Əvəz Zeynallı

Əvəz Zeynallı
Əvəz Tapdıq oğlu Zeynallı
Fayl:Əvəz Zeynallı.jpg
Doğum tarixi	1 yanvar 1970(1970-01-01) (54 yaş)
Doğum yeri	Ağbulaq, Krasnoselsk rayonu, Ermənistan SSR, SSRİ
Təhsili	Ankara Universitetinin Hüquq bölməsi[d] (1991–1999)
Fəaliyyəti	jurnalist

Zeynallı Əvəz Tapdıq oğlu (1 yanvar 1970, Ağbulaq, Krasnoselsk rayonu) — Xural qəzetinin baş redaktoru.

Həyatı

Əvəz Zeynallı 1 yanvar 1970-ci ildə Göyçə mahalının Ağbulaq kəndində (Ermənistan SSR-nin Krasnoselskiy rayonu) anadan olub. 1988-ci ildə Ermənistan SSR-dən digər azərbaycanlılarla birlikdə deportasiyaya məruz qalıb. 1988-1990-ci illər ərzində Sovet ordusu sıralarında xidmət edib.

1991-ci ildə Türkiyənin Ankara Universiteti hüquq fakültəsinə daxil olub. Türkiyədə olarkən "Böyük Gələcək" dərgisini nəşr etdirib. 1999-cu ildə Azərbaycana qayıdıb, müxtəlif qəzetlərdə çalışıb. "Günaydın", "P.S.", "Millətin səsi" qəzetlərinin yazarı, Vətəndaş Həmrəyliyi qəzetinin baş redaktoru olub. 2002-ci ildə “Xural” qəzetini yaradıb və bu qəzetin baş redaktoru kimi fəaliyyət göstərib.

Hazırda jurnalistlik fəaliyyətini Xural TV youtube kanalında canlı yayınlanan "Siyasət Meydanı"verilişinin müəllifi və aparıcısı, eləcə də xural.com saytının baş redaktoru olaraq davam etdirir.

Həbsi

2011-ci il oktyabrın 28-də sabiq deputat, sonradan rüşvətalma faktı ilə dələduzluqda ittiham edilərək həbs olunan Gülər Əhmədovanın "üzədurması" ilə həbs edilib. 7 ay sürən istintaq araşdırması, 1 il aparılan məhkəmə prosesi zamanı haqqında qaldırılan heç bir cinayət işi sübutunu tapmayıb. Buna baxmayaraq, uzun illər baş redaktoru olduğu Xural qəzetində hakimiyyətin korrupsiyasına qarşı mübarizə apardığı üçün Korrupsiyaya qarşı mübarizə İdarəsinin və PA-nın sabiq rəhbəri Ramiz Mehdiyevin göstərişi ilə AR CM-nin ən ağır korrupsiya maddələrilə Ağır Cinayətlərə dair işlər üzrə Azərbaycan Respublikasının məhkəməsinin hökmü ilə 9 il azadlıqdan məhrum edilib. Həbsindən dərhal sonra Amnesty İnternational beynəlxalq təşkilatı tərəfindən siyasi və vicdan məhbusu elan edilib. ABŞ Dövlət Departamenti iki dəfə Azərbaycan hakimiyyətindən Əvəz Zeynallının azadlığa buraxılması tələbilə çıxış edib. 2014-cü ildə, 3 il, 1 ay həbsdə qalandan sonra prezident İlham Əliyevin verdiyi əfv sərəncamı ilə azadlığa buraxılıb.

Ailəsi

Ailəlidir, iki qız övladı var. Həyat yoldaşı Məlahət Zeynallı da jurnalistdir.

Xarici keçidlər

• Əvəz Zeynallının qısa tərcümeyi-halı
• Əvəz Zeynallı Arxivləşdirilib 2016-10-26 at the Wayback Machine