Şahnaz Haşımova

Şahnaz Haşımova
Ümumi məlumatlar
Doğum tarixi	2 iyun 1957
Doğum yeri	Kirovabad, Azərbaycan SSR, SSRİ
Vətəndaşlığı	SSRİ  Azərbaycan
Musiqiçi məlumatları
Fəaliyyəti	müğənni xanəndə müəllim
Fəaliyyət illəri	1972 ci ildən
Janr	soprano
Musiqi aləti	fortepiano
Səs tembri	Soprano
Təhsili	Ali təhsil
Üzvlüyü	Azərbaycan Ağsaqqallar Şurası
Mükafatları

Şahnaz Həsən qızı Haşımova (d. 2 iyun 1957, Kirovabad) — Azərbaycan müğənnisi, Azərbaycan Respublikasının xalq artisti (2000). Azərbaycan Respublikası Prezidentinin fərdi təqaüdçüsü. (2016) Gəncə Dövlət Filarmoniyasının direktoru vəzifəsində işlədi.(1997-2016) 1975 ci ildən Göy-Göl Dövlət mahnı və rəqs ansamblının solistidir. Gəncə Musiqi Kollecinin xanəndə müəllimi.

Həyatı

Şahnaz Həsən qızı Haşımova 2 iyun 1957 ci ildə Gəncə şəhərində anadan olub. M.C.Paşayev adına 39 nömrəli tam orta məktəbin rus bölməsini bitirmişdir. Q.Hüseynli adına Gəncə Musiqi Texnikumunu bitirmişdir (1975-1979). Dağıstan idarə etmə və biznes universitetinin Hüquq fakültəsini bitirmişdir(1998-2004) 1971–1973 illərdə bədii özfəaliyyət kollektivlərinin "Oxu, tar" festivalının iştirakçısı olmuşdur. 1975-ci ildən "Göy-göl" xalq çalğı alətləri ansamblının (1977-ci ildən "Göy-göl" Dövlət Mahnı və Rəqs Ansamblının) solistidir. Eyni zamanda Gəncə Musiqi Kollecinin xanəndə müəllimidir. 1997 ci ildən 2016 cı ilə qədər Gəncə Dövlət Filarmoniyasının direktoru vəzifəsində çalışmışdır. Repertuarına xalq mahnıları ("Uca dağlar", "Qaragilə", "Şuşanın dağları və s.), Ritmik muğamlar (Kəsmə şikəstə, Qarabağ şikəstəsi, Simayi şəms,) Muğamlar (Mirzə Hüseyn segahı, Kürdü Şahnaz, Mahur hindi, Qatar, Bayatı kürd, və s.), Azərb. bəstəkarlarının mahnıları, həmçinin türk, fars, tacik, əfqan, ərəb və s. xalqların mahnıları daxildir.

Şahnaz Haşımovanın respublikanın hüdudlarından çox-çox uzaqlarda milli musiqimizin, muğamatımızın tanınmasında, təbliğində xüsusi xidmətləri vardır. O, F.Əmirov adına Gəncə Dövlət Filarmoniyasına bacarıqla rəhbərlik edib.

Ş.Haşımova şəhərin ictimai-siyasi həyatında fəal iştirak etməklə yanaşı,Gəncə Dövlət Filarmoniyasının "Göy-Göl" Dövlət Mahnı və Rəqs Ansamblı, Xalq Çalğı Alətləri Orkestri və Dövlət Kamera Orkestrinin konsertlərinə bədii rəhbərlik və təşkilatçılıq edir.

Ş.Haşımova bir çox xarici ölkələrdə dəfələrlə Azərbaycan musiqisinin əsl təbliğatçısı olmuş, yetişdirdiyi gənc müğənnilərlə Azərbaycanda və xarici ölkələrdə Azərbaycan musiqisini layiqincə təmsil etmişdir. Şahnaz Haşımovanın Azərbaycan televiziyası və radiosunun "Qızıl Fondu"nda saysız-hesabsız lent yazıları qorunur və saxlanılır. Eyni zamanda rəhbərlik etdiyi kollektivlər AzTV və digər televiziya kanallarında çıxış edirlər.

Şahnaz Haşımova Gəncə Dövlət Filarmoniyasının musiqi kollektivlərinin cəbhə bölgələrində, əsgərlər qarşısında, qaçqın və köçkünlər qarşısında dəfələrlə çıxışlarını təşkil etmiş, özü ifa etdiyi vətənpərvərlik mahnıları ilə onlarda yüksək əfvali-ruhiyyə yaradaraq, respublika Prezidentinin apardığı daxili və xarici siyasətin dəstəkləyicisi və təbliğatçısı olmuşdur.

Azərbaycan Respublikasının Xalq Artisti Şahnaz Haşımova özünün yüksək səhnə mədəniyyəti, savadı, özünəməxsus ifa tərzi, şirin və məlahətli səsi, bir sıra gözəl insani keyfiyyətləri ilə çalışdığı kollektivin və xalqın sevimlisinə çevrilmişdir.

Ş. Haşımova 17 may 1989-cu ildə "Azərbaycan SSR Əməkdar artisti", 28 oktyabr 2000-ci ildə "Azərbaycan Respublikasının Xalq artisti" fəxri adlarına layiq görülmüşdür. 2002 ci ildən2015-ci ilə qədər hər il Prezident Mükafatına layiq görülmüşdür.

6 may 2016-cı ildə Azərbaycanın Respublikası Prezidentinin fərdi təqaüdünə layiq görülmüşdür.

Ailəsi

Azərbaycan Respublikasının Əməkdar artisti Müğənni Aybəniz Haşımovanın bacısıdır.

Mükafatları

17 may 1989 cu ildə Azərbaycan SSR Əməkdar artisti fəxri adına

28 oktyabr 2000 ci ildə Azərbaycan Respublikasının Xalq artisti fəxri adına

2002 ci ildən 2015 ci ilə qədər hər il Prezident mükafatına.

6 may 2016 cı ildə Azərbaycan Respublikası Prezidentinin fərdi təqaüdünə layiq görülmüşdür

Həmçinin bax

• Azərbaycan musiqisi
• Aybəniz Haşımova
• Gəncə