Xalidə Quliyeva

Vikipediya, azad ensiklopediya
Naviqasiyaya keçin Axtarışa keçin
Xalidə Quliyeva
Xalidə Camal qızı Quliyeva
Doğum tarixi (71 yaş)
Milliyyəti Azərbaycanlı
Vətəndaşlığı SSRİ SSRİ
Azərbaycan Azərbaycan
Həyat yoldaşı Eldəniz Quliyev
Uşaqları Nəcəf Quliyev
Afaq Quliyeva
Fəaliyyəti aktrisa
Fəaliyyət illəri 1972-ci ildən
Təhsili
Mükafatları "Azərbaycan Respublikasının əməkdar artisti" fəxri adı — 2008"Azərbaycan Respublikasının xalq artisti" fəxri adı — 2019
IMDb ID0441045

Xalidə Camal qızı Quliyeva (24 sentyabr 1952) — Azərbaycanlı kino aktrisası,[1] Azərbaycan Respublikasının xalq artisti (2019), Azərbaycan Respublikası Prezidentinin fərdi təqaüdçüsü (2023-cü ildən).

Həyatı[redaktə | mənbəni redaktə et]

Xalidə Quliyeva 24 sentyabr 1952-ci ildə anadan olmuşdur. Atası neftçi, anası isə evdar qadın olmuşdur. Ali məktəbə qəbul olunduqdan sonra Lütfi Məmmədbəyovun xalq teatrında çalışmağa başlamışdır.[2] 1974-cü ildə Azərbaycan Dövlət İncəsənət İnstitutunun dram və kino aktyorluğu fakültəsini bitirmişdir. 1973–1976-cı illərdə institutun nəzdindəki "Səda" Tədris Teatrında çalışmışdır. 1972-ci ildən "Azərbaycanfilm" kinostudiyasında aktrisa kimi fəaliyyət göstərir. "Azərbaycanfilm" kinostudiyasının nəzdində fəaliyyət göstərən kinoaktyor teatr studiyasında çalışmışdır.[3]

Validə ("Qızıl qaz"), Fatimə ("Nəsimi")[4], Solmaz ("Bakıda küləklər əsir"), Milli ("Tütək səsi"), tibb bacısı ("Şahid qız"), Xalidə ("Xoşbəxtlik qayğıları") və s. rollarında şəkilmişdir. Lider TV-nin həyata keçirdiyi çoxseriyalı bədii televiziya və sənədli filmlərin dublajında aktrisa kimi iştirak edir.

Azərbaycan Respublikası Kinematoqrafçılar İttifaqının üzvüdür.

31 iyul 2019-cu ildə Azərbaycan kinematoqrafiyasının inkişafında xidmətlərinə görə Azərbaycanın xalq artisti fəxri adına layiq görülmüşdür.[5]

6 may 2023-cü ildə Azərbaycan mədəniyyətinin inkişafında xidmətlərinə görə Azərbaycan Respublikası Prezidentinin fərdi təqaüdünə layiq görülmüşdür.[6]

Filmoqrafiya[redaktə | mənbəni redaktə et]

  1. Qızıl qaz (film, 1972)
  2. Nəsimi (film, 1973)
  3. Bakıda küləklər əsir (film, 1974) — rol: Solmaz
  4. Tütək səsi (film, 1975)
  5. Dörd bazar günü (film, 1975)
  6. Çətirimiz buludlardır (film, 1976)
  7. Xoşbəxtlik qayğıları (film, 1976)
  8. Bir ailəlik bağ evi (film, 1978)
  9. Anın quruluşu (film, 1980) (tammetrajlı bədii film)-rol: Sona
  10. Bağlı qapı (film, 1981)
  11. Qocalar, qocalar... (film, 1982)
  12. Asif, Vasif, Ağasif (film, 1983)
  13. Gedərgəlməz (film, 1984)
  14. Köhnə bərə (film, 1984) — rol: Xalidə
  15. Qoca palıdın nağılı (film, 1984)
  16. Süd dişinin ağrısı (film, 1987)
  17. Şahid qız (film, 1990)
  18. Bəylik dərsi (film, 2007)
  19. Kuklalar (film, 2009)
  20. Səkkizinci səma (2010)[7]
  21. Əlavə təsir (film, 2010)
  22. Səhərə inan... (film, 2011)
  23. Sübhün səfiri (film, 2012)
  24. Həyat çiçəyi (serial, 2013)
  25. Qanun naminə (serial, 2013)
  26. Cehizsiz gəlinlər (serial, 2016)
  27. Suğra və oğulları (film, 2021)

İstinadlar[redaktə | mənbəni redaktə et]

  1. Nərmin M. "Nə çəkildimsə, gənc vaxtlarımda çəkildim": [Xalidə Quliyeva ilə söhbət] //Paritet.- 2008.- 22–23 may.- S. 12.
  2. "Ömrün fəsilləri. Xalidə Quliyeva". 2016-04-06 tarixində arxivləşdirilib. İstifadə tarixi: 2014-05-18.
  3. Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 276–277.
  4. "Aydın Dadaşov. "Bizim kino". Həsən Seyidbəylinin "Nəsimi" filmi haqqında. 16.01.2016". 2018-07-13 tarixində orijinalından arxivləşdirilib. İstifadə tarixi: 2016-07-02.
  5. President.az. "Azərbaycanın kino xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 2019-07-31. 2021-10-26 tarixində arxivləşdirilib. İstifadə tarixi: 2019-07-31.
  6. President.Az. "Azərbaycan mədəniyyət xadimlərinə Azərbaycan Respublikası Prezidentinin fərdi təqaüdünün verilməsi haqqında Azərbaycan Respublikası Prezidentinin Sərəncamı" (az.). President.az. 06.05.2023. 2023-06-29 tarixində arxivləşdirilib. İstifadə tarixi: 2023-05-07.
  7. Ayxan. Xalidə Quliyeva "Səkkizinci göy"də: Aktrisamız İranda filmə çəkilib: [Rejissoru Həsən ağa Nəcafi olan eyni adlı film haqqında] //Ekspress.- 2010.- 23 sentyabr.- S. 14.

Mənbə[redaktə | mənbəni redaktə et]

  • "Kinoaktyor studiyasının fəaliyyəti (1966–1974)". Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 169.

Xarici keçidlər[redaktə | mənbəni redaktə et]