Xələc (Şərur)

Vikipediya, açıq ensiklopediya
Keçid et: naviqasiya, axtar
Yaşayış yeri
Xələc
Ölkə Azərbaycan
Region Naxçıvan
Rayon Şərur rayonu
Koordinatlar 39°31′00″ şm. e. 44°57′00″ ş. u. / 39.51667° şm. e. 44.95000° ş. u. / 39.51667; 44.95000Koordinatlar: 39°31′00″ şm. e. 44°57′00″ ş. u. / 39.51667° şm. e. 44.95000° ş. u. / 39.51667; 44.95000
Saat qurşağı UTC+04:00
Xəritəni aç/bağla
Xələc (Şərur) (Azərbaycan)
Red pog.png

XələcŞərur rayonunun eyniadlı kəndindən 200 metr cənubda Arazın sol sahilində,eyniadlı dağın şimal yamacında Eneolit dövrünə aid yaşayış yeri.

Ümumi məlumat[redaktə | əsas redaktə]

Yerli əhali həmin ərazidən qəbiristanlıq kimi istifadə edərkən ətrafa çoxsaylı maddi mədəniyyət nümunələri səpələnmişdir.Buradan samanqum qatışıqlı gildən əldə hazırlanmış qırmızı rəngli keramika məmulatı(küpə,xeyrə,kasa tipli qablar)toplanmışdır.Qabların bir qisminin xarici səthində daraqvarı alətlə işlənmiş izlər var,digər qisminin xarici,bəzən də daxili səthi müxtəlif çalarlı qırmızı və çəhrayı rəngli boya ilə örtülmüşdür.Bəzi nümunələr yapma,çərtmə və cızma üsulu ilə bəzədilmişdir.Yaşayış yerindən dən daşları,obsidian(dəvəgözü) və çaxmaqdaşı lövhələri tapılmışdır.Çaxmaqdaşı lövhələrinin kürək hissəsinin daraqvarı alətlə işlənməsi diqqəti cəlb edir.Tapıntılar Ovçular təpəsi materiallarına yaxındır.Üzəri boyalı keramika nümunələri Urmiya gölünün(Cənubi Azərbaycan) şərqindəki Eneolit abidələrinin keramikası ilə analogiya təşkil edir.Dağın ətəyindən çəkilən suvarma kanalının kənarlarında isə ilk Tunc dövrünə (Kür-Araz mədəniyyəti) aid keramika nümunələrinə rast gəlinmişdir.Yaşayış yerindən azacıq aralı Orta Tunc dövrünə aid bütöv boyalı qab nümunələri də tapılmışdır.Həmin qablar həm ornamentlərinə,həm də formalarına görə Kültəpə I qablarının eynisidir.Bütövlükdə,Xələc yaşayış yeri eradan əvvəl 4-3-cü minillikləri əhatə edir.[1]

Tarixi[redaktə | əsas redaktə]

29 mart 2005-ci ildə Xələc kəndi Alışar kənd inzibati ərazi dairəsi tərkibindən ayrılaraq,həmin kənd mərkəz olmaqla,Xələc kənd inzibati ərazi vahidi yaradılmışdır.[2]

Həmçinin bax[redaktə | əsas redaktə]

Ədəbiyyat[redaktə | əsas redaktə]

  • Əliyev N.H.,Хələc Eneolit yaşayış yeri,Azərbaycan ali məktəb aspirantlarının VIII elmi konfransı(tezislər).Bakı.1985,
  • Сейидова А.Г.,Памятники куро-аракской культуры Нахичевани,Б.1993.

İstinadlar[redaktə | əsas redaktə]

  1. Naxçıvan ensiklopediyası.Bakı.2002.səh:594
  2. "Naxçıvan Muxtar Respublikasının bəzi rayonlarının inzibati ərazi bölgüsündə qismən dəyişikliklər edilməsi haqqında Azərbaycan Respublikasının Milli Məclisinin 29 mart 2005-ci il tarixli, 874-IIQ nömrəli Qərarı" (azərb.). e-qanun.az. 29 mart 2005. Arxivləşdirilib: [1] saytından 24 iyun 2016 tarixində. https://web.archive.org/web/20160624122548/http://www.e-qanun.az/alpidata/framework/data/9/f_9500.htm. İstifadə tarixi: 24 iyun 2016.