Xəzər Universitetinin Humanitar və sosial elmlər fakültəsi

Vikipediya, açıq ensiklopediya
Jump to navigation Jump to search

Humanitar və Sosial Elmlər fakültəsi
Xəzər Universiteti

Yaranma tarixi 1992
Dekan dos. Cabir Xəlilov
Şəhər Bakı
Ölkə Flag of Azerbaijan.svg Azərbaycan
Ünvan Məhsəti küç. 11, AZ1096
Vebsayt www.khazar.org

Yaranma tarixi[redaktə | əsas redaktə]

1992-ci ildə təsis edilmiş fakültə peşəkar mütəxəssislərin hazırlanmasında mühüm rol oynayır. Fakültə müxtəlifliyi qiymətləndirir və universal dəyərləri qəbul edir, Azərbaycanın milli və mədəni irsini öyrənir, qoruyub saxlayır və yayır. Hal-hazırda Humanitar və Sosial Elmlər fakültəsi Xəzər Universitetində bakalavr və magistr dərəcələri proqramlarına uyğun olaraq müəyyən sahələr üzrə geniş silsiləli proqramlar hazırlayan ən böyük elm və tədris mərkəzidir.

Məqsəd[redaktə | əsas redaktə]

Fakültə öz sahəsində lazım olan müasir bilik və təcrübəyə yiyələnmiş peşəkar mütəxəssislər yetişdirməyi, yüksək elmi-pedaqoji potensiala malik və texniki yöndən hazırlıqlı pedaqoqlar hazırlamağı, müxtəlif sahələrdə karyera imkanlarının yaradılmasını qarşısına məqsəd qoymuşdur.

Proqram və dərəcələr[redaktə | əsas redaktə]

Fakültənin nəzdində aşağıdakı departamentlər fəaliyyət göstərir:
1 İngilis dili və Ədəbiyyatı
2 Siyasi Elm və Beynəlxalq Münasibətlər
3 Şərq dilləri və Din Araşdırmaları
4 Tarix və Arxeologiya
5 Jurnalistika
6 Fəlsəfə və İnsanşünasliq
7 Musiqi və İncəsənət
8 Qərb dilləri

İngilis dili və Ədəbiyyatı, Şərq dilləri və Din Araşdırmaları departamentlərində Ingilis dili və ədəbiyyatı və Tərcümə ixtisasları üzrə ingilis/ərəb dili, ingilis/fars dilləri bakalavr dərəcəsi üçün proqramlar fəaliyyətdədir.

Bakalavr dərəcəsi üzrə jurnalistika/ingilis dili ixtisasi üçün proqramlar İngilis dili Departamenti və Jurnalistika Departamenti tərəfindən tərtib edilir və idarə olunur.

Siyasi Elmlər ve Beynəlxalq Munasibətlər departamenti həm bakalavr, həm də magistr dərəcələri üçün Siyasi Nəzəriyyə, Sülh və Konfliktologiya, Regionşünaslıq (Avropa, Amerika, Orta Şərq, QafqazMərkəzi Asiya Araşdırmaları, Asiyaşünaslıq) ixtisasları üzrə proqramları hazırlayır. Departament eyni zamanda Beynəlxalq Münasibətlər sahəsi üzrə bakalavr, magistr və doktor (PhD) dərəcələri aparan müxtəlif proqramlar da təklif edir. Departament Xəzər Universiteti "Siyasət İnstitutu" ilə birgə fəaliyyət göstərir. Psixologiya ixtisası üzrə təhsil və elmi-tədqiqat işləri fəlsəfə və insanşünaslıq departmenti və Xəzər Universiteti nəzdində fəaliyyət göstərən Psixoloji məsləhət və psixoterapiya mərkəzi tərəfindən aparılır.

Fakültə eyni zamanda Fəlsəfə, Antropologiya, Sosiologiya, Musiqiİncəsənət sahələrində də müxtəlif fənn və proqramları həyata keçirir.

Müəllimlər və elmi araşdırmalar[redaktə | əsas redaktə]

Amerikada və Avropada təhsil almış mütəxəssislər öz bilik və vərdişlərini fаkültə tələbələrinə verir, onları öz ixtisasları üzrə dünyada baş verənlərlə tanış edirlər. Fakültədə elmi araşdırmalara geniş yol verilir. Müxtəlif istiqamətlərdə elmi araşdırmalar aparılır, ardıcıl elmi konfrans və seminarlar təşkil olunur. Bu konfranslarda müxtəlif ölkələrdən dəvət olunmuş alimlər də iştirak edirlər. Eyni zamanda, fakültədə tələbələrin təşkil etdiyi müxtəlif dərnək və klublar da fəaliyyət göstərir. Bu dərnəklərdə bir-birindən maraqlı ədəbi və elmi müzakirələr aparılır, görkəmli elm, mədəniyyət, incəsənət xadimləri və ziyalılarla görüşlər təşkil olunur və disputlar keçirilir.

Fakültədə dünyanın müxtəlif ölkələrindən gəlmiş tələbələr də bakalavr-magistr-doktor pillələri üzrə təhsil alırlar.

Həmçinin bax[redaktə | əsas redaktə]

Mənbə[redaktə | əsas redaktə]

Hamlet İsaxanlı. In Search of "Khazar". "Xəzər"in Sorağında. B поисках "Хазара". Xəzər Universitəsi Nəşriyyatı. Khazar University Press, Baku, 2006.

Khazar University Catalog 2008-2009. Khazar University Press.

Xarici keçidlər[redaktə | əsas redaktə]