Xəzər Universitetinin Humanitar, Təhsil və Sosial elmlər fakültəsi

Vikipediya, azad ensiklopediya
(Xəzər Universiteti Humanitar və Sosial Elmlər fakültəsi səhifəsindən istiqamətləndirilmişdir)
Jump to navigation Jump to search

Xəzər Universitetinin Humanitar, Təhsil və Sosial elmlər fakültəsi - Xəzər Universitetinin Humanitar, Təhsil və Sosial elmlər fakültəsi

Humanitar və Sosial Elmlər fakültəsi
Xəzər Universiteti

Yaranma tarixi 1992
Dekan Ph.D. Elza Səmədova
Şəhər Bakı
Ölkə Azərbaycan Azərbaycan
Ünvan Məhsəti küç. 11, AZ1096
Vebsayt www.khazar.org

Tarixi[redaktə | əsas redaktə]

Humanitar, Təhsil və Sosial elmlər fakültəsi Xəzər Universitetində yaradılan ilk fakültələrdən biridir. 1991-ci ildə əsası qoyulan Xəzər Universitetində 1992-ci ildən Humanitar fakültəsinin yaradılması ilə bağlı qərar qəbul edilmişdir. Fakültənin nəzdində ilk olaraq iki departament (kafedra), “İngilis dili və ədəbiyyatı” departamenti və “Jurnalistika” departamentləri, ardınca müxtəlif humanitar və sosial elm sahələrinin tədrisi və tədqiqini nəzərdə tutan çoxfənnli (multidissiplinar) akademik vahid kimi “Fəlsəfə və Sosiologiya” və “Tarix” departamentləri yaradıldı.

1995-ci ildən fakültənin nəzdində “Azərbaycan dili və ədəbiyyatı” və “Siyasi elmlər və beynəlxalq münasibətlər” departamentləri fəaliyyətə başladı. Azərbaycan dili və ədəbiyyatı filologiyası və Politologiya, Beynəlxalq münasibətlər və Regionşünaslıq ixtisaslarında tədris fakültənin nəzdində təşkil olunmağa başlandı. 2007-ci ildən isə Xəzər Universiteti ilə birlikdə fəaliyyətinə başlayan “Tarix” departamentinin adı “Tarix və Arxeologiya departamenti” olaraq dəyişdirildi.

1998-ci ildən Xəzər Universitəsi nəzdində orta məktəb yaratmaq istiqamətində ilkin tədbirlər görüldü. Əvvəlcə kiçik bir sinif açıldı və beləliklə ibtidai təhsil sahəsində ilk təcrübə qazanıldı. Sonradan tədricən ibtidai təhsil sinifləri təşkil edildi və Universitənin nəzdində “Dünya” məktəbi fəaliyyətə başladı. 2003-cü ildən isə İbtidai Təhsilin Metodikası ixtisası üzrə bakalavr pilləsi üçün müsabiqə elan edildi və bu ixtisasa qəbul başlanıldı. Bu ixtisasa qəbulun başlaması ilə birlikdə Xəzər Universitetində müəllim hazırlığı başlandı. 2005-ci ildən fakültənin adı “Humanitar və Sosial elmlər” fakültəsi olaraq müəyyənləşdirildi. Fakültə tərkibindəki ixtisasların çox şaxəliliyi və genişləndirilməsi səbəbilə 2006-ci ilin ikinci semestrində “İbtidai təhsilin metodikası” ixtisası üzrə bakalavr ixtisasında təhsilin daha keyfiyyətli təşkilini təmin etmək məqsədilə bu ixtisas yeni yaradılmış “Təhsil” fakültəsinin tərkibinə daxil edildi.

