Veysəloğlu

Veysəloğlu Şirkətlər Qrupu
Ümumi məlumatlar
Tipi	MMC
Sənaye	Ticarət İstehsalat
Təsis tarixi	1994-cü il
veyseloglu.az

〚sil〛

Veysəloğlu — ticarət və istehsalat sahələri üzrə ixtisaslaşmış Azərbaycan şirkəti.

Tarixi

1994-cü ildən topdan satış mərkəzi kimi fəaliyyətə başlamış Veysəloğlu Satış və Distribütor Şirkəti ilk illərində yalnız Türkiyə Respublikasından qida məhsullarının idxalı ilə məşğul olurdu.

Şirkət hal-hazırda Azərbaycanın ən böyük şirkətlərindən biridir.

Fəaliyyəti

Şirkət insan amilinə önəm verərək 2001-ci ildən etibarən şokolad və karamel iistehsalına başlamışdır. “Ulduz” şokolad fabrikinin fəaliyyətə başlaması respublikamızın iqtisadiyyatında qənnadı və yeyinti sahəsinin inkişafına güclü təkan vermişdir. “ULDUZ” şokolad fabriki qida sənayesi sektorunda qabaqcıl şirkətlərdən birinə çevrilmişdir.

Şirkətin rəhbərliyi bunun üçün Almaniya, Belçika, İtaliya və bir sıra qabaqcıl Avropa ölkələrinin tanınmış şokolad istehsalçılarının fəaliyyət mexanizmini öyrənmiş və fabrikdə yeni müasir avadanlıqlar quraşdırılmışdır. Tamamilə avtomatlaşdırılmış, müasir qurğuların istismara verilməsi sayəsində məhsul istehsalı artırılmış və fabrikdə dünyanın an qabaqcıl müəssisələri ilə raqabət apara biləcək modern iş şəraiti qurulmuşdur.

Brendləri

Şirkət müxtəlif sahələri əhatə edən müxtəlif brendlərə sahibdir:

• Qidam
• Salatto
• Tomatto
• Vesta
• Seçmə
• Ulduz
• Estella
• La Monde
• Duhar
• Makaroni
• Mohobbat
• Konfella

Qrupa daxil olan şirkətlər

• Veysəloğlu MMC
• Araz Supermarket
• Ulduz Şokolad Fabriki
• Oba Marketlər Şəbəkəsi
• Spar
• Xonça
• Vesta MMC
• VG
• AVT Logistics
• Entrée

Şirkətin sosial layihələri

Veysəloğlu Şirkətlər Qrupu 2013-cü ildən etibarən “Veysəloğlu Tələbə Təqaüd Proqramı”nı (VTTP) həyata keçirməkdədir. Təqaüd Proqramına əsasən şirkət əməkdaşlarının ölkə daxilində və xaricdə ali təhsil müəssisələrinə qəbul olmuş övladlarına təhsilə dəstək məqsədilə aylıq və illik təqaüdlər ödənilir. Hazırda 50 nəfərdən artıq tələbə VTTP üzvüdür və yaxın gələcəkdə bu proqrama qoşulanların sayının artırılacağı gözlənilir.

Həmçinin şirkətlər qrupunda əməkdaşlarımızın şəxsi və peşəkar inkişaflarına yönəlik təlimlər, müxtəlif tədris layihələrinin təşkili ilə məşğul olan “Veysəloğlu İnkişaf Mərkəzi” (VİM) fəaliyyət göstərir.

Şirkət tez-tez universitetlərə “İnfotur”lar təşkil edərək tələbələri şirkətə dəvət edib, özlərinin iş strukturu və İR departamentlərinin fəaliyyəti, işə qəbul prosesi, karyera imkanları, şirkətlərin gənclərdən gözləntiləri barəsində informasiya verir.

Əmək və Əhalinin Sosial Müdafiəsi Nazirliyinin ali təhsil müəssisələrində tələbələr və məzunlar üçün “Karyerada ilk addım” devizi altında həyata keçirilən məşğulluq yarmarkalarında da şirkət aktiv şəkildə iştirak edir.

