Mübariz İbrahimov: Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Tarixə interaktiv şəkildə baxın
← Əvvəlki redaktəSonrakı redaktə →
Silinən məzmun Əlavə edilmiş məzmun
VizualVikimətn
k 5.197.219.184 tərəfindən edilmiş redaktələr geri qaytarılaraq XXBlackburnXx tərəfindən yaradılan sonuncu versiya bərpa olundu.
Teqlər: Geri qaytarma SWViewer [1.2]
Redaktənin izahı yoxdur
Sətir 106: Sətir 106:
* [[Çingiz Qacar]], “Turan bahaduru”.<ref name="xatire"/>
* [[Çingiz Qacar]], “Turan bahaduru”.<ref name="xatire"/>
* Rauf İlyasoğlu. Vətən sağ olsun (poema). [[Bütöv Azərbaycan qəzeti]]. 6 oktyabr 2010-cu il. № 38(37)
* Rauf İlyasoğlu. Vətən sağ olsun (poema). [[Bütöv Azərbaycan qəzeti]]. 6 oktyabr 2010-cu il. № 38(37)
*Mübariz İbrahimovun adını yaşadan "Mübarizlər" Cəmiyyəti. Təsisçi: Əbilfət Ataş oğlu Şahmarov 05 may 2019


== İstinadlar ==
== İstinadlar ==

17:26, 14 iyun 2019 tarixindəki versiya

Mübariz İbrahimov
Şəxsi məlumatlar
Doğum tarixi 7 fevral 1988(1988-02-07)
Doğum yeri
Vəfat tarixi 19 iyun 2010(2010-06-19) (22 yaşında)
Vəfat yeri
Vəfat səbəbi döyüşdə ölüm
Dəfn yeri
Vətəndaşlığı
Hərbi fəaliyyəti
Mənsubiyyəti Azərbaycan Respublikası, Azərbaycan Silahlı Qüvvələri
Qoşun növü Azərbaycan Quru Qoşunları
Xidmət illəri 2007–2010
Rütbəsi Gizir
Döyüşlər
Təltifləri Azərbaycanın Milli Qəhrəmanı
"Vətən Övladı" ordeni
İmzanın şəkli
Vikianbarın loqosu Vikianbarda əlaqəli mediafayllar

Mübariz İbrahimov (tam adı: Mübariz Ağakərim oğlu İbrahimov; 7 fevral 1988-ci il, Əliabad, Biləsuvar, Azərbaycan SSR – 18 iyun 2010-cu il, Çaylı kəndinin yaxınlığı, Tərtər, Azərbaycan) — Azərbaycan Milli Ordusunun giziri, Azərbaycanın Milli Qəhrəmanı, Azərbaycanda "ilin adamı" (2010).

Həyatı

Erkən illəri

Mübariz İbrahimov 1988-ci il fevralın 7-də Biləsuvar rayonunun Əliabad kəndində anadan olub.[1] 1994-cü il şəhid olmuş M.Piriyev adına Əliabad kənd orta məktəbinə daxil olmuşdur.[1] 2005-ci ildə orta təhsilini başa vurub, hərbi xidmətə çağrılmışdır.[1]

Hərbi illəri

Hərbi xidmətini Daxili Qoşunların "N" saylı hərbi hissəsinin Xüsusi Təyinatlı Bölüyündə keçirib.[1] Hərbi xidmətini 2007-ci ildə çavuş rütbəsində başa vurub.[1] Bir müddət “İnter Sekyuriti” MMC-də[2] mülki işlərdə işlədikdən sonra, 2009-cu ilin avqust ayında yenidən gizir rütbəsində hərbi xidmətdə çalışmağa başlayıb.[1] Bir müddət sonra öz arzusu ilə cəbhə bölgəsindəki hərbi hissələrdən birində xidmət etməyə başlayıb.[1]

Qəhrəmanlığı

18 iyun 2010-cu il tarixində gecə saat 23:30 radələrində gizir Mübariz İbrahimov təkbaşına iki ordu arasındakı bir kilometrlik minalanmış sahəni keçir.[3] Ermənistan Silahlı Qüvvələrinin çox sayda əsgər və zabitini gözlənilmədən birinci həmlədə məhv edir.[4] Sonra isə düşmənin öz silahlarını özünə qarşı istifadə edərək 5 saat onlarla təkbətək döyüşür. Düşməni ağır itkilərə məruz qoyur, onların zəif cinahlarını üzə çıxarır. Azərbaycan döyüşçüsü səhər saatlarında qeyri-bərabər döyüşdə qəhrəmancasına şəhid olur.

