tədris sistemi

Azərbaycan Respublikası Təhsil Nazirliyinin Universitetə verdiyi pilot ali məktəb statusu bir çox yeniliklərin həyata keçirilməsi üçün şərait yaradır. Universitetdə dünyanın qabaqcıl ölkələrində uğurla sınaqdan çıxmış kreditli təhsil sistemini tətbiq edir. Birinci tədris ilində həyata keçirilən dil hazırlığı ilə birlikdə Universitetdə təhsil müddəti 5 ildir. Tələbələr seçdikləri ixtisası ən mükəmməl şəkildə qavramaqla yanaşı, kompyuter texnologiyasını və iki xarici dili (türk və ingilis dilləri) də öyrənirlər. Mövcud bölmələrin tədris planlarında nəzərdə tutulmuş əsas və əlavə xarici dillərdən imtahanda tələb olunan keçid balını toplayan, TOEFL və bənzəri imtahanlarda müvafiq şəhadətnamə almış tələbələr birbaşa 2-ci kursda təhsilə başlayırlar. 2002-2003-cü tədris ilindən etibarən ixtisas fənlərinin ingilis dilində tədrisinə başlayan Universitet yetişdirdiyi tələbələrin ixtisas, xarici dil və kompüter biliklərinə yiyələnmələrinə müstəsna əhəmiyyət verir. Hal-hazırda bakalavr pilləsində 20, magistratura pilləsində 10, aspirantura pilləsi üzrə də 4 ixtisas üzrə mütəxəssis yetişdirməkdədir. Bununla yanaşı 2006-2007 tədris ildən etibarən Universitedə 2 ixtisas üzrə MBA Proqramı açılmışdır. Yüksək sürətli internet rabitəsi sayəsində, Qafqaz Universiteti Azərbaycanda TOEFL IBT imtahanını (yeni nəsil TOEFL testi) təşkil edən ilk qurumdur.

Universitet təhsil verdiyi tələbələrə sadəcə müasir biliklər verməklə kifayətlənmir. Digər ali məktəb tələbələrinin də iştirakı ilə keçirilən elmi konfranslar onların tədqiqatçı kimi yetişmələrinə şərait yaradır. İdmanın müxtəlif növləri üzrə il ərzində keçirilən yarışlarda qabiliyyətli tələbələr potensial imkanlarını nümayiş etdirə bilirlər. Tələbələrdən ibarət bədii özfəaliyyət ansamblı, xor kollektivi, rəqs qrupu və dram dərnəyi onların incəsənət sahəsindəki istedadlarını üzə çıxardır. Azərbaycanın müxtəlif guşələrinə gəzintilərin təşkil olunması tələbələrin asudə vaxtlarının xoş keçməsinə təminat verir.

Mərkəzlər

Universitet təşkil etdiyi iki elmi institut və üç elmi mərkəzlə də Azərbaycanın sosial və iqtisadi inkişafına yardım edir. Bu mənada iş dünyası ilə əlaqələrin qurulması və elmi-texniki yeniliklərin Universitetdə tətbiqilə tanınan Sürəkli İnkişaf Mərkəzinin fəaliyyəti təqdirəlayiqdir. Azərbaycanda bələdiyyəçiliyin təşəkkülündə inkar edilməz rol oynamış Bələdiyyə Araşdırmaları Mərkəzinin səmərəli işi də ayrıca qeyd olunmalıdır. Qafqaz regionuna dair elmi-tədqiqatların aparılması və onların nəşrilə məşğul olan Qafqaz Araşdırmaları İnstitutunun fəaliyyəti də diqqəti cəlb edir. Azərbaycan və Türkiyə arasında qarşılıqlı elmi-mədəni informasiya mübadiləsinin genişlənməsi isə Universitetin nəzdində qurulmuş Tərcümə mərkəzinin fəaliyyətinin əsas xəttini təşkil edir.

