Əvəz Zeynallı

Əvəz Zeynallı
Fayl:Əvəz Zeynallı.jpg
Doğum tarixi	1 yanvar 1970(1970-01-01) (54 yaş)
Doğum yeri	Ağbulaq, Krasnoselsk rayonu, Ermənistan SSR, SSRİ
Təhsili	Ankara Universiteti
Fəaliyyəti	jurnalist

Əvəz Tapdıq oğlu Zeynallı və ya Əvəz Tapdıq oğlu Zeynalov — Xural qəzetinin təsisçisi və baş redaktoru, Xural TV onlayn kanalının təsisçisi.

Həyatı

Əvəz Zeynallı 1970-ci ilin yanvarın 1-də Göyçə mahalının Ağbulaq kəndində anadan olub. 1988-ci ildə Ermənistan SSR-dən digər azərbaycanlılarla birlikdə deportasiyaya məruz qalıb. 1988–1990-ci illər ərzində Sovet ordusu sıralarında xidmət edib. 1991-ci ildə Ankara Universiteti hüquq fakültəsinə daxil olub.

İctimai fəaliyyəti

Türkiyədə olarkən "Böyük Gələcək" dərgisini nəşr etdirib.

1999-cu ildə Azərbaycana qayıdıb, müxtəlif qəzetlərdə çalışıb. "Günaydın", "P.S.", "Millətin səsi" qəzetlərinin yazarı, Vətəndaş Həmrəyliyi qəzetinin baş redaktoru olub. 2002-ci ildə "Xural" qəzetini yaradıb və bu qəzetin baş redaktoru işləyib.

Həbsi

2011-ci ildə külli miqdarda rüşvət alma, hədə-qorxu tətbiq olunmaqla rüşvət alma və təkrar rüşvət alma, o cümlədən xeyli miqdarda vergiləri və ya məcburi dövlət sosial sığorta haqlarını ödəməkdən yayınma ittihamları irəli sürülərək azadlıqdan məhrum edilib. 2014-cü ildə Azərbaycan Respublikasının Prezidenti İlham Əliyevin əfv fərmanı ilə azadlığa çıxmışdır.

Ailəsi

Ailəlidir, iki qız övladı var.