Azərbaycan Ümid Partiyası: Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Silinən məzmun Əlavə edilmiş məzmun
Redaktənin izahı yoxdur
Teqlər: Mobil redaktə Mobil tətbiqetmə vasitəsilə redaktə iOS tətbiqetməsi vasitəsilə redaktə
Redaktənin izahı yoxdur
Teqlər: Mobil redaktə Mobil tətbiqetmə vasitəsilə redaktə iOS tətbiqetməsi vasitəsilə redaktə
Sətir 114: Sətir 114:


== İstinadlar ==
== İstinadlar ==
* [https://www.bbc.com/azeri/azerbaijan/2013/10/131011_umid_party_resignations Ümid Partiyasından istefalar İqbal Ağazadənin İlham Əliyevi təbrik etməsinə görə olub]

{{İstinad siyahısı}}
{{İstinad siyahısı}}



13:17, 4 sentyabr 2020 versiyası

Azərbaycan Ümid Partiyası

(Ümid Partiyası)
Loqonun şəkli
Sədri İqbal Ağazadə
Qurucu Əbülfət Əhmədov
Lideri İqbal Ağazadə
Quruluş tarixi 1993
Qeydiyyat tarixi 5 may 1993
İdeoloji spektr mərkəz sağ
Üzv sayı 59.000
Şüar "Ümidli gələcək, ümidlə gələcək"
Parlamentdə
0 / 125
Bələdiyyədə
0 / 125
Mətbuat orqanı Ümid Media
Saytı Ümid Partiyasının rəsmi veb saytı


Azərbaycan Ümid PartiyasıƏbülfət Əhmədov tərəfindən yaradılan və 5 may 1993-cü ildə dövlət qeydiyyatından keçən siyasi partiya. Hal-hazırda partiyanın sədri İqbal Ağazadədir.

Tarixi

Azərbaycan Ümid Partiyası 1993-cü ildə təsis edilib. Elə həmin ildə də dövlət qeydiyyatına alınıb. Partiyanın ilk sədri “Qızıl Qələm” mükafatı laureatı, jurnalist mərhum Əbülfət Əhmədov olub.

2002-ci ilin dekabrında Vətəndaş Birliyi Partiyasının Ümid Partiyasına birləşməsindən sonra 2002-ci il dekabrın 15-də Ümid Partiyasının III (I) Qurultayında partiyanın sədri İqbal Ağazadə seçilib.

2003-cü ilin martından etibarən Müxalifətin Koordinasiya Mərkəzinin demokratik və azad seçki tələbilə təşkil etdiyi kütləvi etiraz aksiyalarında aktiv iştirak edib.

2003-cü il iyunun 30-da Güney Azərbaycanda yaşayan soydaşlarımızın hüquqlarının tapdanmasına etiraz olaraq, İran İslam Respublikasının Bakıda yerləşən səfirliyi qarşısında partiya üzvlərinin keçirdiyi dinc aksiya polis tərəfindən dağıdılıb. Aksiya iştirakçılarının bir hissəsi ciddi bədən xəsarəti alıb və 6 nəfər həbs olunub.

2003-cü ilin 17 oktyabrında Ümid liderinin deputat toxunulmazlığı ləğv edilib. DİN MCQMİ əməkdaşları İqbal Ağazadənin evinə basqın edərək, onu 17 nəfər ailə üzvü, vəkili və jurnalistlərlə birlikdə həbs edib.

Siyasi böhrandan sonra müxalifətin ilk birgə tədbiri 20 aprel 2004-cü ildə Ümid Partiyasının Gənclər Təşkilatı tərəfindən təşkil olunub.

Bir il davam edən məhkəmə prosesindən sonra 22 oktyabr 2004-cü il tarixdə Ağır Cinayətlərə dair Məhkəmənin qərarı ilə 3 il müddətinə həbs olunan partiya lideri İqbal Ağazadə digər silahdaşları ilə birlikdə beynəlxalq təşkilatların təzyiqləri nəticəsində 20 mart 2005-ci ildə əfv fərmanı ilə azad edilib.

Seçkilərdə iştirakı

Prezident seçkiləri

2003-cü il may ayının 9-da partiyanın Ali Məclisi 2003-cü ilin prezident seçkilərində "Bizim Azərbaycan" blokunun namizədi Müsavat başqanı İsa Qəmbərin namizədliyinin dəstəkləmək və "Bizim Azərbaycan" blokuna qoşulmaq barədə qərar çıxardı və Müsavat partiyası ilə 21 may 2003-cü il tarixdə ikitərəfli saziş imzalandı.

