Xəzər Universitetinin Mühəndislik və tətbiqi elmlər fakültəsi

Vikipediya, açıq ensiklopediya
Jump to navigation Jump to search

Mühəndislik və Tətbiqi Elmlər fakültəsi
Xəzər Universiteti

Yaranma tarixi 1993
Dekan dos.Rafiq Əhmədov
Şəhər Bakı
Ölkə Flag of Azerbaijan.svg Azərbaycan
Ünvan Məhsəti küç. 11, AZ1096
Vebsayt www.khazar.org

Yaranma tarixi[redaktə | əsas redaktə]

Əsası 1993-cü ildə qoyulmuş Mühəndislik və Tətbiqi Elmlər fakultəsi Xəzər Universitetinin aparıcı fakultələrindən biridir.

Məqsədlər[redaktə | əsas redaktə]

Fakültənin qarşısına qoydüğü əsas məqsədlər aşağldakılardır:

● Elmin, texnologiyanın və idarəetmənin qarşılıqlı inkişafına nail olmaq;

● Tələbələrin maraq və istəklərini, həmçinin yeni bazar iqtisadiyyatının tələblərini ödəmək.

Bu məqsədlərin yerinə yetirilməsi üçün Fakultə tədrisin müasir və çevik metodlarından istifadə edir.

Akademik Proqramlar[redaktə | əsas redaktə]

Mühəndislik və tətbiqi elimlər fakultəsi müxtəlif ixtisaslar üzrə bakalavr, magistr və doktor proqramları təklif edir. Bakalavr proqramlari orta məktəb məzunları üçün nəzərdə tutulur və tələbələrə mühəndislik və tətbiqi elmlər ilə əlaqədar əsas bılıklər verərək onları universiteti bitirdikdən sonra müvafiq sahələrdə müvəffəqiyyətlə işləməyk və həmçinin də yüksək səviyyəli təhsil almaq üçün hazırlayır. Magistr proqramları mühəndislik və tətbiqi elmlər sahəsində müasir elmi, texniki, iqtisadi və bazar problemlərini dərindən öyrənərək onları həll etmək istəyən mütəxəssislər, texniki və kommersiya işçiləri, sənaye şirkətlərinin işçiləri və s. üçün nəzərdə tutulur. Doktor proqramları mühəndislik və tətbiqi elmlərin müxtəlif sahələrində gələcək fəaliyyətlərini daha da inkişaf etdirmək arzusunda olan və dərin elmi tədqiqatlara maraq göstərən mütəxəssislər üçündür.

İxtisaslar[redaktə | əsas redaktə]

Mühəndislik və Tətbiqi Elmlər fakültəsi aşağıdakı ixtisaslar üzrə bakalavr (BS), magistr (MS) və doktor (PhD) dərəcələri üzrə mütəxəssislər hazırlayır:

1. Neft-qаz mühəndisliyi (BS, MS, PhD)

2. Kompüter mühəndisliyi (BS, MS, PhD)

3. Kompüter elmləri (BS, MS, PhD)

4. İnşaat mühəndisliyi (BS)

5. Elektronika, telekommunikasiya və radiotexnika mühəndisliyi (BS, MS)

6. Mexanika mühəndisliyi (BS)

7. Kimya mühəndisliyi (BS)

8. Dizayn (BS)

9. Bioloji-tibbi mühəndislik (BS, MS)

10. Analiz və funksional analiz (PhD)

11. Diferensial tənliklər (PhD)

12. Sistemli analiz, idarəetmə və informasiyanın işlənməsi (PhD)

Departamentlər[redaktə | əsas redaktə]

Fakültənin nəzdində aşağıdakı departamentlər fəaliyyət göstərir:

Kompüter Elmləri (tədqiqat sahələri: İntellektual sistemlər, Kompüter qrafikası , Kompüter şəbəkələri, Multimedia sistemləri , Proqramlaşdırma texnologiyası və s.)

Neft Mühəndisliyi (tədqiqat sahələri: Yataqların kəşfiyyatı, işlənməsi və istismarı, Neftvermənin artırılması , Neftçıxarmada qeyri–Nyuton sistemlərinin tətbiqi, Təbii qaz mühəndisliyi, Geologiya elmləri və s.)

İnşaat və Ətraf Mühit Mühəndisliyi (tədqiqat sahələri: Sənaye və mülki tikinti, Ətraf mühitin çirklənməsi və onun aradan qaldırılması problemləri və s.)

Kimya (tədqiqat sahələri: Neft kimyası, Polimer kimyası, Kolloid kimya, Üzvi kimya və s.)