Hər il olduğu kimi 2018-ci ildə də Şirkətlər Qrupunun Koorporativ Sosial Məsuliyyət (KSM) layihələri işlənib hazırlanmışdır. Əsas məqsəd dövlət və bir çox QHT alyansları tərəfindən həyata keçirilən layihələrə dəstək olmaq, bir şirkət olaraq korporativ məsuliyyət borcunu yerinə yetirməkdir. Cəmiyyətin xüsusi istedadlı gəncləri, aztəminatlı təbəqələrinin sosial problemlərinin həlli istiqamətində icra olunacaq işlərin ardıcıllığını təmin edəcək layihədə 4 proqram əks olunmuşdur:

• Gələcəyimiz ulduz kimi parlasın!
• Unudulmayanlar proqramı
• İstedadlı gənclər proqramı
• Qayğının zamanı yoxdur proqramı

Bu proqramlar sayəsində əsasən şəhid ailələrinin, Qarabağ əlillərinin, valideynini itirmiş və ya maddi imkanı aşağı olan potensiallı tələbələrin sosial-iqtisadi problemlərinin, eyni zamanda şirkətə yardım və dəstək ilə bağlı ünvanlanmış müraciətlərin həllinə yönəlmişdir.

eysəloğlu Qrupda KSM layihələri çərçivəsində “Veysəloğlu konüllüləri” fəaliyyəti göstərir ki, bu könüllülər qaydada müvafiq plan əsasında fəaliyyət göstərir.

Şikrətin 2018-ci ildə həyata keçirdiyi sosial layihələr

Cümhuriyyətin 100 illiyinə həsr olunmuş tədbir

Veysəloğlu Şirkətlər Qrupu və SABAH qruplarının birgə təşkilatçılığı, Azərbaycan Respublikası Təhsil Nazirliyinin tərəfdaşlığı ilə Azərbaycan Xalq Cümhuriyyətinin 100 illik yubileyinə həsr olunan Universitetlərarası “Nə? Harada? Nə zaman?” intellektual yarışı keçirilmişdir.

1-ci, 2-ci və 3-cü yerin qaliblərinə sertifikatlar, medallar və kubok təqdim edilib, həmçinin Teas Press nəşriyyat evindən bestseller kitablar hədiyyə olunub. Bundan başqa turnirin çempionu “Promotey” komandası 2500 AZN, ikinci yerin sahibi “Fenomen” 1500 AZN, üçüncü yerə layiq görülən “Fətəlity” isə Veysəloğlu Şirkətlər Qrupu tərəfindən 1000 AZN pul mükafatı qazanıb.

Məntiq olimpiadası

Veysəloğlu Şirkətlər Qrupunun baş sponsorluğu, Xəzər Universitetinin akademik tərəfdaşlığı, Kainat Tədris Mərkəzi və ATGTİ-nin təşkilatçılığı ilə Azərbaycan Xalq Cümhuriyyətinin yaranmasının 100 illik yubileyinə həsr olunan III Tələbələrarası Məntiq Olimpiadasının qaliblərinin mükafatlandırma mərasimi keçirilmişdir. Park İnn otelində baş tutan tədbirdə Veysəloğlu Qrupun Biznesə Dəstək üzrə Baş direktoru İlqar Nuri, Xəzər Universitetinin professoru Fuad Rəsulov, ATGTİ-nin Beynəlxalq Əlaqələr şöbəsinin rəhbəri Ramin Həbibzadə və Kainat Tədris mərkəzinin direktoru İlqar Ağakişiyev və olimpiadanın iştirakçısı olmuş tələbələr iştirak etmişdirlər.

Tədbirin sonunda III Tələbələrarası Məntiq Olimpiadasının qalibləri mükafatlandırılıb. Belə ki, ilk onluğu tutan tələbələrə sertifikat, Teas Press Nəşriyyat evindən bestseller kitablar, planşet, noutbuk və 1-ci yerin sahinibə Veysəloğlu Qrup tərəfindən iPhone X mobil telefonu təqdim olunub, Xəzər Universitetindən isə 2 illik ödənişsiz MBA təhsili almaq şansı qazanıb. İkinci tura keçən 200 tələbəyə isə Ulduz Şokolad Fabrikindən şokoladlar, Kainat Tədris Mərkəzindən isə test kitabları hədiyyə olunub.