15 oktyabr 2008-ci ildə Ümid Partiyası Prezident Seçkilərində iştirak edib. Ümid Partiyasının Qurultayında prezidentliyə namizəd olaraq, partiya sədri İqbal Ağazadə təqdim olunub və sədr Prezident Seçkilərində iştirak etmək hüququ qazanıb.

2013-cü il 9 oktyabr prezident seçkilərində də partiyanın namizədi İqbal Ağazadə olub.

2018-ci il 11 aprel növbədənkənar Prezident Seçkilərində partiya Qurultay keçirilmədiyi üçün seçkilərdə iştirak edə bilməyib.


İl Namizəd Nəticələri Nəticə
Səs % Yer
2003

İsa Qəmbər
338 145
14 %
2.
Məğlub
2008
Fayl:İqbal Ağazadə.jpg

İqbal Ağazadə
104,279
2.82%
2.
Məğlub
2013
Fayl:İqbal Ağazadə.jpg

İqbal Ağazadə
88 723
2.4 %
3.
Məğlub
2018
Boykot

Parlament seçkiləri

6 iyun 2005-ci il tarixdə Ümid Partiyasının Ali Məclisi "Bizim Azərbaycan" blokunda təmsilçilikdən imtina etməklə, Müsavat və digər partiyalarla ikitərəfli əməkdaşlığın davam etdirilməsini qərara aldı.

Ümid Partiyası 6 noyabr 2005-ci il Parlament Seçkilərinə 30 namizədlə qatılıb. Bu namizədlərdən biri də 35 saylı Xətai Üçüncü Seçki Dairəsindən deputatlığa namizəd Ümid Partiyasının lideri İqbal Ağazadə olub.

7 noyabr 2010-cu ildə Ümid Partiyası Parlament seçkilərinə Qarabağ bloku ilə qatılıb. Qarabağ blokunda Ümid Partiyası ilə yanaşı ADPAydınlar Partiyası da olub. Bu seçkilərdə də partiya bir mandatla parlamentdə təmsilçilik qazanıb, partiya sədri İqbal Ağazadə 35 saylı Xətai Üçüncü Seçki Dairəsindən millət vəkili seçilib.

Partiya 1 noyabr 2015-ci ildə parlament seçkilərinə 125-lər Siyasi Klubu layihəsi ilə (125 seçki dairəsinin hər birindən namizəd) qatılıb.

2020-ci il 9 fevral tarixində keçirilən növbədənkənar Parlament Seçkilərində yetmiş seçki dairəsindən namizəd irəli sürüb. Partiya parlamentdə təmsil olunmaq hüququ qazana bilməyib, 35 saylı Xətai Üçüncü Seçki Dairəsində seçkilərin nəticələrinin ləğvi ilə bağlı hüquqi müstəvidə mübarizəsini davam etdirib. Partiya sədri İqbal Ağazadənin namizəd olduğu 35 saylı Xətai Üçüncü Seçki Dairəsində saxtalaşdırılmış seçki nəticələri ləğv olunub, dairədə təkrar seçkilər keçiriləcək.

Bələdiyyə seçkiləri

Ümid Partiyası 17 dekabr 2004-cü ildə keçirilən Bələdiyyə Seçkilərində iştirakdan imtina edib.

Ümid Partiyası 23 dekabr 2014-cü il bələdiyyə seçkilərində iştirak edib. Namizədliyi qeydə alınan partiya üzvlərindən bir neçəsi şəhər və kənd bələdiyyələrinin üzvü seçilib.

2019-cu il 23 dekabr növbədənkənar bələdiyyə seçkilərində iştirak edən partiya seçkilərin total saxtalaşdırılması səbəbindən bələdiyyələrdə təmsil olunmaq hüququ qazana bilməyib.

Referendumlarda

Ümid Partiyası 2009-cu ildə Konstitusiya dəyişikliyinə etiraz olaraq, müxalifətin Antireferendum Koalisiyasının yaranmasını təşkil edib. Partiya həmin ildə də Bələdiyyə Seçkilərində müxalifət düşərgəsindən ən çox namizədlə seçkilərə qatılıb. Bir neçə namizəd bələdiyyədə təmsil olunmaq hüququ qazanıb.

Partiya qərargahı

Ümid Partiyası Nərimanov rayonu ərazisində yerləşən birmərtəbəli özəl binada yerləşir.

İstinadlar

Xarici Keçidlər