Əvəz Zeynallı

Əvəz Zeynallı
Doğum tarixi	1 yanvar 1970(1970-01-01) (54 yaş)
Doğum yeri	Ağbulaq, Krasnoselsk rayonu, Ermənistan SSR, SSRİ
Təhsili	Ankara Universitetinin Hüquq bölməsi[d] (1991–1999)
Fəaliyyəti	jurnalist

Zeynallı Əvəz Tapdıq oğlu - Xural qəzetinin baş redaktoru.

Həyatı

Əvəz Zeynallı 1970-ci ilin yanvarın 1-də Göyçə mahalının Ağbulaq kəndində (Ermənistan SSR-nin Krasnaselski rayonu) anadan olub. 1988-ci ildə Ermənistan SSR-dən digər azərbaycanlılarla birlikdə deportasiyaya məruz qalıb. 1988-1990-ci illər ərzində Sovet ordusu sıralarında xidmət edib. 1991-ci ildə Türkiyənin Ankara Universiteti hüquq fakültəsinə daxil olub. Türkiyədə olarkən "Böyük Gələcək" dərgisini nəşr etdirib. 1999-cu ildə Azərbaycana qayıdıb, müxtəlif qəzetlərdə çalışıb. "Günaydın", "P.S.", "Millətin səsi" qəzetlərinin yazarı, Vətəndaş Həmrəyliyi qəzetinin baş redaktoru olub. 2002-ci ildə “Xural” qəzetini yaradıb və bu qəzetin baş redaktoru işləyib. 2011-ci il oktyabrın 28-dən həbsdədir. Külli miqdarda rüşvət alma, hədə-qorxu tətbiq olunmaqla rüşvət alma və təkrar rüşvət almada ittiham olunur. Ona xeyli miqdarda vergiləri və ya məcburi dövlət sosial sığorta haqlarını ödəməkdən yayınma ittihamı da irəli sürülüb.

Ailəlidir, iki qız övladı var. Həyat yoldaşı da jurnalistdir.

Xarici keçidlər

• Əvəz Zeynallının qısa tərcümeyi-halı
• Əvəz Zeynallı