4.1 şəhər motivləri (film, 2015): Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Silinən məzmun Əlavə edilmiş məzmun
Vusal1981 (müzakirə | töhfələr)
Sətir 193: Sətir 193:


== Xarici keçidlər ==
== Xarici keçidlər ==
[http://www.myvideo.az/?video_id=2375201 Filmi izlə]<br/>
[https://ok.ru/video/378462603852 Filmi izlə]<br/>
[https://www.youtube.com/playlist?list=PLY1c6ROHsCdBx6Z-vPCffBC0PtTXqX9ei Filmin musiqiləri (video)]<br/>
[https://www.dropbox.com/sh/gtmhbkklmk0t7er/AADjQNEMgqBB8MXdr-agdsL3a?dl=0 Filmin musiqiləri (audio)]
[https://www.dropbox.com/sh/gtmhbkklmk0t7er/AADjQNEMgqBB8MXdr-agdsL3a?dl=0 Filmin musiqiləri (audio)]



23:11, 22 oktyabr 2017 versiyası

4.1 şəhər motivləri
İlk baxış tarixi 2015

4.1 şəhər motivləri kinoalmanaxı[1] xaricdə təhsil alan beş gənc azərbaycanlı rejissorun lentə aldığı beş qısametrajlı filmdən ibarətdir.[2] Film Mədəniyyət və Turizm Nazirliyinin dəstəyi ilə[3] "Azərbaycanfilm" kinostudiyası və Adarifilms tərəfindən istehsal edilmişdir. Filmdə əsas rolları Gülzar Qurbanova, Cavanşir Hadıyev, Roman Şulqa, Əli Nəsib, Teymur Nadir, Eyvaz Əliyev, Namiq Ağayev, Arzu Əhmədov, Zemfira Sadıqova, Əlibəy Məmmədli, Əbdül Mahmudov, Dilarə Kazımova, Rövşən Vəliyev, Azər Aydəmir, Əbdül MahmudovAqil M. Quliyev ifa edirlər.

Məzmun

Kinoalmanax 5 qısametrajlı filmdən ibarətdir: "Qonşu qadın", "Kədərim", "Yuxarıda və aşağıda", "Dmitrov küçəsi 86", "Zabit şərəfi". Bakı və onun sakinlərindən, şəhərin qaranlıq və işıqlı tərəflərindən bəhs edən qısa novellalar kolleksiyasıdır. Filmlərin qəhrəmanları hərəsi öz talelərini yaşayırlar, amma hər hekayənin baş qəhrəmanı məlahətli və azacıq qüssəli obrazında göstərilən şəhərdir. [4]

Qonşu qadın
Əri (Elxan Cəfərov) ilə konflikti olan qadın (Gülzar Qurbanova) kişilərə güvənini itirib, o, acığını qonşu mənzildəki kişidən (Cavanşir Hadıyev) çıxır. Onlar arasındakı dialoqlar filmin əsasını təşkil edir. Film sadə, yorucu olmayan kadrlardan ibarətdir. Ekranda yığcam kadrlar bir-birini əvəzlədikcə tamaşaçı sanki bir şeiri misra-misra oxuyur.[5]

Film gündəlik həyatın bir parçasıdır və daha çox ovqat filmidir.[6] Köhnə Bakı həyətlərində bir qonşu o birinin evində baş verən hadisələri öz evinin içindəki kimi eşidə bilir. Bütün bu yaxınlığın da səbəbkarı bəlkə də divarların belə nazik olmasıdır. Rejissor bizə tanış əhvalat danışır. İki qonşu arasındakı dava-dalaş tədricən soyuyur və az da olsa, sevgi işartıları görünməyə başlayır.