2010-cu ildən etibarən fakültə gedərək daha da geniş sahələri əhatə etməyə, elmin müxtəlif sahələrini özündə birləşdirməyə başladı. Dünyada baş verən sürətli dəyişiklik və inkişafın müsbət təsirləri ilə yanaşı psixoloqlara da ehtiyac gündən-günə artmaqdadır. Bu səbəblə “Psixologiya” departamenti 2010-cu ildə yaranaraq bugünə kimi də fəaliyyətini bakalavr və magistr tədris proqramları verməklə davam etdirməkdədir. Yarandığı gündən çoxdillilik ideyasını həyata keçirən universitet 2015-ci il ildə alman, fransız, italyan və digər avropa dilləri o cümlədən çin, koreya, ərəb və fars kimi Şərq dillərinin tədrisinin daha keyfiyyətli təşkili və dünya dilləri və mədəniyyətləri sahəsində araşdırmalar aparmaq üçün “Dillər və mədəniyyətlər” departamenti mövcud “Şərq Dilləri və Dini Araşdırmalar” və “Müasir Dillər və Müqayisəli Ədəbiyyat” departamentlərinin əsasında yenidən formalaşdırıldı. Müasir dövrdə tələbatın sürətlə artdığı ixtisaslardan biri də “Dizayn” ixtisasıdır. Bakalavriat pilləsinin dizayn ixtisası Humanitar, Təhsil və Sosial elmlər fakültəsinin ən kiçik və ən gənc ixtisasıdır. İxtisas “Musiqi və İncəsənət” departamentinin nəzdindədir. Belə ki, ixtisas 2015-ci il Xəzər Universitetinin təsisçisi, Direktorlar və Qəyyumlar şurasının sədri, professor Hamlet İsaxanlının təşəbbüsü ilə ilk əvvəl “Mühəndislik və Tətbiqi elmlər” (indiki “Təbiət elmləri və Mühəndislik” fakültəsi) fakültəsində, 2016-cı ildən etibarən isə “Humanitar, Təhsil və Sosial elmlər” fakültəsinin nəzdində fəaliyyətini davam etməkdədir.

2006-cı ildən 2019-cu tədris ilinə qədər iki ayrı fakültə kimi fəaliyyət göstərən “Humanitar və Sosial Elmlər” ilə “Təhsil” fakültələri, “Təhsil” fakültəsi nəzdindəki elm sahələrinin həddindən artıq genişlənməsi səbəbi ilə tədrisin daha keyfiyyətli və elm sahələrinə uyğun təşkil olunması baxımından həm bakalavr həm də magistratura və doktorantura səviyyələri üzrə yenidən formalaşdırılaraq birləşdirildi. Bu birləşmə nəticəsində “Təhsil” fakültəsi nəzdində fəaliyyət göstərən təbiət elmlərinə aid ixtisaslarda tədrisin təşkili universitetin “Təbiət Elmləri və Mühəndislik” fakültəsinə verildi. Humanitar, təhsil və sosial elmlər üzrə ixtisaslar isə “Humanitar, Təhsil və Sosial Elmlər” fakültəsi adı altında birləşdirildi.

Xəzər Universitetində aparılan daima mükəmməllik əldə etmə və təkmilləşmə strategiyası çərçivəsində 2019-cu ilin fevralında aparılan yenidən strukturlaşdırma prosesində fakültə nəzdindəki “Siyasi elmlər və beynəlxalq münasibətlər” departamenti ilə “Fəlsəfə və Sosiologiya” departamenti birləşdirilərək “Siyasi elmlər və Fəlsəfə” departamenti adlandırıldı.

Departamentlər[redaktə | əsas redaktə]

Dillər və Ədəbiyyatlar Departamenti[redaktə | əsas redaktə]

Azərbaycan dili və ədəbiyyatı Departamenti 1995-ci ilin may ayında yaradılmış, Xəzər Universitetinin bütün fakültələrinin tələbələri üçün Azərbaycan dili və ədəbiyyatı qeyri-ixtisas fənni olaraq bakalavriat səviyyəsində tədris olunmuşdur.

2006-cı ildən Azərbaycan dili və ədəbiyyatı müəllimliyi və Azərbaycan filologiyası ixtisasları üzrə bakalavriat proqramı, 2009-cu ildən isə hər iki ixtisas üzrə magistratura və doktorantura səviyyəsində proqram təklif olunmuşdur.

2019-cu il fevral ayının 1-dən tədris və elmi-tədqiqat işlərinin artırılması və idarəetmənin təkmilləşdirilməsi məqsədi ilə Azərbaycan dili və ədəbiyyatı departamentinin bazasında Dillər və ədəbiyyatlar departamenti yaradılmışdır.

İngilis dili və Ədəbiyyatı Departamenti[redaktə | əsas redaktə]

İngilis dili və ədəbiyyatı departamenti Xəzər Universitetinin ən böyük şöbələrindən biridir. Departament 1992-ci ildə yaradılıb. Şöbənin Fakültə tərkibinə Azərbaycanın təcrübəli alimləri və ingilis dili müəllimləri, eləcə də gəlmə professorlar da daxildir.