Məzunlar

Məzunlarının işlə təmin olunması nisbətinə görə Universitet haqlı olaraq qürur hissi keçirir. 1998-ci ildə ilk yetirmələrinin işlə təmin olunmasına nail olmuş Universitet sonrakı illərdə də məzunlarının taleyinə biganə qalmır. Bu məqsədlə qurulmuş xüsusi mərkəzin səyləri nəticəsində bu günə qədər Universiteti bitirmiş tələbələrin 80 faizi artıq işlə təmin olunmuş, geriyə qalan qisminin böyük əksəriyyəti isə ölkə daxilində və xaricində magistratura və doktorantura pillələrində təhsillərini davam etdirir. İş dünyası ilə sıx əlaqə saxlayan Universitet tez-tez yerli və xarici şirkət rəhbərləri ilə işgüzar görüşlər keçirir. Tələbələrinin Azərbaycanda fəaliyyət göstərən müxtəlif şirkətlərdə və Türkiyədə təcrübə keçmələrinə şərait yaradır. Universitetdəki ciddi nizam-intizamı, güclü maddi-texniki bazanı, eləcə də obyektivliyi təqdir edən şirkətlərin özləri birbaşa Universitetə müraciət edir. BP şirkətinin Azərbaycan nümayəndəliyinin təşəbbüsü ilə bağlanmış müqaviləyə əsasən şirkətin gələcək kadrlarını Universitet tələbələri arasından seçməsi buradakı təhsilin keyfiyyətinin ən bariz dəlilidir.

Təqaüdlər

Yüksək səviyyəli mütəxəssis hazırlamağı qarşısına məqsəd qoymuş Universitet istedadlı gənclərin seçiminə xüsusi əhəmiyyət verir. İxtisaslardan asılı olmayaraq Tələbə Qəbulu üzrə Dövlət Komissiyasının keçirdiyi imtahanda yüksək bal toplamış abituriyentlərə ödənişsiz təhsil almaq haqqı verilir. Universitet Elmi Şurasının qərarı ilə sabiq prezident Heydər Əliyevin adına təsis olunmuş xüsusi təqaüd və digər təqaüdlər tələbələrin təhsilə olan həvəslərini daha da artırır. [2]

Ən yüksək reytinqə malik özəl universitet

Məhz bu münasibətin nəticəsidir ki, 1995-ci ildən başlayaraq Universitet tələbə qəbulunun nəticələrinə görə özəl ali məktəblər arasında reytinq cədvəlinə başçılıq edir. Azərbaycan Respublikası Tələbə Qəbulu üzrə Dövlət Komissiyası tərəfindən nəşr edilən Abituriyent jurnalından alınan aşağıdakı məlumat bu faktı təsdiq etməkdədir:

"Özəl ali məktəblər arasında ən yüksək reytinqə Qafqaz Universiteti malikdir. Bu təhsil müəssisəsinin əvvəlki illərdə də özəl ali məktəblər içərisində ən yüksək reytinqi olmuşdur. Bizdə olan məlumata görə, Qafqaz Universitetində yüksək nizam-intizam mövcuddur, tələbələr burada qayğı ilə əhatə olunublar: yüksək ballı tələbələr təhsil haqqından azad edilir, hətta onlara təqaüd də verilir. Təhsil müəssisəsi öz məzunlarının işlə təmin olunmaları ilə də maraqlanır və onlara bu işdə də yardım göstərir. Bu kimi həvəsləndirici tədbirlərin nəticəsidir ki, bu təhsil müəssisəsini daha çox və həm də daha hazırlıqlı abituriyentlər seçirlər. Deyilənlərin təsdiqi kimi, bu il Prezident təqaüdünə layiq görülənlərdən 4 nəfərinin Qafqaz Universitetinin tələbəsi olması faktını qeyd etmək olar." [3] Bundan başqa Azərbaycanda keçirilən qəbul imtahanlarında maksimum bal toplayan abituryetlərin də əksəriyyəri ali təhsil almaq üçün Qafqaz Universitetini seçir. Belə ki, 2010-cu ildə qəbul imtahanlarında 700 bal toplamış 7 abituryentin 4-ü, 2011-ci ildə isə 700 bal toplamış 4 abituryentin 4-ü də Qafqaz Universitetinə qəbul olmuşdular. [4]

TSE-EN-İSO 9001:2000 keyfiyyət sertifikatı 2004-cü ildə növbəti bir uğur əldə edən Universitetin Azərbaycanda TSE-EN-İSO 9001:2000 keyfiyyət sertifikatı almış ilk və tək ali təhsil ocağıdır.