Mənzilə təzəcə köçmüş qonşu qadın təsadüfən (yayda eyvanların qapı və pəncərələri açıq olur) qonşu kişinin öz sevgilisi ilə qalmaqallı ayrılıq səhnəsinin şahidi olur. Kişi ilə yüksək səslə dalaşan evli qadın (Arzu Ağayeva) göz yaşları içində kişinin yanından gedir... Gözlənilmədən qonşu qadın kişinin üstünə düşərək onu eqoist, insafsız olmaqda günahlandırır.[4] Beləcə onların bu ilk tanışlığı dava ilə başlayır. Məlum olur ki, qadın da əriylə dalaşıb evi tərk edib. İki qonşu arasındakı dava-dalaş tədricən soyuyur və az da olsa, sevgi işartıları görünməyə başlayır. Onların arasında baş verən mübahisə zaman keçdikcə ciddi münasibətlərə çevrilə bilərdi. Həyatlarında boşluq olan bu iki qonşu hansısa məqamda ünsiyyət qura bilirlər. Tamaşaçı isə səbirsizliklə sonluğu gözləyir. Qəfildən qadının əri qayıdır və onlar barışırlar.[5]

Kədərim
Film müasir gəncliyin həyat tərzinə toxunur. Sənədli filmə bənzəyən kadrlarda gənclərin müxtəlif mühit və təbəqələri təqdim edilir. Uğur, pul qazanmaq istəyən gəncliyin həyatı və eyni zamanda düşüncə və həyat tərzləri əks olunur.[5]

Filmin qəhrəmanı bəxti gətirməyən bir musiqiçidir. Gənc oğlan (Roman Şulqa) anderqraund musiqi ilə məşğuldur. Ailədə hamı – valideynləri, həyat yoldaşı ondan narazıdır. Onun dünyagörüşü, həyat tərzi ilə ənənəvi ailə dəyərləri toqquşur, bu münasibətlər daim konflikt törədir. Ənənəvi ailəyə, mentallığa qarşı onun fərqli, nizamsız həyat tərzi dayanır. Lakin bir gün inanılmaz dərəcədə bəxti gətirir və o, ifaçı qismində kübar cəmiyyətdə keçirilən ziyafətə dəvət alır. O, prinsiplərinə zidd gedərək pula görə məclisdə oxumağı qəbul edir. Bəzi dostları onun belə məclisdə çıxışının düzgün olmadığını əvvəlcədən ona deyirlər. Adama elə gəlir ki, artıq tale onun üzünə gülüb və o, nəyə qadir olduğunu hamıya sübut edəcək. Nəticədə, onun çıxışı məclis əhlinə maraqlı gəlmir. Məclis əhli onu bərk əzişdirir. Və indi kefcil musiqiçi hələ uzun müddət evdə qalmalı olacaq. Həyat yoldaşı və oğlu xoşbəxtdirlər![4] Filmin qəhrəmanı üsyankarlığını sona kimi davam etdirə bilmir, inandığı dəyərlər uğrunda mübarizə aparmır, sonda ailəsinə qayıdır, durumu ilə barışır, ailə ənənələrinə məğlub olur.

Final simvolik bitir, qəhrəmanının kiçik oğlu atasına pişik nəcisi verir. Bunu hər tamaşaçı müxtəlif cür yoza bilər: həyat zibildir və ya oğul atasının buna layiq olduğunu demək istəyir. [6]

Yuxarıda və aşağıda
Film gənc fəhlənin hekayətini anladır. Bu gənc, kasıb, eyni zamanda qürurlu oğlanın öz arzuları, düşüncələri var.[5] Sakit təbiətli Aydının (Eyvaz Əliyev) iş yoldaşları və sevgilisi (Xumar Səlimova) ilə münasibəti filmin əsasını təşkil edir. Bütün çətinliklərə baxmayaraq, o, şəxsiyyətini, mərdliyini qoruya bilir. O, iş yoldaşının həyatını xilas etmək lazım gəldiyi zaman içindəki yüksəklik qorxusuna qalib gəlməyi bacarır.[4] Gənc oğlanın sevgilisinin zəngin binalara dikilən həsrətli baxışları, vitrindəki zinət əşyalarına marağı həm də cəmiyyətin maddiləşməsini ifadə edir. Sevgilisi ilə fərqli düşüncə tərzinə sahib olmaları onları nəhayət ayırır. Aydın özünə layiq birini (Cəmilə Tağızadə) tapır.

Sosial mövzuda olan film rejissorun mesajını asanlıqla ötürür.

Film eyni zamanda sosial mesaj ötürür. Rejissor sosial təbəqələşmə haqda düşüncələrini mətnə, sözə yox, təsvirə çevirir. .