İngilis dili və ədəbiyyatı fakültəsi tələbələrə güclü dil və ünsiyyət bacarıqları, İngilis və Amerika ədəbiyyatının dərin bilikləri, dilçilik və tərcümə sahəsi daxil olmaqla müvafiq sahələrdə möhkəm biliyə yiyələnmələri üçün əllərindən gələni əsirgəmirlər. Bölmə İngilis, İngilis və Amerika ədəbiyyatı və Dil üzrə ibtidai, orta və yüksək səviyyə kursları təklif edir. İngilis dili kursları, ingilis dili və ədəbiyyatı üzrə bakalavr və magistr proqramlarına daxil olan tələbələrin və Universitetin akademik ehtiyaclarına tam cavab verir.

İngilis dili və ədəbiyyatı bölməsinin məqsədi ingilis dilinin tədrisi proqramında əsas dörd dil bacarıqlarını oxu, yazı, danışma və dinləməni özündə cəmləşdirməklə yanaşı, qrammatik və leksik sistemi ilə əhatə dairəsini geniş təmin etməkdir, İngilis dili əsas təlim dili olduğu universitetdəki bütün səviyyələrdə və məktəblərdə oxuyan tələbələr üçün nəzərdə tutulmuşdur.

Musiqi və İncəsənət Departamenti[redaktə | əsas redaktə]

İncəsənət və musiqi departamenti ixtisasından asılı olmayaraq bütün universitet tələbələri üçün incəsənət və musiqinin müxtəlif sahələri ilə məşğul olmasına imkan yaradır və bu fənlər universitetdə tələb olunan fənlər siyahısına salınır.

Departamentin proqramı Azərbaycan və dünya musiqisinin mirasını və arxivlərini öyrənmək üçün mühit yaradır. Xəzərin mahnı və rəqs ansamblı Avropa, Türkiyə, Qatar və Gürcüstanda çıxış edərək bir neçə müsabiqələrin qalibi olmuşdur. Xəzər Universitetinin ansamblı Qafqaz, rus, ispan, ərəb, ingilis, italyan, fars, türk, qaraçı və digər milətlərin mahnı və rəqslərini ifa edir.

Departamentin qaydalarına əməl olunması şərti ilə musiqi, rəqs, xor, xalça toxunması və yüksək ali dərəcələr əldə etmək üçün professional treyninq kursları təşkil edilir. Həmçinin departament tərəfindən mütəmadi olaraq incəsənət tarixi, dünya incəsənəti və mədəniyyəti, Asiya və Avropa mədəniyyəti kimi ixtisaslaşmış fənlər də təklif olunur. Bu departament Xəzər Universitetinin mədəniyyət sahəsinin inkişafında əsas rol oynayır.

Bu səbəbdən də Departament üçün şəhərin (Bakı) mərkəzindəki məşhur “Dünya” konsert salonu, Dünya məktəbinin yeni tikilən binasında yerləşən, müasir texniki avadanlıqlarla yüksək səviyyədə təhciz edilən konsert salonu və eyni zamanda universitetin öz binasında “Mərmər” konsert salonu fəaliyyət göstərir. 2013 –cü il mart ayının 1-də Xəzər Universitetində Mədəniyyət Mərkəzinin təntənəli açılışı oldu.

Təhsil və tədqiqatla yanaşı universitetin mədəni həyatını zənginləşdirmək məqsədi ilə digər təşkilatlarla əlaqələr yaradır, konsertlər və şoular təşkil edir və buraxılış mərasimləri və digər tədbirlərdə mühüm rol oynayır.

