Elçin Cavadov

Elçin Cavadov
Doğum tarixi	3 iyun 1969(1969-06-03) (54 yaş)
Doğum yeri	Böyük Qaramurad, Gədəbəy rayonu, Azərbaycan SSR, SSRİ
Təhsili	Azərbaycan Dövlət Aqrar Universiteti
Fəaliyyəti	universitet müəllimi[d]
Elmi dərəcəsi	texnika elmləri üzrə fəlsəfə doktoru[d]
Elmi adı	dosent
Partiyası	Yeni Azərbaycan Partiyası
Üzvlüyü	Yeni Azərbaycan Partiyası
Vikianbarda əlaqəli mediafayllar

Cavadov Elçin Məhəmməd oğlu — Gəncə Dövlət Universitetinin müəllimi, texnika elmləri üzrə fəlsəfə doktoru.

Həyatı

Elçin Cavadov 3 iyun 1969-cu ildə Gədəbəy rayonunun Böyük Qaramurad kəndində ziyalı ailəsində anadan olmuşdur. 1986-cı ildə İnəkboğan kənd orta məktəbini qızıl medalla bitirmiş və Azərbaycan Kənd Təsərrüfatı Akademiyasının kənd təsərrüfatının mexanikləşdirilməsi fakültəsinə daxil olmuşdur. Tələbəlik illərində riyaziyyat fənnindən keçirilən respublika olimpiadasında 1-ci yeri tutmuşdur. 1993-cü ildə Azərbaycan Kənd Təsərrüfatı Akademiyasını Lenin təqaüdü və fərqlənmə diplomu ilə bitirmişdir. Elmi yaradıcıllıqla tələbə vaxtlarından məşğul olmuş, hələ tələbə ikən 10-a qədər elmi məqaləsi dərc olunmuşdur.

1993-cü ildən Gəncə Dövlət Universitetinin müəllimidir. Riyaziyyat fənnini çox sevdiyi üçün E.M.Cavadov BDU-nun tətbiqi riyaziyyat fakültəsini də bitirmişdir.

2002-ci ildən Elmi-Tədqiqat "Aqromexanika" İnstitutunda dissertant olmuş, görkəmli professor Həsən Quliyevin rəhbərliyi ilə dissertasiya işini yerinə yetirmiş, 2005-ci ildə müdafiə edərək, texnika elmləri üzrə fəlsəfə doktoru alimlik dərəcəsi almışdır.

E.M.Cavadovun 50-dən artıq elmi əsəri, bir neçə ixtirası və dərs vəsaiti var. Bundan başqa E.M. Cavadov ali məktəblərə hazırlaşanlar üçün "Riyaziyyat" adlı dərs vəsaitinin də müəllifidir. Ədəbi yaradıcıllıqla məşğuldur, "Duyğu yarpaqları" adlı şeir kitabı çap olunmuşdur.

Gəncə Dövlət Universitetində işlədiyi müddət ərzində özünü məsuliyyətli, işgüzar, savadlı bir müəllim kimi göstərmiş, bütün tələbə və müəllim kollektivi arasında hörmət qazanmışdır.

Hazırda doktorluq dissertasiyası üzərində işləyir. Ailəlidir, iki övladı var.

Əsərləri

Aşağıda qeyd edilənlərdən əlavə, 30-a yaxın elmi məqalənin müəllifidir.

Patentləri

• Torpağa fumiqantları verən maşın.Patent. Azərbaycan Respublikası Patent üzrə Dövlət Agentliyi. Patent – ixtira I 2004 0090

Dərs vəsaitləri

• Əmək mühafizəsinin bəzi məsələləri. Gəncə – 1997, GDPİ-nin kompüter nəşriyyatı
• Əmək mühafizəsi (laboratoriya məşğələləri üçün dərs vəsaiti) Bakı, 1998, Şərq-Qərb mətbəəsi
• Əmək mühafizəsi, dərs vəsaiti, Gəncə, 2002
• Əmək mühafizəsi (laboratoriya məşğələləri üçün), Bakı, 2003, Şərq-Qərb mətbəəsi
• Əmək mühafizəsi və təhlükəsizliyi (metodik vəsait), “Təhsil”, Elm, Gəncə, 2009, qrifli nəşr
• “Həyat fəaliyyətinin təhlükəsizliyi” Dərs vəsaiti, Bakı, 2011, Şərq-Qərb mətbəəsi
• “Əmək mühafizəsi və təhlükəsizliyi”. Dərs vəsaiti. (qrifli nəşr). Bakı 2016.
• Riyaziyyat, abituriyentlər üçün dərs vəsaiti, Bakı 2015

Fənn proqramları

• “Əmək mühafizəsi və təhlükəsizliyi” fənninin proqramı. Azərbaycan Dövlət Aqrar Universitetinin mətbəəsi, qrifli nəşr, Gəncə, 2009
• “Qarşılıqlı əvəzetmə, standartlaşdırma və texniki ölçmələr” fənni üzrə proqram. Azərbaycan Dövlət Aqrar Universitetinin mətbəəsi, qrifli nəşr, Gəncə, 2009
• “Standartlaşdırmanın əsasları” fənninin proqramı. Azərbaycan Dövlət Aqrar Universitetinin mətbəəsi, qrifli nəşr, Gəncə, 2013
• “Texniki fənlərin tədrisi metodikası” fənninin proqramı. Azərbaycan Dövlət Aqrar Universitetinin mətbəəsi, qrifli nəşr, Gəncə, 2013
• GDU-nun ÜTF və texnologiya kafedrasında bakalavr təhsil pilləsi üzrə tədris olunan fənn proqramlarının toplusu. Azərbaycan Dövlət Aqrar Universitetinin mətbəəsi, qrifli nəşr, Gəncə, 2013

Mənbə

• http://gedebey.info/sayt/?page_id=4986#comment-115