Dmitrov küçəsi 86
Film vacib bir mövzunu, müharibənin vurduğu mənəvi travmaların nəticəsini, görkəmcə yeniləşən şəhərin problemlərini anladır. Yeniləşən şəhər, acı xatirələr. Müharibədə oğlunu itirmiş ana (Zemfira Sadıqova) neçə illərdir evdən bayıra çıxmır. Səbəb isə onun oğlunun ölümündən xəbərsiz olması və bir gün oğlum qayıdar, evdə heç kim olmaz, qapı bağlı olar qorxusudur.[5] Bir gün qızının evinə qonaq gələn qadın bayıra çıxır, yeniləşən şəhəri tanıya bilmir, xatirələrini, gəncliyini axtarır. O, böyüyüb boya-başa çatdığı şəhərdə azır. Yolu itirən qadın Dmitrov küçəsi 86-nı axtarır. Ona kömək etmək istəyən Cəmil adlı oğlan (Əlibəy Məmmədli) Şəfiqə xanımın çəkdiyi küçə adları qarşısında məəttəl qalır: Dmitrov küçəsi, Poluxin, Parapet və s. Gənc oğlan bütün şəhəri axtarıb həmin küçəni tapa bilmir. Əslində isə həmin küçə elə oğlanın yaşadığı indiki Şəmsi Bədəlbəyli 86 ünvanıdır. Deməli, hər iki insan eyni şəhərin sakini olmaqla yanaşı, həm də bir-birindən xəbərsiz qonşulardır. Nəhayət, evini tapan qadın onun söküldüyünü görür.

Filmi yəqin ki, şəhərin gərəksizcə radikal dəyişməsinə etiraz kimi qəbul etmək olar. Və müəllif "Gün keçdi" filmindən sitat gətirməklə öz niyyətini daha aydın bəlli edir. Kinolentdə insan laqeydliyi, dövrün, zamanın problemləri, öz şəhərinin tarixini bilməyən gənclik kimi mövzular ana xətt kimi keçir. [5]

Zabit şərəfi
Film tipik Hollivud əhvalatını danışır: satqın polis (Azər Aydəmir) cinayətkar dəstəyə kömək edir, digər polis (Rövşən Vəliyev) onların dərsini verir. Detektiv hekayə cinayətkar qrup və onların qarşısını alan xüsusi xidmət orqanı işçisi haqqındadır.[7]

Dostu və iş yoldaşı cinayətkar dəstə tərəfindən öldürülən polis zabiti Rövşən rəisdən xahiş edir ki, bu işin araşdırılmasını ona tapşırsın. Rəis buna qəti etiraz edir, səbəb olaraq onun ailəsində baş verən faciəni göstərir və onun buna hazır olmadığını deyir. Rövşən rəisdən icazəsiz hərəkətə keçir və cinayətkar dəstənin bir neçə üzvünü zərərsizləşdirir. Dəstənin başçısı Qara (Aqil M. Quliyev) Rövşəndən qisas almaq üçün onun arvadını qaçırır. Sonda ədalət qalib gəlir.

Filmin sonunda kağız üzərində kadrları növbələşdirən rejissorun görüntüsü postmodern fənddir. Rejissorun nəqlə müdaxiləsi hadisələrin qurama, film olduğunu xatırladır. Filmin mesajı sonda verilir: satqın polis qəhrəman kimi dəfn edilir. Yəni həqiqəti demək həmişə vacib deyil.

Rollarda

Qonşu qadın
Gülzar Qurbanova — qadın
Cavanşir Hadıyev — kişi
Arzu Ağayeva — kişinin tanışı
Samirə Əliyeva
Altay Məmmədov
Əliağa İbrahimov
Elxan Cəfərov — qadının əri

Kədərim
Roman Şulqa — Roman
Əli Nəsib
Teymur Nadir — Tima
Zemfira Sadıqova — nənə
Rita Əmirbəyova — ana
Aydın Əlizadə — ata
Nəzrin Məmmədova
Daniil Ufimski
Nigar Musəvi
Zaur Məmmədvəliyev
Rüfət Həsənov
Makir Qafarov
Sain Fərhad — məclisdəki adam
Elnur Hüseynov — gecə klubundakı adam
Əliqulu Səmədov — məclisdəki adam
Mahir Dərviş — iti öldürən xırda cinayətkar[6]