Departamentin məqsədi xalça toxuma, musiqi duyumunun inkişafı, musiqi biliyi, həmçinin Xəzərin tələbələrinin artistik və intelekt imkan və bacarıqlarının inkişafı üçün performans imkanlarının inkişafı kimi Azərbaycan Milli incəsənətinə aid sahələrdə treyninqlər təşkil etməkdir. Universitetin toplantı salonları eyni zamanda Azərbaycan və dünya mədəniyyətinin inkişafı və təbliğinə töhfə vermək üçün universitet və digər qrupların toplantıları, məşqləri və konsertləri üçün istifadə olunur. Departament tərəfindən təklif olunan fənlər Azərbaycanın fundamental estetik dəyərlərinin təbliğini həyata keçirir. Hər tələbə milli mədəniyyətimizi daha dərindən öyrənmək üçün arzuladıqları sahəni seçə bilər. Tələbələr Xəzər Universitetində təhsil aldıqları müddətdə musiqi, rəqs, teatr və digər qruplarda iştirak edə bilər və eyni zamanda muğam, xalq musiqisi, Azərbaycanın klassik musiqisi və vokal, xor, xalçaçılıq, zərgərlik və milli kostyum dizaynı üzrə tanınmış mütəxəssislərdən dərslər alaraq akademik kredit əldə edə bilərlər. Musiqi və İncəsənət departamenti həmçinin Xalça muzeyi, Zərgərlik muzeyi və Milli geyimlər muzeyi daxil olmaqla bir neçə mərkəzlərin işinə nəzarət edir.

Psixologiya Departamenti[redaktə | əsas redaktə]

Xəzər Psixologiya departamenti 2010-cu ildə yaranıb. Proqram psixologiyanın nəzəriyyəsini və praktikasını birləşdirir və bu sahədə uğurlu karyera qurmaq üçün zəruri olan fərdi və qrup psixoloji məsləhət texnikalarını öyrədir.

Siyasi Elmlər və Fəlsəfə Departamenti[redaktə | əsas redaktə]

Tarix və Arxeologiya Departamenti[redaktə | əsas redaktə]

Tarix və Arxeologiya departamentinin əsası 1993-cü ilin iyununda Xəzər Universitetində Humanitar və Sosial elmlər fakültəsi ilə birgə qoyulmuşdur. Departament Xəzər Universitetində geniş akademik və tədqiqat maraqları ilə əsas hissə təşkil edir. Departament professor Roza Arazova tərəfindən yönəldilir. Departament 2007-ci ildən “Tarix və Arxeologiya departamenti” adlanır. 2010-cu ildə Təhsil fakültəsində və Tarix və Arxeologiya departamentində yeni – Tarix və coğrafiya, 2013-cü ildən Tarix müəllimliyi ixtisası açılmışdır. Təcrübə (interna) proqramın əsas hissəsinə daxildir və tələbələrə “Dünya məktəbi”ndə və digər məktəblərdə praktika və interna keçmək üçün şərait yaradılır.

Təhsil Departamenti[redaktə | əsas redaktə]

Təhsil sahəsində tədqiqat fəaliyyətləri Xəzər Universitetinin başlanğıcından etibarən və sonrakı strateji inkişaf prosesində başlıca yer tutmuşdur. Bu məqsədlə 1992-ci ildə Xəzər Universiteti Kaliforniya və Los-Angeles Universitetləri ilə Universitet Menecmenti sahəsində əməkdaşlığa başlamışdır. Bu əməkdaşlıq proqramı çərçivəsində Xəzər Universitetində “Təhsil və Bilik Çalışmaları Mərkəzi” qurulmuşdur. Sonra Avropa Komissiyasının dəstəyi ilə təhsillə əlaqədar bir başqa mərkəz olan – Akademik Keyfiyyətin Təminatı Mərkəzi - qurulmuşdur.

Bundan başqa, Xəzər Universitetinin Təhsil fakultəsinin əməkdaşları Azərbaycanın bölgələrində, eləcə də məcburi köçkünlərin yaşadığı çadır şəhərciklərində müəllimlərin təlimində rol almışlardır. Anoloji olaraq İqtisadiyyat, Biznes Tədqiqatları və Təhsil Mərkəzi qurulmuşdur. Bu mərkəz Bakıda və Azərbaycanın bölgələrində mütəmadi olaraq məktəb müəllimlərinə, təşəbbüskarlara fərqli sahələrdə təlimlər təşkil edir.

2003-cü ildə İbtidai Sinif Müəllimliyi bakalavr ixtisası təklif olunmuşdur. Gənc nəsilləri yetişdirməyin əhəmiyyəti bu ixtisasın quruluşu ilə Universitet tərəfindən daha da qabağa çəkilmişdir.

