Xəzər Universiteti Musiqi və İncəsənət Departamenti

Vikipediya, azad ensiklopediya
Jump to navigation Jump to search

Xəzər Universiteti Musiqi və İncəsənət Departamenti universitetin əsas elm-tədris qurumlarından biri kimi geniş fəaliyyət göstərməkdədir. Department (kafedra) bir tərəfdən tədris və araşdırmalarla məşğul olur, o biri yandan isə digər əlaqəli qurumlarla birlikdə Universitetin mədəni həyatını zənginləşdirir, tamaşa və konsertlər təşkil edir, məzunluq mərasimlərinin və digər tədbirlərin keçirilməsində mühüm rol oynayır.

Tədris olunan əsas fənlər[redaktə | əsas redaktə]

Hazırda departamentdə aşağıdakı fənlər tədris edilir:

  1. Muğam fənni - müəllim Azərbaycanın Xalq artisti prof. Arif Babayev
  2. Milli rəqs - müəllim Azərbaycanın Əməkdar artisti Xanlar Bəşirov
  3. Klassik musiqi - müəllim Azərbaycanın Əməkdar artisti Yeganə Axundova
  4. Dram - müəllim Əməkdar İncəsənət xadimi Əliqismət Lalayev
  5. Milli rəqs (qızlar üçün) - müəllimə Səbinə Minəsazova
  6. Milli rəqs (oğlanlar üçün) - müəllim Əlibəndə Əliyev
  7. Xor - müəllim Beynəlxalq müsabiqələr laureatı Fərid Əliyev
  8. Toxuculuq - müəllim Zakir Həsənov
  9. Milli tikmə - müəllimə Anaxanım Aslanova
  10. Zərgərlik sənəti - müəllim Vüqar Xudaverdiyev

Musiqi və İncəsənət departmentinin müdiri Zülfiyyə Sadıqova dır.

"Xəzər"də peşəkar və həvəskar rəssamların sərgiləri, xarici ölkə teatr və konsert qruplarının qastrolları təşkil edilir, görkəmli sənət adamları ilə görüşlər keçirilir. Bu davamlı fəaliyyət Xəzər Universitetini Bakının ən zəngin mədəni mərkəzlərindən birinə çevirmişdir.

Xəzərin mahnı və rəqs ansamblı Avropada, Türkiyə, QətərGürcüstanda uğurla çıxış etmiş, bir sıra müsabiqələrin qalibi olmuşdur. Xəzər Universiteti ansamblı Qafqaz, rus, ispan, ərəb, ingilis, italyan, fars, türk, qaraçı və digər xalqların milli rəqs və mahnılarını ifa edir.

"Xəzər"də təhsil aldıqları müddətdə tələbələr musiqi, rəqs, teatr və digər qruplarda iştirak edir və eyni zamanda tanınmış mütəxəssislərin Muğam, xalq musiqisi, klassik Azərbaycan və dünya musiqisi, vokal, xor, xalçaçılıq, zərgərlik, milli paltar dizaynı dərslərinə yazılaraq kredit qazana bilirlər.

Xalçaçılıq, Zərgərlik və Milli Geyimlər kimi muzey-mərkəzlərin idarəedilməsi də Musiqi və İncəsənət departamentinin vəzifəsi çərçivəsindədir (Kukla muzeyi Dünya məktəbinin idarəsindədir).