Xəzər İntellektual Gənclər Klubu

Vikipediya, açıq ensiklopediya
(Xəzər İntellektual Klubu səhifəsindən istiqamətləndirilmişdir)
Keçid et: naviqasiya, axtar
Xəzər İntellektual Gənclər Klubu İctimai Birliyi
XazarLogo.JPG
Növü İctimai birlik
Yaranma tarixi 14 aprel 2001
Qeydiyyat tarixi 17 fevral 2007
Sədri Seymur Teymurov
Rəsmi saytı Xazar.org

Xəzər İntellektual Gənclər Klubu — ilk azərbaycandilli intellektual oyunlar klubu və Nə? Harada? Nə zaman? formatında intellektual oyunların Azərbaycan dilində ilk təşkilatçısı[1], ictimai birlik formasında fəaliyyət göstərən qeyri-hökumət təşkilatı. Nə? Harada? Nə zaman? klublarının Beynəlxalq Assosiasiyasının üzvü (2011).

Xəzər İntellektual Klubu digər azərbaycandilli intellektual klubların formalaşmasına təkan verməklə yanaşı, bu cür klublar üçün başlıca model və baza rolunu oynamışdır.

Tarixi[redaktə | əsas redaktə]

Klubun əsası 2001-ci il aprelin 14-də Bakı Dövlət Universitetinin bir qrup tələbəsi tərəfindən həyata keçirilən Azərbaycan dilində ilk Nə? Harada? Nə zaman? oyunu ilə qoyulmuşdur[2] və həmin tarixdən bu günədək qısa yay fasilələri istisna olmaqla Klub fasiləsiz olaraq fəaliyyət göstərir. Klub 2007-ci ilin fevralında Azərbaycan Respublikası Ədliyyə Nazirliyi tərəfindən ictimai birlik kimi dövlət qeydiyyatına alınmışdır. 27 noyabr 2011-ci ildə Beynəlxalq Klublar Assosiasiyasının İdarə heyətinin Moskva şəhərində keçirilən növbəti iclasında yekdilliklə BKA-ya tam hüquqlu üzv seçilmişdir[3].

Fəaliyyəti[redaktə | əsas redaktə]

Xəzər klubu 4 əsas növdə — Nə? Harada? Nə zaman?, Breyn-rinq, Erudit-kvartetFərdi oyun — intellektual oyunlar keçirir. Oyunlar həftənin istirahət günlərində keçirilir. Bundan əlavə ildə bir neçə dəfə intellektual oyunlar üzrə turnirlər təşkil olunur. Klubda iştirak üçün yaş və s. məhdudiyyət qoyulmur.

Klub 2007-ci ilin sonlarınadək fəaliyyətini Bakı Dövlət Universitetində həyata keçirsə də, sonradan qısa müddətə Azərbaycan Dillər Universitetinə keçmiş, hazırda isə Bakı Slavyan Universitetində fəaliyyət göstərir.

Strukturu[redaktə | əsas redaktə]

Hal-hazırda klubda 5 liqada yarışan 60-a yaxın komanda oyunlarda müntəzəm iştirak edir. Liqalarda yarışan iştirakçıların sayı 300-dən artıqdır. Klubda Yüksək liqalar - Xəzərin sahilində liqası və Dalğa liqası, Universitet liqası, Regional liqa və Məktəb liqaları fəaliyyət göstərir.

Klubda oyunlar mütəmadi olaraq şənbə və bazar günləri keçirilir. Şənbə günü Üçüncü liqada oyunlar 3 universitetdə — Bakı Dövlət Universiteti, Bakı Slavyan Universiteti və Azərbaycan Texniki Universitetində sinxron təşkil olunur. Sonradan nəticələr toplanır və qaliblər müəyyən olunur. Digər liqalar bazar günləri yarışır. 5 həftəlik dövrədən sonra nəticələrinə görə komandalar liqalarda öz yerlərini qoruyur, itirir və ya digər liqaya vəsiqə qazanırlar.

Hədəf qrupu[redaktə | əsas redaktə]

Klubun əsas hədəf qrupu öz üzərində daha çox çalışan, inkişaf etməyə meylli olan, cəmiyyətdə tutduğu mövqeyə görə digərlərindən fərqlənən, müxtəlif uğurlar qazanmış gənclərdir. Təşkilatın fəaliyyətində birbaşa iştirak edənlər:

  • Yuxarı sinif şagirdləri (13-18 yaş);
  • Tələbələr (18-25 yaş);
  • Digər gənclər (25-35 yaş).

Klub əsasən mətbuat vasitəsilə digər sosial qruplar arasında da təbliğat işləri aparır. Klubun fəaliyyətinə cəlb olunanlar:

  • valideynlər;
  • müəllimlər;
  • iştirakçıların dostları.

