Xəzər Universiteti muzeyləri

Vikipediya, azad ensiklopediya
Jump to navigation Jump to search

Xəzər Universitetində aşağıdakı muzeylər mövcuddur:

Xalça müzeyi[redaktə | əsas redaktə]

Xəzər Universiteti muzeyləri 01.jpg

Azərbaycan qədim zamanlardan bəri dünya xalçaçılıq mərkəzlərindən biri olmuşdur. Mütəxəssislər AzərbaycandaQuba, Şirvan, Qarabağ, Təbriz, Gəncə, Qazax kimi əsas xalçaçılıq məktəblərini qeyd edirlər. Xəzər Universitetinin Xalça Müzeyi həm muzey, həm də emalatxana kimi fəaliyyət göstərir. Peşəkar sənətkarların başçılıq etdiyi muzey və emalatxanada toplanan kiçik və böyük ölçülü xalça və başqa toxunma əşyalar əsasən tələbələr tərəfindən hazırlanmışdır. Müzey və emalatxana incəsənət üzrə seçmə fənn götürərək kredit qazanmaq istəyən tələbələrin istifadəsi üçün də açıqdır.

Zərgərlik muzey-mərkəzi[redaktə | əsas redaktə]

Xəzər Universiteti muzeyləri 02.jpg

Xəzər Universitəsi nəzdində zərgərlik muzeyi-təlim mərkəzi fəaliyyət göstərir. Xəzər Universiteti zərgərlik mərkəzində daha çox gümüş üzərində iş aparılır. Bu mərkəz zərgərlik fənnini seçən tələbələr üçün laboratoriya rolunu da oynayır. Burada emalatxana işlərinə peşəkar zərgər rəhbərlik edir.

Milli geyimlər muzeyi-dizayn mərkəzi[redaktə | əsas redaktə]

Bu mərkəzdə Azərbaycan və digər xalqların milli geyimləri toplanıb.Bütün bu geyimləri mütəxəssislərin rəhbərliyi ilə tələbələr özləri “Milli Geyimlər Tikiş Dərnəyi”-ndə tikirlər. Hazırlanmış geyimlər Xəzər Universiteti oğlan və qızlardan ibarət rəqs ansamblında və teatr tamaşalarında istifadə olunur. Mərkəzdə tolpanan və saxlanılan Qafqaz, Yaxın şərq və başqa region xalqlarının milli geyimləri, Xəzər Universitəsi oğlan və qızlardan ibarət rəqs ansamblının ifasında müxtəlif xalqların rəqslərinin daha canlı, dolğun və təbii nümayişinə kömək edir.

Kukla muzeyi[redaktə | əsas redaktə]

Xəzər universitetində kukla muzeyi 2010-cu ildə yaradılmışdır. Muzey tanınmış jurnalist, xeyirxah insan Tahirə İskəndərovanın övladlarının Dünya məktəbinə bağışladığı kukla eksponatları əsasında yaradılmışdır. Muzeydə 400-dən çox kukla eksponatları var. 2010-cu il aprel ayının 21-də muzeyin rəsmi açılış mərasimi keçirildi.