Əməkdaşlıq

24 may 2011-ci ildə BP şirkəti Qafqaz Universitetində beş laboratoriya açdı. Bu laboratoriyalar BP-nin 2009-cu ildə Qafqaz Universiteti ilə əməkdaşlıqda həyata keçirməyə başladığı irimiqyaslı təhsil təşəbbüsünün bir hissəsi olaraq açılır. Layihənin ümumi məqsədi kimya, neft və qaz, həmçinin mexanika mühəndisliyi sahələrində ixtisaslı mütəxəssislər hazırlamaqdır. Yeni açılan bu müəssisələr ümumi kimya, analitik kimya, üzvi kimya, kimya mühəndisliyi və fiziki kimya sahələrində ixtisaslaşmış və tam təchiz edilmiş müasir laboratoriyalardır. Bütövlükdə layihə BP şirkətinin və Qafqaz Universitetinin birgə təşəbbüsüdür və onun ümumi dəyəri 2.240.000 dollardır. Bu vəsaitin 1.150.000 dollarını BP, qalan hissəsini isə universitet özü təmin edir. Bu layihəni maliyyələşdirməklə yanaşı, BP həm də yeni yaradılmış fakültələrin tələbələrini BP-nin mövcud təqaüd proqramlarına müraciət etməyə və işəgötürmə proseslərində başqaları ilə eyni əsasda iştirak etməyə dəvət edir, BP mütəxəssislərinin müntəzəm olaraq keçirilən seminar və konfranslarda öz bilik və təcrübələrini bölüşdürməklə universitetin mühəndis proqramlarına töhfələr verməsini təmin edir və tələbələrin sənaye ilə təmasını artırmaq üçün onların müvafiq BP laboratoriyalarından istifadəsinə şərait yaradır. Layihə 3 mərhələdə həyata keçirilir. Birinci mərhələdə kimya mühəndisliyi fakültəsinin yaradılması planlaşdırılırdı ki, bu mərhələnin uğurlu nəticəsindən asılı olaraq layihənin sonrakı mərhələləri həyata keçirilsin. Sonrakı mərhələlərdə müvafiq olaraq neft və qaz mühəndisliyi və mexanika mühəndisliyi fakültələrinin yaradılması planlaşdırılır. [5] Bundan başqa Qafqaz Universiteti bir çox şirkət və ali təhsil müəssisələri ilə müxtəlif layihələr çərçivəsində əməkdaşlıq edir. Qafqaz Universitetinin əməkdaşlıq haqqında müqavilə imzaladığı şirkətlərdən bir neçəsi, SİNAM [6], Texnikabank [7], Azercell [8], Azərkimya İstehsalat Birliyi [9] və digər şirkətlər və dövlət qurumlarıdır.

Onu da qeyd edək ki, Azercell şirkəti Azərbaycanda 4G texnologiyaları sınaqlarının həyata keçirildiyi ilk və yeganə laboratoriyanı Qafqaz Universitetində 2011-ci ilin iyun ayında açıb. Burada mobil rabitədə son üç nəsil texnologiya - 2G (GSM), 3G ( WCDMA/UMTS) və 4G (LTE) radio-baza stansiyaları qurulub. Bu, nəinki Azərbaycanda, ümumiyyətlə regionda bu səviyyədə və bu tipdə texnologiya ilə təchiz olunan ilk laboratoriyadır. [10]

Doktorantura təhsili

Universitetdə fəlsəfə doktoru üzrə doktorantura təhsili verilir[11].

Xarici əlaqələri

Qafqaz Universitetlər Birliyinin üzvüdür.[12]

"BANM"a birləşmə

Qafqaz Universitetinin təsisçilərinin 2016-cı il, iyulun 20-də verdiyi qərarla ali təhsil ocağı Bakı Ali Neft Məktəbinin idarəçiliyinə verilib. [13]

İstinadlar

  1. APA TV. "Qafqaz Universitetinə yeni rektor təyin olundu" (az.). Youtube.com. 01.09.2016. İstifadə tarixi: 2016-09-02.
  2. Qafqaz Universiteti
  3. "Abituriyent" jurnalı (№ 12, dekabr 2005, səh. 15)
  4. Çempionlar yenə Qafqazı seçdi!!!
  5. BP Qafqaz Universitetində beş laboratoriya açır
  6. QAFQAZ UNİVERSİTETİ İLƏ "SİNAM" ŞİRKƏTİ ARASINDA ƏMƏKDAŞLIQ HAQQINDA SAZİŞ İMZALANMIŞDIR
  7. Qafqaz Universiteti ilə Texnikabank arasında əməkdaşlıq müqaviləsi imzalandı
  8. "Azercell" və Qafqaz Universitetinin birgə əməkdaşlığı nəticələri
  9. "Azərikimya" İstehsalat Birliyi ilə Qafqaz Universiteti arasında əməkdaşlıq protokolu imzalandı
  10. Qafqaz Universitetində LTE avadanlığı olan laboratoriya açıldı
  11. "“Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı”nın təsdiq edilməsi haqqında" Azərbaycan Respublikası Nazirlər Kabinetinin 14 dekabr 2010-cu il tarixli, 235 nömrəli Qərarı.  (az.)
  12. Tüm Uyeler. kunib.com
  13. http://www.azadliq.org/a/qafqaz-universitetinde-yeni-rektor/27871240.html

Xarici keçidlər