"İgidliyə görə" medalı

"İgidliyə görə" medalı
Ölkə	Azərbaycan
Tip	medal
Təltif edir	Azərbaycan Respublikasının Prezidenti
Status	təqdim olunur
Statistika
Təsis tarixi	10 noyabr 1992
Ardıcıllıq
Yüksək mükafat	"Vətən uğrunda" medalı
Aşağı mükafat	"Cəsur döyüşçü" medalı
Vikianbarda əlaqəli mediafayllar

"İgidliyə görə" medalı — Azərbaycanın dövlət təltifi (medal). Azərbaycan Prezidenti Əbülfəz Elçibəyin 10 noyabr 1992-ci il tarixli Sərəncamına əsasən təsis edilən medaldır.

Təsis edilməsi

1992-ci il noyabrın 10-da Azərbaycan Milli Məclisinə "Azərbaycanın orden və medallarının təsis edilməsi haqqında" Azərbaycanın Qanununun qəbul edilməsi layihəsi təqdim edildi. Qanun layihəsinə əsasən 4 orden və 5 medal təsis edildi, həmçinin onların status və təsvirləri təsdiq olundu.

İgidliyə görə medalının təsviri

Medalın üstündə səkkizguşəli ulduzun fonunda başında dəbilqə və əlində süngülü tüfəng olan əsgərin yandan görünüşü təsvir edilmişdir. Əsgər təsvirinin solunda, çevrə boyunca "İgidliyə görə" sözləri həkk olunmuşdur. Yazı və təsvirlər qabarıqdır.

Arxa tərəfi hamar səthlidir, ortasında medalın nömrəsi həkk olunmuşdur. Medal halqa və ilgəyin vasitəsi ilə 27 mm x 43 mm tünd və açıq yaşıl fon da xara lent lə bükülmüş nazik düzbucaqlı lövhəyə birləşdirilir. Lövhənin aşağı hissəsində milli ornament üslubunda təsvir olunmuş halqalı düzbucaqlı çıxıntı, arxa tərəfində isə paltara bərkidilmək üçün müvafiq bərkidici element vardır. Medala paltara bərkidilmək üçün elementi olan, üzərində aypara və ulduz təsvir edilən eyni xara lentdən hazırlanmış 27 mm x 9 mm ölçülü qəlib əlavə olunur.

iyun 2009-cu ilədək	iyul 2009-cu ildən
Lent