Xəlfə İbrahimov

Vikipediya, açıq ensiklopediya
Jump to navigation Jump to search
Xəlfə İbrahimov
Xəlfə İmamqulu oğlu İbrahimov
Xəlfə İbrahimov.jpg
bayraqŞamaxı şəhər Partiya Komitəsinin ikinci katibibayraq
1959 — 1960
bayraqDaşkəsən rayon Partiya Komitəsinin birinci katibibayraq
bayraqQasım İsmayılov rayon Partiya Komitəsinin birinci katibibayraq
bayraqBərdə rayon Partiya Komitəsinin birinci katibibayraq
bayraqAğdaş rayon Partiya Komitəsinin birinci katibibayraq
Şəxsi məlumatlar
Təhsili Azərbaycan Dövlət Universiteti
Doğum tarixi 1919(1919-Şablondakı doğum və ya ölüm tarixində texniki yanlışlıq var!-00)
Doğum yeri Şamaxı Rayonu Azərbaycan SSR
Vəfat yeri
Atası İmamqulu İbrahimov
Anası Bahar İbrahimova
Həyat yoldaşı Tura İbrahimova Nemət qızı
Uşaqları Ruslan İbrahimov, Hüseynqulu İbrahimov, Qulu İbrahimov, Sürəyya İbrahimova, Ofeliya İbrahimova, Fəridə İbrahimova

Mükafatları "Lenin" ordeni "Oktyabr İnqilabı ordeni" ordeni "Qırmızı Əmək Bayrağı" ordeni

İbrahimov Xəlfə İmamqulu oğlu (1919 - 1980, Şamaxı, Azərbaycan SSR) — SSRİ Ali Sovetinin deputatı, Şamaxı şəhər Partiya Komitəsinin ikinci katibi

Həyatı[redaktə | əsas redaktə]

İbrahimov Xəlfə 1919-cu ildə Şamaxı qəzasının Sündü kəndində doğulmuşdur. Kənd məktəbini bitirdikdən sonra, təhsilini Şamaxı Pedaqoji məktəbində davam etdirmişdir. Təzəcə müəllimlik edirdi ki, Böyük Vətən müharibəsi başlayır. O, cəbhəyə yollanır. Cəbhədə ağır döyüşlərdə şücaətlər göstərir. Onun bu qəhrəmanlıqları müxtəlif orden və medallara layiq görülür.

Müharibədən qayıtdıqdan sonra, X.İbrahimov Mərəzə rayon maşın-traktor stansiyasında hərbi işlər üzrə komissar, sonra isə rayon PK-nin katibi vəzifəsində çalışmışdır. Cavan olmasına baxmayaraq o, belə məsuliyyətli rəhbər vəzifənin öhdəsindən bacarıqla gələ bilir, rayon rəhbərliyinin etimadını layiqincə yerinə yetirirdi.

X.İbrahimov istehsalatdan ayrılmamaqla təhsilini davam etdirmişdir. O, əvvəl BDU-nun (keçmiş S.M.Kirov adına ADU) sonra isə Azərbaycan KP MK yanında Ali Partiya məktəbini bitirmişdir. İlk əvvəl – 1959-1960 cı illərdə Şamaxı rayon PK-nın ikinci katibi, sonralar isə Daşkəsən, Qasım İsmayılov, Bərdə və Ağdaş rayon PK-nın birinci katibi vəzifəsində çalışmışdır. Həmin rayonlarda abadlıq işlərinin görülməsi, kütləvi tədbirlərin keçirilməsi, yeni müəssisələrin yaradılmasına var qüvvəsi ilə çalışmışdır. Bütün bu illər ərzində prinsipial kommunist, bacarıqlı rəhbər kimi dövlətə cani-dildə xidmət etmiş, təkcə respublikamızda deyil, bütün İttifaqda nümunəvi, etibarlı katiblərdən biri olmuşdur. Elə ona görə də, o dövlətin bir çox ali mükafatlarına (“Lenin”, “Oktyabr inqilabı”, “Qırmızı Əmək Bayrağı” ordenlərinə, onlarla fəxri fərmanlara) layiq görülmüşdür. Həmin rayonun yaşlı sakinləri indinin özündə də Xəlfə müəllimin adını böyük ehtiramla yad edirlər. X.İbrahimov Azərbaycan KP MK üzvlüyünə namizəd və dəfələrlə Ali Sovetin deputatı seçilmişdir. Hər vaxt öz sözünü, düz sözünü cəsarətlə deyə bilən qabaqcıl mütəxəssis Xəlfə İbrahimov o zaman ölkə rəhbərliyinin dərin hörmət və etimadını qazanmışdır.

Böyük ziyalı, xeyirxah insan, el ağsaqqalı, gözəl ailə başçısı X.İbrahimov 1980-ci il fevral ayının 24-də Bakı şəhərində vəfat etmişdir. Anası Bahar xanımın məsləhəti ilə Şüvəlan qəsəbəsində - Mir Mövsüm Ağanın uyduğu qəbristanlığında dəfn edilmişdir. El ağsaqqalı, dəyərli ziyalı, el-oba, torpaq qədri bilən, sadə insan Xəlfə İmanqulu oğlunun adı indi də bütün Qobustanlılar tərəfindən hörmətlə yad edilir.

İşlədiyi müddət ərzində yaxşı işinə görə çoxlu sayda fəxri fərmanlara, orden və medallara layiq görülüb.

Xəlfə İbrahimov həyat yoldaşı Tura İbrahimova ilə

Mükafatları, təltifləri və fəxri adları[redaktə | əsas redaktə]

  1. "Lenin" ordeni (1956)
  2. "Oktyabr inqilabı" ordeni
  3. "Qırmızı Əmək Bayrağı" ordeni (SSRİ)

Mənbə[redaktə | əsas redaktə]

  • Seyfəddin Qəniyev. Qobustan. Bakı, "Nurlan", 2005.-720 səh.