Xətibzadə Yəhya Paşa

Vikipediya, azad ensiklopediya
Naviqasiyaya keçin Axtarışa keçin
Xətibzadə Yəhya Paşa
ƏvvəlkiƏli Paşa
SonrakıMehmed Paşa
ƏvvəlkiMiraxur Mustafa Paşa
SonrakıPir Mustafa Paşa
Şəxsi məlumatlar
Vəfat tarixi
Atası Xətib Mustafa Əfəndi
Həyat yoldaşı Saliha Sultan
Uşağı Əli bəy

Xətibzadə Yəhya Paşa (ö. avqust 1755) — Osmanlı sultanı III ƏhmədI Mahmud dönəmlərində müxtəlif vəzifələrdə xidmət etmiş dövlət xadimi.

Atası Əyyubsultan məscidinin xətibi Mustafa Əfəndidir (ö. 1728). Həkimoğlu Əli Paşanın xidmətinə girərək, həm kəndxudası, həm də kürəkəni oldu. Onun ilk sədarəti dönəmində 1732-ci ilin mayında sədarət naibi oldu və 1733-cü ilin yanvarında baş miraxur, 1734-cü ildə vəzirliklə İrəvan, 1735-ci ilin iyulunda Trabzon, 1736-cı ilin mayında Özi valisi oldu.

1737-ci ilin mayında şərq cəbhəsindəki döyüşlərin birində əsir düşmüş, 1740-cı ildə bağlanan atəşkəslə azadlığa buraxılmışdır. 1741-ci ilin martında Bursa valisi, həmin ilin mayında Misir bəylərbəyi, 1743-cü ilin mayında kaptan-ı dərya, həmin ilin noyabrında Belqrad mühafizəsi ilə vəzifələndirildi. 1744-cü ilin dekabrında Sultan Əhmədin qızlarından Saliha Sultanla nigahlandı.

1746-cı ilin avqustunda Rumeli, 1748-ci ildə Aydın, həmin ilin noyabrında Mosul, dekabrında isə RumeliDiyarbəkir, 1749-cu ildə Anadolu, 1753-cü ildə Vidin, 1754-cü ilin sentyabrın yenidən Rumeli, 1755-ci ilin iyulunda Yanya valisi oldu. Son vəzifəsində ikən 1755-ci ilin avqustunda vəfat etdi.

İlk evliliyindən Əli bəy adlı oğlunun olduğu bilinir. Qardaşı İbrahim bəyi isə ögey qızı Fatma xanım Sultanla evləndirmişdir.

Mənbə[redaktə | mənbəni redaktə et]

  • Sicill-i Osmani V cild, səh. 303

İstinadlar[redaktə | mənbəni redaktə et]