2009-cu ildən etibarən isə Təhsil Fakultəsi Azərbaycan Dili və Ədəbiyyatı Müəllimliyi, Riyaziyyat və İnformatika Müəllimliyi, Kimya və Biologiya Müəllimliyi, Tarix və Coğrafiya Müəllimliyi bakalavr ixtisasları fəaliyyətə başlamışdır. Bu bakalavr proqramları departament daxilində biri-birindən bəhrələnən proqramlardır və Riyaziyyat, İnformatika, Kimya, Biologiya, Tarix, və Coğrafiya departamentləri ilə birgə fəaliyyət göstərməkdədirlər.

İnstitut və Mərkəzlər[redaktə | əsas redaktə]

“Türk Dünyası Araşdırmaları Mərkəzi” TİKA[redaktə | əsas redaktə]

2014-cü ildə yaradılmış “Türk Dünyası Araşdırmaları Mərkəzi” TİKA Siyasi elmlər və Fəlsəfə departamentinin nəzdində fəaliyyət göstərir. Mərkəz Xəzər Universiteti, Neftçilər korpusunda yerləşir. Mərkəz TİKA tərəfindən ağıllı lövhə, noutbuklar, təqdimat üçün lazım olan digər avadanlıqlarla təchiz olunub. Bundan əlavə, diskussiyaların aparılması, müxtəlif simulyasiya oyunlarının keçirilməsi üçün uyğun olan dəyirmi masa mövcuddur. Mərkəzdə Türk Dünyası araşdırmaçıları üçün yeni bir platformanın yaradılması, eləcə də Xəzər tələbələri üçün Türk tarixi, mədəniyyəti, dili, ədəbiyyatı və siyasi inkişafı haqqında müxtəlif seminar, tədbirlər və dərslər həyata keçirilir.

Mərkəzin fəaliyyəti çərçivəsində Türkiyədən dil, tarix, mədəniyyət, siyasi elmlər sahəsində müxtəlif alimlər və siyasət nümayəndələri dəvət olunur, Azərbaycanda fəaliyyət göstərən Türkiyə Səfirliyi, Yunus Əmrə İnstitutu, TİKA və s. əlaqədar qurumlarla birlikdə müxtəlif layihələr də həyata keçirilir.

Avropa İttifaqı Araşdırmalar Mərkəzi[redaktə | əsas redaktə]

2014-cü ildə Siyasi elmlər və Fəlsəfə departamentinin nəzdində yaradılmış digər mərkəz isə “Avropa İttifaqı Araşdırmalar Mərkəzi”dir.

Mərkəzin yerləşdiyi məkan: Xəzər Universiteti, Neftçilər korpusu, otaq 506(old) Avropa ilə bağlı müxtəlif istiqamətdə tədbirlər keçirmək, sinif otağı kimi istifadəsi Mərkəz ağıllı lövhə, noutbuklar, təqdimat üçün lazım olan digər avadanlıqlarla təchiz olunub. Bundan əlavə, diskussiyaların aparılması, müxtəlif simulyasiya oyunlarının keçirilməsi üçün uyğun olan dəyirmi masa mövcuddur

Hüquq Tədris Mərkəzi[redaktə | əsas redaktə]

2013-cü ilin yanvar ayında Azərbaycan Hüquqşünasları Konfederasiyası (AHK) və ABŞ İnkişaf Agentliyi (USAID) dəstəyi ilə “Azərbaycan Hüquq Konsorsiumu” layihəsi çərçivəsində yaradılmışdır.

AHK layihəsinin ümumi məqsədləri hüququn aliliyinin, vətəndaşların hüquqlarının və maraqlarının daha yaxşı müdafiəsinin təmin olunması üçün hüquqi maarifləndirmə və vətəndaş cəmiyyətinin təsirliliyinin artırılmasıdır.Layihənin xüsusi məqsədləri isə Azərbaycan hökümət dairələrinin vətəndaşların hüquqlarının qorunması sahəsində həyata keçirilən islahatların inkişafının aktiv şəkildə dəstəklənməsi və təşviq edilməsi, müştərilərə yardım göstərilməsi və qanunların tətbiqi sahəsində hüquqi peşəkarlığın səviyyəsinin artırılmasından ibarətdir. Hazırda Azərbaycanda gənc hüquqşünasların hazırlanması əsasən akademik səviyyədə keçirilir.

Lüğət və Ensiklopediya Mərkəzi[redaktə | əsas redaktə]

Xəzər Universitetinin Lüğət və Ensiklopediya Mərkəzi 1996-cı ilin aprel ayında yaradılmışdır. Yarandığı gündən mərkəz linqvistik və leksikoloji tədqiqat və lüğətlərin tərtibini həyata keçirir.