Atası Ağakərim İbrahimovun dediklərindən:

" Hadisənin səhəri günü tezdən saat 5-6 arasında mənə zəng gəldi. Soruşdular ki, oğlunuz evə gəlməyib ki? Hətta bildirdilər ki, çoxlu silah götürüb və ərazidən uzaqlaşıb. Dedim, mən oğlumu tanıyıram, sərhədə tərəf gedin. Sonra da məktubunu tapmışdılar....[5] "
2010-cu ildə Mübariz İbrahimovun valideynlərinə yazdığı son məktubunun əlyazması.

2010-cu ildə Mübariz İbrahimovun valideynlərinə yazdığı son məktubunun əlyazması:

" Canım, atam və anam. Məndən sarı darıxmayın. İnşallah, cənnətdə görüşəcəyik. Mənim üçün bol-bol dua edin. Vətənin dar günündə artıq ürəyim dözmür. Allaha xatir bunu etməliyəm. Ən azından ürəyim sərinlik tapar. Şəhid olanadək bu şərəfsizlərin üzərinə gedəcəyəm. Şəhid olsam – ağlamayın. Əksinə, sevinin ki, o mərtəbəyə yüksəldim. Allaha ibadətlərinizi dəqiq yerinə yetirin. Çoxlu sədəqə verin. Seyid nəvəsi olaraq bunu etməliyəm. Allah böyükdür. Vətən sağ olsun. Oğlunuz Mübariz.. Haqqınızı halal edin.[6] "

Həmin ildə Azərbaycan Prezidenti İlham Əliyev Mübariz İbrahimova "Azərbaycanın Milli Qəhrəmanı" adının (ölümündən sonra) verilməsi barədə sərəncam imzalamışdır.[3][7] Gizirə bu ad Azərbaycan Respublikasının müstəqilliyinin və ərazi bütövlüyünün qorunub saxlanılmasında müstəsna xidmətinə və göstərdiyi rəşadətə görə verilib.[3][7] Prezidentin başqa bir sərəncamı ilə İbrahimovun xatirəsini əbədiləşdirmək məqsədilə aşağıdakılar qərara alınmışdır:

" 1. Azərbaycan Respublikasının Nazirlər Kabineti Biləsuvar rayonunun orta məktəblərindən birinə Mübariz İbrahimovun adının verilməsini təmin etsin.
 2. Biləsuvar Rayon İcra Hakimiyyəti Biləsuvar rayonunda küçələrdən birinə Mübariz İbrahimovun adının verilməsini təmin etsin.[8]
İlham Əliyev
 "

Ölümü

Mübariz İbrahimovun II Fəxri Xiyabandakı məzarı

Mübariz İbrahimovun ölməsinə baxmayaraq, Ermənistan onun cəsədini 141 gün saxlamışdır. Ermənilər İbrahimovun cəsədinin şəkillərini internet saytlarında yayımlamışdır.[9]

Azərbaycan, Ermənistan və Rusiya prezidentlərinin Dağlıq Qarabağ münaqişəsinin tənzimlənməsinə dair 27 oktyabr 2010-cu il tarixli birgə bəyanatına uyğun olaraq, eyni zamanda, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının beynəlxalq təşkilatlarla apardığı müntəzəm danışıqların nəticəsində, İbrahimovun meyidi 6 noyabr 2010-cu il tarixdə Ağdam-Bərdə yolunun üzərində, işğal altındakı Baş Qərvənd kəndi yaxınlığında Ermənistan tərəfdən alınmışdır.[10] Proses Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Azərbaycan Respublikası Müdafiə Nazirliyi əməkdaşlarının iştirakı, Beynəlxalq Qızıl Xaç Komitəsinin vasitəçiliyi ilə həyata keçirilmişdir.[11]

2010-cu il noyabrın 7-də Müdafiə Nazirliyinin Təlim-Tədris Mərkəzində keçirilən vida mərasiminə Azərbaycan Prezidenti İlham Əliyev də qatılıb və nitq söyləmişdir.[12][13] Sonra şəhid, qəhrəman İkinci Fəxri xiyabanda dəfn olunmuşdur.[14]. 2010-cu il noyabrın 11-də Təzəpir məscidində prezident İlham Əliyevin adından şəhid hərbçilər İbrahimov və "İgidliyə görə" medalıyla təltif olunmuş baş leytenant Fərid Əhmədovun xatirəsinə ehsan mərasimi keçirilmişdir.[15]

