Kompüter terminalı

Terminal – terminal ~ терминал ~ uçbirim ~ verilənləri kompüterə daxil etmək və alınan nəticələri çıxışa vermək üçün elektron, yaxud elektromexaniki qurğu (adətən, monitor klaviatura ilə). İlk terminallar teletayp makinaları idi. İndi də çox iri kompüter sistemlərində fərdi kompüterlərdən terminal kimi istifadə olunur.

Terminal emulyasiyası – terminal emulation ~ эмуляция терминала ~ uçbirim öykünmesi ~ kommunikasiya proqramı vasitələri ilə istifadə olunan terminaldan fərqli terminalın mübadilə protokolunun və komandalarının təqlid edilməsi. Fərdi kompüterləri meynfreymlərə qoşmaq üçün də istifadə olunur.

Terminalla iş seansı – terminal session ~ сеанс работы с терминалом ~ uçbirim oturumu ~ terminaldan bilavasitə istifadəyə sərf olunan zaman.

Sonlandırmaq – terminate ~ завершать, прекращать ~ sonlandırmak ~ prosesin, yaxud proqramın sona çatması. Sonlandırma normal da ola bilər, qəzalı da. İkinci hal istifadəçinin komandası, aparat və ya proqram təminatında olan xətalar səbəbindən baş verə bilər.

Rezident proqram – terminate-and-stay-resident program (TSR) ~ резидентная программа ~ bitince yerleşik kalan program ~ MS-DOS əməliyyat sistemində: icra olunmadıqda (işini sona çatdırdıqda) da yaddaşa yüklənmiş qalan proqram. Bu, başqa proqramların müəyyən məsələləri yerinə yetirərkən ona tez müraciət etmələri üçün önəmlidir.

Ədəbiyyat

• İsmayıl Calallı (Sadıqov), “İnformatika terminlərinin izahlı lüğəti”, 2017, “Bakı” nəşriyyatı, 996 s.