Yuxarıda və aşağıda
Eyvaz Əliyev — Aydın
Namiq Ağayev — Səməd
Arzu Əhmədov— Zeynal
Xumar Səlimova — Aydının sevgilisi
Cəmilə Tağızadə — popkorn satan qız
Aydın Hacıyev
Zaur Məmmədvəliyev
Fuad Cəfərov

Dmitrov küçəsi 86
Zemfira Sadıqova — Şəfiqə xanım
Əlibəy Məmmədli — Cəmil
Əbdül Mahmudov — polis mayoru
Dilarə Kazımova — Delya
Günel Məmmədova — Şəfiqənin qızı
Tural Əsədov — Şəfiqənin kürəkəni
Rauf Şahsuvarov — qarovulçu
Arif Kərimov — polis serjantı
Pərviz Gülməmmədov
Ramin Şıxəliyev — polis serjantı
Azər Aydəmir — Cəmilin dostu
Mahir Dərviş — polis idarəsinə gətirilən şəxs[6]

Zabit şərəfi
Rövşən Vəliyev — Rövşən
Azər Aydəmir — Seymur
Aqil M. Quliyev — Qara
Əbdül Mahmudov — polis polkovniki
Cavid Hüseynov
Sain Fərhad — Qaranın adamı
Pərvin Abıyeva — Leyla
Arif İslamov
Cavanşir Məhərrəmov — Qaranın adamı
Rüfət Kərimzadə — Qaranın adamı
Vüqar İslamzadə
Əli Məmmədov — Qaranın adamı
Elsevər Mehdizadə — Qaranın adamı
Cavanşir Məmmədov
Aleksandr Qonçarov
Nihat Xəlilov
Oleq Əmirbəyov
İlqar İsmayılov
Ruslan Hüseynov
Cavid Alxazov
Şamil Novruzzadə
Dmitri Sekov

Film haqqında

Kinoalmanax

  • Kinolayihə Azərbaycan Prodüserlər Gildiyasının elan etdiyi “Geniş baxış” ssenari müsabiqəsinin qalibi olmuşdur.[8]
  • Kinolayihə əvvəlcə "Motivlər..." adı ilə lentə alınıb.[9]

Dmitrov küçəsi 86

  • Zemfira Sadıqova: Rejissor Cəfər Axundzadənin çəkdiyi film qısametrajlı film olsa da, çəkilişləri çox ağır keçdi. Yeddi gecə o filmə çəkilmişəm, axşam 7-də evdən çıxıb, səhər 9-10-da evə gəlirdim. Bir çox rejissorlarla işləmişəm, amma Cəfər Axundzadə kimi hər bir sözə müdaxilə edən rejissor görməmişəm. Bütün film söz üzərində gedir. Amma bununla yanaşı dinamik filmdir. Özüm böyük həsrətlə o filmi gözləyirəm. Çünki orada çatışmayan şeylər var, ola bilsin bunları tamaşaçılar heç hiss etməsin. Sadəcə, mən onları yaşadığıma görə bunu əminliklə deyirəm. Çəkilişlər zamanı üzümü natəmiz şəkildə qrim etdiklərinə görə əməlli başlı diksindim, üzüm şişdi, yara əmələ gəldi. Təsəvvür edin ki, o vəziyyətdə mən çəkilirdim. Rekvizitor işini lazımi şəkildə görə bilmirdi: sırğalarımı qoyub çantama, mənim də bundan xəbərim yox. Sırğasız da çəkildim. Nə qədər həyəcan keçirirəm, bilsəniz. Tamaşaçı deyəcək ki, bu səhnədə sırğası var, o birisində yox. Sovet dövründə belə şeylər olmazdı. Bir qrim rəssamı var idi, Beliznikov. O, əsl rəssam idi. Qrim rəssamı aktyorun üzünə diqqətlə baxıb, çatışmayan hissələri düzəltməyi bacarmalıdır. Bilirsiniz, nə ilə məşğul olursan ol, gərək peşəkar olasan. Bütün bunlara baxmayaraq sevinirəm ki, filmlərə çəkilirəm. Çünki yaşıma baxmayaraq çəkilmək, yaşamaq, sənətdə öz sözümü demək istəyirəm.[7]
  • Filmdə "Gün keçdi" filmindəki kadrlardan istifadə olunmuşdur.

