Emin Musavi

Emin Musavi
Emin Qabil oğlu Musavi
Emin Musavi
Doğum tarixi	29 sentyabr 1976(1976-09-29) (47 yaş)
Doğum yeri	Bakı, Azərbaycan SSR, SSRİ
Atası	Qabil Musavi
Anası	Zemfira Novruzbəyova
Milliyyəti	Azərbaycanlı
Təhsili	Azərbaycan Tibb Universiteti, Azərbaycan Respublikasının Prezidenti yanında Dövlət İdarəçilik Akademiyası
Fəaliyyəti	1997 - davam edir
emin-musavi.business.site
Vikianbarda əlaqəli mediafayllar

Musavi Emin Qabil oğlu (29 sentyabr 1976, Bakı) — Azərbaycan jurnalisti, televiziya və radio aparıcısı, "ASAN Radio"nun direktoru.

Həyatı

Musavi Emin Qabil oğlu 29 sentyabr 1976-cı ildə Bakı şəhərində doğulub. Orta təhsilini Bakı şəhər 46 saylı orta məktəbdə alıb.

1994-2000-ci illərdə Azərbaycan Tibb Universitetinin Pediatriya fakültəsində Psixiatr ixtisasına yiyələnib. Həmçinin Bakı Sosial İdarəetmə və Politologiya İnstitutunu Politologiya ixtisası üzrə bitirib.

1997-1999-ci illərdə ANS ÇM radiosunda aparıcı vəzifəsində çalışıb.

1999-2000-ci illərdə 106 FM radiosunda direktor vəzifəsində çalışıb.

2000-2002-ci illərdə orduda həqiqi hərbi xidmətdə olub.

2003-2004-ci illərdə Space TV-də aparıcı, 2004-2012-ci illərdə “Azad Azərbaycan” radiosunda (106.3 FM) direktor və aparıcı kimi fəaliyyətini davam etdirib. Eyni zamanda “Azad Azərbaycan Televiziyası”nda aparıcı və müəllif kimi çalışıb.

2010-2015-ci illərdə Latviya səfirliyində KİV-lərlə iş üzrə məsləhətçi (ictimai əsaslarla) vəzifəsində işləyib. Xarici ölkələr üçün tanıtım xarakterli filmlərin çəkilməsi və həmin filmlərin xarici kanallarda yayımlanması da fəaliyyət sahəsinə daxil olub.

Televiziya layihələri çərçivəsində dünyanın aparıcı siyasətçiləri - İsrailin prezidenti Şimon Peres, Latviya prezidentləri, Estoniya, Argentina, Almaniya rəsmiləri, parlament üzvləri ilə, eyni zamanda, Layma Vaykule, Vaxtanq Kikabidze, Raymond Pauls, Polad Bülbüloğlu və s. kimi sənətçilərdən müsahibə alıb.

2015-ci ildən ASAN Radionun direktoru vəzifəsində fəaliyyət göstərir.

2019-cu ildə “EU NEİGHBOURS” Şərq layihəsi çərçivəsində Helsinki və Tallin şəhərlərində, 2 dəfə isə Amerikada olub xüsusi audio və video buraxılışlar hazırlayıb. “IVLP” proqramı çərçivəsində Amerikanın müxtəlif ştatlarında yerləşən radiostansiyalarda təcrübə mübadiləsində iştirak edib. “Hello, America!” və “Avropadasan” verilişlərinin prodüserlik vəzifəsini icra edib. 2021-ci ildə Azərbaycan Respublikasının Medianın İnkişafı Agentliyi və ADA Universitetinin İxtisasartırma Proqramlarının birgə təşkilatçılığı ilə keçirilən “Mediada islahatlara doğru” silsilə seminarların iştirakçısı olub.

Ailəlidir, 2 övladı var.

Təltifləri

• "ASAN FM" radiosunun direktoru Emin Musavi Rayonun ictimai‐siyasi, sosial‐iqtisadi və mədəni həyatındakı yeniliklərin ictimaiyyətə obyektiv və qərəzsiz, şəkildə çatdırılmasında xidmətlərinə görə 22 iyul Milli Mətbuat və Jurnalistika günü münasibəti ilə Binəqədi Rayon İcra Hakimiyyəti başçısının Fəxri Fərmanı ilə təltif olunmuşdur.

• "ASAN xidmət" işçilərinin peşə bayramı günü münasibətilə və dövlət xidmətlərinin göstərilməsinin təkmilləşdirilməsində səmərəli fəaliyyətinə görə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin əməkdaşı Emin Musavi Azərbaycan Respublikası Prezidentinin Sərəncamına əsasən "Tərəqqi" medalına layiq görülmüşdür.

Xarici kecidlər

• Emin Musavi BKM-nin "Oxu saatı"nın qonağı oldu
• The second year of COVID-19 in Azerbaijan: fake news versus real problems
• APA Holding, ASAN radio sign MoU for cooperation
• “Hello to Soldier” on the occasion of the Armed Forces Day
• Excursion of the Binagadi youth to the administrative buildings of the Asan Radio and Public TV on the occasion of the "National Press and Journalism Day"
• YARAT WEEKLY TALKS: EMIN MUSAVI
• Emin Musavi "ASAN Radio"nun fəaliyyəti barədə təqdimat etdi
• Emin Musavi: “Azərbaycan Beynəlxalq Bankı ilə birgə bunu bacardıq”
• "History of Azerbaijan" project continues at ASAN Radio
• ASAN Radio’s "Hello, America" program to be broadcast with support from ADA University
• womex.com - MUSAVI, EMIN Press, Radio, Tv