Azərbaycanda parlament seçkiləri (2010)

2010-ci il Azərbaycan Respublikasının Milli Məclisinə seçkilər — Milli məclisə 4-cü çağırış seçkiləri. 2010-cu il 7 noyabrda keçirilib.

Seçkilər

Milli Məclisin 4-cü çağırışının seçkiləri 7 noyabr tarixində keçirildi. Seçkilərdən əvvəl Milli Məclisin 3-cü çağırışının 25 deputatı yeni seçkilərdə iştirak etməyəcəklərini bildirmişdilər.

Vətəndaş Həmrəyliyi Partiyası və Demokratik İslahatlar Partiyası Demokratiya Blokunu yaratmış və 117 dairədə vahid namizədlə, 3 dairədə hər iki partiyanın öz namizədi ilə iştirak etmişdi.

Ümid Partiyası, Aydınlar Partiyası və Azərbaycan Demokrat Partiyası Qarabağ Seçki Blokunu yaradaraq seçkilərə qatılmışdır.

Seçkilər xarici nəzarətçilər tərəfindən nəzarət edilirdi. Seçkilərin nəticələrinə əsasən Yeni Azərbaycan Partiyası səsvermədə üstünlük qazanaraq 125 mandatdan 72-sini qazandı. Qalan mandatlardan 41-ini partiyasız namizədlər, 3-ünü Vətəndaş Həmrəyliyi Partiyası, 2-sini isə Ana Vətən Partiyası qazandı. Daha 7 partiya isə hərəyə 1 mandatla qazandı.

Nəticələr

Fayl:Azərbaycan Milli Məclisin IV çağırış millətvəkilləri 1.png

Azərbaycan Milli Məclisin IV çağırış millətvəkilləri

Partiya	Yerlərin sayı
Yeni Azərbaycan Partiyası	72
Demokratiya Seçki Bloku Vətəndaş Həmrəyliyi Partiyası Demokratik İslahatlat Partiyası	VHP 3 DİP 1
Ana Vətən Partiyası	2
Qarabağ Seçki Bloku Ümid Partiyası Azərbaycan Demokrat Partiyası	Ümid 1
Bütöv Azərbaycan Xalq Cəbhəsi Partiyası	1
Böyük Quruluş Partiyası	1
Ədalət Partiyası	1
Vətəndaş Birliyi Partiyası	1
Azərbaycan Sosial Rifah Partiyası	1
Bitərəflər (partiyasızlar)	41
Ümumi (səs verənlər 50.1%)	125
Mənbə: Adam Carr's Election Archive

IV çağırış Milli Məclisin deputatlarının ölkə üzrə dağılımı

Mənbə

• Milli Məclisin 4-cü çağırışının deputatları