Əlamətdar hadisələr[redaktə | əsas redaktə]

10 illik fəaliyyəti ərzində Klub 40-a yaxın intellektual turnir, müxtəlif intellektual oyun növləri üzrə 50-dən çox çempionat, həftəsonları keçirilən 400-dən artıq dövrə oyunu, 30-a yaxın seminar, təlim və digər tədbirlər təşkil etmiş, 15000-dən çox iştirakçını əhatə etmişdir.

  • 2001 – Təşkilatın təsis edilməsi, Tələbələr arasında ilk Azərbaycan çempionatı
  • 2002-2003 – Universitetlərarası festivallar
  • 2004 – "Xəzər" dövri nəşrinin çap olunması
  • 2005 – Məktəb liqasının təsis edilməsi
  • 2006 – Məktəblərarası NHN çempionatı
  • 2007 – "Novruz Kuboku"
  • 2008 – "Trend Kuboku", NHN üzrə yarış
  • 2009 – "Payız Kuboku", NHN üzrə universitetlərarası yarış
  • 2010 – "Qış Kuboku", 4 universitetdə intellektual oyunlar üzrə klubların yaradılması üzrə "Mənim klubum" layihəsi
  • 2011 – 10 illik yubiley, Nabranda intellektual oyunlar üzrə çempionat
  • 2011 – Nə? Harada? Nə zaman? klublarının Beynəlxalq Assosiasiyasına üzvlük
  • 2011 – I İçərişəhər İntellektual Festivalı
  • 2012 – NHN üzrə 2012-ci il Azərbaycan Kuboku
  • 2012 – NHN üzrə I Tələbələrarası Azərbaycan Çempionatı
  • 2012 – NHN üzrə Azərbaycan Çempionatı
  • 2013 – Məktəblərarası NHN üzrə Bakı çempionatı
  • 2013 – NHN üzrə "Ağıl Oyunları" kuboku
  • 2013 – NHN üzrə Azərbaycan Super Kuboku
  • 2013 – NHN üzrə II Tələbələrarası Azərbaycan Çempionatı
  • 2013 – NHN üzrə 2013-cü il Azərbaycan Kuboku
  • 2014 – NHN üzrə 2014-cü il Azərbaycan Çempionatı
  • 2014 – "II Ağıl Oyunları" Festivalı

Klubun tərəfdaşları[redaktə | əsas redaktə]

Dövlət təşkilatları[redaktə | əsas redaktə]

Qeyri-hökumət və kommersiya təşkilatları[redaktə | əsas redaktə]

  • Bakcell;
  • Cinema Plus;
  • Bakı Şəhər Halqası Əməliyyat Şirkəti
  • Bakı-2015 Avropa Oyunları Əməliyyat Şirkəti;
  • Azərbaycan Qolf Federasiyası;
  • Tusi-Bohm Planetarium;
  • "İrəli" İctimai Birliyi;
  • GRBS şirkəti;
  • Akademiya Kitab Mərkəzi;
  • AtaBank;
  • Expressbank;
  • Real Xaricdə Təhsil Mərkəzi;
  • Bakinternet;
  • Park Cinema;
  • MFX Group;
  • Nizami Kino Mərkəzi;
  • National Geographic Azərbaycan.

Ali təhsil müəssisələri[redaktə | əsas redaktə]

Bu təhsil müəssisələri Klubun hər həftənin şənbə günləri sinxron olaraq təşkil etdiyi Universitet Liqasının oyunlarında iştirak edirlər.

Digər tərəfdaşlar[redaktə | əsas redaktə]

Klub həmçinin ölkənin ən qabaqcıl KİV-ləri ilə əməkdaşlıq edir. Yaydığı xəbərlər mütəmadi olaraq Trend, Day.az, 1news.az, Apa.az, Lent.az, Gun.az, Qafqazinfo.az kimi internet rerurslarda, Зеркало, Эхо, Каспи, 525-ci qəzet, Ayna, Ekspress, Şərq kimi qəzetlərdə nəşr olunur. İTV və AZTV isə hətta klubun fəaliyyətini təbliğ edən film də çəkib. Klubun bəzi üzvləri AZTV-də yayımlanan "Что? Где? Когда?" proqramında, Rusiyanın Birinci və СТС kanallarında yayımlanan "Брейн-ринг" və НТВ kanalında yayımlanan "Своя игра" proqramında çıxış edirlər.

Həmçinin bax[redaktə | əsas redaktə]

İstinadlar[redaktə | əsas redaktə]

  1. Trend Kuboku gəncləri intellekt yarışına dəvət edir
  2. Xəzər İntellektual Klubunun tarixi
  3. Xəzər İntellektual Gənclər Klubu Beynəlxalq Klublar Assosiasiyasının tam hüquqlu üzvü seçilib.

Xarici keçidlər[redaktə | əsas redaktə]