Şəxsi həyatı

Boksla məşğul olmağı sevirdi.[16] Mübarizin cəbhə yoldaşı Rəşad Həsənlinin sözlərinə görə, İbrahimov namaz qılan idi və onun ən böyük arzusu səngərdə namaz qılanların olması idi.[17]

İrsi

Biləsuvar şəhərində lisey-məktəb kompleksi və küçə onun adını daşıyır.[18][19] 2008-ci ildə Azərbaycan Müdafiə Sənayesi Nazirliyinin istehsal etdiyi "İstiqlal" snayper tüfəngləri ailəsindən 12.7 mm çaplı ikinci tüfəng onun şərəfinə "Mübariz" adlandırılıb.[20]

2011-ci ildə Milli Qəhrəman Çingiz Mustafayev Fondu və ANS Şirkətlər Qrupu tərəfindən İbrahimova “İlin adamı” mükafatı təqdim olunmuşdur.[21] 2011-ci il 15 iyunda Biləsuvar şəhərində Mübariz İbrahimovun heykəlinin və Əliabad kəndi ərazisində prezident İlham Əliyevin tapşırığı ilə ailəsi üçün tikilmiş yaşayış evinin açılışı olub.[22] Tədbirdə Biləsuvar rayon İcra Hakimiyyətinin başçısı Mahir Quliyev, millət vəkili Qənirə Paşayeva, ombudsman Elmira Süleymanova və digərləri çıxış etmişdir.[22] Həmin ildə “Palmali” şirkətinin Türkiyədə hazırlardığı yük gəmisi onun şərəfinə "Mübariz İbrahimov" adlandırılıb.[23][24]

2014-cü ildə Kanadanın Ottava şəhərində yerləşən Minto Parkında Azərbaycan icmasının təşəbbüsü ilə Mübariz İbrahimov adına xatirə lövhəsi vurulub.[25][26]

2016-cı ildə Sumqayıtda küçələrdən birinə Milli Qəhrəman Mübariz İbrahimovun adı verilib.[27]

2016-cı ildə Azərbaycan Dövlət Neft və Sənaye Universitetində heykəli ucaldılmışdır.[28]

Filmoqrafiya

2010-cu ildə rejissor Etibar Məmmədov Mübariz İbrahimova həsr edilən "Müqəddəs zirvə" adlı film çəkilmişdir.[29]

2013-cü ildə Mübariz İbrahimovun qəhrəmanlığı TRT 1 kanalında nümayiş olunan "Sakarya Fırat" serialında geniş yer alıb.[30]

2014-cü ildə onun qəhrəmanlığı TRT 1 kanalında nümayiş olunan "Qızıl Alma" serialında geniş yer alıb.[31]