Mərkəz son bir neçə ildir ki, 6 cilddən ibarət olan “Xəzər İngiliscə-Azərbaycanca Böyük Lüğət”-in tərtibi ilə məşğuldur (professor Hamlet İsaxanlı və mərhum professor Tofiq Abasquliyev tərəfindən redaktə olunub). Lüğətin tərtibində məqsəd dil öyrənənlərə, tərcüməçi və alimlərə əhəmiyyətli yardım göstərməkdir. Bu lüğətin 3 cildi artıq Xəzər Universiteti Nəşriyyatı tərəfindən nəşr olunmuşdur, qalan 3 cildi isə çapa hazırlanır.

Xəzər Psixoloji Xidmət Mərkəzi[redaktə | əsas redaktə]

29.02.16 tarixində Xəzər Psixoloji Xidmət Mərkəzinin açılış təqdimatı keçirilmişdir. Rəhbəri Mələk Kərimovadır.

Xəzər Universiteti Tərcümə Araşdırmaları Mərkəzi[redaktə | əsas redaktə]

“Xəzər Universiteti Tərcümə Araşdırmaları Mərkəzi” 27 aprel 2000-ci ildə yaradılmışdır. Mərkəzin əsas məqsədi akademik, bədii, fəlsəfi və texniki əsərləri müxtəlif müasir dillərdən Azərbaycan dilinə çevirməkdir. Azərbaycan mədəniyyətinin bir çox qiymətli nümunələrinin də başqa dillərə tərcüməsi nəzərdə tutulur. Mərkəz tərcümənin tədqiqi və tədrisi işlərinə də cəlb olunur. Tərcüməçilik tədqiqatın fərqli sahələrində çalışan alimlər arasında əməkdaşlıq üçün imkanların yaranmasına səbəb olaraq özlüyündə bənzərsiz bir tədqiqat formalaşdırır. “Xəzər Universiteti Tərcümə Araşdırmaları Mərkəzi” artıq tədqiqatçıların və tələbələrin təhsil aldıqları və tərcüməçiliklə məşğul olduqları elmi orqana çevrilib. “Tərcümə Araşdırmaları Mərkəzi” peşəkar tərcüməçilərlə yanaşı gənc tərcüməçiləri də mərkəzin işlərinə cəlb edir, tərcümənin müxtəlif sahələrinə dair nəzəri-praktik konfranslar keçirir. Mərkəz həmçinin Dilçilik, Ədəbi tərcümə, Tərcümə və poeziya, Tərcümə nəzəriyyəsi və vasitələri və sairə kimi mövzularda müzakirələr aparır. “Xəzər Universiteti Tərcümə Araşdırmaları Mərkəzi” təlimlər vasitəsilə tələbələrə peşəkar dil bacarıqlarını artırmağa və istifadə etməyə imkan verir. “Tərcümə Araşdırmaları Mərkəzi” universitetin digər akademik və araşdırma mərkəzləri ilə yaxından əməkdaşlıq edir. Mərkəz təkcə bədii tərcümə deyil, kommersiya və hüquqi tərcümə ilə də məşğul olur.

Dünya konsert salonu[redaktə | əsas redaktə]

1999-2000-ci illərdə Xəzər Universiteti nin yeni inşa olunan binasında universitetin bir sıra qurumları ilə yanaşı Dünya konsert salonu da yer aldı. Bu salonun yerində əvvəllər ətrafdakı evlərin tökdüyü zibillik yerləşirdi.

285 nəfərlik tutuma malik çoxməqsədli "Dünya konsert-konfrans salonu" Bakı nın mərkəzində, Xəzər universitetinə məxsus binaların birində - Bəşir Səfəroğlu küçəsi 122-də yerləşir. İqtisadiyyat və Menecment fakültəsi, universitetin əsas kitabxanasının filialı və bəzi universitet mətkəzləri bu binada yerləşir. Binada həmçinin geniş miqyasda elm, mədəniyyət və incənsənət üzrə görüş, toplantı və tədbirlərin keçirildiyi yerdir.

Həmçinin bax[redaktə | əsas redaktə]

Xarici keçidlər[redaktə | əsas redaktə]