Riyaziyyat (tədqiqat sahələri: Differensial tənliklər, Funksional analiz, Operatorlar nəzəriyyəsi, Əməliyyatların tədqiqi, Ehtimal nəzəriyyəsi və s.)

Fizika (tədqiqat sahələri: Elektrik enerjisinin istehsalı və ötürülməsi, Alternativ enerji mənbələri (günəş, külək), Kompozit materiallar və çeviricilər, Qeyri-xətti hidrodinamika və s.)

Əməkdaşlıq Proqramları[redaktə | əsas redaktə]

Fakültə müxtəlif əməkdaşlıq proqramları ilə dünyanın bir sıra qabaqcıl universitetləri ilə əməkdaşlıq edir, o cümlədən: BP neft şirkətinin dəstəyi ilə Heriot-Watt Universiteti (Edinburq, Şotlandiya) ilə əməkdaşlıq proqramı müəllim mübadiləsini, müxtəlif treyninqləri, neft mühəndisliyi ixtisası üzrə maqistr hazırlığı proqramlarını əhatə edir; StatoilHydro şirkətinin dəstəyi ilə Norveçin Bergen və Stavanger Universitetləri ilə əməkdaşlıq proqramı tələbə-müəllim mübadiləsi, elmi-tədqiqatlarda əməkdaşlıq və bu universitetlər arasında ikili dərəcə proqramlarını nəzərdə tutur; Xəzər Universiteti və Asiya Texnologiya İnstitutu akademik və elmi fəaliyyət, tələbə mübadiləsi, vahid bakalavr-maqistr və ikili dərəcə proqramlarını həyata keçirmək üzərində çalışırlar. Xəzər Universiteti 23 Avropa ali məktəbindən ibarət konsorsiumun üzvü kimi hal-hazırda elektronika və bio-tibbi mühəndislik ixtisasları üzrə kadr hazırlığına başlamaq üçün fəaliyyətdədir.

Neft Mühəndisləri Cəmiyyəti[redaktə | əsas redaktə]

Fakültənin müəllim və tələbələri dünyanın digər Neft Mühəndisliyi fakültələri ilə yanaşı Neft Mühəndisləri Cəmiyyətinin üzvüdür. Universitetdə Neft Mühəndisləri Cəmiyyətinin Xəzər bölməsi var. Neft Mühəndisləri Cəmiyyətinin mütəmadi təşkil olunan görüşlərinə aparıcı universitetlərin alimləri və neft şirkətlərinin mütəxəssisləri dəvət olunurlar. Onlar bu sahədə olan son elmi-texniki yenilikləri və iş təcrübələrini müəllim və tələbələrin diqqətinə çatdırırlar.

Məsləhət Şurası[redaktə | əsas redaktə]

2005-ci ilin may ayında Mühəndislik və Tətbiqi Elmlər fakultəsinin Məsləhət Şurası yaradılmışdır. Məsləhət Şurası təhsilin keyfiyyətinin təkmilləşdirilməsinə, istehsalatla, digər təhsil və elmi-tədqiqat müəssisələri ilə və biznes dünyası ilə əlaqələrin möhkəmləndirilməsinə xidmət edir. Məsləhət Şurasının üzvləri Bakıda fəaliyyət göstərən yerli və xarici şirkətlərin nümayəndələridir (BP, Halliburton, Schlumberger, Azərbaycan Respublikası Dövlət Neft Şirkəti, AzEuroTel, İqtisadi və Siyasi Tədqiqatlar Mərkəzi, Azərbaycan Milli Aerokocmik Agentliyi və s.).

Tələbələr və Məzunlar[redaktə | əsas redaktə]

Fakultədə İran, İraq, Türkiyə, Nigeriya, Hindistan, Pakistan, Livan, Misir və digər xarici ölkələrdən tələbələr təhsil alır. Fakültənin məzunları dünyanın bir çox ölkələrində, o cümlədən İngiltərədə, Avstraliyada, Türkiyədə, Rusiyada, İranda, Livanda,... məsul vəzifələrdə işləyirlər. Məzunların əsas hissəsi Azərbaycanda fəaliyyət göstərən BP, Halliburton, Schlumberger, Baker Hughes və s. kimi beynəlxalq şirkətlərdə və həmçinin yerli şirkətlərdə işləyirlər.

Mənbə[redaktə | əsas redaktə]

Hamlet İsaxanlı. In Search of "Khazar". "Xəzər"in sorağında. В поисках "Хазара". Xəzər Universitəsi Nəşriyyatı. Khazar University Press, Baku, 2006.

Khazar University Catalog 2008-2009. Khazar University Press.