Gənclərə dəstək layihəsi

Veysəloğlu Şirkətlər Qrupu özünün Korporativ Sosial Məsuliyyət (KSM) siyasəti çərçivəsində Azərbaycan Respublikasının Təhsil Nazirliyi və Bakı Şəhəri üzrə Təhsil İdarəsinin dəstəyi ilə reallaşan “Gələcəyini Qur!” Gəncliyə Dəstək Layihəsinə dəstək olmuşdur.

Ramazan yardımı layihəsi

Müqəddəs Ramazan bayramı ilə əlaqədar olaraq Veysəloğlu Şirkətlər Qrupu özünün Korporativ Sosial Məsuliyyət (KSM) Proqramı çərçivəsində 400 nəfərdən artıq əhalinin sosial həssas qrupları hesab edilən, qayğıya ehtiyacı olan şəhid ailələri, əlillər, veteranlar, kimsəsiz və aztəminatlı insanları ziyarət edərək bayramlarını təbrik etmişdir.

Qanvermə aksiyası

Veysəloğlu Şirkətlər Qrupu 2018-ci ilin mart ayında da mərkəz ofisində qanvermə aksiyası təşkil etmişdi. Həmin xeyriyyə aksiyasında 200-ə yaxın şirkət əməkdaşı qan verərək, talassemiya xəstəliyindən əziyyət çəkənlərə, eyni zamanda bədbəxt hadisə nəticəsində yaralanan insanlara dəstək olmuşdu.

Aprel şəhidləri adlı sənədli film

Filmdə aprel döyüşlərində şəhid olan və "Azərbaycan bayrağı" ordeni ilə təltif edilən pilotlar - mayor Təbriz Musazadə, mayor Urfan Vəlizadə və baş leytenant Əbubəkir İsmayılovdan bəhs edilir.  "Bitməyən müharibənin qəhrəmanları" silsiləsindən 3 sənədli film çəkiləcək. "Aprel şəkilləri" sənədli filmi bu silsilədən birinci filmdir. Növbəti film aprel döyüşlərində şəhid olan və "İgidliyə görə" medalı ilə təltif edilən polkovnik-leytenant Raquf Orucova həsr ediləcək "Briqada komandiri" sənədli filmi olacaq".

Korporativ Sosial Məsuliyyət Proqramı

Veysəloğlu Şirkətlər Qrupu 2018-ci ilin Novruz bayramı ərəfəsində Korporativ Sosial Məsuliyyət Proqramı çərçivəsində “Müharibə, Əmək və Silahlı Qüvvələr” İctimai Birliyinin Nizami rayonu, “Əlil və Veteranlar” İctimai Birliyinin Abşeron rayonu, “Qarabağ Müharibəsi Əlilləri, Veteranları və Şəhid Ailələri” Nizami rayonu, Yasamal rayonu bölməsi, “Bakı Müharibə Əlil və Veteranlar” İctimai Birliyinin üzvləri, Məhəmmədi, Mehdiabad, Keşlə qəsəbəsinin sakinləri, Binəqədi, Nəsimi, həmçinin Nizami Rayonu İcra Hakimiyyətinin qeydiyyatında olan bir qrup sosial qayğıya ehtiyacı olan insanlarla görüş keçirib.

Novruz bayramı münasibətilə Veysəloğlu Qrupa daxil olan Ulduz şokolad fabriki, Araz supermarketlər şəbəkəsi, Oba marketlər şəbəkəsi adından 400-ə yaxın şəhid, əlil və veteran ailələrinə, aztəminatlı insanlara bayram sovqatı paylanılıb.