Təltif və mükafatları

Həmçinin bax

Ədəbiyyat

İstinadlar

  1. ↑ 1 2 3 4 5 6 7 Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 134-135.
  2. ↑ Milli Qəhrəman Mübariz İbrahimovun xatirəsinə həsr olunmuş mini futbol üzrə turnir keçiriləcəkdir
  3. ↑ 1 2 3 Azərbaycan Respublikası Xatirə Kitabı, X cild. səh.485.
  4. ↑ Ermənilər Mübarizin meyitini qaytarırlar
  5. ↑ Bu gün Mübariz İbrahimovun şəhid olduğu günüdür
  6. ↑ Şəhid Mübariz İbrahimovun son məktubu…
  7. ↑ 1 2 3 İlham Əliyev. "M.A.İbrahimova "Azərbaycanın Milli Qəhrəmanı" adının verilməsi haqqında Azərbaycan Respublikası Prezidentinin Sərəncamı" (az.). president.az. 2010-07-22. 2016-03-23 tarixində arxivləşdirilib. İstifadə tarixi: 2016-03-23.
  8. ↑ İlham Əliyev. "Azərbaycanın Milli Qəhrəmanı M.A.İbrahimovun xatirəsinin əbədiləşdirilməsi haqqında Azərbaycan Respublikası Prezidentinin Sərəncamı" (az.). president.az. 2010-07-22. 2016-03-23 tarixində arxivləşdirilib. İstifadə tarixi: 2016-03-23.
  9. ↑ Mübariz İbrahimov Azərbaycan gəncliyinin qürur mənbəyidir
  10. ↑ Şəhidlərimizin meyitinin ermənilərdən alınması prosesi başlayıb
  11. ↑ Şəhid hərbçilərimizin meyitlərinin qaytarılması ilə bağlı rəsmi məlumat
  12. ↑ "İlham Əliyev Milli Qəhrəman Mübariz İbrahimov və Fərid Əhmədovun vida mərasimində iştirak etmişdir" (az.). president.az. 2010-10-07. 2016-03-23 tarixində arxivləşdirilib. İstifadə tarixi: 2016-03-23.
  13. ↑ "Milli Qəhrəman Mübariz İbrahimov və baş leytenant Fərid Əhmədovun vida mərasimində İlham Əliyevin nitqi" (az.). president.az. 2010-10-07. 2016-03-23 tarixində arxivləşdirilib. İstifadə tarixi: 2016-03-23.
  14. ↑ Şəhidlər
  15. ↑ Prezidentin adından şəhidlərə ehsan verilib
  16. ↑ Mübariz İbrahimov haqqında bilmədiklərimiz (Müsahibə)
  17. ↑ Mübariz İbrahimov haqqında bilmədiklərimiz (Müsahibə)
  18. ↑ Biləsuvar şəhərində Milli Qəhrəman Mübariz İbrahimovun adını daşıyan küçədə yenidənqurma və abadlıq işləri başa çatmaq üzrədir
  19. ↑ Yeni təhsil ocağı Milli Qəhrəmanın adını daşıyır
  20. ↑ Mübariz İbrahimovun adını daşıyan "Mübariz" snayper tüfəngi
  21. ↑ ANS Milli Qəhrəmana mükafat verəcək
  22. ↑ 1 2 Biləsuvarda Azərbaycanın Milli Qəhrəmanı Mübariz İbrahimovun heykəlinin və ailəsi üçün tikilmiş yaşayış evinin açılışı olub
  23. ↑ Milli Qəhrəmanın adını daşıyan gəmi Azərbaycanda
  24. ↑ ""Palmali" şirkətinin "Mübariz İbrahimov" tankeri İstanbulda suya buraxılıb (FOTO)" (az.). trend.az. 2010-12-21. 2016-09-16 tarixində arxivləşdirilib. İstifadə tarixi: 2016-09-16.
  25. ↑ 1 2 3 4 5 6 Mübariz İbrahimovun xatirəsi harada və necə əbədiləşdirilib?
  26. ↑ Mubariz Ibrahimov’s memory perpetuated in Canada
  27. ↑ Zakir Fərəcov Sumqayıtda Mübariz İbrahimovun adını əbədiləşdirdi
  28. ↑ APA TV. "Bakıda Mübariz İbrahimova heykəl qoyuldu" (az.). Youtube.com. 04.10.2016. İstifadə tarixi: 2016-10-06.
  29. ↑ Ağa. "Müqəddəs zirvə": [Rejissoru Etibar Məmmədova məxsus Milli qəhrəman Mübariz İbrahimova həsr edilən eyni adlı film haqqında] //Xalq cəbhəsi.- 2010.- 23 sentyabr.- S. 9.
  30. ↑ "Sakarya Fırat" serialının Azərbaycanın Milli Qəhrəmanı Mübariz İbrahimova həsr olunmuş bölümünün geniş xülasəsi veriləcək
  31. ↑ Mübariz İbrahimovun qəhrəmanlığı Türkiyənin “Qızıl Alma” serialında da yer alıb.
  32. ↑ "Year passed since National Hero Mubariz Ibrahimov's death". news.az. İstifadə tarixi: 6 November 2015.
  33. ↑ Milli Qəhraman Mübariz İbrahimov “2010-cu ilin adamı” seçildi
  34. ↑ "Şəhidimiz təltif edildi - Mübariz İbrahimova verilən mükafat". az.azvision.az. az.azvision.az. 22 iyul 2016 tarixində arxivləşdirilib. İstifadə tarixi: 22 iyul 2016.
  35. ↑ Elektron Kitabxana: M hərfi
  36. ↑ Elxan Elatlı: “Detektiv janrda yazılan kitablar insan fantaziyasını gücləndirir”
  37. ↑ Milli Qəhrəman Mübariz İbrahimovla bağlı “Hünər simfoniyası”
  38. ↑ Milli Qəhrəmana həsr olunmuş kitab maraqla qarşılandı
  39. ↑ Milli Qəhrəman Mübariz İbrahimov haqqında yeni kitab çapdan çıxmışdır
  40. ↑ Mustafa Çəmənlinin Milli Qəhrəman Mübariz İbrahimov haqqında kitabı işıq üzü görüb

Xarici keçidlər

Vikisitatda Mübariz İbrahimov ilə əlaqədar sitatlar var.
Mənbə — "https://az.wikipedia.org/w/index.php?title=Mübariz_İbrahimov&oldid=4779248"