Qonşu qadın

  • Qadının kişinin ad gününə gətirdiyi hədiyyə Ramiz Rövşənin "Nəfəs - kitablar kitabı" adlı bir kitaba toplanmış əsərləri külliyyatıdır.
  • Filmin adı fransız rejissoru Fransua Trüffonun ekranlaşdırdığı, Fanni Ardant və Jerar Depardyenin baş rol aldığı məşhur ekran əsərinin adından götürülüb.[5]

Kədərim

  • Filmdəki obrazları musiqiçilər yaradıblar. Onlar həyatda olduğu kimi, kinolentdə də öz talelərini oynayırlar. [5]

Yuxarıda və aşağıda

  • Tikinti sahəsində lentə alınan filmdə baş qəhrəmanlardan birini həmin tikilən binada çalışan kran ustalarından biri canlandırır.[5]

Zabit şərəfi

  • Film xromakeydə çəkilmiş ilk Azərbaycan filmidir. Xromakey çəkilişi zamanı obyekt bir tonlu yaşıl fonda yerləşdirilir. Sonradan isə fona başqa təsvirlər əlavə olunur.
  • Filmdə "Axırıncı aşırım" filmindəki kadrlardan istifadə olunmuşdur.
  • Film kompüter qrafikası ilə ekranlaşdırılıb. [5]
  • Film Azərbaycanın ilk kriminal komiksidir.[10]

Festivallar və mükafatlar

Kinoalmanax
3-8 noyabr 2015, Almaniya (25-ci "Cottbus" beynəlxalq film festivalı)

12-29 yanvar, 2016, Bolqarıstan, “Sofia MENAR” Beynəlxalq Film Festivalı

Yuxarıda və aşağıda
28-31 oktyabr, 2016, Qırğızıstan, "Umut" MDB Ölkələrinin Gənc Kino Forumunda "Yuxarıda və aşağıda" filmi "Ən yaxşı bədii film" nominasiyasında diploma layiq görülüb.[11]

Zabit şərəfi
Film 2015-ci ildə "İlin ən yaxşı qısa filmi" nominasıyasında "Qızıl Pəri" mükafatına layiq görülüb.[12] Mükafat rejissor Vüqar İslamzadəyə təqdim edilib.

Həmçinin bax

Azərbaycan filmlərinin siyahısı
2015-ci ilin Azərbaycan filmləri
2010-cu illər Azərbaycan filmlərinin siyahısı

İstinadlar

Xarici keçidlər

Filmi izlə
Filmin musiqiləri (audio)

Filmin musiqiləri

Fayl:4.1 şəhər motivləri. Yuxarıda və aşağıda (film, 2015)(musiqi-1).ogg
Yuxarıda və aşağıda, musiqi-1
Fayl:4.1 şəhər motivləri. Yuxarıda və aşağıda (film, 2015)(musiqi-2).ogg
Yuxarıda və aşağıda, musiqi-2
Fayl:4.1 şəhər motivləri. Dmitrov küçəsi 86 (film, 2015)(Dilarə Kazımova-Vokaliz).ogg
Dmitrov küçəsi 86, Dilarə Kazımova-Vokaliz
Fayl:4.1 şəhər motivləri. Zabit şərəfi (film, 2015)(musiqi-1).ogg
Zabit şərəfi, musiqi-1
Fayl:4.1 şəhər motivləri. Zabit şərəfi (film, 2015)(musiqi-2).ogg
Zabit şərəfi, musiqi-2
Fayl:4.1 şəhər motivləri. Zabit şərəfi (film, 2015)(musiqi-3).ogg
Zabit şərəfi, musiqi-3
Fayl:4.1 şəhər motivləri. Zabit şərəfi (film, 2015)(musiqi-4).ogg
Zabit şərəfi, musiqi-4
Fayl:4.1 şəhər motivləri. Zabit şərəfi (film, 2015)(musiqi-5).ogg
Zabit şərəfi, musiqi-5