“Kosanın sürprizi” adlı sosial layihə

2018-ci ilin mart ayının 19-da Azərbaycan Dövlət İnformasiya Agentliyinin (AZƏRTAC) təşəbbüsü və təşkilatçılığı, APRA (Azərbaycan İctimaiyyətlə Əlaqələr Mütəxəssisləri Assosiasiyası), “Ulduz” şokolad fabriki və PROAKTİV şirkətinin tərəfdaşlığı ilə Füzuli rayonunun təmas xəttində yerləşən Qazaxlar kəndində Novruz bayramı münasibətilə “Kosanın sürprizi” adlı sosial layihə həyata keçirilib.

Qalereya

• Aprel şəhidlərinə həsr edilmiş filmin təqdimatı.
  Aprel şəhidlərinə həsr edilmiş filmin təqdimatı.
• Qazaxlar kəndində görüş.
  Qazaxlar kəndində görüş.
• Qan vermə aksiyası.
  Qan vermə aksiyası.

Filialları

Şirkətin Bakı şəhərində yerləşən mərkəzi anbarı, Cənub bölgəsini əhatə edən Salyan filialı, Qərb bölgəsini əhatə edən Mingəçevir filialı vardır.

Bakı baş ofisi

• Bakı baş ofisi
• Xaçmaz ofisi
• Sumqayıt ofisi

Salyan filialı

• Salyan baş ofisi
• Sabirabad ofisi
• Lənkəran ofisi

Mingəçevir ofisi

• Mingəçevir baş ofisi
• Tovuz ofisi
• Gəncə ofisi
• Göyçay ofisi
• Şəki ofisi
• Bərdə ofisi
• Mingəçevir 2saylı satış şöbəsi

İctimaiyyətlə əlaqələr şöbəsi

Veysəloğlu Şirkətlər Qrupunun İctimaiyyətlə əlaqələr şöbəsi 2014-cü ilin may ayından fəaliyyət göstərir. Şöbənin əsas fəaliyyət istiqaməti Veysəloğlu Qrupun fəaliyyəti haqda ictimaiyyəti mütəmadi məlumatlandırmaq, ictimaiyyəti maraqlandıran sorğuları cavablandırmaq, cəmiyyətdə qrupun korporativ və işgüzar nüfuzunun formalaşdırlmasını təmin etmək və sosial layihələrdə aktiv iştirak etməkdir. Həmçinin Qrupun Korporativ Sosial Məsuliyyət Proqramının icrası və marketinq strategiyasına uyğun birgə PR fəaliyyətinin təmin edilməsidir.

İşçi heyəti

2018-ci ilin fevral ayına şirkətlər qrupunda çalışan 17-35 yaş aralığında olan işçilər 80% təşkil edir. Şirkət əməkdaşlarının 64%-i isə 17-29 yaş aralığında olan gənclərdən ibarətdir. Bu isə o deməkdir ki, “Veysəloğlu” Şirkətlər Qrupunda çalışan əməkdaşların yarıdan çoxu gənclərdir.

Həmçinin şirkətlər qrupunda əməkdaşlarımızın şəxsi və peşəkar inkişaflarına yönəlik təlimlər, müxtəlif tədris layihələrinin təşkili ilə məşğul olan “Veysəloğlu İnkişaf Mərkəzi” (VİM) fəaliyyət göstərir.

Xarici şirkətlərlə əlaqələri

2007-ci ildən “Veysəloğlu” Şirkətlər Qrupu EBRD ilə əməkdaşlıq edir ki, bu əməkdaşlıq çərçivəsində həyata keçirilən layihələr hər iki tərəf üçün yüksək mənfəətlə tamamlanıb. Yeni istehsal sahələri və lojistik mərkəz layihələri həyata keçirilib.

2016-cı ildə korporativ idarəetmədə təkmilləşmə aparılması məqsədi ilə IFC şirkəti ilə əməkdaşlığa başlanıldı.

“Veysəloğlu” Şirkətlər Qrupunda hər il mütəmadi olaraq maliyyə auditi aparılır. Bu istiqamətdə Grant Thornton şirkəti ilə əməkdaşlıq edilib, son olaraq auditin nəticələri investorlarımıza təqdim olunur.

Xarici keçidlər

• Veysəloğlu şirkətinin rəsmi saytı